金坊泰國美食

营业中

休息中

今日想去兆和街吃午飯，揀嚟揀去，揀咗金坊，泰式食肆都不大介意樓上鋪，所以要搭lift上去。一出lift,個場都好大，入面坐了不少食客，侍應都殷勤招呼。太肚餓了，但也不知吃甚麼好，便點了最穩陣的海南雞飯。食物未到先上飲品，熱檸蜜，無甚特别。十分鐘之後，海南雞飯便上桌了，分量不少，好足料。今次係雞胸位，啖啖肉之餘，肉質也不粗糙。雞飯是黃色的，但過濕，而且沒有香茅或雞味，米香味也不足，所以只属普通貨色。出乎意料之外，湯是最後上的，第一次喝椰汁雞湯，味道就像冬蔭功湯後加椰汁，是特別的嚐試，料足，味道也不俗。埋單50蚊，食物有水準，份量又充足，額外送飲品和例湯，是划算的選擇。

叫咗「蝦頭膏炒飯」俾咗個有超多紅蘿卜和粟玉嘅炒飯，同圖片兩回事，圖片炒飯根本就冇粟米和紅夢卜，我懷疑上錯，職員死唔認，途中見到隔離枱未食完就喊人哋買單，晚上7:00又唔係截數時間...服務態度超差！

說到荃灣食泰國菜？很多區內朋友也會選擇「金坊泰國美食」在荃灣有兩家分店，而今天我與太太來到了兆和街的分店由於時間尚早，有很多位置選擇，此店環境不錯，空調充足，且配料亦足夠今天點了事日午餐的炒鮮蝦金邊粉及菠蘿海鮮炒飯先上的是兩碗跟餐苦瓜湯及椰奶湯，苦瓜湯有點略咸，而椰奶湯則有點不夠濃，但跟餐來說亦屬不錯而兩杯凍飲則很滿，味道亦可以至於主菜的炒鮮蝦金邊粉，炒的很香而鮮蝦亦算大隻而菠蘿海鮮炒飯的味道很不錯，海鮮有鮮蝦、魷魚及元貝，推薦大家選擇

同朋友plan 左行荃灣，所以試下好多人都介紹嘅金坊，果然無失望，但我地兩個人叫得好少野！馬拉盞海鮮炒粉絲，分量好大，而且好好野味，個魷魚🦑煮得好軟身，蝦🦐咬落好爽口串燒好好味，同個沙嗲醬好夾椰汁西米糕，正正常常芒果糕（送的），好香芒果味，多謝！

今日同BB入左荃灣行到咁上下諗住搵野食，見到荃新天地間間都排長龍，決定行去呢間金訪食泰國野。無食好幾年，但仍然好有水準，今日兩個人叫左四樣野，包括泰國菜例牌出現嘅海南雞飯同青咖哩雞，海南雞飯好吃，不過今次我坐樓下，上枱好似無咁熱，下次都係上返樓上坐好過青咖哩好香好好味，我差啲連汁都想飲埋，另外叫左個馬拉盞通菜，不過不失，好大碟我地兩個人都食唔哂，不過，最最最好味係個燒大鱔個鱔好肥好厚肉，燒到個皮香好「翠」，超正埋單兩個人食左$330，都叫抵食啦

由門口、到樓面。每一個員工態度極差，食物更好也不會再幫襯。不知所謂。成間餐廳只得一個男女共用既廁所、沒有廁所水。地下濕立立又迫窄。平日晩飯沒有坐滿、但食客全部糸迫住坐。

