金坊泰國美食

营业中

休息中

等左唔算好耐，15mins左右。燒大鱔必食推介，好鮮味而且一d 酸味都無，3串都好大串，非常低食。炒芥蘭好新鮮好甜生蝦刺身足足有8隻，平時去好多間都得6隻蝦。薑蔥蠔煲d蠔無咩鐵鏽味，d味有輕微冬陰公湯既味，煲入面既菇好入味，而且d汁好香撈飯一流！

等左廿五分鐘就有位，如果荃灣店假日可能要等一個鐘。 因為食左tea同一陣會食宵夜，所以輕食晚餐。必食燒鰂魚，每次都會叫，魚皮燒得燶燶，一揭開就好香，見到成個魚肚都塞滿香料今次仲改用左魚型碟，賣相一流。一入口，唔好食，啲肉有少少既油益味，好失望，次次都好好食，點解今次咁？！應該唔係烹調方法問題，係條魚本身唔新鮮，或者條魚既生活環境有污染。滿魚肚既香料都遮唔到陣味。唯有點嗰碟醬料再遮下味。芒果沙冰，滿滿的，好香甜。椰皇沙冰都係大推之選，不過今日冇叫。海鮮炒粉絲，好香，好多料，好惹味，但偏咸。全日免加一，仲送左甜品：椰子水糕-清甜爽口

星期日 又訓到黃朝百晏同彭仔近近地食返樓下既泰菜食得好開心 比之前進步左喎我嗌左黃咖喱豬頸肉飯 椰皇沙冰 椰奶雞湯彭嗌左泰式燒脾飯 菠蘿沙冰 冬瓜湯嗌多個飛天通菜share椰奶直迫泰國 好味過我上個月係曼谷飲果種酸辣再加上香葉、椰汁既完美組合每一種落既份量都恰到好處 值得翻兜黃咖喱豬頸肉飯 肉質鮮美 好足料 仲有薯仔 加左好多椰汁 令個汁好香好滑 送飯真係一流個燒脾飯隻雞都燒得好好 咬落去仲有雞汁ga 加上餐廳特製醬汁 我偷左好多彭仔既黎食沙冰不嬲都係我地係呢間必嗌既飲落都不會太甜 啖啖新鮮果汁 必須要試！#好味glo 2點後午餐都會送飲品連湯捱到肚餓就可以享受呢個benefit la

耐唔耐都要黎紅磡做野，有時都會黎呢到食飯，呢到既午餐餐牌好特別，每日既選擇都唔同，唔會食厭，今日揀左鮮蝦炒金邊粉，配埋一杯鹹檸七。鮮蝦炒金邊粉: 呢碟金邊粉用料好足，賣相幾靚，份量都好多，材料包括芽菜，蛋絲，蝦仁，蔥絲同少少香料等等，所有食材同香料都拌得幾勻，茄汁同雞漿既份量適中，唔會過甜。金邊粉彈滑度適中，唔似係cheap野，雖然係炒，但係夠鍋氣得黎又唔會過油。鹹檸七方面無咩特別，到到飲都係差唔多架啦。

I've been here quite a few times for lunch (which I will write in another review but are definitley a bargain for what you get). Interior is pretty decent with slight touches of Thai......the wait to get into this restaurant is quite long (may have to wait up to 30 minutes). The first dish that arrives was the raw shrimp...which was fresh, plump and tasty, marinated perfectly with fresh shrimp flavor. Second dish that came was a papaya salad, very simple but delicious as the papaya was crunchy i

I went there with my family on a rainy Father's Day without any booking so we had waited for 1.5 hours.For food, we order: Fried shrimp cheese ball, curry crab, hainanese chicken rice, fried pork jowll meat, fried vegetables. We got extra mango smoothies as well.A five for the fired shrimp cheese ball. it was quite amusing just to see how cheesy it was aha And it tasted good as it looked! A must tried for foodie nerds out there.Curry crab was good as well, a four for the curry and a 3 for the cr

