醉瓊樓酒家

营业中

休息中

午市時候，不作他想，碟頭飯選了鹽焗雞($34)及扣肉($31)。鹽焗雞有雞味而且夠鹹，不用點沙薑，皮又夠滑，很是滿意。扣肉肥的部分相當腍滑，可惜瘦肉部分有點鞋實，個汁亦嫌偏甜，不過總算有點水準。飯後還送紅豆沙，沒有不笑之理。

星期曰晚食了八人歺...price is 平....But the food is really not well ~梅菜扣肉...Super 難食...又'鞋'又超甜揚...又唔熱...I would not go there to eat anymore ~ 失望!!!

本人響長沙灣食過一間同樣叫醉瓊樓既街坊酒店，對呢個名有D 印象，期後偶然響某網頁主頁見到有關醉瓊樓既介紹，覺得可以一試，於是就趁假期約左契媽一家同幾個朋友共八人去試下。因為怕假期(雖然復活節唔係咩大節日) 多人，所以早五日就打去訂檯，聽電話既哥仔態度非常好，好似好開心有人訂檯食飯咁，第一印象唔錯。結果當日七點半準時到，去到見到門口都幾光猛，入內更似酒樓，比想像中好好多=D 不過唔係想像中咁爆，都有D 吉檯。坐低就準備叫送。佢地「套餐」既方式係菜式數目視乎人數增加，例如我地揀「$508 八人套餐」就包一湯五送，淨係湯都有4/5款，小菜當然係幾十款。我地揀左：1. 榣柱海鮮豆腐羹2. 沙薑雞(八人套餐足一隻)3. 海鮮豆腐煲4. 生炒排骨5. 豉汁蒸大鱔6. 竹笙雜菌扒時蔬<< 係咁上下啦^^"1. 豆腐羹熱辣辣，足八碗，真係有榣柱架!2. 沙薑雞大大隻，真係食唔晒，同埋好有雞味，又唔老，點埋沙薑粉食，一流。3. 原來唔係一磚磚豆腐咁簡單，而係一件件釀豆腐，煎過下先放湯，清清地，幾特別。4. 個汁較得好惹味，酸度適中，好開胃，係D 排骨略嫌大蕭左少少少少，有D "鞋"。5.

lunch,....食來食去都係食附近的茶餐廳...食到悶,咁岩friday係所有同事出街食飯日,要去下第條街食飯...我地就choose左呢度...5個人叫左4個飯餐,扣肉飯,鹽焗雞飯,星洲炒米,粟米斑腩飯...樣樣d水準都好食過對面成條街的茶餐廳,份量多到食唔晒,又有茶飲...最重要係飯後一人一個甜品...唔使加一,賣單都係一人$27,真係超值,同埋人多,去茶餐廳食...感覺總是很疏離,但呢度坐埋一張圓枱,感覺close好多~~不過就係難等位lor~仲有佢地好似舊式茶樓咁,上枱客走左未必會換枱布...掃走佢就算...係灣仔$27,堂食,有茶無限添飲,有好食有份量的碟頭飯食,仲有甜品送,想點ar~~所以一定會再黎食!!!!

2月6號晚飯宴,7人叫了一個8人餐\,5餸1湯,但白飯唔係任裝,原來係續碗計架<服務>繁忙時間,但服務是頂級的,侍應非常有禮貎,每上一個餸都會講一句\"唔好意思,阻阻大家\",今時今日咁既態度真係難得一見<食物>1)粟米魚肚羹~ 好一般,味道不夠,料也很少2)粟米石斑塊~ 沒多魚塊,只吃到炸漿3)蟹肉西蘭花~ 好dry,汁還汁,西蘭花還西蘭花4)霸王雞一隻~ 好好味,必食5)咕嚕肉~ ok7人共消費: $640

