醉標泰粵小廚

营业中

休息中

<串燒同烤魚都好正>👍🏻呢間喺新蒲崗既醉標 中菜同泰菜為主 仲有雞魚煲 串燒等 食店細細間 以木枱櫈為主 食物質素高 雖然唔係交通方便 但好味值得試下👍🏻🔥 🍴麻辣烤魚 228 蚊 麻辣烤魚上面放滿葱花同乾辣椒同芝麻好夠香 底下用名火煲住 魚係用左烏江張羅 骨有少少多 但好香甜 好夠軟滑🐟 魚肉新鮮 盡吸麻辣汁 麻辣湯汁辣咸度適中 煲煲下會咸辣 d , 所以一開始點自己食到濃味 level低一級就可以🌶 底層加既配料配薯仔片 🥔切得大細適中好有粉口感盡吸麻辣汁👍🏻大豆芽 好爽口新鮮 芽菜味夠清甜又吸左 d 麻辣汁 同青瓜 🥒大大片好鮮 煲一陣吸左 d辣汁仲正😃🍴原條燒茄子 32 蚊🔥🍆茄子 大大條 燒得好軟熟口感好好 上面葱花七味粉調味 滲哂落 juicy 既茄子肉入面 又香又正 🍴雞泡魚乾36 蚊🐟切成一條條幼身 食落好煙靭 魚味夠 上面帶 d蜜糖香 唔錯🍯 🍴法式焗蒜蓉包28 蚊🍞四塊蒜蓉包厚度適中 蒜蓉味香 帶 d牛油 重點係焗得夠脆👍🏻🍴燒豬仔脾 20 蚊🐷豬仔脾啖啖肉 有咬口 帶 d甜味 豬肉味濃🍴燒豬頸肉 🐷16 蚊比較香脆 入面好有咬口 唔錯🍴燒魷魚鬚16

收工同朋友去新蒲崗搵食，行過見到一間食粵式同埋泰國嘢嘅餐廳，而且價錢相宜，於是就入去一試。餐廳環境乾淨，雖然未有豪華裝修，但老闆娘同埋啲員工都好友善，絕對係好溫暖嘅小店。睇一睇餐牌，大部份食物嘅價錢都相宜，而且食物選擇多，有粵菜同埋泰國菜，絕對適合三心兩意嘅朋友。我同朋友首先叫咗呢度嘅招牌酸菜魚煲，點知好友驚喜點，魚好滑而且冇骨，仲要唔係出面浸到淋晒發脹嗰種，聽老闆講係即叫即整，非常新鮮。另外佢個湯底辣到啱啱好，唔會話太辣搶味，亦都唔會好似坊間嘅酸菜魚一樣咁油，絕對值得一試。另外亦都叫咗海南雞同埋一啲串燒，海南雞水準還好，比較有驚喜嘅係佢個燒鱔，外脆內軟，而且好juicy，絕對值得一試！最後佢個飲品非常有誠意，唔係出面嗰種，聽老闆娘講係自己沖嘅，佢個鹹柑桔好有屋企味道，亦都非常下火！嚟呢度一定要叫佢嘅飲品！我同朋友眨吓眼就清晒枱面啲嘢，可想而知佢有幾好食！呢類型嘅小店買少見少，絕對值得大家去支持！

