醉瓊樓酒家

营业中

休息中

相信很多香港人心目中對客家菜這三個詞語應該一點也不陌生,因很多香港人很多的祖藉都是在廣東省內，而廣東省內有很多客家人，所以客家菜在香港也是很普遍的菜式。但要找一間價錢合理，又正宗的餐廳都不是一件容易的事情，可幸是透過朋友介紹，惠顧了一間位於灣仔的正宗客家菜餐館--醉瓊樓！蟹肉冬茸羹 $85第一次品嚐這款羮，蟹肉與冬瓜茸混在一起，口感非常好，還有很清甜的瑤柱味，夏天品嚐更佳。梅菜香扣肉 $110正宗客家菜招牌之一，扣肉肥脂肪與瘦肉比例適中，加上很入味的梅菜再配白飯，完美的配搭！金牌鹽焗雞 (全隻）$320用真正的走地雞再配古法去處理，不用配汁醬已經很入味。另外肉質非常柔韌，很有雞味。用走地雞才有這種效果。甜品 紅豆沙總結:用這個價錢能夠享用正宗的客家菜，非常合理，再加上她的食物取材很新鮮，值得推介。

醉瓊樓係一間比較舊式的上海菜食店，對於年輕的朋友仔黎講可能比較少留意。但係，質素的確唔錯。鹽焗雞飯($52)賣相就唔似出面D碟頭飯比雞脾位呀或者大大舊，望落去就唔算好吸引。但係味道的確幾好。每舊雞的味道都好夠，而且雞肉夠嫩滑，食落去雞肉的味道幾濃，唔錯唔錯。比左碟沙薑可以自己點。雖然雞的咸味已經好夠，但係鍾意食濃味的朋友仔沾上少少醬汁去吃，味道更佳。PS.食完之後重有中式糖水送架添，今日就食左個起沙既紅豆沙，味道好好味。有茶飲重要唔洗加茶位，抵啦！呢間野的梅菜扣肉飯我覺得係一絕，可以一試呀大家！

難得相約到中學同學,老師食餐飯..人大左,,各有向忙..唔好話食餐飯0既時間..連講個電話0既時間都難..搜尋食咩好野0既重任就交比我啦..係晚飯時間,想搵可以坐得耐0的又經濟0既食店,其實唔算太容易諗諗下成日食韓,日,西餐..不如試試中餐啦..好...就搵0的酒樓先..搵搵下..搵到一間係灣仔叫"醉瓊樓酒家"早幾日打去BOOK位..接電話0既先生已經感覺到好有親切感..當晚BOOK左6點但我5點9已經到左..佢地都好歡迎我坐低慢慢等..最終成6點半先齊人考慮叫4人餐再加野定8人餐好..最後覺得8人餐抵食0的..所以叫左8人餐粟米魚肚羹一大兜..起碼有10碗以上好好味,,又唔係..但絕對唔差霸皇雞8人餐,有一隻味道唔錯..而且雞肉唔會鞋烚烚生炒骨份量唔少.大量洋蔥..好岩我..xd茹子斑腩煲呢個麻麻地..好油..瑤柱扒時棻瑤柱份量絕不少,夠哂配埋0的菜食..涼瓜炆鯧魚涼瓜唔苦.但比較硬鯧魚因為先煎過,比較難夾.食起上0黎有0的困難最後仲有糖水,,,呢碗好似係麥米粥幾特別 但我比較唔食少甜..所以對我0黎講甜左0的8人餐有一個湯加五個食送服務好好,啲野都幾大碟仲有個糖水送由6點坐到9點.

