重慶川味 (已結業)

最近公司搬左office去美孚，又要重新搜尋下有咩好食，又黎到午飯時間，我地幾個同事約埋一齊食飯，有同事話之前經過有間米線好似幾正，仲有串燒食，就決定去試下。餐廳都幾闊落，過左最繁忙既午飯時間都唔算太多人同其他米線舖一樣都係有單點既米線，價錢都可以接受另外有套餐選擇，見到套餐好多配料，一人套餐有配埋串燒一串，有同事就叫左呢個餐，我同女同事就叫左個二人套餐share，每人有一串串燒仲有個涼拌碗米線一黎到真係嚇親我地，好大碗而且好多配料，我地要既係麻辣小辣，都唔算辣，味道都OK，份量真係好多串燒燒得好好味，呢個餐真係好抵食

美孚有個村友FACEBOOK,見到村友介紹美孚好食米線,可信性比OPENRICE仲高,HA,因為同區最熟一定係村友期實開左咁多年都無念迥幫親,因為門口真係好普通,完全無意欲入去,既然村友介紹,就去試一試辣湯底比某知名麻辣湯底好味,小麻多辣,唔夠辣可以自己再加,好自由木耳爽口,豬大腸又淋,食完唔會口乾食完之後心思思想再去

因為約左係美孚做facial,見時間尚算充足，又起心癮想食麻辣米線，見有d學生妹係度食緊，就入左呢間。一入到去，劃左紙仔等食，唔知係咪門口太大，定冷氣唔夠，定真係太熱，我已經係坐門口位入第三張枱都勁熱law環境一般啦，不過不失，但夏天想入黎食真係要諗清諗楚叫左3個餸，中辣麻辣，黎到見到隻色嚇左嚇，食落真係幾辣下，但唔夠"麻"，但都相當唔錯。叫左薯粉底，唔使另外加錢，係普通的長圓薯粉，比出面粗一點點，雖然唔係我最愛的寛扁粉，但出出面其他的來得有彈性，有咬口，就唔使另加錢呢個份上又好值得試。

好鍾意食辣，今日路經美孚，碰下運氣去呢間食米線，我對四川風味的辣情有獨鍾，希望唔會失望啦。淨米線$23, 湯底我揀酸辣，配料本身有牙菜九菜腐皮等。因為第一次試唔知有幾辣，叫左小辣先，加一餸腩肉$6,這樣一碗單餸米線共$29, 要多d餸的話，蔬菜類每款$5, 肉類有每款$6或$8 的。朋友則選麻辣湯底。上桌了，見到米線份量不多，是牙菜撐起覺得大碗那種。因為大家都食得辣，試左小辣就覺得唔夠辣，問職員可否加辣？佢叫我地自己去個調味架度，有碟仔裝麻辣醬，自己加。都幾好丫，好似食自助打邊爐咁，自己加調味，調到啱心水為止。講下味道先，酸辣湯，正！我食得很酸很辣的，這個酸度不會灼喉，食得我很開胃！酸味不是清水加醋或酸菜那種，是有用心煮過的湯底再用醋調味，加麻辣醬調辣度成為酸辣湯。我也試了朋友碗麻辣湯底，更加好味，有麻香，無左酸味，反而香辣好突出，喜歡食辣的要叫麻辣。而辣度方面，我同朋友叫小辣是不夠辣的，應該叫中辣以上，才適合喜歡食辣的朋友。米線方面，滑嘟嘟，不算彈牙，如果換過靚少少的米線質地就好了，不過，浸得耐米線都沒有變糊，不過不失啦。而腩肉呢個餸，份量係少d, 味道則淡了點，要放入湯中浸下味道；

作為美孚居民, 呢間小店新開的時候都幫襯過,D米線都幾對辦,價錢都同服務業都正常. 有時OT夜返都會食碗米線先返屋企。之後見佢門口愈貼愈多係串燒/小食,都覺得佢地開始主打唔係做米線。到琴日心血來潮再幫襯,只有兩個字: 失望!!!我地坐低,寫好米線紙, 舉手同叫人 "唔該", 肥D果個男人聽到都當聽唔到.之後瘦D果個比野飲我地,大力放低"彭"一聲,瀉到張枱都係然後見到對面枱,佢放低碗米線時都係倒瀉左, 果個客仲慘, 張枱同佢個袋,張櫈都濕左.講返野食, 米線算係合格. 但杯凍飲係暖, 就係D凍溶晒都仲係暖.當然我都知唔係去高級餐廳,唔可以要求咁多. 但我真係有貼錢買難受的感覺, 總之無下次, 下次去食三哥無咁嬲.

呢間野近laichikok圖書館 而且我又中意食米線所以decide左去完圖書館就離呢到試下自己一個叫左個牛魔王 而朋友就叫左個豬八戒等得唔耐 食上去d米線系唔譚仔咁好食 而且送亦較少但係價錢就50蚊 食完唔覺飽肚 所以應該就無下次

如果鐘意食譚仔, 這間都算跟得住而且2人餐有:1大碗share可以食2杯飲品任選2串土匪style串燒(揀左牛&豬)任選1款小食(揀左皮旦)食完飽到行唔到,捉完pokemon入黎食都是不錯的選擇。唯一衛生問題需要改善, 箱子周圍放置,雪櫃放在當眼位置有礙觀瞻。

已經唔係第一次，外賣試過，堂食試過等左接近半個鐘，見比我之後的客人都差不多食完，我一再追問，先發現漏單，但員工態度散慢，什至沒有道歉的態度。非常失望。連簡單見佢比杯水，都可以轉頭唔記得，要再叫多次。（已經唔係繁忙時間）食品質素非常普通，係得個大碗，但你唔會想食曬，即使係美孚冇咩選擇之下，都唔會再幫襯。

