醉翁亭火鍋館 (已結業)

The food is ok but the service is terrible. We ordered the spicy frog pot which is on the menu but they gave me the spicy chicken pot and claimed that they never serve frog hot pot. They treated customers who do not order seafood as cheap customers. Will never return again. customers.

開始Feel到涼涼地就同Honey提議去打邊爐，原本諗住去旺角，諗諗吓觀塘容易D泊車就決定黎呢到食其實之前去過馬鞍山分店食過一次覺得幾好，諗住同一間集團應該無問題...點知........原本我地係叫咗個雞煲，但我未食過雞會有鴨羶味，食咗兩三舊頂唔順叫佢地換咗個清湯，但我叫個侍應換，佢竟然黑面黑得勁快叫咗響鈴變魚皮，黎錯唔緊要，但魚皮係淋的！牛頸脊麻麻地，好多筋可能廚房執送那位是新來，未識分鵝腸或者雞腸（但明明我叫鵝腸的）蝦還可以啦...有個自助區食甜品，21:45就已經倒哂所有糖水，雪糕櫃鎖埋坦白講，雖然係任食，但咁嘅質素要$298+10%，食唔食...真係要諗清楚

食咗三個鐘換咗三次碟，服務很好又細心，又唔收切餅費及開瓶費，下次都會再嚟1）魚生、花膠及海鮮拼盤都係送的2）碟牛肉✨✨👍🏼，好食到不得了3）其他青口、羊肉卷都不錯

知道星期六一定會多人，所以一早book定位，去到等左一陣就好快有位。環境好似一般既酒樓，初時侍應比左張四人枱我地，但係張枱係長方形打長放，同對面相距甚遠有啲奇怪，同侍應講反亦好快換到另一張枱比我地，態度都唔錯。而食物方面都比想像中好，牛肉好滑，個人推介有隻三色丸，encore左幾次。同埋出餐速度都好快，最怕要等好耐都未黎，而野飲係仼飲，選擇都幾多，都係啲罐裝飲品。下次如果同朋友想打邊爐都會考慮反依間✌🏻

見到open rice 食評好好，諗住試下啦，心諗成$300幾一個人，應該好好，點知中伏，湯底係味精湯，一路食一路好 口渴，三文魚刺身有骨喺入面，蟶子好細，8點入去，湯底等左4個字，食左海鮮個d啦，到9點點芝士腸，四寶丸，響鈴都無，阿叔仲話無黎就無，漏單情況嚴重，d阿姐又黑面，冷氣又凍，好差，加埋一成$360，一d都吾值，超差！如果$360淨係食個幾樣野，我寧願去食放題！3個人都成千蚊

同事生日又係時候一聚天倫！相處咗十年嘅一班人食飯其實同屋企人已經冇咩分別，唔需要特別搵D咩地方，但求方便！同事揀咗昵間開頭只係諗住唔太貴又好坐嚟到先知真心超值！$298除咗任飲任食仲包5樣嘢：極級中頸肉：自己睇，有圖有真相，5人份出面食，冇$350真係唔得魚生拼盤：唔駛多，最緊要新鮮乾淨，放得入口！至尊水餃：原隻蝦，冇雪味！即包即食！海鮮拼盤：前幾日去食果間，一人海鮮拼盤$288，可想而知，呢個5人份，原隻龍蝦嘅海鮮拼盤要幾錢！仲要，所有嘢係新鮮！我哋叫咗雞煲做鍋厎，真材實料！夠味，香，雞係嫩滑！仲有一人一份冬菇炆鮑魚！講真，食完已經走得！仲有任食嘅火鍋配料！綜合，性價比冇得輸！只輸在weekdays夜晚觀塘區的確係少D人，亦因為咁，可以無限時任坐到11點！

想投訴一下依間醉翁亭服務態度實在太差! 當客人在和女經理說話時，客人講講下佢竟然扮聽唔到仲走開左，實在太冇禮貌喇!仲要唔止一次!!連基本尊重都冇！如果你忙照顧唔到甘多客人都可以體諒下,但唔係喎佢成場都係吉枱，實在太令人氣憤同失望! 其實D食物OK亦唔貴，客人都唔係要求有5星級的酒店服務，只不過係想得到基本的尊重，點解都咁難?其實佢午饍時間愈黎愈多吉枱，如果服務態度再唔改善，唔會再有人俾$受氣!! 真係以後都唔想再光顧!!!!!