以前喺呢區附近返工，都知道黃大仙新蒲崗其實有好多小店舖，未必好出名但係都會食物質素唔錯。星期五夜晚放工之後，我哋去依一區回味下食下野。呢一條街仔其實都有唔同嘅小店，記得以前同一個位置係一間都幾好食嘅店，以前係賣豬扒飯及牛腩麵店。（呢個組合都好奇怪，哈哈)今日嚟到，依間新開冇幾耐嘅店係又有泰國野又有粵菜，仲有意想不到嘅串燒同埋酸菜魚。做咁多種唔同嘅食物，但店舖細細，廚房亦都唔夠好大，呢間店真係好神奇！餐牌裏邊有唔同嘅餸菜，結果我哋散嗌左飲品同埋四款嘅嘢食。當熱天氣飲凍野真係最正，呢杯椰汁冰感覺好清潤。而龍眼冰我更加喜愛，甜度適中。仲有一粒粒嘅龍眼喺裏面，好清甜。好期待嘅酸菜魚等左一段時間終於上枱啦！呢個係老闆娘大力推介，佢指每日鱸魚嘅入貨量喺10條以下咋，要慢慢拆骨起肉，係心機菜嚟嘅。仲有，你發現餐牌係唔會有見到酸菜魚嘅，哈哈！係要老闆娘或者店員介紹話有，你先有機會叫到😊之前都有同朋友喺大陸食過酸菜魚，佢同大陸果種酸菜魚感覺差唔多，但係冇咁肥膩。酸菜魚湯底有唔同嘅選擇，我哋揀咗白湯。白湯係主要雞及魚一齊煲嘅湯，唔太食得辣嘅我地點白湯。而另外都有紅湯，應該會辣好多同埋濃味啲。魚肉質非常之滑

終於一星期，興奮得要死，難得走到出嚟，仲要掹到同事走，梗係食返餐好㗎喇，點知普天下都慶祝TGIF，冇頂有位食，於是我地走去隔離嘅工業區搵食，果然唔使同人爭位椰汁好香，飲落又唔似好肥膩大胃雖然少少辣到要call阿媽，但呢個鳳爪真係辣得嚟幾開胃解辣消暑靠梳打，唔太甜，啱啱好用蒜粒嚟烤魚真係好好食，條魚滑到連皮我地都冇剩，連蒜粒都好好味茄子一樣冇得留低，食晒落肚咖喱雖然稀但幾夠味，但可能配豬肉會好啲蒜蓉包好食到嫌唔夠菠蘿唔酸，燒完都仲好juicy牛肉調味幾好豬勁肉份量幾多吓豬頸肉串咬落啖啖肉雖然食物質素唔錯，但人流唔多，係就唔使等位，但都希望佢地有多啲生意啦

👭醉標泰粵小廚(新蒲崗)👭放工想食個烤魚，唔想上大陸咁遠，原來近近地都有平靚正既選擇 😝1⃣香辣烤青江魚 $228湯底有得揀酸菜、青椒、麻辣同香辣，38揀左香辣味。香辣湯底好惹味，唔係死辣。配料方面38揀左薯仔、芽菜同青瓜，呢3款配料都係食烤魚既must items 😋青江魚既質地嫩滑唔易散，唔會好腥同重泥味。一開頭食既時候只有魚香味而無咩辣味，越煲越耐後，香辣汁開始慢慢滲入魚肉😍魚肉食落啖啖香辣味。條魚尺寸好大，所以38兩個人叫左1碗飯配一盤魚都已經飽🤪2⃣椰汁冰 $20開頭第一啖飲落覺得偏甜，但飲多幾啖發現，原來冰底好多，所以啲冰慢慢融化後變得甜度適中👍大大杯消暑又解辣，係食烤魚既好拍檔推薦度：7.5/10🏠新蒲崗錦榮街5-7號東誠大廈地下B&C舖🕐Mon-Fri 12:00noon-02:00am Sat 6:00pm-02:00am Sun 12:00noon-02:00am

今日去左新蒲崗探朋友，順便喺附近食飯，呢度屬舊區，夜入夜人流真係唔旺，同朋友揀左間泰菜館，諗住求其食啲嘢，點知又ok wo!!!!!本身我地喺門口見到有二人餐，menu都有，價錢合理，款式都多，個老闆娘勁nice 地介紹左menu未有的新菜式，同其他dishes 比我地，所以最後我地單點！新菜式就係酸菜魚喇！我同朋友都好中意食，一見到已經流哂口水！完整魚頭仲喺度咖！由於唔想食太辣，叫左清湯，用魚湯同雞湯煮成，雖然唔太飲得岀雞湯味，但魚湯好鮮，酸味得宜，雖然係清湯，但因為有辣椒同花椒八角等，所以都「麻麻地」正！魚方面用左鱸魚，好嫩滑亦無乜骨，正！😋😋😋😋😋最要大讚嘅係酸菜，好爽脆，咸酸度適中，原來係老闆娘特登喺江門搵返嚟！好有心！另外亦有食燒物，雞翼真心驚喜！即燒即食，層皮翼到不得之了😳😳😳👍🏽👍🏽但肉係juicy同嫩滑的，真心岀息！而下面嘅係牛舌，好少見係厚粒狀，更加有口感！牛仔骨用左牛油燒，好香好惹味🥰🥰而且入面仲紅紅地，唔會韌！話曬泰菜，點少得飲椰奶冰同龍眼冰呢！消暑一流！環境方面就係一般平民茶記咁，但都坐得舒服的！好多街坊嚟食！其實喺黃大仙行過嚟都係10分中左右，小店絕對值得支持