家中聚餐往往最大的煩惱是要搵一個合適地方，價錢要適中，食物要好食，位置要方便，絕對不是一件易事。今次就選了多年經過都無食過既灣仔醉瓊樓。環境就比較古舊，甚至係一點點的破落，有一點點古色古香的味道。衛生方面係正常的。廢話少說，去相。梅菜扣肉一來就是這個重口味加罪惡級別既扣肉，份量十足，肉跟肥膏的比例是7比3，放進口，感受到強烈既肉香，更可以體驗到入口即溶既享受，不得了。強烈推介炸大腸做法跟平常酒樓的不同，是以片裝的形式上碟，比起全條圓身的好處是更香口，更脆，抵讚既做法，份量卻略為細碟。海鮮瑤柱豆腐羹點為失色的一道菜，味道偏淡，海鮮及瑤柱味不足，由如飲上湯一樣。豆腐量亦太多，比例不對。鹽焗雞十分大隻的雞，肉質鮮嫩，更係雞有雞味，係濃郁個隻，隻雞調味恰到好處，不會有太濃烈的鹹味，亦可以食得出少量的鹹帶出雞既鮮，絕對係相得益彰。(家人有人愛濃味也可以用醬汁加味，也好吃)時菜份量比起肉類更少，菜的價格真的升得那麼快嗎=,.=''''ORZ。菜還算可以，無特別。海鮮粉絲雜菜煲感覺份量比時菜更多就是了，加入海鮮作為湯底，味道自然更鮮甜可口，海鮮方面就係配角而已，重點是吸了湯汁的菜不會太鹹，味道更佳。

在香港有名的客家菜，很多人都會第一時間想起泉章居，但醉瓊樓呢個名我細細個已經聽過，我已分不清是不是以前那一間、是不是後人接手還是借老店名借屍還魂。跟家人首次品嘗此酒家，訂了位晚上進餐，樓上雅座。此酒家給人感覺很80年代，雖然酒家面積少，但是，不論裝修、伙計、餐牌菜式都很有懷舊感覺。醉瓊樓酒家像泉章居一樣，都是可點套餐，4人餐可點3款菜式加一款湯或羹。是日點了客家菜必點既霸皇雞、梅菜扣肉及清蒸石蚌魚 ; 銀杏豬肚湯。當晚所點的菜式，不論味道及賣相都不錯，特別是蒸魚既豉油是最好，送飯一流。個人喜歡醉瓊樓多過泉章居，因為泉章居似一般酒樓感覺，地方大，服務招呼不及醉瓊樓。醉瓊樓伙計多，感覺很週到，最重要是食到兒時舊式酒樓感覺，加分不少。

每逢過時過節, 兄弟姊妹們都非常頭疼找地方慶祝吃飯, 每年總有十多次, 由於我們算是大家庭, 兄弟姊妹加上字字女女, 加以來二十多人, 而大家住的地區也不同, 尤其是現在一般的食肆, 多分頭輪(6:00p.m.)二輪(8:00p.m.), 頭輪太早吃不下, 二輪又太晚, 因為很多成員第二天要上學. 所以找一家合適的地方吃飯真不容易. 6月13號我們提前慶祝父親節, 一早四處找地方吃飯, 最終找到灣仔軒尼詩道的醉瓊樓酒家, 這是我兒時去過的一家酒家. 我預早已經打電話去訂位, 老細接聽電話, 非常有禮貌. 地方談不上高檔, 而有點陳舊, 但尚算寬敞, 加上一班老員工, 我個人認為比其他酒樓舒服自在. 我們一行20入, 點了招牌菜鹽焗雞, 豬肚湯, 讓豆腐, 梅菜扣肉和芋頭鴨還有幾道小菜. "鹽焗雞"算是我那麼多年來吃過做好頭十名的雞. "豬肚湯"不錯, 但不是很特出, 中規中矩. "讓豆腐"父親大人最喜歡的, 現在不是很多酒樓有做的菜, 也不是很多年輕家庭做的菜, 有點懷舊味道, "梅菜扣肉"算是有點失手, 肥瘦比例不太合適, 而不滑嫩. "芋頭鴨"也是值得推介的, 芋頭夠粉夠棉, 鴨肉

