金利來食坊 (已結業)

夕陽無限好，最后的牛下最燦爛，金利來也最閃亮。門外一條長龍，比起隔壁半滿的姿態，展示出一種江湖地位。差不多一個小時沒動過的隊，沒有人不耐煩離開，魅力可見一斑。椒鹽鮮魷九肚魚，粉不厚，上枱時新鮮熱辣，印象不錯。豉椒炒聖子，有著排檔的鑊氣，原應不錯的，可惜聖子先天不足，勝在便宜。飄香雞，其實是海蜇、蔥油、芝麻、醬油拌切雞，第一次食此味，味道是夾的，賣相也漂亮，價錢所限，無甚雞味也無所謂了，雞肉勝在夠嫩滑。蒜茸蒸扇貝，四十元六大隻，扇貝不算很鮮，蒜茸亦很搶味，不過這麼便宜，沒話說了。煎蠔餅，分量奇大，不知用了多少隻蛋，蛋味很香，煎得脆脆的，蠔少了點，下了點咸蛋是神來之筆。膽固醇奇高，亦是全夜最好的一道菜。炒西生菜，排檔炒菜，夠鑊氣，沒什麼好說了，好食。食完趕快交枱，讓其他人也可及時趕來湊熱鬧。

朋友生日!諗左好耐去邊度食見牛下就黎拆!又見openrice既食家們都話金利來唔錯所以就扑鎚係度食啦約7點黎!只有2-3台人食緊飯之前仲驚冇位~好彩!5個人 每人叫一個食送!我地黎之前都有睇過openrice邊個食送係依度既拿手菜黃金軟殼蟹幾特別!d咸蛋黃汁包住晒d蟹同粟米!蟹炸左之後ok啦!但杠體上真係咸左d喎!粟米反而唔錯!椒鹽鮮魷好味!炸得剛剛好!加埋個汁 正!咕嚕鴛鴦球(雞 同 魚)ok 幾好味!黑椒牛仔骨個牛仔骨幾難咬!唔係好淋又係重手左!咸左少少-0-蒜蓉炒白菜仔that's ok!的確叫左好多肉.......加埋汽水呀飯呀 埋單280幾蚊!唔係貴!希望金利來調節下個味道=)咁就very good啦!朋友生日快樂!

知道牛頭角下村大排檔快要被拆了都相約友人到此聚1聚小菜鑊氣10足而且上菜速度很快小二們很nice, 很有親切感蠔餅size 很大, 有臉的兩倍size 椒鹽九肚魚& 鮮squid很香口!西檸雞my favourite 每次去大排檔都要點的小菜lemon sauce 不太酸配合香脆的炸雞件1絕!

牛頭角下村就o黎拆, 所以特登走一趟, 懷舊一下. 黃金軟殼蟹 - 炸軟殼蟹食得多, 未試過食咸蛋炒, 賣相都ok, 不過食多二件好溜. 煎蠔餅 - 唔油, 但係少蠔同蛋餅多咗d. 椒鹽鮮魷, 九肚魚 - 鮮魷好味, 九肚魚唔係好新鮮

　有四十年歷史嘅牛頭角下邨，快將成為香港人嘅集體回憶，呢個香港碩果僅存的嘅徙置屋邨，吸引唔少龍友去影相，自然有其特色之處。　鑊風十足嘅大牌檔，亦係牛下街坊同街外人公諸同好之地；上個禮拜四同埋幾個朋友去呢度開餐，諗住試下佢地啲鍋貼炸蝦餅同埋蒸扇貝。　一入到去，就聞到一陣好難聞嘅曱甴屎味！相信嗰度都有唔少「小強」匿埋，但好彩冇出現。可能時間尚早，除左我地只有另一檯、一男一女的客人。　後來嗰度人氣多咗，陣味先冇咁勁，但都忍唔住，食完就走。　雖然嗰度啲嘢係特色同幾好食，但係衞生都好重要架！曱甴會傳播疾病架，尤其是而家豬流感咁猖狂，幾好食都係咁話！