今晚突然想食麻辣野，所以到左美乎一食著名的重慶川味一試。首先，叫了非常出名的辣酒煮花螺。不但份量大，而且醬汁絕對係正宗川辣。螺肉非常有質感，每一隻螺都包含晒辣的香味，令人上癮。加上酒香清醇，一酒一辣，令人有無盡食慾。之後，我再叫了一碟麻辣海哲，不但爽滑，而且非常彈牙，有別於一般即食海哲，確實係正宗重慶製法，醬汁亦做到麻已不辣，令人手指大動。最後，我叫多了一碗重慶川辣木薯粉，不是講笑我叫中辣已經把我的舌頭好像死去活來一樣，整條舌頭已被川辣覆蓋，係出面確實難食到如此的味道，想挑戰自己的朋友必到之地。再者，薯粉非常彈牙，亦是用正宗重慶製法才能做到。總括來說，這店確係正宗重慶菜式，想食既朋友係必到之地。

呢間米線鋪既然號稱重慶麻辣，當初想叫清湯，但唔係咁食得辣既我就口痕痕叫了一碗麻辣味（bb辣）米線，配料就叫左生菜，墨丸同魚皮餃。首先試個湯底，好在只叫BB辣，如果唔係實辣到噴火，現在辣味剛好能接受，但個湯辣同鹹外，並無麻味，而且帶點羶味，很奇怪。配料上墨丸算滑而彈牙，魚皮餃既新鮮個皮都滑，生菜就份量少，味道正常。好在佢既配料搭夠，挽回不少分數，否則頗失望。這裡米線輸在湯底，麻辣需要有辣且要麻，這樣才稱得上麻辣。否則再好的配料也被湯底拖垮。

今日自己食晏, 不如就去返重慶川味啦, 我個人都比較專一, 所以都叫返我上次食0個個沙爹肥牛米線, 但係好可惜今次嘅肥牛米線同上次個質素差好遠, 今次的牛肉好少, 又唔夠鮮味, 個湯底亦都淡左, 少左沙爹味, 多左味精味, 整體上唔OK喎.....另外都想試下呢度好似好出名既串燒, 叫左個燒鵪鶉蛋, 等左都幾耐, 太概15分鐘度, 黎到時個賣相有D失望, 燒到有D甩頭甩骨咁, 佢就咁嬸左d調味粉上去燒, 食落同個鵪鶉蛋味一d都唔夾, 都幾失望, 希望佢可以要KEEP住我第一次食既QUALITY 啦!

今日又同同事試下新野, 就試下呢度啦! 呢度可以自由配搭, 我就叫左肥牛, 通菜同芝士腸, 之前幾次去親邊度都咁岩話無沙爹牛, 今日終於食到了! 餐廳闊落, 坐得尚算舒服, 我地坐左係卡位黎了! 個賣相唔錯呀, 好大碗! 沙爹香味惹味撲鼻!黎個CLOSE UP, 牛肉仲好香好鮮味, 爽口嫩滑, 好味呀! D菜都好新鮮, 翠綠爽脆, 個薯粉食落煙靭, 口感似好粗既粉絲, 芝士腸就一般, 不過整體上好味呀! 會再黎幫襯架!

酸辣米線裡沒有芽菜、腐皮、肉醬、酸菜等..... 味道只有清湯加李x記辣椒醬的味道... 豬軟骨份量小就算了，連肉也又鞋又un。腩肉也是，連肉味也没有。完全失望.... 我不會再去了.... 吃了第一次也覺得自己笨了...

晌美孚區，以米線為主打（其他餐廳、茶記兼賣嘅唔算數）以前就只得「景村雲南米線」，舊年尾晌隔幾個鋪位就多開咗一間「重慶麻辣燙」，有點擺明單挑嘅局面，因為開晌同街又咁近打對台賣番米線，而且，原鋪位唔喺做開食肆，印象中喺啲診所鋪，夾硬打造為食店 。開檔初期，都見幾多人幫襯，為免排隊又要逼，所以，等貪新鮮嘅熱潮降吓溫先去幫襯。過咗晚飯時間，差唔多九點先嚟到，所以，客人唔多，久唔久先有一兩個、兩三個客人。餐廳嘅面積比起「景村」大，所以，予人感覺較為寬敞，而且，環境又光猛整潔，比起晌「景村」喺令人覺得自在啲、好坐啲。晌鋪面已見到店家不斷強調佢哋喺賣重慶川味，而睇睇張餐牌兼落單紙，格式跟大多數嘅米線鋪大同小異，有類似過橋米線嘅一人餐（$54）、二人餐（$88），仲要送串燒、送嘢飲，又有多款重慶風味小食（涼拌 / 串燒），而自選米線（薯粉、公仔麵）就喺例牌嘅「車仔」形式。 米線 + 沙嗲 + 腩肉 $30 米線包幾款基本配料：腐皮、芽菜及韮菜，所以，小弟就只加腩肉就算，不過，就想+$2要沙嗲湯底。米線幾滑溜，份量亦頗大碗，撥開啲配料，大概有6片腩肉左右，切得非常薄片，肥而不膩，最欣賞啲沙嗲，確喺

今日偶爾經過，原本想去附近另一間米線店的，但經過這店睇時，覺得離間款式種類較多，又係新開唔太耐，於是入去一試。既然離間其中一個主題係以米線作為主打之一，於是我就試左過以沙X湯底的米線，不錯，這裡的沙X湯底配搭唔錯，好野味。店內環境都唔錯，夠光猛，店內環境衛生，侍應服務態度都唔錯，值得各位一試的。