金城小廚

营业中

休息中

上次午餐試過，諗住晚餐也可以，下午6:30到達，7點落單，兩個人叫三碟餸，逐碟出，等咗一個鐘，啲野賣晒又唔出聲，叫人白等。廚房樓面唔夠人做嘢，唔好預再幫襯。近排最差食肆體驗。

金城之前耐唔時都會去食..全因個辣酒浸花甲真係好出色…有時夜左去會賣哂..今日就同埋幾個fd一齊去食坐底姐姐就會上一大兜湯..應該係粉葛湯..好足料..飲落去唔似味精湯..每枱都會贈送白雲鳳爪一碟椒鹽白飯魚炸得好好味..同埋有少少辣。非常香口今晚主角 - 辣酒浸花甲大大碟，花甲肉質飽滿..每隻都好入味..而且只係得一兩隻冇開口..我地好快就清碟店員極力推介燒鵝果然係好香..肉好夠味..不過略嫌隻鵝有小小肥美得滯..好快好滯。欖菜肉碎四季豆夠哂味..豬肉碎仲有小小偏咸..好好送飯

朋友介紹去呢間小店晚飯, 約埋班同事一齊去試菜, 果然有水準👍坐低就送上蓮藕豬骨湯及雞腳..正!!!最驚喜的是椒鹽魚下巴, 超好食😋 另外水準菜是金牌鹽焗雞, 雞很滑唔會難👍再黎個古法焗魚腸...幾好食, 我自己超碼有20年沒有食過, 好想回味兒時媽媽的撚手菜...雖然同媽媽做的無得比, 但都算好食😉還有蒜蓉炒白菜及椒絲腐乳通菜+(小炒)芹菜味菜炒豬肚絲。最後還送上甜品😋整體很滿意, 下次會再幫襯😋👍

今次叫咗西零雞同菠蘿生炒骨，西零雞食過幾次未到正常，菠蘿生炒骨入邊應該最多有5-6舊肉，啲肉味，仲有少少霉霉地，下次唔會叫，嗰盒野入邊主力都係洋蔥同青紅椒，叫唔叫你哋自己諗

一直知呢間小菜口碑幾好今晚就試下佢見佢MENU都多選擇呀點左~海鮮豆腐煲有好多豆腐仲有魚啦, 蝦啦同尤魚味道都叫正常呀唔特別驚喜呀~京都骨個汁既味調得幾好甜酸度適中而豬扒既口感都OK淋淋地唔會好UN~黑椒腰果牛柳粒呢個餸好香黑椒味腰果好脆食一粒就停唔到咁牛柳粒質感幾好唔會好UN

之前經常去食晚飯，小菜一向都好出色，近日知道佢哋做埋盤菜，15 16 唔知得唔得，因為有食開其他專做盤菜嘅店舖，但金城小菜食開覺得係掂嘅，所以比次機會佢，反正做冬就訂咗個3-4人份量，今晚終於試咗，冇講大話，才料新鮮夠入味而且足料冇搵笨，食完唔會口渴呢個先係重點。才料有：鮑魚 元貝 蠔鼓 花菇 大蝦 油雞 燒鴨 鵝掌 五花腩 豬手 髮菜 西芹吊片雙魷 鯪魚球 豬片 魚蛋 枝竹 西蘭花 蘿蔔3-4人 $6886-8人 $128010-12人$2380

小弟昨天中午食完，真係想爆粗，我哋二個人，每個點心一人食咗一件之後，即刻埋單走人，鳯爪硬身未熟、醬汁無味、太細隻皮包骨完全冇嘢食、仲要成碟野都係橙色，色素太勁，蝦餃睇落去正常，一食落去個皮成陣粉味，成隻蝦餃基本上冇乜味，牛肉腸、個皮太厚又唔夠滑，但係個餡又正常，山竹牛肉、顏色偏淡太淋又係冇味㗎，如果冇喼汁，同食堆粉冇分別、跟住最後一個雞扎，呢個就正常好多，有冬菇芋頭雞豬皮，可能啱啱蒸熟出嚟嘅關係就正常，最後環境衛生一般，座位偏窄，一張細嘅4人枱，疫情之下仲要搭枱，基本上枱面放咗五個點心都佔咗張枱嘅三份二，如果搭枱基本上情況非常混亂，我就唔會再有第二次！求其搵間稻香明星都好食過佢....

第一次來，也是最後一次！看食評很多好評（不明白原因），專程去試，餐牌菜式不多，價錢也比較貴，最後無乜選擇下叫了二個小菜，份量一般，不大不小，如下：1：麻辣雞（例）$178，好油好咸，好勁雪味，雞件明顯先經油炸，但炸到過晒火，微辣！2：椒鹽鮮尤$108，粉漿開得很差吧！又厚又微苦，尤魚醃得很咸，除了咸吃不出任何尤魚味！二支青島啤酒$80，並無任何驚喜，味道比一般大排檔更一般，咸到呢～～～二位$366埋單冇下次！

我們一家訂了食團年飯，非常唔錯，不過因為我推bb車，餐廳是有點迫，所以要收bb車的，另外餐廳沒有bb椅提供，麻煩一點。食物方面，有很多小菜選擇，我們點了很多，碟碟也很好食，非常唔錯，大排檔風味，出名名菜，魚下巴，好滑好好味，一定要試試。當然各樣小菜也味道穿很好，我個人很鍾意食小菜，所以覺得碟碟都好食。另外，餐廳餐前有湯水送，餐後有甜品送，是啫喱來的，小朋友食得非常開心，因為顏色鮮豔。這間餐廳適合家庭、一大班朋友點菜食飯，大大聲傾計也沒有問題。