4月7日, 撞啱今日去九龍灣睇戲, 就嚟到牛下食飯, 可能大家都知道牛下就黎清拆, 所以d大街小巷都幾多人, 周圍食肆都係人來人往, 我地去咗金利來, 多人到要排隊, 好彩唔係排咗好耐…::: 黃金軟殼蟹 ::: $55我地好鐘食嘅軟殼蟹, 叫咗用黃金整法, 其實有d漏, 軟殼蟹非常香口, 啱啱炸起, d蟹嘅油滲出蟹肉, 勁香又脆!! 咬落啖啖肉~ 加埋外面嘅咸蛋黃, 咸咸地食頭幾啖真係開胃d口水完全大量咁分泌出黎, 不過食得多真係覺得好鹹, 可能要送飯至得~ 底下仲有粟米同大量椰菜絲墊底, 粟米吸收咗d咸蛋黃味道都幾唔錯, 呀菲勁鍾意!! 椰菜絲亦令成碟野感覺上冇咁熱氣~ 不過真係好大碟, 2個人未必食得晒, 因為食多幾件會滯, 4人食會好d~::: 煎蠔餅 ::: $35份量繼續勁大碟, 睇賣相比潮州打冷d蠔餅好, 又煎得好脆~ 不過, 都係頭幾啖好食, 蠔太少而蛋漿過多! 呢味又係唔洗點汁都已經超鹹, 基本上唔送飯係好難食得晒. 差唔多三啖蛋先得一啖有蠔… 同埋凍咗之後d蛋漿好一舊舊, 好似食緊雞蛋糕咁… 絕對唔合格…本身都對呢間幾期待, 所以都有d失望~ 咁多人黎食都可能係羊群

五月九日(星期六)看完了<南京!南京!>後,懷著沉重的心情離開了megabox,前往牛下了!多次走訪牛下,我數過都差不多十次了,吃得最多是雞蛋仔,不過隨著人多了,質素明顯地比我們最初吃的差別大!其他的食肆都吃過幾間,當中最令我吃得津津有味的還是雲興隆的煲仔飯!當令我印象深刻的是興記茶餐廳,那份人情味,那個拍賣會,都令我離忘吧!今次也許要到金利來了,令蹙經過都見到有人龍,今次時間充裕,可以等等!去到時,人龍已經分開了兩條,因為怕阻礙了雲吞麵店的生意!排隊時,我們已經開始看menu,都算選擇多!有潮州鹵味,有小炒,有煲仔菜!價錢也不貴,大約四十多至五十元有交易了!老公見到有煎蛋蠔餅,就點了這個!加上它的"open kitchen",見到蠔餅的賣相不錯,很大件!不得不提那個大排檔的open kitchen,很少會見到的!在排隊時已經見到部份小菜的賣相和炮製方法,最注目的一定是一條一條橙色的大腸掛在內廚房外!見到你可能不敢叫了!我們就是見完就決定不叫!還有那些煲仔菜是內廚師弄好,外面的負責燒紅煲,再放上已經弄好的小菜!原來不是用煲炷的,可能外面的食肆都是用這個方式,我們平時看不

牛頭角下村相信近來無人不知, 新聞報紙日日刊登, 人氣爆登之餘也連帶這兒的食肆收個旺場. 早兩年來這吃晚飯也要等上一段時間才有位, 而臨清折, 這裡更令人們變得瘋狂. 本想打來訂位但原來已不設訂座, 朋友一早到來也要等上兩小時, 在此多謝朋友們的耐性被安排坐在走廊位, 雖然九個人要迫上很小的檯, 但看著人們在身邊穿梭, 伙計忙到一團的擦過, 再看著那鐵絲欄杆, 那種風味景象實在難尋豉椒炒聖子 - 每人夾起只分得一件, 聖子爽口, 至緊要是無沙, 豉椒亦做得香而不太辣, 同座小朋友也可吃下麻辣東風螺 - 一窩熱辣的奉上, 東風螺鮮味全被辣味蓋著, 朋友吃一件已要灌水, 但吃得辣的我卻縑不夠麻風沙雞 - 大量的炸蒜放在炸雞上, 未吃已聞到那香味, 雞皮炸得香脆, 但又不會偏油, 而雞肉出奇地嫩滑, 不錯蒜茸白菜仔 - 沒吃黃金蝦 - 莫非真的希望越大失望就越大? 蝦本身炸得夠香脆, 但最敗筆是蛋皇炒得不夠散, 還一粒粒的和蝦身分離, 啜著蝦身嚐不到蛋皇的鹹香味, 是近年吃過最差的炸大腸 - 外皮炸得不夠脆口, 但又不至過腍, 只之口感上未能滿足, 尚幸腸肉不是過肥那種, 吃下亦卻很甘香椒鹽