住在新蒲崗的同事說她家附近開左一間醉標泰粵小廚，菜式多元化，大眾化錢，試過味道又吾錯，知我喜歡試新野，今晚就同我食返餐。店內地方不大，但座位都不會太迫，清潔乾淨。泰式燒豬頸肉：香口惹味，爽脆彈牙，肉汁豐盈不膩口。馬拉盞炒通菜：夠鑊氣，通菜又嫩又綠，配合香辣惹味的馬拉盞，十分惹味。黃咖哩雞：適合不愛辣的人，有濃濃的咖哩香，味道香甜，雞選用雞柳，啖啖肉冇骨。咖哩汁好惹味，所以叫左蒜蓉包和油飯撈汁食，好好味！蒜蓉包油飯燒茄子：蒜蓉味香濃，茄子林滑。燒雞中翼：火喉控制得好，雞翼燒得皮脆肉嫩。椰汁冰：椰子味香濃，香甜可口！鹹檸梳打：甜中帶鹹，夠冰凍又解喝！，

今日接女朋友收工嘅時候突然落起大雨，臨急臨忙就入咗呢一間主打泰式粵式菜館食飯。老闆娘好好，見到我哋成身濕晒，就安排闊啲嘅位置俾我哋坐，又比紙巾我哋抹身，小店真係零舍有人情味。餐廳嘅牆身都貼滿餐牌同野食參考圖，選擇好多令我哋無從入手，只好請教老闆娘有咩菜式好推介先來一客泰式無骨鳳爪作前菜，份量好大碟，酸酸甜甜越食越開胃然後當然唔少得嘅有烤串燒，我哋就點左牛舌、豬頸肉、金菇肥牛等等，味道調校得啱啱好，食得出材料都十分之新鮮，而且又係即叫即燒，香口得黎唔會太乾身，好食過九龍城唔少串燒店。呢個燒蠔真係不得不推介，老闆娘表示，最近想試搞下新花款，選材方面都係日本蠔為主，期望可以提供一個性價比高嘅價錢比食客識到高品質嘅蠔。蠔既品質的確唔錯，肥美又creamy經老闆娘推薦，點了這個重量級的烤魚。係老闆娘自己研發嘅新菜式，參考左最近好流行嘅酸菜魚製作。遠遠已經聞到好香嘅味道，吸引左唔少啱啱入鋪嘅食客都點左呢款。睇嚟老闆娘對食材嘅質素要求都好高，一啲腥味都冇，肉質鮮嫩，忍唔住叫碗白飯一齊食，推薦！估唔到嚟到新蒲崗舊區都會有一間咁有人情味嘅餐館，睇得出老闆娘都好用心經營餐廳，特別係對食材嘅品質堅持，期待下

