重慶老巷 (已結業)

涼拌手拍青瓜🥒($22)青瓜腌得唔夠入味,感覺直程分似有腌過咁🙊辣味同青瓜係分開,依然食到青瓜既爽脆🧐不過個辣醬整得唔錯,如果腌得入味既話呢個會係一個幾好既涼菜重慶酸辣一丁🌶🍜($26)呢個組合為食妹第一次食,不過麵煮得唔夠淋身,仲係硬硬地🙈個湯係麻麻辣辣,完全冇酸味爆香五花腩肉石鍋飯🐷🍚($55)韓國既石鍋飯就食得多,重慶既就真係第一次食🤣不過體驗一般,飯質仲係好硬,可能因為我本身鐘意食偏軟少少既飯😩五花腩煮到好乾身,有少少難咬😖完全唔推薦口水雞絲粉皮🐔($48)呢個係成餐算唔錯既一個菜,粉皮係為食妹鐘意既闊同埋透明果種😍雞絲既份量唔多,不過個醬挽救左個菜些少🙈整體黎講還可接受我地仲有order 其他燒物,發現燒物比較好食,另外餐廳既餐具偏向唔乾淨🙈要抹一抹先好用,想試呢間餐廳既朋友可以食燒物

繼上回事雪糕事件~~~我被一位小姐撞倒，正當想發火之際，佢的電力仲勁過比卡超⚡十萬伏特⚡，瞬間使我神暈顛倒，此刻世上任何會硬的物體都會立即軟化，成杯冰淇淋🍦跌落佢身上， 我倆連番向對方道歉，場面十分尷尬。🙈 於是我就講笑來打破僵局: "不如你除左件衫，比我幫你乾洗啦！" 佢不但止唔嬲，還抱著歉意大方認錯，話請番兩杯雪糕賠罪！ 就係呢刻知道{機會黎啦~飛雲~}!!! 我梗係把握機會，扮趕時間來換取與她下次見面，佢即刻抄左我牌📱(就這樣奉獻左我的第一次了）。 此時兄弟從後叫我，轉眼間回頭她已不知所終，究竟我係咪撞鬼呢!?👻 估唔到佢當晚真係whatsapp搵我，愈聊愈火熱，愈講愈興起，原來佢係一位清純活潑，可愛動人，鍾意吃喝玩樂，而且無辣不歡既辣妹…… 我一於投其所好，醒起有間門面裝修特別既川菜，就帶佢來食重慶老巷 ，黎到門口已急不及待，影相打卡，入內佈置很懷舊feel。看餐牌有串燒，重慶小菜，涼拌小食等……坐落先叫左啤酒🍺&兩款小菜:重慶酸辣粉-$24：平價又大碗，辣油適中唔算太多，微微麻香，嚐啖湯只酸不太辣。薯粉如平常的煙韌，拉長足以比美萬里長城，連綿不斷...，而

重慶老巷依間店第二次食。味道唔錯，同普通嘅茶餐廳係有分別，所以如果你想轉轉口味，依間啱曬。 今次都係食lunch set，XO醬豬頸肉炒飯。賣相就一般，但係食落就味道好濃，XO醬好 惹味，豬頸肉味道好出，蛋炒得唔錯。飯就粒粒分明。依碟我個人覺得係值得食嘅！推介呀~~~不過呢，飲品方面就求其咗啲。真係估唔到會噤樣上俾客人嘅！ 睇相......熱咖啡，即溶個種。有啲係杯口度，係依度有啲唔滿意。最後係環境，地方細，但唔需要等位，如果一大班人，就唔好去依間。我下次會再食第二個餐，試下。