日期：2007年12月12日兩年前經朋友介紹黎哩度食過幾次，今年未食過，咁就帶男友黎食下喇！叫左個二人套餐HK$148，有幾十款小菜＆幾款湯羹俾食客任選．蟹肉冬茸羹：雖然無咩蟹肉食，但就好清甜；沙律炸蝦丸：爽口彈牙，無失水準哩；茄子魚腩煲：雖然煲燶左個底，但都好入味，好焾，正．男友都贊我朋友既好介紹．隨後有木瓜燉雪耳既甜品送：一般喇！一定會再黎，食客源源不絕，有ｄ有訂位，有ｄ係walk-in．

同屋企人食飯其實要好有技巧﹐食得太貴佢地又唔鐘意﹐但佢地對食物既要求又唔係低。今次慶祝屋企人生日﹐想食番客家菜(我地係客家人)﹐就試下醉瓊樓。叫左﹕白果豬肚湯- 果然係招牌菜﹐見到D湯咁白就知係正野。豬肚好爽﹐D白果有人話會苦﹐完全唔覺wor。飲完一碗又一碗﹐正。鹽焗雞- D雞好滑﹐有雞味﹐拍得上我呀媽整個D﹐好!三鮮炒骨髓- 我地幾鐘意食骨髓﹐但其實唔係好多地方食到。呢間既骨髓係我食過整得最好既﹐入味﹐軟淋淋﹐好滑。魚雲煲- 滾熱辣上﹐好鬼香。最後仲有糖水送﹐呢餐真係好滿意。難得佢地樣樣都好食﹐又唔貴。呢間餐廳應該會成為我同屋企人既新飯堂﹐下一個目標係呢度既羊腩煲。

上週末,第一次到這間食晚飯,有地下及二樓兩層,雖然樓面面積不算大,上去樓上, 坐位不多但不算擠迫. 招牌菜-鹽焗雞比起泉章居還要好味, 花膠海參煲不錯. 我們叫了三人套餐,食物是可以的, 價錢不貴而招呼也不錯,在黃金時間看上去,還有很多是熟客呢.不錯的老式中菜館. 可以開在大街這麼長久時間,質量稍差也捱不住貴租而結業. 值得經常去光顧.

今晚一班人食飯,枱的位置都不算多人出入,但由於食店總面積不大,枱和枱之間都無咩空間所以員工就無指定上菜位,一時呢邊一時嗰邊,攪到食客要遷就佢地,食得好唔安落,我本人最憎呢種情況!而且員工的理解能力有點問題,問有咩湯講左兩三次都係一款羮同另一款湯,激死!! 另外賣單時問佢有咩信用咭有優惠,職員話送糖水,下午時段有茶餐咯! 超激死!講番點左以下餸菜:海鮮瑤柱豆腐羮:清清地幾好飲;三鮮炆骨髓:都算係幾致愛的餸菜,水準ok!霸王雞:勁滑,食左好多件;時菜炆班片:無食過一口因呢款菜算普通;時菜豆腐煲:勁清甜,但豆腐唔滑;最後一樣紅豆沙,看得出用心煲但應該係再加水翻煲過,而且無百合蓮子只有西米,麻麻地咋!整體算係咁,因為員工係一群5,60歲的伯伯!

在灣仔運動場練跑完與同事來到醉瓊樓試食離部門舉辦開年飯的日子不遠要周圍打聽及親身試食去決定選擇那一間食肆適合雖然是二個男士的聚餐但都決定要個二人世界套餐一碟鹽焗雞(份量及味道適中略嫌雞隻偏瘦)時菜炒牛丸(朋友推介家常小菜牛丸爽口)白腐竹豬肚湯(不過不失)經相討後此店已列入開年飯的候選名單

友人想吃中餐, 泉章居又爆晒, 就決定來這間食, 3個人點了個4人餐鹽焗雞- 幾大碟, 幾滑有雞味, 呢碟最好味椒鹽蝦- 中size, 香口之作骨髓磨菇- 類似咁既名, 清清淡淡ok既粟米魚肚羹- 罐頭湯味

