金坊泰國美食

营业中

休息中

幫朋友上屋搬下屋，雖然未搬哂都算大成功。朋友請我地黎呢度食晚飯。平時呢間金坊超級多人，就算訂左位都要等，但今日喺山竹前夕，即刻有位，唔駛等！仲有吉檯！我地三人行叫左三餸一湯，同野飲。我request食蝦餅，所以朋友叫泰式拼盤，有齊蝦餅、魚餅、香葉包雞、春卷，岩哂我地呢啲貪心豬s海鮮炒粉絲，我地嫌粉絲少太多海鮮，真係賤骨頭。冬蔭公滾住，愈飲愈辣，多料！每人都可以飲到2-3碗。南瓜咖哩海鮮，原個南瓜上！呢個咖哩點蒜蓉包一流！

金坊泰菜有四間分店，單是荃灣已有兩間，在兆和街那間店，三樓是全層，而地下又是另一個門口，曾幾何時，我唔知道原來是同一間食店依間早餐越來越多人，好多時都要在門口等位⋯⋯原因很簡單，因為平得嚟又抵食⋯⋯每個早餐定價$32, 凍飲大大杯都唔使加錢基本餐$24 已有蛋兩隻、火腿兩塊，多士兩塊，而且可以有不同選擇⋯⋯烚蛋、煎蛋、炒蛋、火腿、腸仔、札肉⋯⋯多士或餐包等，多種配撘只要加多$8, 就有大碗粉麵⋯⋯真係相當大碗，好多人都會是但打包一份沙嗲豬軟骨河粉，豬軟骨很入味清清哋可選雞絲通粉，這裡每碗粉麵都大大碗，而且還有很多通菜和芽菜，減輕油膩的感覺咖啡是即磨，唔講是上盛，但總好過好多茶餐廳嘅即冲咖啡吖⋯⋯平均每位$32，我好多時都係食一半Pack 一半

勁掋食泰式lunch set包野飲 , 加五蚊有埋小菜，湯或甜品。份量又好足，埋單每人五十。簡直係荃灣區首推午餐。仲要無人排隊，坐得都算舒服。比起晚餐，真心物超所值。

行完山，超級肚餓，這間餐廳大，一定有位。坐下先來支泰國啤酒，解下渴。這裡午餐十分扺食。叫了海南雞豬手飯，冬陰公扎肉湯河。海南雞滑，豬手冧，冬陰公夠辣，簡簡單單又一餐。正。

「金坊」於2007年開業，在荃灣區算得上好受歡迎，午餐晚餐都經常滿。總店設在有「小食街」之稱的路德圍荃興徑，該區分有大大小小餐廳競爭之下，金坊至令仍穩守人龍店的位置，餐廳亦從路德圍擴充，在同區兆和街設立分店，其餘還有兩家分店在紅磡及將軍澳。荃灣分店主舖設於美食城三樓，前身是小肥豬火煱，而地下的舖位地方面積和座位都較少，沒有主舖地方寬敞。往三樓要等𨋢搭𨋢！樓下是家幼稚園和公司，感覺有點怪怪的！ 位於商場的「金坊」分店，面積頗大，裝潢除了泰式木雕、神像之外，店內擺設了很多富有泰國特色的擺設，椅子是藤製的，感覺充滿了泰國特色。由於枱與枱沒有太大空間， 所以感覺有點擠迫。餐廳由侍應到師傅全是泰國人，泰國風味濃厚。餐牌上菜式選擇很多，而且價錢亦十分平民價，全日免收加一。每日都有不同的午市特價套餐，有14款可供選擇，由每個$44起，還附送餐湯或餐飲，非常抵食啊！ 每日都有不同的午市特價套餐，有14款可供選擇，由每個$44起，還附送餐湯或餐飲，非常抵食啊！ 裝潢除了泰式木雕、神像之外，店內擺設了很多富有泰國特色的擺設 椅子是藤製的，感覺充滿了泰國特色。由於枱與枱沒有太大空間