同男友未夠6點半就去到. 真係誇張, 已經有約5, 6張檯排在我們前面了! 隔左一陣後面已經又有條好長既人龍喇... 如果想去既話都係訂位先會好d! 等左好耐先有位... 一坐低就即刻order: 黃金軟殼蟹: 好食! 炸得唔油膩, 咬落有軟殼蟹既肉汁滲出! 加埋咸蛋黃既香味, 好正好惹味! 好快就俾我地清碟了. 粟米也香甜, 唔錯唔錯! 椒鹽魷魚鬚: 炸粉薄, 咬落香脆可口, 份量好多! 魷魚鬚又夠粗, 太好食了!! (不過真係好熱氣..) 芝士焗扇貝伊麵: 最差的一樣... 扇貝本身肉質鮮甜, 可惜配上的芝士汁淡而無味, 伊麵少得可憐... 早知聽男友講揀蒜蓉蒸扇貝算了 覺得呢度既椒鹽野真係整得好好食! 不過呢一餐, 實在太有罪疚感了........

牛頭角下邨就黎拆LA，我最鍾意GE金利來都快要搬走佢話未知搬去邊TIM，我都唔知幾時先可以食番:今次GE晚餐，好難得屋企人同男朋友走到牛頭角食飯仲要全部都係我最鍾意食架~~有椒鹽九肚魚、飄香雞、魚香茄子煲、椒鹽賴尿蝦同豉椒蟶子~!!!!正雖然份量係少左，味道亦不及從前鑊氣勁~~不過，呢個地方確實係_集體回憶 !@@

又一個是為了牛頭角下村快拆在即, 而趕快去回憶一番的食肆。 雖然, 網上很多都說這間食店的質素不錯, 但是小弟試了這間食店兩次, 就發現這間食店的質素是會隨時改變的。第一次試這間食店, 是在二月尾的時候。 那時我和一大班(十多個)去食, 要講環境真的不要太苛求, 記住這是屋村食肆來, 如果你想要堂皇的裝飾的話, 麻煩到德福廣場, 或是淘大商場你都可以找到。 不能期望屋村食肆是多豪華, 最重要就是好吃。第一次吃這間店, 感覺不錯, 因為以屋村質素來說, 這間食店的東西屬於高水平的。 首先一定要試的, 就是他的海鮮, 特別是瀨尿蝦, 因為同出面不同之處, 這裡的瀨尿蝦是特別多膏的, 不過要多膏瀨尿蝦, 是需要加十多元的, 不過出來吃飯就是如此, 也不會計較太多。 其次要試的, 是他的蟶子, 因為真的十分好吃, 用豉汁來煮的特別惹味。但一定要試海鮮糯米飯, 最好就是試白鱔糯米飯, 因為那裡的白鱔十分少骨, 而且又香又滑, 就算對鱔不喜歡的人, 都會愛上它, 再配上特製的甜豉油撈飯, 更加入味。海鮮類不錯, 但其他的都可以。炸子雞不同一般酒樓, 用雪藏雞來做, 而是用新鮮雞, 味道自然不同。

牛下待拆,當然把握時機,盡情享樂!六時到達,後鑊與樓面哥哥全在晚飯中,這段時間惟飲著啤酒等待.到六畤九開始運作.四大一小叫了:避風塘軟殼蟹$55 - 不太辣,老幼咸宜.飄香雞$65 - 皮滑肉香,沾上蔥茸辣椒,辣辣地幾開胃.豉椒炒蟶子$45 - 新鮮,夠味,椒鹽賴尿蝦$40 - 蝦有近30隻,但細隻,沒有甚麼肉.三色蛋$40 - 送飯好好.6支啤酒,兩碗飯,埋單$355.抵食!