聽聞這間「金坊泰國美食」在荃灣很出名的, 經常大排長龍。今日試下紅磡的分店, 一入內已經差不多坐滿。店內以圓枱為主, 枱迫得密密麻麻。如果不是牆上掛了些泰國擺設, 真的以為這家店是中式酒樓。午餐有多款選擇, 沒有加一。午餐價錢三、四十元, 價錢大衆化。每次去新的泰國餐廳必叫海南雞飯$42, 今次也不例外。午餐可選擇椰奶雞湯/冬瓜湯或餐飲, 見椰奶雞湯名字特別於是一試。呈奶白色的湯內有些菇菌、香芧及薑片, 飲啖原來不是我想像中的鮮甜雞湯。味道酸而且帶點麻辣, 應該形容這是白色版的泰色冬蔭公湯。呈上的海南雞飯賣相比較粗糙, 有些似港式白切雞飯。油雞呈金黄色, 賣相看似不錯。立即試一口, 無味?雞件斬得大件, 可是斬得不夠干脆俐落, 雞件有些連在一起。雞皮不嫩滑, 表面有令小妹反感的凸起的雞毛孔。另外, 雞皮下有女士的死敵一脂肪。粗嚡的雞皮加上皮下脂肪, 咬下去已大打折扣。雞肉嚡口又冇雞味, 已經想放棄這個午餐。聽聞這間泰菜館味道不錯, 但是單單祇憑這碟海南雞飯, 對不起真的好難食。

金坊已經响紅磡開左一段時間，不過都冇乜機會試..今日適逢下晝放假有野做，終於可以試下喇!其實今朝個早餐都仲未落格，呢個午餐對我黎講真係heavy左啲架...跟餐送湯或飲品，如果想兩樣都要哂只需加5蚊!先黎冬蔭功湯，辣辣地，好醒胃，好味!!海南雞飯，雞唔算好滑，不過都有啲雞味，飯係軟軟地嘅，岩我..馬拉盞海鮮炒河，呢個有驚喜呀！大大碟，好多料，蝦, 鮮魷，帶子, 好抵食呀！又經濟又好味，下次一定會再幫襯!

老實說真不想寫金坊，怕多人吃後我要等位。但好的東西是要分享的，萬一無人知，無人去食，沒法生存，最後還不是自己沒囗福！事實上金坊的無骨海南雞飯是我吃過最好吃的（你可以說我見識少），雞滑味美，飯香而粒粒分明（我是硬飯王）可能有人會不喜歡怕硬，但個人口味。一定會吃蝦餅及沙律，炒菜也不错。味道正宗，可能是泰國人主理，連侍應也是泰國人。最後希望金坊能保持水準， 因為不知是否多了人吃，水準開始有些下滑及不穩定。

以前已寫過荃灣金坊總店既食評，紅磡分店開咗幾個月，終於有機會試吓～lunch set有十款左右，另外仲有湯河套餐。叫咗馬拉盞海鮮炒河，配椰奶雞湯($45)。椰奶雞湯：好多料呀！ 其實飲落椰奶味唔重，反而酸酸鹹鹹咁，仲有少少辣，幾開胃。馬拉盞海鮮炒河：大大碟，大食既食客都一定夠食服務生姐姐本身話會有少少辣，但其實完全唔辣。（利申：本人完全唔食得辣）炒得幾有鑊氣，用上新鮮既海鮮，加分！（平時d餐廳好興用雪藏海鮮架嘛！）馬拉盞夠惹味，唯一要挑剔既係比較油膩。初時擔心紅磡分店會冇總店做得咁好，但食過今次就知道擔心係多餘既～

老细話呢間新開，比之前果間好食好多所以就嚟試吓！overall D嘢都正常，鉄板蠔餅就麻麻～嚿蛋就大大舊！最鈡意生蝦，好爽口，D醬汁調得刚刚好！咖喱蝦D虾煮得太耐，不过D汁餸飯就好正！一個小點子，杯龍眼冰好正，好夠味仲好多龍眼！好鐘意！雖然對之前嗰間仲有情意結，不過新呢間都唔錯！住附近嚟食就ok，不過要特登搭車嚟食就不如去九龍城！

這天原本想去這條街旁邊的一品雞煲與家人慶生的，但一品實在太多人，未齊人又唔入得，又要限時限刻，所以改了去旁邊的餐廳吃飯。這間泰國菜不用等位，又可容納6人一檯，就這間吧!入內，餐廳佈置就是典型的泰國餐廳，會有畫像在牆上的那種，內在的檯也算大，所以空間感欠奉，坐得較擠逼。我們有個蛋榚，這裡不用收切餅費，可以幫忙雪蛋糕，讚! 我們看看餐牌後，點了幾道在泰國餐廳必食的菜式︰泰式生蝦，蝦大大隻肉質又爽脆，其實都好好食! 不過呢，看到有一隻的蝦腸挑得不夠乾淨，而且醬汁太辣，如是嗜辣的朋友應該會喜歡。豬肉唔算"hai"口，配合生菜包中和濃味感，加上辣椒碎、香茅等，味道不錯。但是這度菜也太辣，本人一家也不是太吃得辣，這裡的辣度已是極限，如辣度略低會更好一點。這個蠔仔蛋是推介，熱辣辣上檯，蛋和蠔的比例很好，不會有太多蛋而沒有蠔的情況出現；而且蠔大大隻，絕不是"蠔仔"，配上泰式的粗芽菜墊底減少油膩感，而且又唔辣，這個很好吃~! 這個馬拉棧炒椰菜苗，在別的泰式餐館吃是一個個球形的，這裡的切到碎哂，上桌的賣相不夠好。而且炒得略嫌過火，所以不夠嫰。而且這度菜也是辣了點...  這個泰式炒粉絲，餐牌上已顯示是2隻

