金坊泰國美食

营业中

休息中

諗起食泰菜又要經濟好味的話，一定係金坊泰國美食，他們在九等龍新界有3間分店，每逢星期四五六日通常晚上都要排隊，所以最好預先訂位今天是31/10 helloween，諗住帶小朋友出尖沙咀感受一下氣氛，要在附近的分店只有黃埔最近，荃灣分店我去得多，這一間都係第一次，這裡地方不算逼夾，上菜的等候時間非常有效率，服務質素不錯，食物非常底食，尢其是午市套餐，平均消費只是＄50包飲品，全日免加一服務費，所以食泰菜來說這一間的確是不錯的選擇！

自從黃埔通車去紅磡食野真係好方便！😎海南雞會幫你去埋骨 上枱時暖暖的泰國菜又點少得烤魚同冬蔭功呢😝明爐烏頭會另上一碗魚湯 食秀珍菇多過食魚😂肉吾太嫩 不過夾菇同肉碎食都過得去既冬蔭公吾辣😌可能就返香港人味道🤷🏻‍♀️

今日LUNCH又路經紅磡，同朋友去到金坊食個泰菜午餐，叫左個海南雞飯，隨餐附送冬蔭功湯或者係椰汁雞湯。海南雞好嫩好有水準，油飯同平時既差唔多，值得一讚既係椰汁雞湯，同係泰國飲到既一樣咁好飲

今次又係屋企附近出動，呢間泰國野都食左好多年，係紅磡區食泰國野一定會諗起佢。由正宗泰國人主理，所以樓面都係泰國人，但佢地識講廣東話，唔使擔心雞同鴨講。菜單上好多款式但部分可能加入左香港元素但唔好理，好食就得～食泰國野我來來去去都係叫果幾款，一家大細都食得。今次叫左炭燒豬頸肉，海鮮冬蔭公湯，青咖哩配雞，炸皮蛋蝦球，椰青，芒果椰漿飯。重點要介紹泰式豬手，今次第一次食，估唔到咁好食。豬骨已經除去，上碟前已經切好一件件，仲要超淋好入味。完全feel到D骨膠原係個口入面慢慢溶化。食左咁多年都唔知佢個豬手咁好食，對自己好失望啊～

話說今日約左個喺美國返黎又好耐無見嘅舊同學，難得佢好耐先返黎一次，當然要約食飯見面下啦我地今日黎到位於紅磡嘅泰國餐廳，我哋嚟到一點左右，座位坐了八成以上。餐廳出面有餐牌，圖文並茂，價錢算平環境OK，座位都總算坐得舒服。睇完個餐牌我哋就點左以下食物我expect D豬扒係炸嘅，黎到唔係囉豬扒感覺唔多新鮮，食咗兩舊已經唔想再食金邊粉黐埋晒一舊，都唔散。份量足夠，個汁都OK，但啲牛腩真係唔夠淋囉飯份量足夠，但雞可以食的部份真係好少，全部都係雞皮，肥膏又多飲品方面我哋叫咗珍多冰，冇影到相因為唔覺有咩特別，可以接受但偏甜。總結: 雖然價錢係平，但唔係咁好食，未必會有下一次

今日因爲要準備週一的會議在公司加班到晚上九時，老婆唔想煮飯，於是就算打風也走了出去食飯，不嬲都有到紅磡食飯，但一直晚飯時間都見呢間泰國餐廳都好多人等位，所以都未曾試過，今日咁岩經過搵食，餐廳侍應叫著入去坐，話有位，於是就入去試下。因為老婆唔大食，所以叫了一個主食馬沙文咖哩牛腩和一份蝦餅和一杯咸檸梳打，咖哩味道夠香又有花生，但牛腩肉質一般可以再淋啲！蝦餅的皮不會很厚粉，蝦肉新鮮有咬口，兩份都份量十足，咸檸梳打本身夠咸梳打減輕了咸味，這樣渾合起來不錯。對食物方面整體滿意。餐廳的裝修、餐牌都有點老舊了，所以不是優雅的餐廳，不過地方都算大，不會坐得擠迫。也不算太嘈吵，可能是比較夜了，冇咁多人。服務人員多數是泰國人，平時晚飯時間招呼慣多人了，所以都不會期望對顧客有什麼介紹，而可能晚上十點不是太多人，招乎回應都算快，上菜時間也正常。餐桌碗筷都整潔，不過有少許彬壞。衛生情況正常，執靚個裝修，可以更加強乾淨的感覺。以咁樣既份量及頗為好味的食物，每人一百左右算幾抵食。下次可以試下其他食物，希望下次晚餐就算人多仍可保持食物水準啦！