個日等friend放工，去左呢間食因為係好夜先到個便，所以唔駛等位即刻入得，haha😆😆啲位都幾好坐，唔會好迫✨個名好有詩意📜連啲碗碟都係同舖頭名有關係🥣🍽好有心機 環境真係要比十個like👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻野食全部都好新鮮😋啲牛好靚，食落去滑既😍餃子大大隻，好正！建議最後先食！仲有花膠冬菇食🤤每枱送一碟刺身 刺身大大份 好抵食✨✨價錢雖然比起普通打邊爐貴少少，但絕對係物超所值，之後一定會帶friend再去👭👬👫

今晚同幾個朋友去咗官塘醉翁亭試下個半自助任食火鍋~8點去到已經見到有人在外面等位, 好彩一早訂咗位, 我地直入, 個半自助火鍋分兩PART, PART ONE 比較靚少少既食料如: 炆鮑魚, 刺身併盤, 手切肥牛, 海鮮併盤只可以叫一次,PART TWO 就係一D丸類, 蔬菜, 美國肥牛, 其他肉類就任叫, PART ONE 個一大堆料, 講真係真材實料, 肥牛好林好香, 刺身肥美新鮮, 鮑魚都炆得好入味,未食PART ONE 之前, 貪心的我又想ORDER PART TWO D野~ 阿姐係咁提住你叫少少菜食完先啦~食完PART ONE 睇下唔夠飽先再叫PART TWO, 點知真係如佢所講, 食完PART ONE都飽咗7成我覺得都幾扺食~ 298蚊已經俾D靚料你食到你飽咗7成~ 其他個3成食D渣少少既野當BONUS囉~

約左幾個朋友食晚飯，打邊爐就最好，因為唔洗等齊人，可以邊食邊等。但市面好多火鍋店不但貴，而且仲要限時，前後腳到又多人食根本趕唔切食。搵到依間醉翁亭不限時火煱放題，星期一至四每位$299兩加一，啱哂我地要求，緊係要去試下啦！去到有少量自取餐前小食，普通飲品任飲，1664要自費。開始時先上雞煲，雞煲味道非常唔錯，食下食下唔覺意已半飽。有幾樣野只係送一次既，包括肥牛、刺身、大水餃、鮑魚、海鮮等，並唔係任食既，而任食既只係包其它比較平價既食材，如果係牛魔皇就要自費加肥牛啦！湯底選擇比較少，只有好基本既口味。其實份量都唔算少，一般都夠食，送一次既海鮮有波士頓龍蝦、生蝦、魚片、貴妃蚌、青口等等，另有每人一隻鮑魚，食材新鮮。基本上食哂佢地送既野都飽哂，我再地叫左的菜同四寶丸。四寶丸可算係成晚既一個小污點，因為佢地整到太細粒啦。整體以價錢去衡量，都算物有所值既！

大年初二。開年！開年！熱鬧最重要🎊咁開年，一定要樣樣都有。又由於同啲姨媽姑爹、有老有嫩，一大班人團拜，餐廳地方一定要夠大，傳統得來又唔可以太求其，又要考慮到大家口味唔同，咁最好嘅地方當然係酒樓啦！觀塘區係我哋嘅首選，方便得來又多選擇，最後我哋決定咗去「醉翁亭」食點心，食肉嘅有食肉嘅選擇，食素嘅都有好多素食嘅選擇。而且都算幾好味呀！不過發覺原來呢度都有另一樣出名嘅嘢 - 任飲任食火鍋😆哈哈！拍即有機會到一家人一齊嚟試吓先！

