醉標泰粵小廚

营业中

休息中

之前朋友係新蒲崗返工食過尼間小廚推介俾我，今晚就同媽媽一齊去食下喇😻😻老闆娘好好，會介紹下有咩推介，又會講下有咩會辣啲！最後，我地揀左個套餐，食到真係飽到癲左！先尼一個黃咖哩配雞柳，甜甜地，好少好少辣，啲雞柳係超級滑，已經好夠食，佢跟埋蒜蓉包，本身已經好香脆咖哩送包真係好好味！ 惹味得尼又開胃，佢味道偏濃，入面除左雞柳，仲有洋蔥，紅椒，青椒同埋蕃茄，好豐富！當然包係唔夠去享受個咖哩，所以我地都即刻攞咖哩尼撈飯食，平時唔點食白飯嘅我都即刻食哂成碗呀🤪🤪第二樣就係豬頸肉！完全無expect過會有咁多！平時可以6-8塊咁樣，尼到嘅份量真係一啲都無呃人、全部都燒到好香，唔會太乾，外圍有啲脆，超級好！佢都有個汁，少少酸酸辣辣咁，我都有再點返個咖哩尼食😛😛😝😝最後一個就係沙嗲肥牛金菇粉絲煲，佢係用最傳統嘅方法，用沙嗲醬再加沙茶醬再加其他野調出尼，唔會好似一般個啲即食湯底咁樣再加多兩杯咸檸七，最後都係二百蚊多啲香港真係有好多唔係連鎖式嘅小廚值得我地支持！

平時都好少黎到新蒲崗，今晚因為工作關係黎到呢度附近，收工之後就想搵下野食～行行下去到錦榮街，見到呢間茶記格局既餐廳又有幾多人就入黎試試～成間餐廳都唔算好大，一入去店員就好熱情咁招呼我地，又拎左餐牌俾我地等我地慢慢睇下食咩～～由於好想食泰國野既關係，都叫左唔少泰菜～好想食生蝦，但又驚茶記格局既地方叫會好危險，但睇落間餐廳都四四正正幾乾淨咁，於是就豁出去叫左生蝦！一食就覺得冇叫錯！　Ｄ　蝦勁爽勁彈牙！　另外個醬汁都好不得了，酸酸地辣辣地勁開胃！第一味食佢實在係太岩！另外仲叫左生菜包！食下菜個感覺冇咁油膩，同埋又唔駛淨食菜咁悶！呢個生菜包少少辣好正！但要留意番小朋友可能會怕辣因為隔離枱都叫左生菜包Ｄ小朋友食完話辣～但大人食就岩岩好！如果想唔辣可以同店員講，但我個人就覺得有辣會好食好多！天氣太熱既關係唔可以唔叫凍飲，分別叫左龍眼冰同碟豆花青檸梳打～龍眼冰：唔會好甜，呢種天氣飲完有種解渴既感覺！碟豆花青檸梳打：都一樣唔會係好甜，好清新好正！見到佢紫色以為好重色素味但又唔會！飲完GUR哂~落單個陣老闆娘極力推薦蒜蓉包配青咖哩~佢有黃咖哩同青咖哩揀，前者甜後者辣，中意食辣野既我梗係揀青咖哩！叫左青咖

星期日去鑽石山行下+睇戲，睇完戲諗住搵下野食，見荷李活廣場d食店都好多人下，咁就行去新浦崗搵下有咩好野食，行行下見呢間醉標泰粤小廚，係門口望下menu，都幾多野揀喎，又見咁耐無食過泰菜，就去試下啦門面都幾光猛，門口仲放左幾張椅比人等位果陣比人坐。店內就行簡潔路線，大約有30零個位，每枱都放左盒紙巾，小店黎講幾貼心經店員推介下，點左肉碎生菜包（$78）海南雞半隻（$98）2串一口和牛串燒（$25 each）2串雞軟骨串燒（$12 each）冬陰功海鮮湯（$89）另外一杯凍奶茶（$15）一杯咸檸七（$15）一口和牛真係一啖一口，肉味都唔錯，師父調味適中雞軟骨都燒到岩岩好，有皮有肉有軟⻣，皮都燒到脆脆地，香口好味半隻海南雞，$98呢個價錢竟然除左翼尖之外全部起哂骨，真係啖啖肉，仲要胸位都係滑，唔“鞋”肉碎生菜包，有肥有瘦，小小辣，好開胃，生菜都新鮮爽脆冬陰公湯，我特別叫左小辣，材料足，蝦都新鮮食到咁上下，忍唔住叫左碗油飯（$12）飯粒粒分明，唔會過油，配海南雞食一流原來佢地做緊優惠，全單八八折，成張單都$335，仲要食左咁多野埋單果陣店員話過多排會更新menu，七月會有酸菜魚，到時都要再黎試

新蒲崗一帶某部分餐廳和咖啡店小有名氣，就算不是附近居民都專程來訪。今天晚上就初嚐這間開張不久的泰粵餐館，裝潢跟上一手差不多，有如一眾港式餐廳和室內大排檔，位置都算寬敞。我們一入座後店員便詳細介紹餐廳的菜式。未有頭緒之下就隨心選了其推介的招牌菜。先談兩杯飲品，蝶豆花青檸梳打 ($ 22) 味道清新酸甜，帶點茉莉花味，頗為特別。凍奶茶 ($ 13) 的茶味較明顯，甜度較低但是恰好。主菜方面，香辣肉碎炒飯 ($ 51) 份量足二人份，炒得不算油膩。內裡加了九層塔和青菜，前者帶點青草澀味，微辣之中多了層次感。接著我們吃了泰式肉碎生菜包 ($ 68)。半肥瘦的香茅肉碎清新但稍鹹，倒是配上新鮮爽口的生菜包著吃，開胃之餘也感覺滿足。最後試了避風塘軟殼蟹 ($ 121)。廚師下了大量椒鹽乾蒜，相比起肉碎生菜包，味道極為濃郁惹味，約有六隻拳頭般的軟殻蟹，叫做炸得外脆內軟，若是鹹度更低和佐白飯吃就好了。另外，也許是新開張的關係，店員很好客地奉送日本燒生蠔，每隻面積如手心一樣。在乾燒的情況底下沒有添加蒜蓉或其他調味料，務求鎖著原汁原味的海水味。結賬時，店員還主動了解我們有否其他需要及食物的改善空間，也給了限

同朋友去新蒲崗揾野食，見到呢間新舖頭，見雞煲唔算貴，又有串燒同啲小食，大家都有餸啱就入咗去食。老闆娘好親切，同我地介紹咗好多菜，最後我地嗌咗一個奇味雞煲（唔辣的），鳳爪同一堆串燒。平時我都鍾意食雞煲，但今次呢個好特別！唔辣嘅雞煲，但好香好入味，超抵食！應該係我去咁多地方食最滿意嘅雞煲。個湯底好香。串燒質素都好高好好味，燒得啱啱好，比平時食到嘅串燒好得多！而鳳爪我本身唔多食，所以唔評論了。老闆娘嘅親切態度，加上美味嘅食物，令今次同朋友gathering 更加開心！

住附近見到新開有海南雞飯，其實區內不停都有海南雞飯舖，不停開完又執。。。呢間個午餐，海南雞飯加嘢飲（凍飲無加錢喎）都係42蚊，個油飯好好味。啲雞又夠滑，仲走埋骨。。星期六帶呀仔食完，星期日佢自己拖屋企人去食多次。哈哈～星期一全家去食晚飯，串燒同其他小菜都好味，生蝦好新鮮，價錢又合理。希望佢地做得住有生意keep住咁好味啦～