相片唔使特別影，因為睇其他人d相都已經足夠。叫左一個四人餐價錢實惠~早幾日先至食完鳳城酒家嘅梅菜扣肉。順德菜既唔油膩，又有肥肉嘅質感。但系呢一間客家菜，本身就系食油膩野，所以，非常之邪惡，但系絕對系傳統嘅味道。入口即融化嘅配菜扣肉。系口裡面融化仲帶少少咁香。梗系食埋佢嘅炸大腸啦，唔知你地鐘唔鍾意大腸嗰陣臭味呢？叫咗佢地嘅招牌白果豬肚湯。一入口好香豆漿味同埋白果味。好滑好好飲。之後食左只招牌鹽焗雞。肉質鮮嫩有夠香口。最後是但炒左個菜。食完嘅時候好耐都無見過有就嫁比糖水你食啦，佢仲唔系一般嘅紅豆沙，好似系麥米粥！唔知系唔系自己鋪頭嘅關係，定還是係老一輩嘅員工比較好服務。距地雖然唔系成日煩住你但系服務就真系幾周到。😊

週末午飯時間出現灣仔,未吃早餐的我突然好想吃飯,在下一刻醉瓊樓的名字就在眼前,那就來一碟鹽焗雞飯填填肚吧。那些年無論銅鑼灣店或荃灣店也是我家長輩常光顧的食肆,因而這店名相當有印象也有一定回憶。如東江菜老店一樣,昏黃燈光的店內都是簡單沒花巧的裝潢,地下一層實際不大,每張大小桌子也奉行拼桌組合,一人食客會被大哥大姐安排同坐一桌,因而我也被安排跟三位各不認識的叔伯輩同坐,也是店裡唯一不是男人的食客。幾位阿哥阿姐當侍應,一被安排就坐另一位已從遠處喊過來:"飲咩茶呀???",(香片,唔該!)以熱香片茶先洗洗碗筷,有茉莉花的熱茶真的夠熱,茶湯不太澀有點花香已可收貨。鹽焗雞飯($50)從後方嘟嘟響的小小升降機送到樓下,大大碟真的連男仕也會夠飽。這份鹽焗雞含雞翼和雞胸,兩者皆我所欲也,大樂!!雞皮口感還爽在黃油中算得沒有太多脂肪,雞胸肉相對較粗也未算太韌,用點時間咀嚼就沒問題了。雞肉有鹹味及一點沙薑香,再配一碟味道更濃的沙薑油更鹹香。白飯滲了一點鹹味雞油,本來分明爽口的白飯多了一重油潤及鹹香,真好吃!還有小撮白菜仔平衡一下肉感,爽脆無沙白菜仔以油鹽炒過,味道比燙青菜多了鑊氣。阿叔侍應每人送一碗有雪耳在

一入門口有點年紀既侍應叔叔就好有禮貌招呼我坐低等男朋友等左起碼廿分鐘但佢地完全冇催我點菜仲問我冷氣會唔會吹住凍既可以熄細啲好細心叫左套餐蟹肉冬茸羹清清地飲落好舒服撈飯都幾好味冇乜味精😆梅菜扣肉有點扣分啲膏係幾香既但肉好鞋好鹹😩😩😩花膠海參煲永遠的主角好足料炆得好林好健康哈哈雖然連埋兩個飯要3百幾蚊係有啲貴既不過服務態度好同仲保留少少懷舊年代feel都叫抵番條數既xd下次會再試其他^^

朋友總是說想食懷舊野,最後他建議這裡最後我接受係因為環境不算差,同埋以前成日食泉X居,想回味一下客家菜,加埋我係一個一隻客家話都UP唔出既客家人MENU同泉X居好似.2人餐248,價錢合理,因為包了1個湯,2個小菜(不包白飯).我仲諗住無叫菜,加左個牛丸菜心,點知飽到喊左霸皇雞就是很多薑蔥伴雞,蔥和薑也會帶點咸味,雞皮也是十分咸香,用薑蔥撈飯食都夠爽.雞肉不算很滑,但雞味比一般的濃一點點,不錯魚肚羮就是大家常飲的東西,味道清甜,魚肚很滑牛丸扒菜心,份量十足,牛丸質感略彈,味道很濃,菜心雖不太甜,但食菜諗咁多做咩以前未食過客家菜既時候,係想像唔到牛丸CUT開係可以整個小菜出來最後琵琶豆腐,原來附有菜心,哈哈,成餐即刻健康左外層夠脆,裡面豆腐混了肉等等的材料,咸香惹味,醬汁不會濃,輕輕吊起味道,這琵琶豆腐質素幾高埋單4舊水左右,多謝朋友埋單雖不便宜,但味道絕對好過泉X居一點,無計,生意越大,質素越無保障這裡地方少少,但味道略勝一籌