呢間野之前未裝修個時食過一次，個時食下午茶味道都唔錯同埋好平，都係三十幾蚊已經有碗粉，今次經過呢頭見到間野岩岩裝修完，門口阿姐又好熱情咁叫我同家姐入去試下，諗諗下咁就試下啦，因為見到呢係三十幾蚊咁平。入到去比阿姐點去坐大圓枱，睇下下午茶餐牌都真係幾平，叫一碗粉可以揀一款小食加一杯港式熱飲，不過叫寫野個陣阿姐話無哂雞同鴨，同埋又唔比轉其他粉（例如金邊粉）不過最後都係叫左兩個下午茶。然後，小食好快就上（我叫左咖哩角，家姐要青咖哩印度薄餅）味道不過不失啦，不過我見同枱幾個人分別有叫青咖哩同紅咖哩，聽到佢地話點解青同紅咖哩係一樣顏色然後叫阿姐換，但擾攘左一陣阿姐好似先明白咩事，同埋我見樓面d人喺側邊討論左青紅咖哩好耐😂😂😂其實一樣好簡單既野點解會攪咁耐先再比人，原來.....🙄廚房個邊將青紅咖哩攪到一樣😂咩事～咁都會錯，仲要老闆娘去處理，然後同枱大家既湯河到齊啦～大家都覺得唔好食，成碗野好似整完擺左好耐先比人食咁，個碗邊又好似發生命案咁😂抹一抹靚仔少少比人得唔得先，個一刻覺得不如食譚仔好似仲穩陣，至少唔會難食得去邊先。中途又聽到有個男食客落單個陣話個阿姐：我指埋、讀埋比你聽你都睇唔到🙄總括黎講

剛帶小朋友去午餐，門囗侍應安排坐4人位，我倆平排2個坐（因小朋友較細，方便照顧），隔離有4人吉枱，有6人入黎，侍應黑面走黎要求我打對面坐，我話唔得喎，我要照顧小朋友，佢鞋我面，我話，咁我唔食啦，跟住起身走😠😠😠我唔係硬要霸你4人位，亦唔介意搭枱，只係要求平排坐，你唔滿意，我坐低時你唔講？做咩要黑我面？家陣食野唔洗比＄？咩態度？你間店係唔歡迎小朋友，就請係門囗註明原本－直幫襯開，而家永久black list

呢間金坊第一次食而且係下午茶時間，個場都算坐得滿不過嚴重人手不足，執枱落單已經慢，要杯水都要左3 4 次先有。點了： 雞絲船麵，餃子，熱檸檬茶。雞絲船麵，雞絲味道沒有特別不過湯底感覺唔夠濃，沒有船麵特色。這個麵係闊身麵，口感正常，唔林但份量真係好少，匙子已經同碗麵正徑一樣大。比較吸引既蘿蔔口感幾好，夠林，唔生，算清甜。餃子就覺得有點油，味道無吸引之處。熱檸檬茶既茶底味道唔錯，出面唔多有。服務方面，嚴重欠缺人手，所以叫極人都要等好耐 。加上可能太忙，所以抹台急急腳抹完但仲係污糟。。總結味道一般不過份量太小。人手短缺搞到服務好慢。

咁啱嚟到荃灣做嘢食晏嘅時候周圍都係人群，荃灣真係好多好嘢食我哋就有地膽朋友介紹話食呢間泰國嘢喎，四個人啱啱好有位午市餐牌我哋叫咗四樣嘢，滷水豬手飯咖喱豬頸肉飯，咖喱燒雞髀飯，同埋海南雞飯。碟碟都好大碟完全食唔晒呀，呢度嘅咖喱甜甜地，冇乜辣味嘅，不過幾好食喎，好岩撈飯食！豬手大大份，啖啖肉，食兩件都飽飽了，豬頸肉燒得好脆身，切得好薄身。海南雞略嫌唔夠滑，雞髀都有啲鞋，不過整體感覺幾好既，大碟！足料！💕💕滷水豬手飯💕💕咖喱豬頸肉飯💕💕咖喱燒雞髀飯💕💕海南雞飯