Have been a couple of times to this popular place in Tai Wai. Usually its packed and often have to queue for a table. Well known for its stir-fried dishes and particularly its roast goose. It is recommended that you pre-order the goose to avoid dissapointment.Meat is really juicy and flavour is good.Another favourite is a cold dish, clams in spicy sauce.This dish is spicy but not overpowering. Clams are meaty.We like the extra touches, daily Chinese soup offered as soon as you sit down and to f

是日去完彭福 一於食久違的金城無他 金城真係好有人情味 啊姐服務態度好而且我為左呢碟冰鎮花甲而黎 肉甜又無沙 而且浸住的湯好鮮加少少辣辣 正！蒜蓉炒豆苗我也很愛吃！佢地的豆苗係我最鍾意的細細條 因太大條的會un小炒皇也很夠鑊氣,一般的比較油但呢間唔會同埋今晚原來我朋友一早拎左生日蛋糕黎先 跟著同啲姐姐同老闆娘比suprise 仲熄埋燈一齊唱生日歌 真係好窩心 仲同我朋友夾神神祕祕咁好可愛又好食又有禮的小店 希望可保留下去

以前舊鋪喺屋企附近都有去幫趁, 雖然味道尚可, 不過衛生情況真係麻麻, 食過一次就無再去食。 今晚係朋友媽媽約食飯, 佢發辨也不好意思多說話, 諗住搬左鋪，比多次機會, 新鋪環境靚啲, 但係超級迫同超級嘈, 食得果1個鐘多少少, 想傾計都完全傾唔到, 最多同左右隔離果個傾, 成檯人都只係為食飯而去咁, 張檯又細, 急急腳食完就已經夠鐘埋單, 由於食得趕同坐得迫，今次飯局都無心機影相，加上價錢絕對唔係街坊價, 比得呢個價，大圍仲有好多選擇。

今日做吓乖乖仔, 請細妹同佢老豆老母食飯!佢老母話想係沙田大圍飲茶, 查實大圍唔係好多一盅兩件食店, 有嘅都係點心質素唔多掂嘅集團酒樓.記然係咁, 倒不如支持吓D小店更好啦!早幾個月去過一次金城食晚飯, 水準不過不失, 今次又睇睇點心質素如何吧.叉燒包, 糯米雞, 蝦餃, 燒賣, 蝦腸, 叉燒腸, 山竹牛肉, 牛栢葉, 金錢肚, 排骨, 咸水角, 春卷, 馬拉糕, 雞札各一.點心到齊哂, 第一個感覺係好多點心份量同 size 都比一般細咗D, 其中最失望係叉燒包, 因為餡料明顯不足.糯米雞內有大大舊燒肉, 係我唔太中意嘅餡炓, 但卻有我 Like 嘅咸蛋黃喎, 如果糯米雞減緊d醬汁更正.雖然春卷整體 size 細咗D, 但春卷皮仍然脆口, okay 啦.牛栢葉入味, 可惜有"牛栢葉碎"嘅感覺.蝦餃同燒賣size 正常, 蝦餃尚算皮薄, 內藏彈牙原隻鮮蝦, 欣賞!蝦腸同叉燒腸嘅腸粉又薄又滑, 欣賞x 2!最正係雞扎, 包住大大件芋頭, 大大件冬菇, 大大件雞肉, 大大件豬皮, 俾我大大件老母食, 食到佢大咗個肚.聽過不少金城點好點正嘅讚賞, 食物質素okay, 可能自己期望太高吧, 有點

朋友兒子結婚，今晚約了出嚟食飯派帖，問我大圍市中心有乜食?大圍食肆唔少，但、好食的只有幾間而已。想到一位也是住大圍的舊公司拍檔介紹過金城小廚，金城小廚以前在顯徑冬菇亭都幾好食，但搬了過來海福花園，開咗咁耐，我都冇去過。幾個朋友食飯聚舊，搵中式食肆，可以坐得耐少少，傾吓偈，就打去訂位。來到才知道，原來呢間金城有兩個舖位的，一間在對正馬路既大街，另一間在便利店條巷仔行入去的內街。坐低後，店員告訴我們，只有1小時15分鐘，即時晴天霹靂，吓.....訂位時又唔講的。 我們叫了胡椒豬肚雞煲(味道還好，但胡椒味唔夠重)，焗魚腸(焗得唔夠香脆，魚腸也不多)，咕嚕肉(正常)，安格斯牛柳粒(正常)，水煮魚(最後上錯了水煮牛，為免浪費時間，照食，牛肉好嚡，唔係用滑牛，個辣汁完全唔掂，唔係正常水煮食物的汁底)，椒絲腐乳通菜(腐乳味唔夠濃郁)，淮山木耳炒四季豆(正常)，湯(好味，但都幾油)及雞腳小食(好淋，好食的)都是坐低便自動上檯的。何為"正常"??即係唔算很出色，但也不差，大路口味。食到快夠鐘，要追單才上菜，被迫食到過鐘，但他們都沒趕我們交檯，可能知道遲了上菜，食飽見到門口已經有人在等位，我們都不好意思

平日星期五接近下午兩點來到開餐, 好多熟客仔, 大家都習慣了搭枱. 三人行點了兩個午市特價飯, 每碟誠惠$45. 午市特價飯平日$45, 六日及假日$50. 由11點至3點供應. 下午茶時間有特價點心, 下午1點半就開始了, 星期一至六都有下午茶點心時間.冬瓜火腩飯火腩是半肥瘦燒肉煮成, 部位一流冬瓜亦夠稔時菜牛腩飯牛腩有肥有瘦點心 – 爽肚爽肚爽肚, 爽爽的. 我不太懂得欣賞整體食物出品OK. 碟頭飯的飯不夠熱, 全靠餸菜夠熱. 呢個可以改善下環境就係食完要走的感覺.