6點幾放工黎拎位已經好多人食，可能星期五晚啦坐底即刻叫餸，好多選擇樣樣都想食叫左個冬陰功湯(細)3個每人可以飲兩碗，有點辣🌶🌶🌶但料不多，只有1隻蝦，好多菇🍄🦐生蝦：一碟得有6隻，差不多100蚊，但都幾新鮮最出色係咖哩軟殼蟹，超好味脆卜卜，一定要熱個陣食，因為佢浸係咖啡入面，咖哩唔太辣大蝦金邊粉：超足料，麵夠乾身（好正宗配料：有花生粒，芽菜，韭菜，青檸）撈埋食超好味最後叫多個薄餅，同埋咖哩一齊食，唔會浪費左一滴咖哩，哈哈

金坊係我最喜愛嘅一間泰國餐廳，已經當左佢係飯堂咁食。今次要介紹嘅係佢嘅海南雞飯，每日嘅午餐都會有海南雞飯，都只係＄44。佢嘅海南雞飯非常嫩滑，雞皮亦都非常之滑同入味。再加上佢嘅海南雞醬汁，同埋油飯，簡直係非常超值嘅一個午餐。

It was extreeeemely hot these days, so I thought the good idea was to dine out. Apparently I was wrong! I could not stand the fact that not only did we wait for about 30 mins in the super hot air, we also waited for the same time till our first dish was served! I showed the unhappy face and I was pretty sure the lady who served us saw it but she chose to ignore, which even made me angrier. Well I understand that you need to wait for a table of a popular restaurant, but I do not expect to wait fo

我地一行四位，係去完沙灘過黎食，事前無訂到枱，眼見門口都好多人排隊，咁我地就拎咗票先，留等一位男士等位先，我地三個女仔去聚寶坊個洗手間換一換衫；男士話我地一走已經入咗好多枱，個門口姨姨不停EE哦哦話咁樣佢好難做⋯又話我地呃佢入面有洗手間我地點會去聚寶坊？當中我地無嘈過話未齊人都要入，都無話等咁耐，不過姨姨不停惡人相對，其實未齊人咪入後面啲先囉！但又不停話我地呃佢，最尾我地覺得佢太煩無食到⋯個門口姨姨真係好趕客，要食可以過荃灣食，但黃埔呢間唔會再俾錢買難受！

最近好鍾意食海南雞可能係鄰近去泰國食好西 呢間泰國餐廳 開左好耐 係我屋企附近 今次女友都想食 於是試下先呢間餐廳既好與壞 試試海南雞就就知龍與鳳＄55 但竟然有雞中翼 雞翼尖🤷🏻‍♂️🤷🏻‍♂️5塊肉 覺得有點兒孤寒😢😢肉質麻麻 咬落唔爽皮 不過D汁真正宗 呢個海南雞如果冇冇咗個汁 等於唔得🤒呢個菜 幾好食 午市加29就🈶️份量都幾少 點幾下就冇lor總結來講 呢間泰國餐館價錢偏貴 服務質素一般勝在環境夠舒服 上菜速度一流 有機會嘅話會來呢度試其他嘢