無限時任飲任食火鍋，平日星期一至四每位$298，星期五至日、公眾假期及前夕每位$328，另加一服務費。講返食物︰1)   雞煲或羊腩煲：送既，我地揀左雞煲，侍應無問我地要咩辣，個雞煲其實係越食越辣，好彩我地都食得辣者…2)   刺身拼盤：送既，有三文魚、希靈魚、北寄貝同魷魚，啲刺身係厚切，但味道就好普通，留肚打邊爐好啲;3)   蠔皇金錢花膠：送既，花膠煮得夠淋，金錢(冬菇)夠厚身入味;4)   至尊水餃皇：送既，大大隻水餃裡面包住好多隻蝦，皮薄饀靚，爽口彈牙;5)   海鮮盤：送既，有龍蝦、貴妃蚌、蝦、鱔片、青口同螺，龍蝦同貴妃蚌都大隻多肉、蝦爽口彈牙有鮮味;6)   極級牛頸脊：送既，紋理好靚，牛味濃，好好味;7)   小食：任食，有藥膳雞腳、涼瓜胡椒豬肚湯、泰式鳳爪、涼拌青瓜、雲耳，藥膳雞腳同涼瓜胡椒豬肚湯都煮得入味、涼拌青瓜、雲耳就普普通通;8)   湯底：我地揀左冬瓜瑤柱鍋，因為主要係食海鮮，所以揀個清清地既湯底去食返海鮮既鮮味，冬瓜瑤柱鍋有簡單既冬瓜同瑤柱，味道清甜;9)    配料：鴕鳥肉新鮮肉質夠淋、竹笙爽口、大魚頭好滑、脆鯇片爽脆、鱔片夠薄又滑身、粟米清甜、油麥菜新鮮

友人從澳洲返嚟探親，昔日嘅火鍋鐵腳今日重逢，梗係瘋狂打邊邊啦係觀塘行街行到9點幾，好多都閂曬就去咗呢間醉翁亭試下有刺身拼盤一份，有我最愛嘅赤貝，爽口一人一份花膠，花膠都幾厚，味道唔錯，不過可以煮淋d叫咗鴛鴦鍋，沙嗲拼莞茜皮蛋湯，中規中矩可自行出去拎嘢食，有藥膳雞腳同胡椒豬肚湯可惜以上兩樣唔係咁夠熱，如果再熱d就會更好今次有三人食，但海鮮盤拼嘅嘢好似得兩份咁🤔個貴妃蚌質素唔錯，夠大隻其他任食料同出面都差唔多，只係雲吞同水餃夠出色

本來想去5樓釣魚翁，食燒鵝乳豬飲紅酒，怎想到比錯資料叫入訂左3樓，這是自已衰，無得怨。主要不快事，訂了七位臨時一人有事失約，因不是限人數的特價餐，正常就計六人便好，但這間唔係咁計，硬要收七位，無來就當小童收早到的是位女仕，唔敢出聲，唯有坐低，比着我地就一早走人。每位$298，海鮮拼盤，魚生，水餃，牛肉，係包一次。老實講水餃和牛肉好食是事實，海鮮質素不過不失，魚生就麻麻，其他食評人講的大部份正確，任食部份的質素只是大路貨，食評中講的亦正確，每位$298再加一，食評中好多人話抵食，心諗現在D人乜咁富貴？股票連升十幾日啫，遲D又出返魚翅撈飯。其他不快事，服務！叫極無人，有人來都面黑黑，其他文章中講的亦嘗到了，估計可能員工未買六合彩，鋪頭又人多走唔開，眼白白一億無份中甜品不吃也無損失，賣相已叫人〝唔好掂我〞絕！

今日係入冬最凍既一日，去左打邊爐，人雖然比平時多，但係坐得好舒服，起碼唔係櫈撞櫈。黎到有侍應介紹個任食火鍋，298蚊加一，仲有個靚牛肉，新鮮海鮮盤，加個魚生，其他就自己剔黎叫，個鮮牛好厚身，好香，充滿左牛味，海鮮啲蚌又大隻又厚，無得彈。任食方面我叫左個四寶丸，個手打牛丸真係好香好彈牙。樣樣打邊爐菜式都格外好味，雖然價錢比一般放題貴，但係起碼侍應有禮，服務週到，有問必答，食物環境都一流，一定會再黎。