醉瓊樓酒家細過嗰陣附近都有好幾間酒家會加醉瓊樓落自己個名度,好似要話比人聽佢都係做客家菜.但一路大,呢啲酒家就執吓一間,執吓一間,到而家剩低既都已經不多,多年之後既今日又有機會再去食,再一次令我一試難忘.今次去既係灣仔呢間,其實印象中佐敦都好似有一間,不過反而就冇去過.門口黃色三個字,寫住醉瓊樓,隔離有一隻熟咗既肥雞,就係呢個標記,好有親切感.酒家係有兩層既,樓上樓底矮啲,但好似又坐得舒服啲.不過呢間酒家既位置有個問題,就係响正兩個地鐵站中間,所以搭地鐵就好唔方便.四個人,可以試既嘢唔算多又唔算少,就諗諗佢啲套餐啦,形式有啲似元郎嗰間大榮華,但款式就應該大榮華多啲.我自己唔係太喜愛食羹,感覺飲完一碗就會好似打咗底,好快就會飽,食少好多嘢,但佢個套餐本身有就冇辦法啦.結果我地叫咗下面既餸.梅菜扣肉,香煎芙蓉蛋,沙薑雞,海鮮羹,枝竹炆蚌魚.呵呵,明明係四人套餐,點解有四個餸既?呵呵,因為我大食,所以叫多一個餸食囉.  梅菜扣肉,攞出嚟嗰陣好熱好熱好熱,基本上如果係蒸既,冇乜可能可以去到咁熱,所以我估佢係用微波爐叮番熱佢,咁有乜問題?其實係冇既,因為呢個梅菜扣肉係我第一個放入口度啲肥肉係會自

灣仔的老字號醉瓊樓，我一早已看上了，只是門面同店子舊舊的，令我同同事一直都沒有釘上這一家說小不算小的傳統食肆。門面絕不優雅，絕對是不打算以裝潢去吸引食客的老牌食店。亦因為是這一個原因，來者都是一班年紀較大的客人，而且亦因為碟頭夠大，裝修不雅又少了一些傴促感，這也成為一班灣仔老粗的中午飯堂，令到成間菜館，好佬。醉瓊樓同泉章居一樣，是傳統萬分的客家菜菜館。中午開個茶位，餐館內人人都是叫小菜食飯，或是像我們的一人一碟，總之各有各的豪邁，是男人食飯的勝地。既然我們來到了客家酒樓，當然要食客家一點的飯。是日二人行的我們一早已準備一人一碟，而我要的正正是最傳統，最油膩的梅菜扣肉飯。中午來，這梅菜扣肉就像快餐的一般，即叫即有，一早做定，一早蒸定，梅菜扣肉的特點就是越蒸越入味。五花腩，油脂一早已利用蒸氣轉化成油，只剩下豬油渣的五花腩肉，與梅菜味，豉味，完美地融和在一起，食落肥而不膩，能給人這一種感覺，就是一份出色的梅菜扣肉的必要條件。 朋友來了一個芙蓉煎蛋飯，即叫即煎，煎蛋佈混合了蝦同蔥條，香味十足，只需要少少的豉油，就能夠把蛋香同豉香完美的揮發出來，所以不要看小

