重慶老巷 (已結業)

早排搭車經過見到呢間餐廳裝修得好有特色，所以突登去試一試睇下啲野好唔好食先內部裝修都係行懷舊風，牆上嘅poster都好有特色！店面相對較細，所以坐位都比較逼少少佢地有串燒，煲仔飯，酸辣粉同小菜，係四川口味小弟同男朋友就叫左個秘製通菜雖然落左辣椒炒，但其實唔係好辣。當初我見到呢碟菜心諗「冇咩特別姐......邊到秘製啊？」食落口就知係有特別嘅通菜好新鮮，少少辣同埋佢地落左「孜。然。粉」炒啊！個味好香好特別而且好新奇，可以試下第二樣野就叫左涼拌黑木雲耳呢碟我就一般，個味唔算太辣，其實個味係唔錯架，不過呢碟野同涼拌一啲關係都冇囉......呢碟野上到黎係有少少暖，本身諗住食啲涼涼地嘅野開下胃，食完有啲失望，希望餐廳會改善下呢一點跟手叫左燒扇貝同墨魚咀燒扇貝必食！！！扇貝本身個味夠鮮甜，再加上一啲秘製嘅調味，唔會好寡得浸孜然粉味，好香好正啊至於墨魚咀，調味同扇貝係一樣嘅 ，但.......但都幾un下 好難咬最後我地叫左北菇滑雞煲仔飯加多條潤腸呢個飯都幾多餸，而且..........有飯焦啊！！！總括咁講，餐廳食物算唔錯，但如果你好趕時間就未必岩啦。因為唔會一次過上晒啲餸，每款菜中間都要等一段

差不多1:45pm先到, 以為會無乜人 , 但入面原來都差不多滿座, 之後都不時有人走入嚟搵食. 唔知是不是遲去 ,除左碗粉即叫即到外, 我碟鮮茄牛肉飯和串羊肉都喺即叫即做. Set Lunch 除咗牛肉飯, 其餘嘅選擇都較肥膩 . 不過我見到隔離枱點椒鹽豬扒飯好靚. 下次再去, 肥膩都要叫嚟食! 杯奶茶就麻麻地.

友人介紹這裡有一間吃串燒和酸辣粉的小店, 今天就特地走來試下.  這裡店面細細, 但裝修幾特別幾懷舊~有復古FEEL~雖然是下午茶時間, 但我沒有叫下午茶餐, 反而叫了"午市酸辣粉套餐"~因為我想試下佢既串燒和酸辣粉, 而呢個套餐正是有一串串燒和一碗酸辣粉, 連熱飲都是$38, 幾抵食~我揀了牛仔粒串燒, 酸辣粉要小辣! 不久之後, 酸辣粉先上, 食落發覺湯底都幾好味, 酸辣味道幾平衡, 有少少麻辣味, 入面有幾種配料包括炸黃豆,花生,榨菜絲,豬油渣, 芫茜,  芝麻, 比平常吃的酸辣粉多D配料~酸辣粉份量也不細碗~ 唯獨覺得薯粉唔係太煙韌, 覺得有些少淋身, 唔知係咪煮耐左, 如果可以彈牙D就仲好!而牛仔粒串燒....等了約廿分鐘才上枱...是即燒的關係吧...不過真係燒得幾好食, 用來調味的味料好豐富, 香噴噴, 肉質亦嫩滑, 雖然等得久了點 不過都值得等!

今晚晚人比想像中多,幾驚入唔到去食…入到去搵左個位,果度老闆好似認得我…仲主動打招呼當然唔少得叫野食,今次試左新野,叫「爆香牛肉鍋仔飯」味道唔錯,熱度好好,放低都食到。之後試一直都未食過既野「燒茄子」…雖然整得比較耐，但食落覺得好正下次再有機會去食下

咁放工經過想搵平平地飯食, 企左出面猶豫好耐先行入去,入到去間野雖然細但都做到特色…入到去無人理好自在睇都唔洗睇就叫左個牛肉石頭鍋飯（好似咁叫）聽到炒野聲好快出左個飯！個飯配搭簡直一流之後見到有人話豬頸肉唔好食又試下,又唔差！

如果怕太辣，可以叫少辣。我地兩個人叫咗一碗酸辣粉(有咬口同辣得黎唔會嗆喉)，口水雞幾(唔鞋)，涼拌黑木雲耳(好味)，油麥菜(唔會炒得太林)，羊架(ok lah)見到人食豬油伴飯，心思思

早幾日夜晚我哋一班朋友諗住去串燒，行到去夠疆見到佢冇開就諗住轉場啦⋯⋯就咁就伏左了（重慶老巷） 一間應該開業唔耐嘅餐廳裝修都幾好～ 但座位數量有點兒小 一班人既話就要坐門口了我地叫左 翠玉瓜，魷魚鬚，司華力腸，四季豆，豬生腸，豬心 （羊肉豬肉豬頸肉牛肉嗰啲都有叫嘅，叫做正常啦）但以上果幾項真係難忘 坐低5分鐘左右 黎左第一碟司華力腸 3條 之後上菜速度係串燒店黎講係快既😨司華力腸：腸心唔熱既 thanks 翠玉瓜： 一面熟一面生 生嗰面好爽脆 清新！ 魷魚鬚：叫咗三串 最大同最細比例差幾遠下 不過拉上補下黎計 size ok, 但主要係唔熱同唔熟😷 四季豆：負性價比 食落去仲有草青味 非常新鮮. 但賣相唔差 呃得下人 豬生腸同豬心： 生腸應該清洗唔乾淨 臭同苦既 冇食到😷😷😷唔知係佢地冇經驗定我地order得太多野食 所以好多都唔熱又唔熟咁 但睇post話佢地係荃灣搬過黎咁我諗佢地應該處理太多order既時候handle 得唔係咁好 好求其咁燒兩野比我地就算仲有！！！ 串燒個重點係孜然粉，但好可惜地係冇味既😷咁仲邊有第二次呢 唉⋯⋯

中午經過新開張，即管試一試！ 好彩都不敢期望！真的很難食！$65一份外賣口水雞無飯跟，淨餸！ok！另加$9一大個碗......既白飯 一打開就……大大條菜芯墊底！實程得咁……嗅落係好香，食落唔敢相信自己買咗份咁既野，外形係口水雞，食落係臘雞鴨咁