野見拉麵

营业中

休息中

俾拉麵關注組吸引而到訪呢間拉麵店🤣一向喜歡雞白湯拉麵既我對我黎講好吸引🩷好在勝在人唔係好多坐Bar檯都唔會好迫😛 湯底果然不錯有水準👍🏻比起雞叉燒本身出色 但係呢間價錢來說CP值算係不錯💰⭐️ 雞白湯拉麵 🤍一飲落去雞味都好濃郁🫶🏻脂肪咁唔算多唔會太厚身 飲耐左稍嫌Creamy既口味比起雞味濃郁😅 雞叉燒本身口感偏淋🐔 肉味更濃會更好⭐️ 雞鹽味拉麵 🧂比起雞白湯個人覺得鹽味更有驚喜🥹 湯底比較清澈感覺似無咁鹹既中式雞湯🍲更能凸顯雞肉既味道🤪 順帶一提味玉都好出色 溏心既蛋黃充滿鹹鮮🍳

因為本身諗住要排隊，所以星期六5:50已經企定定係門口好好彩6:00直入，不過見到6:15就已經全滿雞白湯拉麵一上檯已經熱到焫手♨️先試一試個湯底，湯底非常濃郁，而且唔係死鹹麵條係幼麵，但同坊間其他拉麵店唔同，麵條上有一點點嘅小麥粒🌾而配料有豚肉叉燒，雞胸叉燒，味玉，蘆筍，粟米芯同埋青蔥最驚喜嘅係雞胸叉燒真係好嫩滑😋飲品類就覺得冇咩特別，不過店家同其他日本餐廳一樣，檯上都附上冰水🧊食完夜晚返到屋企都唔會覺得好口渴註: 店家4:00-6:00會中場休息，大家呢段時間唔好去摸門釘啦📌

突然間好掛住日本 拉麵癮起 行過深水埗就決定試吓呢間野見拉麵選擇其實唔多 只係得三個湯底嘅選擇 包括有雞白湯，雞鹽味，同埋雞醬油另外有今日Special嘅蝦湯拉麵我男朋友比較鍾意清湯 所以揀咗雞醬油 而我就揀咗蝦湯拉麵一個湯底係成個拉麵嘅靈魂第一啖飲個湯底已經俾佢震懾左 個蝦湯係濃到不得之了 係飲過最濃既蝦湯 我個人覺得比起一幻仲更加好食我上面中鋪住少少櫻花蝦做點綴啲面黐埋啲湯汁一齊食，真係一流而且個蛋都好驚艷 一咬開個蛋黃，竟然係紅色 平時嗰啲都最多係叫做橙色 🫨 留心嘅蛋黃就梗係必然碗拉麵仲有雞胸同埋一塊叉燒 啲雞胸都滑既 舊叉燒就有少少肥 但係點埋啲湯汁就一定好食最後真係忍唔住飲晒成個湯底 總括嚟講雖然一碗拉麵都要$100 但喺香港嚟講呢個都係均價 而且呢碗拉麵都係物有所值 所有食材都配合得好好 所以回頭率係100%

對食拉麵一向高要求嘅我，平時喺香港真係唔敢亂咁食，尤其係新開，因為好多時都有好多味精，湯底不單止死鹹，價錢亦都唔平，簡直係俾錢買難受😮‍💨呢間雞白湯拉麵，主打嫩質薄切雞胸肉，雖然賣相唔係出眾，配料亦都唔係特別多，粒蛋就正正常常糖心蛋，不過勝在啲麵真係好好食，好彈牙，平時細食嘅我都忍唔住加咗底，廚師即叫即煮，所以等待煮麵嘅時間都比較長，但以$98食到一碗咁高質嘅拉麵，唔會太油膩，又唔會死鹹，感覺好健康，叫物有所值☺️可惜朋友嗌咗雞醬油拉麵，醬汁淡而無味，小失望，總結係可以唔嗌😂

