金坊泰國美食

营业中

休息中

爸爸想吃泰國菜，做子女的當然要同佢食餐好架啦。 近近到去左兆和街金坊，我地被安排在二樓。可能因為weekend，入座時已見有不少客。因為有老有嫩的關係，點菜要做到恰到好處，有辣有唔辣才可任君選擇。我地點左馬拉盞海鮮炒粉絲，沙爹豬和雞，燒大鱔，青檸汁燒牛扒，黃咖哩羊腩煲，當然唔少得芒果糯米飯。 雖然坐得有點逼，但服務員態度唔錯，食物質素同份量也不錯。尤其喜愛那肥美嘅燒大鱔，同埋好refreshing嘅青檸汁燒牛扒。

分量多得很。。。！點了烚蛋火腿多士加牛肉麵。多士有两塊，蛋有两隻，火腿也有两塊。。。如何吃得完。而那碗牛肉麵，牛肉是很大肉的牛柳，有嚼頭，分量而多，味道惹味。正

之前都試過幾次呢間泰國餐廳，啲嘢食價錢唔貴而且份量都幾多，但係已經無以前咁好食。今次一點左右黎到，唔需要等位。叫咗一個無骨海南雞飯（$44）、豬頸肉湯金邊粉（$40）同埋加配左個炸蝦餅拼春卷（$28）。食物大約等左十分鐘左右就有。海南雞飯之前都試過幾次，份量都算多，雞肉都幾嫩滑。豬頸肉湯金邊粉就一般，味道偏咸，豬頸肉就應該無燒過所以好冧，而金邊粉就浸左好耐仲有啲硬。蝦餅就係每次黎都要食嘅野，超香口！

下午茶餐有黃咖哩牛撈米線便試下。預期是泰式咖哩，入口時椰奶味甚濃，似星馬風味。下午茶米線不多屬正常，但椰奶濃度甚高，食了７成已膩到飽。不是完全不好食，但與同一條街的米線專門店比較(下午茶餐$30，較多米線，麻/酸辣不易膩)，不膩較好。

每個荃灣友都識黎食好野免改加一，再講多次。。係免改加一，所以服務係麻麻架啦。。。晚飯時間，周末通常都要等大半個鐘。本來點了抄勝子，無勝子唔出聲。。。等了又等。。。等到食晒啲野，叫個啊姐追單，聽完就算之後要應該係經理嘅先生check 單。。。先講無勝子，張單已經一早取消左其實哩到啲野係幾好食又大碟，不過。。有啲每放越下嘅感覺生蝦真係好正海南雞無以前咁好味，應該係啲雞原材料問題，無雞味。炒粉絲夠獲氣，下次食濕炒河粉先炒菜就有啲喊不過。。。啲姐姐就。。。。。

朋友話想響荃灣食泰國菜，即時諗起呢間泰國餐館，所以二話不說即時向朋友推介後訂位，因為三年前此餐館既第一篇食評都係由小妹操刀，所以都好奇現時餐館食物質素情況，順道可以開心share裝修擺設無太大改動，可能因為早食關係（到達時晚上6:15），所以人流未算多，由於小妹懷孕已8個月關係，侍應特意安排一個既稍為寬敞又安全既卡位俾我地，我地四人Order以下菜式：椰奶雞湯：小妹除左愛好冬陰功外，就係呢個椰奶雞湯，餡料除雞肉外，仲有蕃茄仔及菇，飲落有椰奶香之餘，仲帶有蕃茄少少酸甜味及南薑香茅味，未試過既朋友可以一試金坊柚子沙律：柚子香甜，沙律內有花生碎，味道唔錯馬拉盞炒椰菜苗：原本打算叫蒜蓉炒椰菜苗，有位女侍應建議馬拉盞會好食D因椰菜苗本身淡味，果然夠惹味及與椰菜苗味道好夾，正香濃芝士蝦丸：上台時嚇到呆左，完全無諗過咁大粒咁足料，勁濃郁芝士味，超正馬拉盞海鮮炒粉絲：海鮮配料唔多及味道一般，不過反而粉絲好香好惹味泰式青咖哩：少少辣，味道OK蒜蓉飽條：每條麵包充滿金黃色及濃郁牛油蒜香味，值得推介印度薄餅：味道普通結帳前奉送甜品（送完即止），只收水錢（每位$3，無論有無叫飲品），免收加一（除非餐牌指明公眾