新蒲崗就已經有岀色泰菜，唔洗行到九龍城咁遠，而且價錢好貼地，食到個肚飽飽首先叫咗兩杯自家製飲品，左為真多冰，椰奶絕對真材實料，唔似其他店咁溝咗好多水或糖水。右為龍眼冰，圖中啲龍眼多到就瀉咁，性價比十分高而且落足料，味道唔會係死甜，而係有淡淡蜜糖味，挺滋潤呢個係豬肉生菜包🥬份量也挺多，岩曬多人share，生菜夠fresh，肉類調味岩岩好，唔會辣，幾惹味下個到重點推薦‼️酸菜魚🐟睇到咁多辣椒唔洗驚🌶️因爲朋友唔食辣，所以叫少少辣，呢個係一d都唔辣，呢到只係一至二人份量，魚塊都十分足料，湯底唔係得味精味，飲咗幾淡幾好飲，店員話係選用海南雞個雞殻加魚肚一齊慢煲先有咁岀色嘅湯底😍肉片十分乾淨，淡淡肉，冇咩骨酸菜可揀葉食，唔會太咸最緊要係個價錢完全唔貴🤩咁樣成煲都只係百二蚊左右，平時岀去食真係冇二百落唔到樓😩態度又好，會推薦你食咩，值得一試

今日小妹去左新蒲崗探朋友, 朋友介紹左黎呢間醉標食泰國野好彩有朋友帶路, 好快就找到呢間餐廳入到去餐廳, 係小店既格局價錢都比較平小妹點左個二人餐, 有三個餸再叫埋兩杯野飲都係二百零蚊肉碎生菜包: 呢個係食泰菜必點既項目, 半肥瘦既肉碎炒得好香, 加埋洋蔥碎, 中間仲有D 肉汁, 煮得岩岩好, 味道出色  香辣炒蜆: 好有鑊氣, 蜆幾鮮甜, 醬汁有少少辣味, 好果D蜆大隻多少少就仲好 青咖哩雞+ 蒜蓉包 + 白飯: 呢個咖哩小妹超鍾意, 辣度岩岩好, 唔會太辣, 有椰香味, 無論配蒜蓉包定白飯都好好味 青檸梳打, 咸檸梳打: 飲埋杯泰式特飲, 解渴一流 呢一餐絶對係抵食又好味, 小妹已經約好朋友, 下次會再黎呢間餐廳食

📍醉標泰粵小廚 (新蒲崗)👍🏼👍🏼👍🏼一間充滿人情味，價錢又大眾化化泰粵餐廳，老闆娘好好人，好努力鑽研新菜式，今日試左佢新菜式「烤魚」。想食酸菜魚、烤魚唔洗返深圳喇！好食呀！.✅烤魚🐟大大條魚好滑，入味，配菜有薯仔蕃茄青瓜，落足料，可辣唔辣。一條比我食哂.✅串燒菠蘿茄子🍆燒得好好，老闆以前專門開串燒店，係大埔都幾出名。 .✅肉碎生菜包 好入味，生菜新鮮，食落又fresh又夠味 .✅龍眼特飲好足料，好有龍眼味，冰涼好飲好食指數：🥇🥇🥇🥇🥇🥇7.8/10分地址：新蒲崗錦榮街5-7號東誠大廈地下B&C舖

午餐想食下新野，所以行去左新蒲崗，行過見到有泰式野食，見店內都有唔少食客，所以我就去入幫親下。  店內面積比較_，所以都坐得比較細，不過都是快食個午餐，都冇咩所謂。見同桌的人都食炒野多，但今日想食得清D所以就叫左個泰式海南雞飯。  呢到既餐$42包埋飲品，凍飲就加多$2，都有特飲可以加錢。店內人手都足夠，而且快得來都有禮貌。今次食既泰式海南雞飯，等就等左都快10分鐘，比想像中有D耐，似乎食湯麵既餐會比較快有得食。   泰式海南雞飯既飯量好大，多個一碗。雞肉份量就一般，不過就一D配菜都冇，所以就真係得雞同埋飯。雞都好滑，配有2個醬汁，如果唔點就會冇咩味。午餐來講都是足夠既，不過如果想食既種類想多D，就要加D錢加小食或菜。