純粹同家人係附近行街. Walk-in 晚飯店面分兩層，無論上下層的座位都較窄。沒有大酒樓般豪華裝潢，設計較為簡樸，環境尚算整潔。settle down之後就開始點菜伙記話 今日arm arm有龍躉，平日好少有。$260 一份，一份可做兩食。咁就 order 一份, 做 西蘭花炒斑塊 同 蒜蓉蒸躉頭另外叫左個 扣肉 同 炸大腸先講份龍躉，蒜蓉蒸躉頭 幾惹味，個汁好香，好送飯魚肉尚算滑，不過份量唔算多西蘭花炒斑塊 就食得出真係斑塊；應該只係好大條既斑，但未至於有龍躉果種口感不過魚肉都幾結實，而且幾新鮮，食到有魚既鮮而唔係腥味 個汁亦收得夠乾，唔會水流流。 唔點蠔油都好好味我亦欣賞佢既認真，將西蘭花先鋪係底，再將斑塊同配料放上去；唔係是是旦旦咩都炒埋一齊倒落隻碟，好似真係有諗過點 present 碟餸扣肉 亦不錯。肥肉部份做到入口即融，瘦肉部份夠林個汁唔太鹹，雖油膩但有肉香。 略嫌梅菜不夠多炸大腸都幾香脆，如果覺得個酸甜醬太酸，可以唔點個醬，夾墊底既菠蘿同炸大腸一齊食同樣有酸甜既感覺，但係會清好多，冇咁 heavy侍應多數都係老伙記，都好有禮貌食客走既時候有伙記開門同講多謝，感覺貼心總括

去完書展 , 係附近找地方食晚飯 , 想起了呢間 醉瓊樓 , 馬上打電話去訂了八點的枱 。去到酒家被帶到樓上 , 原來已經坐滿晒了 。 坐低後即刻睇餐牌 , 見到套餐價錢比散叫抵好多 , 所以就決定叫了一個 4 人套餐 $ 338 。首先送上 [ 粟米魚肚羹 ] 肚餓的我只有一句 ： 好味 ！ 招牌霸皇雞 ： 雞肉尚算嫩滑 , 可以不用點沙薑都好夠味 , 特別的是 - 鋪面的薑蔥絲都好入味 八珍扒大鴨 ： 頗為大碟 , 鴨肉軟稔 , 少許肥 , 所以入口有點溶化的感覺 , 配料還有 ： 冬菇 , 草菇 , 豬肝 , 豬肚 , 肉片 , 魷魚 , 圍邊還有菜心 , 而家因為怕左膽固醇 , 所以好少食內臟 , 但呢碟既內臟好乾淨好吸引 , 我試左豬肚同雞潤 , 我鐘意豬肚多 d , 好爽 !

每次姑媽遠道而來，離開香港的前一晚，總會相約大家一起吃晚飯，習慣性地叫我替她找間餐廳訂枱，其實我也沒有什麼主意，太少機會外出晚飯，選擇在這裡，緣於有天經過，看見門外有一張菜單供遊人取閱，把單張打開一看，第一感覺是價錢和菜式的選擇也不錯，蠻大眾化，加上地點方便，便決定在這裡。我們準時七時之前來到，座位在二樓，原來店裡面積頗大，牆上掛了中國油畫，賞心悅目，其中有一幅這樣寫：“世情如茶，有濃有淡，放下執著，濃淡何妨”。 人齊了我們開始點菜，四人套餐($338) 加八人套餐($628)，共有八個餸，兩份湯羹，及免費糖水。後來知道沒有大鱔，晚市才剛剛開始怎麼會缺貨，算了吧! 我們還可以點其他，上菜的順序如下：銀杏豬肚湯，有兩大窩，每人可添一碗，這個湯營養很高，奶白色的湯底應該是腐竹，特別適合女性飲用，豬肚有彈性，充滿肉香，但是脂肪高，老人家不能多吃，至於銀杏，又稱為白果，據悉多吃會中毒，小量熟食則可補中益氣。 枝竹炆三菇，最怕小菜的顯汁太過杰身，像沾上漿糊似的，這個菜就是犯了這個毛病。 鹽焗雞，是整晚最大碟的，和最有看頭的，味道不錯。 巧手梅菜扣肉，外觀像一頂帽子，顏色不錯，豬肉與梅菜密