之前去過這間泰國菜食晚餐, 食物質素算是不錯, 價錢就如一般的泰國餐廳相若, 人均$150左右, 而今次就選在下午茶時段惠顧。當日是星期二平日, 一入到去就已經坐無虛席, 好熱鬧, 我同honey各自點了一個下午茶餐, 一是豬頸肉飯, 另一個是豬頸肉湯河。飯的份量適中, 醬汁酸辣醒胃, 唯豬頸肉太太太太太多肥嘅部份只有4分1是肉不過味道不錯; 而湯河的河粉爽滑, 份量也可以, 肉也較飯的為瘦一點。午40蚊左右又可以食得飽嘅, 味道也不錯的餐廳都唔容易搵架啦～所以我會繼續間中幫親下。

同家姐夜左食飯，所以嚟到呢度已經唔駛等位，不過就要跟侍應行入後行上另一幢大廈二樓，坐低就揀嘢食，食得泰菜就梗係要食生蝦刺身啦，呢碟生蝦刺身好新鮮，又大隻，超好味！之後叫左半隻海南雞雞肉好滑，不過就D肥，但都值得食嘅！再叫左個泰式燒豬肋骨好大舊，份量好多，幾好味，加埋佢比個醬汁仲好味！因為我同家姐都一定要食菜，所以叫埋個泰式炒通菜，小小辣，幾惹味，不過食到尾就越食越咸！每款價錢唔算貴，約80-130到！我覺得平過出面D泰菜好多，叫做大件夾抵食

今日入荃灣探朋友的初生bb，順便補食朋友同老公的生日飯。由於唔想朋友周車勞頓出去食，所以近近地係果頭食，呢間金坊之前朋友食過話唔錯，所以就決定去呢間食，整體嚟講食物同飲品都唔錯！不過可能今日太繁忙，叫咗幾次先有人招呼我地。

第一次寫食評，由最穩陣嘅荃灣金坊打頭炮😜平時金坊到dinner時間，係門口都會大排長龍, 今日閒日6點零到金坊，不用等位就可以入得，太開心啦😙😙兩口子叫唔得多送，啲送份量都頗多，建議多啲人去食好啲好，唔講咁多，去片....1.咖哩大蝦份量頗大，蝦都有5，6隻，咖哩汁撈飯食一流如果啲咖哩再辣啲就更好啦!!啲蝦都幾大隻架2. 肉碎生菜包(可揀豬/雞肉)無得輸泰國菜至愛3. 串燒3兄弟(可揀豬，牛，雞肉)，今次我地每樣要兩串串燒即叫即燒，上台時熱辣辣，正!!!點埋個醬更正!!!!個人較喜歡牛和雞肉串，豬肉串較"鞋"口總結，係荃灣食泰國野，都係推薦:金坊!

去荃灣整頭，整完經過見到唔錯，就上去食。突然想食雞添 而家仲要無骨既佢送湯，我叫左冬瓜湯。咁凍天氣，飲碗冬瓜湯，好好飲呀…碗湯因有胡椒，所以比較辣辣地，惹味又暖胃。正。因為食油飯，我腸胃會受唔到，所以轉番白飯。d飯硬唔好食，d雞好滑，好好食。添埋d醬仲惹味，不錯。值得推薦整體好好食，但唯一美中不足既係，最初入到間店，明明大把位，店員都想我1個女生坐係男生隔離（長枱，明明仲有大把位），其實可唔可以隔多個位先坐，係分配坐唔係咁好，其他不錯。