Book左枱7:30pm 3位一開口話要齊人先入得 咁我地3個係一齊黎既 就話已齊人Staff話未有位 要等本身都仲心平氣和覺得無所謂既等到餓餓地想過對面食碗$3豆腐花先啦我一個人過去 兩個friend係餐廳等點知friend叫返我過黎話唔可以喎心諗有位啦？好耶即刻過返對面啦Staff話未有位 但唔可以走左去一陣有位又唔知點點點點點..........態度係好有禮貌個種好串個下直頭唔止嬲嬲地豆腐花同泰國餐廳只係對面舖 而且唔係要過馬路個種對面完全係行幾步就到 視線範圍內 站食的唔明點解book左位 都仲會有呢啲經歷係最差最差最差既一次體驗。好！講返食物！好好食既蒜蓉包條 外脆內軟海南雞 雞滑 點個汁都good芝士蝦球 拳頭咁大舊 真心食唔哂咁多舊通菜 幾好食 基本野啦仲叫左碗油飯 好大一碗送甜品一份 椰汁糕咖喱軟殼蟹係重點推介 又一食唔到辣既人會歡喜咖哩係椰味個種 算幾多蟹 好香口十分滿意落單上菜執枱埋單都係同一個staff, 由此可見唔係一間講服務既餐廳

其實成件事都有點HISTORY.正因舊既同事....同識左好耐既老友...又一齊反係一齊..仲去左一家立足左好多年既THAI餐館.....全都加上黎加千歲都有...依個笑話真係長講長有...哈哈回說正題....見到D職員個樣都唔同哂...真係時間飛翔......但食物係唔會變既..因為食個下係最好味的...回想都無咁正.例牌, 等位, 等叫. 一坐落就知要食咩野. 生菜包, 串燒, PAD THAI面, 生蝦, 冬陰功, 魚餅...肯定唔小得. 最重要係燒豬頸肉依然都係咁好味, 外邊干身,肉質有汁又彈口...個配汁小辣又帶點酸...無敵! 氣氛都好高漲下! 其實樣樣都好好食...但總係叫個幾樣回味....最後一句, 絕對回頭! 絕對抵食! 超值!

來到荃灣區工作，忙碌了大半天，終於可以休息一下，於是找個地方吃吃下午茶，順道休息一會。路過兆和街，想起這間泰國食店的味道不錯，而且尚算舒適，於是走進去。職員為我引到近窗邊的坐位，看看街景也不錯，可放鬆一下。要了一份泰式海南雞湯粉，一份泰式甜品，以及一杯凍奶茶。只等了十分鐘，食物已經送上，這裡的上菜速度依然很高，值得一讚。濃濃的泰式湯底，濃而香，不會太過，有提神的感覺，雞肉沒過老，仍然很滑，吃過多次，水準依舊，非常難得，泰式甜品只是一般，沒有太甜，很合口味。味道能保持水準的食店，真的不多，難怪此店仍舊客似雲來，相信大家也是因此而常來。

講到荃灣泰菜邊間最好食，金坊都係數一數二嘅級數啦，蒜蓉包條點咖哩食真係冇得輸，熱辣辣又香口，。叫咗個咖哩蜆同椰皇炒飯，蜆就4個人食每人都食到5隻，而個炒飯就清咗啲，下次都係食返菠蘿炒飯好啲。叫咗馬拉棧通菜，好似冇以前咁好食，最重要介紹呢個燒大鱔！鐘意食鱔嘅朋友唔好錯過啦，88蚊有3串。配埋個辣汁真係very good!!另外不得不介紹嘅係岸燒牛，熟嘅程度岩岩好，燒得好香，好夠味，配埋個辣汁真係會食上癮。

1.<好抵食既茶菜下午茶>🙂金坊呢間泰菜開左好多年 , 好多年前係好好食 雖然而家退步左 但其實都 ok既 我唔會特登約朋友食 但經過都會食下佢個下午茶 因為真係好抵 36 蚊 冇加一 凍飲仲要唔洗加錢💪🏻 食物質素正常但真係好抵食 2. 泰式豬脾飯 36 蚊🐷🍚本身諗住堂食 但太多人幫襯 又有 d趕時間就轉左外賣 值得一讚係嗰個 staff哥哥 我崔佢 都甘有禮物幫我轉香外賣 唔錯😃個豬脾飯 白飯唔少 豬脾係有層好彈好肥既豬皮 醃得幾咸香 唔錯 仲有隻滷蛋 🥚加埋 酸辣汁 撈飯都 ok 😃#泰國菜 #下午茶 #外賣 #豬脾 #滷水蛋 Score 平均分 <6.4/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#金坊泰國美食荃灣兆和街38 至40 號荃灣美食城3 樓全層~~~~~~~~~~~~