6月14日20:30當日是我北上後，太座第一個牛一，準時17:45收工匆匆南下，奈何天意弄人，20:30才能在這店和太座碰面。要了個二人套餐，再追加一小菜。白果豬肚湯：奶白色的老火湯，味濃郁；充滿了豬肚和白果的獨特味道。鹽焗雞：入味而嫩滑，還帶有點點雞味。花膠海參煲：我等中年人的至寶，因他們充滿了膠質，火喉控制得而，花膠和海參都淋而有咬口。中式牛柳：並非梳打一族，醬汁味道亦佳。紅豆沙：雖未起沙，但仍不失清甜。整體都有水準，值得推薦。伙計招呼好，反應快，店內裝飾，並非金壁輝煌，但這裡更適合我倆，因我們並不是吃裝修一族。題外話：我要把這遲來的第600個食評，獻給和我生活了18年的賢內座，盡管她有時粗心大意，但她有顆難得的赤子心。﹝編按：你這個「第600個」，就很有意義。恭喜恭喜！﹞

來過這裡晚飯好幾次了, 格局跟之前泉章居舊鋪未裝修時差不多, 但尚算乾淨光猛。食物種類款式也跟泉章居九成相似, 也有晚飯小菜套餐, 二人四人八人都有, 價錢不貴, 頗抵食的。沒什麼菜色特別出色, 或是令的印象深刻的, 只是試過的覺得都不錯, 水準也頗穩定。若要選的話我會推介梅菜扣肉, 梅菜和扣肉都極之入味, 扣肉肥瘦均勻, 入口甘香, 對不怕肥膩的人來說實在是極品。員工的服務態度也很好, 記得有一次吃到豆腐有點「叔」味, 跟他們說了便立刻換另一小菜給我們, 還不停的說不好意思。嫌泉章居太多人的話, 不妨來這裡試試~

當泉章居到今時今日依然人氣高企的時候,同期對手之醉瓊樓,相比之下,無論名氣,水準,或有所不及.身邊朋友想吃鹽焗雞或扣肉的話,一定會話去泉記,醉瓊樓?提都無提過.數埋上一次去此老字號,已經差不多小學時代.同屋企人去那個正值香港"黃金時代".今日重臨,原來又是另一寶藏.周六父親節前夕,店內人頭擁擁,一樣要等位,但同隔離元氣門口為數十幾廿人的人龍比,小巫見大巫.年青人,當然愛壽司多過客家菜.就算魚生唔新鮮,壽司飯一夾即散之貨色,一樣照單全收.客家菜,拿起菜單隨意點菜便可,鹽焗雞同梅菜扣肉鐵膽,再拖幾隻配腳便可.父親節前夕,沒有自選套餐供應.除卻父親節套餐外,一律散叫.先上桌的鹽焗雞,頗肥美,肉質嫩滑有雞味.每次去泉章居,梅菜扣肉的認受性,比鹽焗/霸王雞還要高.肥美甘香的肥肉,瘦但不過齦的扣肉,往往扣人心玄.碟下的梅菜同汁.撈下白飯兩大碗也不足為奇.其他菜式如生蠔煲,炸大腸,花膠海參煲,也很有水準,椒鹽珍肝,略嫌失色.如果清蒸,或酒煮,又或者炒.效果會更突出珍肝甘香豐朕的口感.六個人埋單五百多,非常抵吃.友人事前極力推介,總算令大家滿意.如果在泉章居等位等得不耐煩的話,不妨諗下醉瓊樓吧.

呢個星期不停同同事farewell，已食了兩次醉瓊樓了，主管鍾意鹽焗雞同梅菜扣肉，haha，又食了兩次，飲左兩次白果腐竹豬肚湯，第一次好好飲，好清，第二次又好咸......水準有d唔穩定...鹽焗雞同梅菜扣肉唔係唔好食...不過依家太驚肥膩野啦...所以梅菜扣肉都唔係好敢食不過呢度連好普通既粟米班塊都整得好好食，應該都唔簡單