啱啱去完泰國，突然好掛住泰國菜，突然記得呢間既下午茶好似好抵食所以就黎左。唔洗四十蚊包野飲，泰式特飲都係加6蚊咋，好抵呀我地叫左個泰式豬手飯，見餐牌寫住細，仲以為真係會好細碟，點知黎到都唔細，一個女仔當lunch食份量啱啱好。d豬手味道都ok，豬皮都算淋，但係有d肉又幾乾硬，好神奇。平時食豬手飯最鍾意d滷水汁淋落d飯度，但係呢間豬手飯係冇咩汁既...同埋碟點醬好難食，一d都唔正宗又冇鹹菜，有d失望另外叫左碟泰式燒豬頸肉配咖喱汁蒜蓉包。有四塊豬頸肉同三塊蒜蓉包，仲配一大碗咖哩，好有誠意蒜蓉包燒到脆卜卜，配咖喱汁食真係好正！豬頸肉都唔錯，好入味。我地每人加六蚊升級左飲椰子沙冰同菠蘿沙冰，味道還好，可惜d冰打得唔夠碎，所以唔鍾意飲..總結黎講呢個價錢食係幾抵既，不過唔會令我想再食...

成日一班朋友係荃灣食泰國菜都會揀金坊，無他既，保持水準又算多菜式，食好多次都會有新野想試，雖然愈食愈貴都仲係成日幫襯佢。每次幫襯金坊都係晚餐時間，今日第一次午餐經過先諗起佢有做午市，都好多人，連午餐時間都要拎飛，好彩等一陣就有位。因為天氣太熱，唔想食粉類，我地3個人都揀晒海南雞飯1. 海南雞飯$50 —— 好多雞配埋黃油飯2. 海南雞拼豬頸肉$50 —— 雞好滑，豬頸肉入味單拼雙拼同樣價錢又送埋野飲，食物午市都一樣水準但平好多，都幾抵食，唔怪得午市都咁多人要等位啦

荃灣有很多美食，但不得不提這間cp值極高的 金坊泰國美食 。每逢下午茶時段，整間店舖都會坐滿人，即使星期日，下午茶的價錢都和平日一樣 。今次，我和友人點了無骨海南雞飯和豬肉碎生菜包。 無骨海南雞飯嘅份量唔少，一個女仔一定吃得飽，油飯都很香，配上泰國嘅辣汁，真係不錯！朋友叫了豬肉碎生菜包，味道辣辣的，好開胃，而且份量都唔算少。 下午茶餐還包括一杯飲品，飲凍熱飲都同價，仲大大杯 。每人只需三十幾蚊，唔使加一，呢個價錢，真係好抵，最重要係味道唔錯，十分值得推薦！^_^

星期日，又一個行山運動日。運動完後，到荃灣金坊泰國菜館午餐。豬手飯、海南雞飯冇得輸，正，加多2支大啤，嘩，成個人爽哂。午餐包飲品$50，大啤$20支，抵。所以都人流不斷。離開時，剛好開始下午茶時段，更見誇張，已有多人等位。

本人第一次打食評，主要是因為其訂位態度惡劣。 打電話去訂座五大一小，佢話沒有8點半book位，只有8點和9點，那我就話:等我諗諗先... 只不過諗了一兩秒，她即態度輕佻咁話：咁你慢慢諗啦，我收錢先。另外，我好心提醒會唔會夠位置坐，擔心嬰兒車沒空間。 訂位果位小姐小小口，串串貢話: 哈哈 實有位咖。 電話旁另一邊的我十分憤怒，咁係咩服務態度？ 不論你食物質素，請埋啲咁既服務員，大家食之前就請三思了，隨時食完成肚氣。

Sunday night booking : 17: 00, a table of 2 people We arrived at 16:50, promptly we ordered around 5 dishes after sitting down; Thai minced pork with lettuce wrap、 Garlic bread、rice noodles mixed veggiee clay pot、Indian chapati 、coconut milk black n white sticky rice、Thai drink.Around 5 minutes after ordering, pork wrap and drink are served, but then the next round of food are served was in around 35 minutes later. after 35 mins, we saw our very last dessert sticky ric came 1st... well... we wer