金坊夜晚長期都咁多人等位，今日中午先決定嚟食，即刻打電話訂位，又俾我訂到喎。 就算訂左位，嚟到都係要等等等，但就會俾冇訂位嘅人優先。呢度全日免收加一，但夜晚就會收"水"費，俾杯水你，每位$3，你飲唔飲都要俾架喇。嚟左好多次，有幾樣野都係必叫嘅，好食又抵食:燒鰂魚$99，好大條，魚肚塞滿晒香茅，燒得好好食。青檸汁燒牛排$98，幾大份，抵食。每次都燒得好香，冇渣。面頭係牛，下面係菜嚟。但今日就有啲離譜，大概四份一都係全牛膏，肥到入唔到口，點食?!菠蘿沙冰$26，芒果沙冰$28，係新鮮生果製，好正!仲有燒豬頸肉都好好食，但今日太多燒嘢，就冇叫。另外每次都會叫其他嘢食，今日其他野食全部都麻麻，下次呢啲可以全部唔叫。燒魷魚$92，貴! 實物係好細份，最大問題係唔新鮮，肉質唔彈牙，仲霉霉地。馬拉盞炒粉絲配雞$76，幾大碟，但好咸。如果唔食得好喊嘅就唔好叫。泰式青咖哩配牛$86，青咖喱好香，牛肉都多。但係咖喱冇牛味，牛就冇咖喱味又冇牛味。應該係求其烚熟啲牛肉就放入青咖哩度，唔掂。印度薄餅$42，又薄又唔鬆脆，係軟腍。識得叫就好好食，叫著啲唔掂嘅就會好失望，唯有記住有咩好食有咩唔好食。但我地每次都係食

一行8人星期六晚冇book枱walk in，門口等位就梗架喇，阿姐俾張飛話夠1半人通知佢，咁我咪叫4個人黎門口等law，越等越吾對路，明明遲過我黎個d都入晒，咁我問阿姐叫到幾號飛，中有幾多到我，佢吾理我，隔多幾個字我又問佢，佢話人齊入先，吾信睇門口個牌.咁我問佢點解叫我夠一半數通知佢，佢又吾理我..吾好以為book左位就俾你先，一句未齊人吾該等下，人齊排過隊，係排過隊吾係俾你先 ，咩叫book枱?呢d服務態度幾好食幾平都係假，一家大細阿婆阿公一齊係門口排隊啦又驚冇生意要扼人排隊，中要串串貢一早同人講人齊先排隊睇下中有幾多人幫襯!!好後悔最尾俾枱我幫襯左你.. 真係好後悔..心情不好食咩都吾好味!!

要食泰國菜，唔洗去到九龍城！金坊質素都唔錯。環境舒適整潔，多選擇，睇下餐牌就知，食個午餐都有選擇困難😫雖然樣樣都想食，但最愛始終係海南雞飯💜💜仲要係無骨，岩哂懶人，即係我😌外觀就一般，但好食喎，啖啖肉，嫩滑，唔「鞋」口👍油飯香！個汁微辣，好惹味，不過就無左雞汁囉，可以傳統泰式就係無跟餐送湯，冬瓜湯同冬陰對揀，食泰野緊係揀冬陰啦，好香好濃，不過我好憎啲辣椒籽，但好難避免，好可惜。整體來說，價錢合理，品質好。

晚餐諗唔到食咩，剛好經過見到門口排晒長龍，就決定排埋一份。點左個咖哩炒軟殼蟹。軟殼蟹香脆不在話下，佢個汁先係神來之筆，香甜得來帶少少辣，令人食不停，用來撈飯仲正泰國野點少得生菜包，豬肉生菜包就食得多，比較少見有雞肉，所以就決定嗌個雞肉生菜包。味道唔錯，而且應該無豬肉咁肥原本淨係想叫個白飯撈咖哩汁，點知見到個椰肉炒飯好似幾特別就想試埋佢，果然無令我失望。雖然係炒飯但個飯一d都唔油，個飯真係熱辣辣香噴噴最後點埋佢推薦既黑毛豬燒肋骨，外表望落黑媽媽，以為好燶好乾，但食落又唔係喎，其實佢好香好juicy,搞到我食完心思思想再食