星期日，最適合就是外出走走，約了好友午後去行山，之前當然要吃過午飯補充體力。大門前，供奉著一尊四面佛，滿是莊嚴。座位是藤造的，並不如一般硬硬的感覺，這點很不錯。除了滿是客人之，周圍也放著各種各樣的泰式擺設。我要了一客無骨豬手飯及咖啡，而朋友則要一客燒豬頸肉飯及熱檸檬水。先送上是燒豬頸肉飯，外表看來，旁邊有點燶，肉中間卻是剛好熟透，看來是香軟嫩滑的樣子。放在口中，旁邊的燶沒影響味道，香軟嫩滑之餘，肉汁豐富，沾一沾飯底的肉汁，味道更濃。再來是無骨豬手飯，肥肥的豬手，入口滑溜的感覺，卻又沒有肥膩之感，泰式肉汁不燶，剛好帶出豬手的肉味，可是泰式辣醬雖然微辣，卻太燶，入口令豬手失去了肉味，只有點辣。熱檸檬水只要檸檬新鮮就已經無太大問題，咖啡反而很喜歡，雖然並不是天然甜味的那種，可是不苦不酸，香味適中，在一般食店已經很難找到，值得一讚。午飯來過泰式，也算是不錯，在荃灣區只有茶餐廳的地區，有此店可謂加添色彩。

今天打算到荃灣購物, 我是泰菜超級粉絲, 又想再吃泰菜；之前同事曾介紹這食店而我亦曾經嚐試過， 覺得味道不錯之餘而且價錢非常便宜， 所以今天再來回味一下。我們於12.00pm到達食店, 可能時間尚早, 座位任君選擇。食店內擺設了很多富有泰國特色的裝飾物, 椅子是滕製的, 感覺充滿了泰國特色; 由於枱與枱沒有太大空間， 所以感覺有點擠迫; 另外有一張12人的圓桌放於房間內；近吧枱放置了3個塑膠瓶可以裝啤酒, 瓶的象鼻是啤酒的出口處，非常可愛呀!餐牌的設計非常精緻, 印刷了泰式印花和屋頂圖案, 極具特色。看完餐牌後點選了下列菜餚:碎肉生菜包($72): 這是我至愛泰菜之一, 很喜歡它酸酸辣辣的味道, 我猜大部份女仕都很喜歡吃酸澀澀的食物, 原因很簡單, 因為吃了酸性的食物感覺特別開胃, 可以增進食欲; 肉碎加上乾蔥頭, 蔥粒, 辣椒仔再拌勻香醋, 將肉碎包裹在爽脆的生菜裡, 味道酸酸辣辣, 口感清新, 但不知是否想迎合港人口味, 辣味略為不足。炸蝦餅($73): 香口的食物永遠是最吸引人, 但吃過之後要小心熱氣或生口瘡; 蝦餅炸得金黃香脆, 粉漿薄薄的不會過厚, 蝦肉佔的比例比粉漿多, 啖

一場來到荃灣咁去食下荃灣最出名嘅泰國嘢呀。Lunch食飯，好鬼多人。你間泰國餐廳收費唔係貴，食個set lunch都係＄40。 我就揀咗最出名嘅馳名豬手飯，豬手蚊到好林，配上泰國香料，好入味好正啖啖肉，D汁甜甜地，唔知用咗咩香料真係好想叫佢拎多碗汁。

是日到荃灣購物，想找地方吃個下午茶，方發現附近一带餐廰要二點半才開始供應茶餐，好不容易才找到這間兩點有茶餐的泰國餐廰,以為是間小店,原來主舖在樓上,地下新開一星期,面積细小座位不算舒適，我和朋友分別叫份午市套餐海南雞飯，雞件份量不少而且嫩滑，黄薑飯煮得軟糯適中,午餐兩點後order還送餐湯,茶餐是豬頸肉配扎肉湯河,配料齊備札肉厚身,豬頸肉非常腍滑，兩杯凍飲不比茶餐廳遜色，值得再去。