醒辰冰室 (東匯坊)

营业中

休息中

鰂魚涌最近新開左好多食店， 今日咁啱過黎剪頭髮，之後順便黎食個tea。🥢炸魚柳配薯條- 魚柳好滑， 炸漿夠脆薄， 粗薯條炸得金黃香脆可口，唔錯。🥢脆脆肉絲炒麵- 2個麵餅炸到脆卜卜， 配料同麵分開上， 按自己需要淋上配料醬汁， 而且一定要淋上大紅浙醋同食，好食到停唔到口。🥢熱檸檬茶- 正常質素，不過不失。🏠 醒辰冰室🛤️ 鰂魚涌英皇道1010號東滙坊LG007號舖📍 港鐵太古站B出口，步行約3分鐘

醒辰冰室開左3個星期左右就黎左試， 之前食lunch都想試，但太多人又唔想排隊， 今日見到人少少就衝黎食。沙嗲牛米＋黑松露蛋多士：沙嗲牛比較淡味，而且牛肉份份量少。黑松露蛋蛋味濃郁，多士似牛角酥，有好好多層。叉燒蛋飯：同事試左叉燒蛋， 蛋係流心，叉燒係厚切。 1上枱都幾震撼，但同事過叉燒比較瘦， 有d太乾。d 餐平均都要6，70蚊都唔平， 但茶餐就48蚊係比鄰近商場既茶記平既。下次我會試下碟頭飯， 見到侍應拎住行過賣相都幾靚。

昨天路過鰂魚涌，發現一間叫醒辰的茶餐廳，餐牌竟然有錦鹵雲吞！得唔得架？叫了一客，果然有驚喜！成塊有一半A4紙咁大！同塲加影招牌菜，好似叫吉列雞扒，脆皮多汁滑嫩！蝦多士就覺得多士唔係好脆，不過隻蝦好鬼大隻，最後叫咗乾炒牛河，有水準！當然少不了叫咗支醒辰餐廳嘅自制啤酒，小麥味頗香，抵飲！我一向好少用相機先食，但見老頭子叫咗一杯菠蘿冰，可能有番以前的味道，因為是用新鮮菠蘿的！我也忍不住替他拍下一張照片！服務員好有禮貌，值得加分下次會再來！

日前经過東匯坊，有間餐廳喺度裝修， 佢嘅裝修好吸睛 ，牆壁嘅人工手作牆畫 ，真係一個打卡嘅好地方。 卒之等到佢開張 ，第一時間去幫襯 ，一入去見到一部名牌嘅意大利咖啡機"La Marzocco"， 俗語話工欲善其事必先利其器， 既然用得呢個咖啡機，咖啡—定必選， 果然味道香濃 ，佢哋係用咗埃塞俄比亜，危地馬拉，薩尔瓦多及墨西哥混合埋 咖啡豆 ，真係不惜功本。友人叫咗杯朱古力， 我都試了一口， 朱古力係我試過最濃味嘅一隻 ，一個好嘅開始就係咁嚟到。主菜真係多，食品包括 咗英意港日韓，英式代表係我favor 炸魚柳配薯條 ，意式代表係非他她( 意式煙肉菠菜蛋批)， 配沙律， 港式更多選擇 其中瑞士汁雞翼煎雙蛋飯， 脆脆肉絲炒麵 。日式嘅代表係日式咖哩豬扒及韓式代表辛辣麵。咁多選擇 卒之叫個"非他他蛋批"配沙律，非常特別，外層是濃濃蛋漿，蛋漿焗得非常嫩滑，煙肉的份量不少，鹹度適中，而且還加了洋蔥，熟洋蔥的清甜和雞蛋味道非常夾，超級好吃。這間餐廳無論係飲品同埋食物 ，都睇到厨師係用心製作，賣相都是做得饒有心思，美輪美奐。

疫症期間，排咗20分鐘左右隊，去到門口收銀姐姐話只做堂食，不做外賣。唔做外賣應該係門口註明丫嘛，浪費我的時間！如此的餐廳請開係中環個D高消費地區啦！在下自問身體不算強壯，抵抗力不高，為健康着想絕不幫襯!

放咗工唔想煮飯，於是同老公去咗附近嘅新開茶餐廳試吓，估唔到有意外驚喜！首先覺得好得意嘅係，佢嘅drink Menu 有提供手工啤酒同埋葡萄酒🍷假如突然間想同三兩知己飲返兩杯，都可以係呢間茶餐廳滿足到你😂好入返正題先⋯同老公入到去，第一個感覺係地方細細，但係服務態度唔錯。侍應好有禮貌咁同我哋推介佢哋嘅set dinner。我同老公揀咗兩個主菜，包括係炸魚薯條同肉眼扒，仲要好放縱咁，set drink 叫兩杯紅豆冰(只係加$3）。餐湯到，已經眼前一亮⋯⋯蘑菇湯真係唔錯👍如果濃少少就比得上以前嘅Simplylife（大家記住佢只係茶餐廳嘅價錢）。另一個亮點係佢塊丹麥多士，真係好好食，好難得係焗到啱啱好👍（講真，淨係塊多士已經比到我個感覺佢哋好有心機做，而呢塊多士係會令到我哋再想食）再加上沙律菜係非常新鮮，淨係餐湯沙律同多士已經比到好大嘅驚喜我哋。跟住主菜到，個炸魚薯條真係分量十足！！！炸魚嘅表層炸得啱啱好（我最怕啲炸魚嘅炸皮過厚）而且食得出啲薯條係新鮮炸出嚟。我老公其實唔係太食魚，但係都讚不絕口！至於個肉眼扒，雖然個肉味爭少少，但係起碼口感係夠淋。而佢嘅配菜係薯條同埋蕃茄汁蘿蔔瓜。薯條就唔使

今日行經一間新開張的冰室, 雖然點餐後等了比較長的時間, 但食物份量和質素都很好, 估計只是厨房須要一些時間適應繁忙的午市吧!  他們真的是用鮮菠蘿來造的美食, 一定會再惠顧!下一回想試他們的雞肉藜麥沙律, 因為冰室很難找到健康食物.還有下次一定要記得影相.