今日本身好想去食麵，但係去到間餐廳，竟然閂左門，有啲懶得再去搵吓一間，就直接走咗入佢隔離間餐廳。感覺幾特別，因為佢係行100%嘅復古風。好有歷史感覺嘅凳同埋枱，令人感覺好似去咗鄉村啲祠堂。由於趕時間嘅關係，我隨便點左一個重慶石鍋牛肉飯。牛肉爆香得啱啱好，啲飯有啱啱好煮到有飯焦，其實我自己好鍾意食飯焦，估唔到唔小心入咗嘅餐廳竟然食到，好開心，哈哈哈。當我仲諗緊叫啲咩野飲嘅時候，我見到我朋友嗌嘅可樂竟然係玻璃樽裝嘅，我又二話不說甘叫咗同一支。果然呢間係行100%嘅復古風，下次會再嚟試其他唔同食物😋

俾佢D 裝修吸引左, 係幾特別GE。叫左個LUNCH SET, 是蝦醬豬頸肉飯。但好HEA LAW, 同普通揚洲炒飯無咩分別, 蝦醬味不濃, 完全唔夠香, 基本上無豬頸肉, 只是得少少肉粒, 連蔥呀, 蛋呀, 都少.... 不過個飯炒得夠乾身LAW, 唔太得。

首先好欣賞佢裝修， 好懷舊又有特色。 價錢唔貴，竟然仲有12蚊串既串燒，堅抵。電視又播電影haha.有免費戲睇。酸辣粉超平，先24蚊。 抵抵抵。 個底料好正。其實我食個皮蛋已經食到個底料正。d串燒5係好重孜然味，又甜甜地，好正，又開胃。燒茄子好食，牛肉粒好正，做有帶子，魷魚蘇，雞中翼，仲有好多選擇。蠔餅5得。5夠莞茜同蔥。韮菜燒得5夠干身。豆干燒左原來5好食。羊反而1般。但係整體好正。 爆笑係可以叫網上外賣平台同網上外賣平台。

昨晚聽朋友介紹去左大角咀食重慶老巷，七點半到唔使等位，其實店舖都幾細，我地叫左好多野食，串燒雞軟骨，牛舌，原條茄子，雞中翼，雞腎，墨魚咀，翠玉瓜，四季豆等等，酸辣粉，麻辣雞煲，排骨加臘腸煲仔飯，蠔餅，皮蛋尖椒，總之就成枱都係野食全部都好食，價錢又唔貴，有個後生仔應該係老闆，佢自己又燒串燒，又入㕑房裡炒小菜，好勁三個人共食左四百幾，好抵！煲仔飯同蠔餅都好食，個侍應妹妹同個年青老闆都好好禮貌建議打電話去訂座穩陣啲，我地食完門口已經排緊隊啦

唔知點解一玩懷舊就好想入去試，大部份都係中招多，羅麥記/西環金記冰室呢d咪穩陣咯，呢度又係跳完舞，無無聊聊由奧運行出旺角發現，懷舊+多人排+唔貴呢3樣加埋更加想試以為咩咁好野，其實一般般1，有手撕包菜男友點會唔叫，可能佢自己做自己風味，唔係平時酸辣味道，有點失望2，牛肉石鍋飯可以，明明叫牛肉，但大到牛腩咁，好在都稔稔地，唔係點食咬唔開3，麻辣雞絲粉皮味唔錯，但係d粉皮煮唔透又大舊又疊埋，想點呀？叫客點食？4，蠔唔夠新鮮，調味一般5，燒魷筒都新鮮，但燒得唔夠香，因為漏左單，是但快手燒完上桌，味粉灑太多咯，咸呀！

不錯的一間小店，價錢不太貴而且有很多種類的串燒，味道很好，與其說是像一間普通的重慶粉麵店，更像是一間有重慶風味的居酒屋。其中的石鍋飯絕對是此店的必食之選。不過店子較小，不太合適一大群朋友聚會。

近嚟轉工作 嚟咗大角嘴返工Lunch 周圍搵嘢食見呢間個鋪面幾得意 入嚟試下 跟住就變咗常客Lunch menu 啲選擇成日都幾吸引 仲有酸辣麵餐 石鍋飯餐 唔會揀唔落手鑊氣好夠 行過可以試試