之前要考試要返工又要做功課，食評堆積如山般，襯有空就清清，所以這是個遲了三個多月的食評。椒鹽魷魚朋友仔飛佛。不過今次兩個都覺得麻麻。魷魚厚身，不過太濕，又唔椒鹽。沙拉骨拼窩貼蝦餅比以前既食評縮水沙拉骨得沙律醬多，骨就三四舊。蝦餅大塊，但質素普通，蝦膠打得唔夠彈牙，而且整左一段時間，變得溫溫吞吞。XO醬肉絲蒸茄瓜茄子蒸既時間唔夠，而且油太多。本想叫碟菜平衡下，點知而家得不償失白飯質素一般。只想講，叫碗白飯都足足講左三四聲，無人理，慘。

同朋友睇完公民黨首映已經係九點半，咁岩又諗起牛下都『果頭近』喇，所以就趁牛下仲未拆，去九座搵好野食，行過呢間金利來食坊，就比佢裡面幾近坐滿的食客吸引住入左去喇.....有好多招牌茶，都唔知叫乜食好，最後叫左四個餸，有細蠔粥、豉椒炒蜆、椒鹽尿蝦同埋辣酒煮花螺。豉椒炒蜆，夠辣，送酒一流；椒鹽尿蝦夠香口，啖啖肉；細碗蠔粥，用魚湯湯底，夠晒鮮甜，食完仲加多一煲辣酒煮花螺，上枱時啫啫聲，D辣煙辣到隔離枱食客打咳痴添呀。不過無奈地炒蜆都有唔少係未開殼既，而開左殼既亦有好多係冇肉既；而椒鹽尿蝦亦有幾隻係訓覺蝦，相中前方就有一大隻訓覺蝦，D訓覺蝦一搣殼D肉係散晒爛晒既....兩個人九點半食到十一點半，四個餸三支老青埋單$233......

朋友Mandy 3月15號生日,我同朋友李太&佢老公約咗佢去金利來食坊,預祝佢牛一啦.我朋友李太已經早幾日打電話黎,提議去金利來啦食飯啦,哈...我正有此意,因為記得第一次去呢度,都係同李太&其他朋友一齊黎食,覺得呢度D野好好食,所以舉腳都贊成啦.我地約咗7:15分係金利來等,先到先罷位,我係比佢地先到,我去到個陣,入面舖已經冇晒4個人位要係出面食,咁都冇計啦,出面食仲有風味啦.出面D位有野遮擋既地方都比人罷晒,得番電視機前面個位,咁都OK啦,有得睇電視.大家坐定定之後,大家選菜式啦,我地選咗豆豉鯪魚炒油墨菜,沙拉骨,椒鹽軟殼蟹,芝士焗扇貝伊麵.等咗15分鐘左右,D菜黎啦,第一碟黎既係椒鹽軟殼蟹,黎到咁陣,個個都話,嘩....好大碟呀!食落仲好好味,70元一大碟,抵呀!然後就陸陸續續黎齊,沙拉骨又係好大碟,好好味,不過又係一件起,兩件止,因為都幾漏.芝士焗扇貝伊麵,D扇貝真係好大隻,但D伊麵如果多番少少咁就好啦,可能我地大食.但份量其實好足.豆豉鯪魚炒油墨菜又係炒得好好味又大碟食到其實八八九九既時候,李太提議叫多一碟菜,本來係諗住炒清菜,後尾見到後面個枱食緊蘿蔔清湯腩,於是又叫咗一窩,