醉翁亭火鍋館 (已結業)

食材唔新鮮，款式少，湯底只有四款，仲要無味。只有送既牛肉正常，其他肉類細夾唔新鮮，冇雞。某啲食物點幾次都冇送黎，後尾問職員先再補送。價錢偏貴，同等價錢可以食更好的。總括而言⋯⋯冇下次～

經過見佢三百幾蚊任食幾抵，仲必定包左五樣野，包括海鮮，刺身，鮑魚或花膠，優質牛頸肉同皇帝餃。今次我地食鮑魚，好soft 好味👍刺身同海鮮都新鮮，特別係龍躉片，帶子好大粒，聖子鮮甜😋火鍋湯底揀左芫茜皮蛋，我地任叫食只係食左兩輪，戰鬥力有點低😂肥牛每份有兩卷，鱔片好彈牙😋羊肉係薄切既四寶丸就麻麻地，牛同魚丸好似有點唔新鮮，所以都吐了。總括黎講佢野食係大份同新鮮既，野飲任拎但多數係紙包飲品。職員超nice 有禮貌👍☺️

之前食過覺得ok諗住再嚟幫襯點知今次嘅感覺唔太良好先講好嘅嘢like Facebook每人減$30👍🏻海鮮拼盤都新鮮，有蝦，聖子等等刺身有四款，每人每樣一款送嘅牛頸脊好好食，之後追加嘅肥牛都唔錯不過略嫌有啲大片座位舒服，兩個人都有梳化唔限時同朋友可以慢慢坐慢慢傾講完好嘅嘢，講下啲令我感覺唔好既1.只有紙包飲品，汽水竟然話冇晒（但係入座嘅時候冇講）2.問佢攞多一張濕紙巾，佢話一人只係得一張唔可以有多一張，講真，人哋貴過佢嘅都唔會有呢個規則食完今次唔會再食下次，但平心而論，啲嘢食種類係唔錯既

訂枱時職員表示有優惠每位可減30元，但用餐時職員表示該優惠已於數天前取消需收取正價，找經理理論對方謊稱職員有致電告知優惠取消，反指我們說謊，並且沒有任何歉意，一句唔好意思都無，對此種惡劣待客不負責任之食店，絕對不會再光顧。食物方面，免費湯底選擇配搭奇怪，要最大眾化的麻辣鍋反而要額外收費百多元，主打海鮮牛頸脊質素參差，帶子鮮甜但聖子有沙，牛頸脊更完全沒味道，任點普通肥牛反而更有牛味，總括而言食物沒有驚喜，屬於不再再光顧那種。

同朋友臨時決定食火鍋，即日打電話訂枱好多間都full 左，但好難得俾我地book到醉翁亭。依度既火鍋除左刺身、鮑魚、牛頸脊、水餃皇，其他配料都係無限時任飲任食，星期五計埋加一$328 一位任食配料選擇都算多環境闊落，不過2人枱有啲長，同朋友傾計有啲遠刺身不過不失蠔皇扣鮑魚，細細隻但幾淋雞煲無得選擇辣度，雞都幾入味，唔食得辣嘅人建議揀其他湯底，因為食完雞煲就直接加湯打邊爐，愈滾得耐個湯底就愈辣！海鮮拼盤有蝦、鱔片、青口、扇貝、蟶子，都幾新鮮，尤其蟶子鮮甜爽口！牛頸脊似本地手切牛手肉，肉味濃！至尊水餃皇好足料，有好多隻蝦係入面！任食火鍋配料普普通通，手打丸類、墨魚滑、蝦滑就唔多新鮮，食落有啲腥味，口感好淋！整體來講，食物質素一般，價錢偏貴，雖然話係無限時，但侍應見我地停晒手就開始幫我地執野，叫我地埋單先，但其實仲有幾枱食客都未食完，好似趕住收工咁！

早幾日第一次試醉翁亭，觀塘分店，本身都正正常常，食食下發現碟魚上面有煙灰！！唔係零星少少，係一大段！朋友反應太快個女侍應即刻收走左！影唔切相！已經覺得好匪夷所思，今時今日，仲要係喺商場入面嘅餐廳，唔係大排檔，竟然會有煙灰出現係食物入邊，太過分！到最後埋單，另一個阿姐擺低張單，我咪拎黎睇，個阿姐轉個頭就喺我手上面搶走張單，叫我埋咗單先！我同佢講我要睇緊張單，佢竟然答我下乜你要睇單呀？ ！而家去食嘢睇單唔係有問題呀嘛？ ！我簽卡，個阿姐碌完卡，拎返本簿過嚟俾我簽名，但一隻字都唔講，本簿仲要係閂埋隊俾我。真係孤陋寡聞，我人生喺餐廳俾咁多次錢、簽咁多次卡都冇試過有人嘅服務態度可以差到咁！收錢嗰個仲要應該已經係高級啲！從此blacklist！

超級多優惠的一間餐廳，超級抵色👇🏻👇🏻1）like 佢FB 即每人減$502）生日（月份）之星即一位生日者免費（5人以上）/ 3-4位則生日者半價3）無限時任食 （可以由1800食到2300）

生日優惠，滿4位生日嗰位半價星期日原價每位$328，like FB每位減$30首先上雞煲，只有一個辣度，香辣度好味的，當然同雞煲店有個距離每位有一隻鮑魚炆冬菇，鮑魚好味，冬菇較淡刺身質素平平，好過爭鮮咁囉牛肉好得，真正手切肥牛。之前喺OpenRice 睇過，都覺得呢度啲牛得，所以揀呢間試水餃皇，正，裏面好多蝦，每位一隻海鮮拼盤，蝦新鮮爽口但海鮮拼盤無諗過會搭啲急凍海鮮囉，青口帶子都係急凍料。單張上寫住6-8款海鮮，按時令不同，所以又吹佢唔漲追加任食美國肥牛，黎左呢碟，都唔再加了墨魚滑蝦滑都唔新鮮，食左一啖就唔食韭菜餃魚皮餃，要求唔高的，係可以食嘅飲品方面，提供紙包烏龍茶，綠茶，檸檬茶，菊花茶，提子汁等，汽水只有百事，7-up如果唔大食，食前半段指定食品，都已經半飽，追加部分質素平平，叫做輔助補充下囉⋯⋯