是日夜歸，難得家附近的新泰菜館營業到12時，有緣一試。以往不時光顧的泰菜「泰豐」不辭而別，舖位換上這全新金裝的「金坊」，同伴常說懷念「泰豐」的平實，價錢公度，更有衝動打舊電話問有否新店址；其實民泰街上已翻了翻，財力不夠的小店要不搬往橫街窄巷，要不銷聲匿跡，街坊添了新鮮選擇的同時失去不少殷實店家，亦不知是好是壞。步進「金坊」，牆上天花板上也貼金，門口一尊醒目的四面佛，相框金晃晃的泰皇夫婦肖像，木裝飾也髹金色，好不耀眼。簇新的餐牌有不少招牌菜，我們看中了胖胖的泰國空運芽菜，這是在東南亞旅遊時才有的美食，不能錯過，還點了火車豬肉炒飯、泰式海鮮炒粉絲和燒大鱔。馬拉盞炒芽菜先上桌，菜式份量是比「泰豐」少，芽菜根根飽滿，一咬下水份豊盈，配上馬拉盞一起更透出一股清爽的甜味，不愧是招牌菜，只是油多了點。泰式海鮮炒粉絲餐牌上標上一隻辣椒，但用上綠色的勁辣指天椒，椒核又混入成堆粉絲中，海鮮料卻味道欠奉，我吃一小碗已辣得吃不消，唯有逼同伴包辦。火車豬肉炒飯内有很多蔬菜，爽口之餘亦感覺較健康，可惜豬肉一點醃料也沒有，淡得要蘸燒大鱔的辣汁，實在是敗筆。燒大鱔很不錯，皮燒得夠脆夠香，蜜味也足，我最愛吃大鱔了，滿嘴

星期日睡到下午起身，去屋企附近覓食，見到呢間新開嘅泰國餐廳，就入去一試。生意好好，所以招呼就唔係咁周全，不過都算OK。午餐同下午茶有平價抵食嘅套餐，但因為太肚餓，決定唔叫套餐。食泰國菜，最鍾意食肉碎生菜包。呢間嘅肉碎生菜包份量好足，D肉碎好香，生菜爽脆，絕對一流。生蝦刺身都係大愛。雖然辣椒同大蒜好辣，但蝦本身由於新鮮，肉質有D甜，👍海鮮冬陰功湯個樣就麻麻地，味道唔錯。食咗辣嘢，來一份甜甜地嘅菠蘿海鮮炒飯，絕對正！

此店, 之前, 同一位置, 同樣是泰國餐廳, 食物定價相差不遠, 不上網看一看, 還以為是同一間作大裝修工程後再開, 原來是荃灣過江龍. 德民街的租金貴, 對面角位的”飯聚”, 據聞要十八萬/月租, 這店比”飯聚”大接近一倍, 嘩!.... 咁米要成三十幾萬….. 要做得住, 要加倍努力了.把餐牌完整地看了一遍, 一般泰式菜, 食物品種沒太大驚喜. 但食物價位不高, 相信星期五、六、日晚飯時段, 必定會坐滿.啤酒夠凍, 透心涼, 今晚九時半後, 啤酒特價, 大枝裝泰國”象啤”, 只是$16, 就算大枝裝藍妹, 正價時候, 都只是$22, 這個價錢, 在紅磡街市樓上的大排檔也不可能.泰式豬手, $64, 滷汁的味道不太鹹, 底部有些蔬菜配上一起吃, 爽口加彈牙. 豬手肉質軟硬適中, 連皮食一流. 然而, 豬皮與豬肉中間的脂肪略為厚和多了一點, 要先做手術切除中間肥脂部份, 入口的口感才算平衡一些, 微微彈牙的豬皮與滷汁豬肉一起吃, 送酒一流. 伴碟還有四片滷蛋.明爐烏頭, $148, 要了冬陰公湯底, 因友人今晚有些少咳, 所以與侍應姐姐要求, 要了小辣. 上檯時, 滿滿一碟, 有不少椰