打完比賽係附近醫肚，經過見到有新餐廳，原來只係開左三個月，門口望餐牌都幾多款式，試下先。泰粵菜式選擇多，唔同人數ge套餐都有，亦有多款串燒。燒生蠔用上日本靚蠔，燒完仲係好飽滿，唔會縮到變蠔仔，無落任何調味，保留生蠔原本鮮味同肉汁，無沙唔臭唔腥，好食！燒原隻魷魚筒最怕燒到又乾又韌，但呢隻無令我失望，配辣椒粉好惹味，老闆娘話用左印度辣椒粉，食得辣的話可以叫辣d。燒茄子落左蒜、蔥同埋辣椒粉，有咁香得咁香，茄子一夾就甩到，燒得夠透！酸菜魚係老闆娘親自推介，因為新出，所以未改得切餐牌，可選紅湯（辣）或白湯（唔辣）。老闆娘話自己好鍾意食酸菜魚，想將呢款美食同食客分享，鑽研左好耐先敢出街，乾椒、花椒同子薑都係精挑細選，湯底以魚及雞熬製，魚係鱸魚，少骨，肉唔易散，每鍋魚肉份量其實多過一條魚，勁足料。湯底一滴醋都無落，酸味來自酸菜同醃蘿蔔，酸得有層次，好開胃。我飲左邊ge鹹檸梳打，鹹檸夠晒味，一飲就gur晒！朋友飲左邊ge龍眼冰，我飲左啖，幾清潤。老闆娘話餐廳開業至今一直嘗試保留受歡迎ge菜式留低，亦不時加入新款，務求將最好ge美食益食家，遲d再去睇下有咩新野先。

新蒲崗雖然無地鐵到，其實入面收埋咗好多好好食嘅食肆，有啲係你唔試過原來係可以咁好食。誤打誤撞黎到呢間醉標，熟路嘅人都知錦榮街同衍慶街都係搵食嘅好地方，泊車又方便，只係呢度門面望落去唔太起眼而且係內街度，上菜就即刻知道係深藏不露。同一般嘅食肆唔同，呢度唔只做一類菜式，舖仔細細但包羅萬有，有泰菜，港式小炒，雞煲，煲仔菜，老闆娘話黎緊仲有酸菜魚同串燒添，睇黎老闆同老闆娘都係老饕黎。睇返餐牌，第一次食就先黎套餐唔洗諗，二至三人餐都只係$198，好抵食，已經有半隻雞，一個泰式前菜，一個餸到飯嘅煲仔菜，加$30仲有個炒菜，其實夠3-4個人食添啦。我地點咗老闆娘推介嘅海南雞，燒豬頸肉，魚香茄子煲，同加埋個馬拉盞通菜。呢份無骨海南雞係必食推介。套餐入面半隻海南雞，去晒骨，齊晒雞翼，上下髀，胸肉，都仲幾大份，老闆娘介紹話海南雞最重要係浸雞嘅步驟，用上湯分幾次浸，咁先可以令到雞肉唔鞋口之餘保持香味，去骨亦都去走啲難熟嘅部份，整體上靚仔啖啖肉。食落就算平時好韌嘅胸肉都真係唔鞋，而且好少肥膏，平時唔太食皮嘅我地都食埋皮，雞肉味都非常好，唔會食到雪味之餘仲有返雞肉味，唔點醬都已經好味。點埋舖頭自家製嘅泰式海南雞

今晚收工後同同事去左新蒲崗買野，之後就直接去食晚飯途中見到呢間餐廳晚飯竟然有88折，同事話有興趣試下我地叫左個2人套餐無骨海南雞(半隻), 份量唔算少，足夠2個人食！口感相當之滑，連雞胸食落去都唔 “鞋”, 配咪個醬汁一齊食好正！我同同事好快就食晒半隻泰式燒豬頸肉，呢個燒岀來唔油，好香口！不過如果d醬汁再辣d就好啦沙嗲金茹肥牛煲，放上台已經即時聞到香噴噴，份量都係好多，食落去花生味好濃！肥牛唔肥套餐仲包2碗白飯，勁飽肚最後我地叫左2杯野飲，同事叫左椰汁冰，佢話飲落去唔係太甜，剛好而我就叫左杯青檸梳打，酸酸地，好開胃醒神我地走時見到原來有明爐魚食，下次再來試下食個魚先今晚呢餐真係好抵食，而且質素幾好又大份