泓一同野見，上次試左泓一既雞白湯 。今次試試野見雞白湯 ，野見湯底冇泓一咁濃咁”傑”。湯底我會buy野見，而且我都好欣賞佢嘅配料雞胸肉同叉燒都好食同個湯好夾 。但係我果隻流心蛋不似預期，雖然佢未去到熟蛋黃但係啲蛋黃已經凝結，蛋白都偏熟咗 。佢地雞白湯配嘅麵條唔係普通既幼拉麵，唔知係咪混左啲小麥係裡面 。不過我食唔到麵既香味，麵條既質地偏爽，掛湯一般 。呢款麵條唔算係最佳配搭 。整體嚟講呢個拉麵都唔差，又有蔬菜我喜歡 。醬油配料方面佢地只有七味粉胡椒粉提供 。沒有醋，蒜，檸檬汁 。我係醋人，本身拉麵都比較滯，喜歡最後幾啖加幾滴醋解膩 。希望餐廳未來可以有醋/檸檬汁提供 。所以最後未有飲晒成個湯 。我個人很喜歡小店因容易同佢地交流食物上心得，好可惜今次我坐bar table但未有機會 。anyway, 比心機，你哋仲有進步既空間 。

最近都幾多人介紹嘅太子低調雞白湯拉麵\ 野見拉麵 / ✫彡 喺𝑜𝑝𝑒𝑛𝑟𝑖𝑐𝑒評價唔多、喺拉麵關注組好壞參半嘅小店雞白湯偏黃 質地杰身 濃而不膩 飲得岀有乳化嘅湯頭感覺拉麵有小麥嘅味道同韌性但彈性就普通 掛湯不足以$98 一碗拉麵嚟講配菜算幾豐富 包括有叉燒、雞胸肉、粟米仔、味玉、露荀當中雞胸肉似慢煮方式製作 係意想不到的軟嫩 有驚喜！感覺野山拉麵係比較平實嘅小店平心而論𝑃𝑟𝑒𝑠𝑒𝑛𝑡𝑎𝑡𝑖𝑜𝑛唔算好精緻但係味道幾合口味 個人都滿意𝑶𝒓𝒅𝒆𝒓𝒆𝒅⁂雞白湯拉麵 $98忌廉梳打 $15📍野見拉麵 𝙽𝚘𝚖𝚒 𝚁𝚊𝚖𝚎𝚗太子柏樹街6號地下地鋪#eatwithrachel太子 #香港拉麵 #太子拉麵

看社交平台介紹呢間位於太子的白雞湯拉麵，個雞湯非常正，舒服好味厚身，仲唔多覺味精（本人對味精有敏感），雞胸肉非常soft, 好滑好食，叉燒是黑豚，又係另外一個亮點。我們也試左紅色的蝦湯，是期間限定，也是不錯，但要我們選擇，還是老老實實的白雞湯拉麵。無得輸，天花板級數。

之前經過見到門面幾企理就已經有啲心郁想試下，但平日去親都要排隊。卒之今日就膽粗粗再過去睇下啦，點知竟然唔駛排隊，入到去只係得2枱客，咁就諗都唔諗，求其搵位坐低啦。當我地填緊紙仔既時候，店員就行埋黎殷勤講解，態度讚呀👍🏻。叫左2碗麵加多碟餃子，3樣野都有驚喜。1）雞白湯拉麵 - 湯夠清，味道夠；2）限定拉麵（好似） - 今期即係蝦湯拉麵，正常蝦湯，至少無失望；拉麵 - 麵爽得黎夠淋，1整粒既糖心蛋（似蘭王），1塊慢煮豚肉，3塊雞肉3）日式餃子 - 餡料豐富，有咬口，另外個豉油好似加左七味粉，好特別，同餃子都好夾。1碟5隻，但食左先發現唔記得影😝環境企理乾淨，一般拉麵價錢，唔會特別貴，性價比都高，會再試埋另外2款拉麵🍜。