為左慶祝母親節...搵到呢間餐廳諗住試新野啦...原先訂位訂了7:00..結果遲收工未能趕上..於6:30 致電餐廳希望延遲到7:30..那時餐廳話沒有問題..可幫留枱到7:30..到家人7:20分到達..樓下職員話冇位..要等人走先入得..佢話有台就走...好快..禁我地遲左...都冇所謂..照等...等到7:45分再追問..佢叫我地上去等話埋緊單..上到樓上...等到8點都未得...家中小朋友同老人家都餓...之後見到比我地遲去既有家人15位可以入去...而我地就冇得入..我問職員..職員只係話..如果你地7點鐘黎就有位...我再問返佢..禁我打黎延遲既時候..點解唔講話唔ok..點解唔話都要等...會照比客入...?咩叫留枱...你話我地7點半都未到就話比台人ja..我地7:20分巳經到..仲要等左9個字...都未有得入..就唔好呃我地話有人埋單又叫我地上黎等啦...完全唔知咩安排..咩服務...如果你話未有位住..我地就揀過去第二間啦...垃圾餐廳...d野幾平幾好食都冇用啦...唔係要5星級服務..只係認為如果做唔到幫客留枱..一係就客人打黎延遲時講明不接受或者要等..而唔係

呢間泰菜係荃灣都有兩間舖…不嬲都係CP值高既…估唔到星期日去食個午餐…都仲有套餐…價錢都同平日一樣無骨海南雞飯 - 份量都幾夠…油飯亦都夠香…雞就正常味…配上泰式辣汁…唔錯朋友就叫左豬手飯…都一樣夠大碟…豬手份量都多…有肉又有連皮…都算入味夠淋午餐可以加錢叫小食…叫左兩款…魚餅加春卷同魚餅加蝦餅…夠熱夠脆…當中春卷就比較失色啲…餡料全部都係菜味道唔係差咁啲…魚餅同蝦餅就正常跟餐仲送湯同嘢飲…以四十幾蚊呢個價錢真係冇得輸

食過95%荃灣區泰菜館, 連樓上私房泰菜都試埋, 始終覺得金坊出品最好食, 以前食路德圍舊店, 但已2年無食了,  環境同服務越來越惡劣, 比$受氣？真系啋佢都有味, 今日活動完, 朋友話BOOK左金坊, 我一直以為是去路德圍舊店, 枉我自命為荃灣友, 竟不知原來近年佢地己系千色店附近開左間分店呢！環境好好多, 既光猛又寬敞, 店務員態度都好左好多, 唔小心 DELETE 左唯一一張環境照機乎出名既所有泰菜都有供應象啤（$168）最like佢地既象啤, 中間條冰柱讓啤酒永遠保持冰凍, 冰爽, 正！一楂約有15杯左右。芒果絲沙律 ($79)酸勁香辣, 胃口即刻張開晒, 越食肚仔越餓呢。泰式豬手 ($78)豬手鹵得入味又腍滑, 豬手皮更是滑嘟嘟的, 很邪惡....但美味, 唔拈醬汁都夠晒味了, $78 抵食!海南鷄 ($190)鷄浸得嬾滑, 泰式薑蓉酸辣惹味, 不錯。鹹魚少芥蘭沙爹串燒 ($90)今晚既串燒反而麻麻, 肉質乾左啲, 有點嚡, 沙爹醬OK的。青芒果絲魚露炸鱸魚 ($148)同一魚朋友一次過點了2款食法, 呢款鱸魚先走油, 放上青芒果絲及魚露汁, 魚唔算滑, 魚肉嚡嚡地, 吸收

今日同同事出街做野經過這店樓下，大家都有排冇幫襯就上去食，說起泰食物！我最耳熟能詳的莫非海南雞飯及泰式豬肶飯了。自不然就揀了這兩份午餐大家通常想像豬脾會是燒豬脾！怎料這裡原來卻是好像我們炆牛腩的炆豬脾望落油光閃閃！味道濃郁得來卻不油膩！充滿膠質很好下飯的一道菜呢﹗海南雞慶幸今天全部都是用去骨雞腿排的部分！煮的皮滑肉嫩，恰到好處。雞肉單吃就很清甜。不過配上酸汁醬後更加美味可口雞油飯亦是十分香口，粒粒乾爽呢間泰國餐廳嘅主廚喺幾位泰國人煮每次去食都必叫碟海南雞。佢嘅汁係經泰國人調，食唔倒辣嘅都覺得好香，忍唔住點！而且最難得，係價錢好底，一份午餐連飲品$40...仲要有湯附送，一個字（正）