這天朋友相約一同前往觀塘吃飯，我們一行六人，朋友安排了我們共進一餐豐富的晚餐，這餐晚餐的主題就是打邊爐。 餐廳位於觀塘大型商場附近，地理上還算方便， 餐廳位於工業大廈之內， 冷氣供應未必完美，食物種類方面，每一位已有一份環球海鮮，海鮮不新鮮，帶有點腥味。 還有多種任飲任食，選擇最可惜的是任飲任食 當中有很多也不能提供，還算是失望，這樣的價錢配搭這樣的食物，顯得性價比極其低。 可能因為經濟環境未算太好，店員人數也不多，一個店員大約面對五至六張枱左右， 這樣的工作量也不能要求提供什麼服務。

今日一行5人 (爸媽哥同佢女友) 黎食飯慶生日  想打D高質既邊爐就黎左醉翁亭。 就試下佢同其他一般的平價火鍋有咩分別!首先， 我地既餐係包括左海鮮 刺身 同 肉類既任食! 頭盤海鮮種類多，包括左蝦，元貝，花蛤 龍躉等等.. 全部都好新鮮! 然後有刺身,  佢既刺身一D都唔似 cheap cheap 放題甘孤寒, 全部都係厚切 新鮮。有3文魚，日本油魚，北寄貝等, 味道好好我食埋媽咪個份之後就到極級牛頸脊，呢隻真係不得了, 肉味好濃, 輕灼數秒已經可以放入口, 真係勁好食!!我唔係食牛專業既人 但都讚不絕口!!最後有D丸類，菜類既任食  但其實食哂上面個D 一次性既美食都已經好飽   沒辨法再加了!

既然講得第二次去，咁當然第一次去食覺得幾好食啦！ 點解今次我覺得比較遜色呢？ 係因為啲海鮮好似冇第一次咁好味，例如啲魚比較霉，啲青口細隻得嚟都唔係咁新鮮， 但整體上其它食物都維持水準嘅， 我最欣賞係佢嗰碟肥牛同埋皇牌餃子。

今日中午打邊爐要了一個鴛鴦鍋底，沒想到上來是一個香菜和沙爹，我嘗試問可不可以換成清湯和麻辣，服務員說可以就沒再多解釋直接換掉了。肥牛點餐時有兩種，我點的是雪花肥牛大份268港紙，結果買單時湯底要加收30，肥牛給我寫成328的手切肥牛，算上服務費多佐成100蚊。關於湯底我可以接受30蚊，收費是合理的，但前提是要在我提出更改時提前告知！關於肥牛我很確認自己沒有叫到手切，因我本也不愛吃手切，其實好好說話我也就照單全收了，但服務員態度極差，堅持自己沒錯還大聲呵斥客人，讓人火起🔥我看服務員說不清楚想找經理理論，經理完全不理，我在店門口等了足足15分鐘都無人理睬，很好奇，今時今日頂解會有如此差的服務！我從不寫openrice評論，因沒有一家餐廳如此激怒我，大家千其避開這家黑心餐廳呀！

星期日，係親朋戚友飲茶既好時機！觀塘鱷魚恤中心，啲人排晒長龍上去飲茶🙈🙈🙈差唔多間間都勁多人等位！唯有3樓既醉翁亭火鍋館，唔洗等位，直接入得去🤣可能啲人以為只得打邊爐啦🙈🙈🙈環境係舒適既，服務都唔錯，只係選擇徧少，食物就一般般，可能人流唔多，啲食材去得唔快，始終無咁新鮮🙈我地一共12人，有老有少，叫咗20碟點心，一碟炒飯同一碟炒河。水準不過不失，唔係難食，但亦稱唔上好食！但唔洗等位，都係一個賣點既🤣

本人星期五一行7人，食到10:45 成張枱比人收哂d野，連野飲都被收埋。問d西口亞毛收幾點，佢答11:30！咁唯有散水啦⋯⋯點知原來門口寫營業收12:00！今時今日，仲有食市做緊咁既服務態度...幾好食都假....野食非常一般，收$328一個人唔值，簡直垃圾。仲可以有咁多人幫襯，真係一個服字。

Victor 開了一張大單，他心花怒放地訂了觀塘鱷魚恤大厦3樓的醉翁亭火鍋館，我們不是第一次吃，一年我們都來幾次，因為最大因素没有限時，我們不用急而且可以慢慢吃!任食火鍋，有我最愛的元貝，大蝦，蟶子，青口及鱔片，真的十分新鮮，因為食材每天新鮮到的，以保其質素!我們叫了一個冬瓜瑤柱湯底，海鲜很鮮甜，一如概往一樣，保持高質!Victor 是牛魔王，他看到大大碟的美國頂级牛肩肉己急不及待放下湯內，我們覺得入口即溶和牛味十足，祇放下不夠8秒，就已很熟了!另外刺身有三文魚，北極貝，魷魚及希靈魚也很新鮮!冬菇燴花膠，女孩子補骨膠原，又腍又滑，冬菇十分爽口!水餃皇超大隻，內裏有木耳，大蝦及猪肉，份量十足!其餘的任食配料也很十足，我們吃得大滿足了!