🍜🍜周圍試拉麵系列🍜🍜「雞白湯拉麵」湯底：飲一啖，都算有雞味，質地比較杰，好似打左個芡果種。鮮甜度來講，呢間唔算特別鮮甜，連埋拉麵一齊食，會顯得比較清淡。麵：麵條爽口彈牙，有少少小麥嘅質感。雞胸肉：三片慢煮嘅雞胸肉，都好嫩滑。叉燒：有一片好嫩滑慢煮嘅叉燒，唸得來有d彈牙，口感唔錯！溏心蛋：都OK入味。「醬油拉麵」湯底比起上面雞白湯嘅味道較重。飲第一啖，會覺得幾濃郁，係清湯加濃郁嘅醬油味道。不過食食吓，去到中後段，就會覺得比較鹹。食到後面，好難將湯加麵咁一齊食，因為較鹹。其他麵條、雞肉、叉燒都係同上面雞白湯嘅材料味道一樣。環境： ★★★☆☆ 食物： ★★★☆☆ 推介指數： ★★★☆☆

之前去開太子學打鼓見到有新開張嘅拉麵店就去咗試。朋友到先，佢同我講返，出邊排隊嘅人完全冇職員理會。亦唔會有人出黎問幾位，數住人數問下人齊未。我去到嘅時候岩岩可以入座，後邊果張係三個人，職員都俾我地坐bar 枱。我朋友醒目，知道後邊多人主動話坐table，唔好阻住d 位。間嘢真係唔識做生意。店員服務唔主動，冇乜笑容。中途仲見到佢地打爛嘢🙈🐔雞白湯拉麵 $98試左雞白湯拉麵，湯底比較淡口，唔夠濃郁。d 餸好似冇乜味，雞胸仲隱若食到d 雪味。唯一係隻蛋質素唔錯。

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ ·▎早排去開太子食糖水 發現糖水鋪對面有條長長人龍 原來喺新開咗一間 雞白湯​​拉麵小店 鋪面極似 ᴏᴍᴀᴋᴀꜱᴇ上網查一查 發現​​拉麵關注組有唔少推薦 評價好壞參半主要都喺雞白湯比較推 而雞醬油就偏鹹 拉麵麥香欠奉雞醬油配搭比較不理解  叉燒黑豚片、 慢煮雞 有點而生或許考慮一下 火炙叉燒、火炙雞肉 更合適 溏心蛋出色❕  ▸  雞白湯​​拉麵 ┅ HKD 98當日選擇了開鋪時間到場 參考到關注組朋友們的評價  最後只叫上了較為推薦的『 雞白湯​​拉麵 』坐立吧頭置 雞白湯呈黃牛油色澤 湯底濃稠 口感絲滑 陣陣誘人香氣 配上溏心蛋、 慢煮白雞肉、叉燒黑豚片、粟米筍、露筍、 香蔥等 但個人麻麻地偏生半熟嘅黑豚味道、雞肉味道都喺考慮一下 火炙叉燒、火炙雞肉 適合雞白湯多啲 🤤▎整體吸講 個人覺得湯底好出色 概比『 泓一』更香更濃稠但『 泓一』奶白湯 配料比較吸引更好食 … 😅 朋友都認同 . 𖡘𖤣 (˙-˙ ٥) (˙-˙ ٥)· ┈┈┈┈┈┈ · ꕥ · ┈┈┈┈┈┈ ·𓌈˒˒ 野 見 拉 麵 ɴᴏᴍɪ ʀᴀᴍᴇɴ 𓂃𖠚∗ᤲ𑀇❜ 太子