今晚11點又黎到呢間小店幫襯，因為小店可能10張枱都無，環境仲要好逼，所以要等位，大約10分鐘就有位，入到去好大陣燒烤味，有個位似bar枱，但係用黎燒烤，抽氣扇可能無開定抽得唔勁，所以令到全場都煙霧彌漫一坐低，有張剔野食紙，但啲字細到近視可能睇唔到，揀左一個石鍋飯，幾串串燒，一個涼拌菜，2支野飲等左5分鐘左右個涼拌雲耳就上枱了，望落好似好够味，但其實啲雲耳唔點到汁係無味，略嫌不太凍再等左一陣串燒上枱，有雞軟骨，雞肉，豬頸肉，金菇，見到好似好辣咁，但佢無問過我要咩辣，如果我唔食得辣咁點算，雞軟骨好硬，雞肉可以，豬頸肉超勁厚，爭啲咬唔到，金菇唔乾身，但我覺得整體好難食，因為我除左食到成口粉之外，係一啲味都無！未食過咁難食嘅串燒再等左一陣燒茄子上枱，都係好難食我覺得等到唔多對路，個飯平時一早上左，我一問之下原來無落到單，佢話好快，依家幫我落左，咁又真係好快，5分鐘內就上左，唔洗講，一定唔會好食，首先望落去一啲都唔熱，我要小辣無比到辣我，啲五花腩肥到食唔到，望落有5舊左右之前食好好食咖，依家點解會變左咁嘅最後見隔離枱個燒帶子好似好食，就叫左2隻，18蚊一隻，10分鐘左右就上左枱，啲帶子好似無洗

經過捉精靈見到呢間食肆, 就入去試試. 酸辣粉同木耳一般但係個石頭飯 幾好食. 五花腩煮得 好好 味道唔錯. 酸辣粉 味道都ok但係冇乜特別, 或者我唔係太食木耳我覺得有少少怪味. 所以如果經過的話一定要食石頭飯 其他嘢都可以試一試. 如果啲肉碎冇咁漿糊 我會覺得更加好食. D 石頭飯都有水準所以如果有機會我都會試其他好味. 我過嚟時間是afternoon tea time, 我認為佢哋啲串燒都會幾好食不過時間就唔啱.呢間餐廳肯定有進步空間努力加油

今日又凍咗，一大班朋友諗緊想食乜，有朋友建議不如食煲仔飯，即刻諗起呢一間大角咀嘅川菜小店， 臘味煲仔飯又香又惹味，份量又足，水煮牛肉，牛肉夠滑好掂，仲有好多串燒選擇，唯一有點失手，燒茄子略嫌油份太多， 燒牛脷食完一碟唔夠喉😂仲要叫多兩串，最重要價錢平民化，每人平均食兩款菜色均消都唔駛$200，啱曬大食嘅朋友🤗

一定要讚下呢間無名小店。係我等候食物到來其間，為大家寫个食評。首先講下個環境，香港地，地方都係細，但店主佈置得好有心意，充满一種復古味道。跟住睇下个菜單，裏面有好多香口野，好似串燒咁，當然都有好多辣既野，重点係價錢好實惠。食物终于到了，我地今次就試左，秘制油麥菜，煲仔饭，薑葱魚腩同燒雞亦。个菜真係好得，但煲仔饭个冬孤有一占酸味，不过都好味。服务方面，大致都快手，有禮。有机会大家都去試一下

星期日帶日本朋友去食。佢鐘意食辛辣食物，所以帶佢來這小店。點了幾串串燒，味道合格，不過無咩驚喜。之後來了重口味雞煲。雞肉件入哂花椒味，加上青紅椒炒起，新鮮熱辣送上檯，配啤酒夾到爆。日本朋友食唔停口，一路食，一路一叫好味うまい，日本食唔到。之後再叫蠔餅，剛剛炸起就上檯，超脆，又唔太咸，仲有d 蠔鮮味。蠔內加了芫荽一起炸，平時唔食芫荽的日本朋友都食味。埋單每人$140，仲叫左4支啤酒，性價比高到無朋友！ご馳走さま！謝謝款待！