星期四晚上6:30已經去到餐廳門口，估唔到依然要排隊，好彩排咗15分鐘左右就有得入座。餐廳細細間，裝修都幾靚。.餐廳拉麵option唔多，冇小食可以揀。.🍴雞白湯拉麵作為雞白湯愛好者，每食一間拉麵店一定先試雞白湯。覺得好多拉麵店都好厲害，大家都好食，但味道都截然不同。野見拉麵嘅雞白湯偏濃，如果要夾硬比喻，有啲似金寶忌廉蘑菇雞粒湯嘅味，當然呢碗再香口啲。.叉燒同雞叉醃得好好，唔係單靠湯底嘅味，比起好多拉麵店都出色少少👍🏻.一個好特別嘅點係，佢隻碗好熱，有助keep住碗面嘅溫度，基本上食完都仲感覺到暖🔥.值得一試嘅拉麵👍🏻👍🏻

😋Hey ramen lovers! Here you find yummy chicken-based broth with premium quality chicken breast, char siu and soft-boiled egg! Noodles are plesantly chewy😙👍🏻一個月內第三碗雞白湯拉麵🤭，分別試咗1️⃣尖沙咀平和拉麵、2️⃣觀塘麵屋常勝同呢間3️⃣太子野見拉麵，🥰呢間最出色！雞湯濃郁，有啲似泓一，但記得後者食到我好滯，呢間反而食完都唔會太膩。雞胸肉同叉燒嫩滑，溏心蛋色澤好靚☺️。麵淥得彈牙，軟硬適中。咁啱我坐正喇叭吓面覺得好嘈，店員幫手較細音量😆，整體嚟講食物質素同服務都滿意！📍 野見拉麵 (太子 Prince Edward)太子柏樹街6號地舖G/F, 6 Cedar Street, Prince Edward

睇相都睇得到，雞白湯係比較杰身，遮晒啲麵，雞鹽湯係清啲。男朋友覺得兩碗麵都偏咸，雞香味又唔夠突出。我就唔覺得好咸嘅，可能因為我唔會飲好多湯。每碗麵都有一塊叉燒，三塊雞胸肉，一隻蛋。雞白湯拉麵另外仲有蘆筍同粟米筍。叉燒薄身，淡味。雞胸肉唔鞋，但都係淡味。蛋唔夠流心。麵一開始食係偏硬，食到後尾浸耐咗就淋返，麵嘅香味比較重。職員好好，我哋坐低咗之後見bar 枱有人走，想調過去坐佢哋即刻幫手。坐bar 枱可以見到師傅煮麵過程。

忙碌嘅黑熊先生連星期日都要工作，搞掂曬之後我哋係太子附近搵啲快靚正嘅餐廳，早啲食晚餐。知道佢鐘意食拉麵，咁就順便嚟試下呢間開咗無耐嘅野見試下佢哋啲雞白湯拉麵🍜晚上6:10左右到達，已經差唔多滿座。6:30左右開始有人龍排隊啦🫢我諗位唔多，加上每張單都需時20分鐘製作，所以都要排咁耐。溫馨提示，想食早啲嚟坐底等好啲🫶🏻🐓雞白湯拉麵，湯底比較濃厚creamy，但唔會太咸，唔會濃到喉嚨乾，似幼滑嘅忌廉湯。幼麵條，混合咗小麥粒（？），感覺湯汁會掛麵。雞胸卷我好滿意，非常之嫩滑。叉燒係薄薄一片，帶粉嫩紅，放入湯浸多陣會變得更熟更深色，都係唔錯！糖心蛋火喉剛好，去蛋壳都好完美，無拆爛蛋白，蛋黃帶深橙紅色，似蘭王質素，但就少咗一啲回甘味。🐓雞醬油拉麵，湯底淡淡然嘅雞湯和少許醬油。配上幼麵其實係香港少有食到嘅清爽拉麵口味！麵條同雞白湯用嘅麵唔同，比較黃同幼啲。我好怕食完拉麵有種肥膩、口乾和飽滯感，但呢度無呢種完食感覺。平時食完重味精嘢都會起痰咳，今次無起痰，應該湯底是好東西😆值得回頭！下次試埋隔離嘅弘一拉麵比較下先😎