金城小廚

营业中

休息中

金城小廚，喺大圍區算係人氣之選，成日搭車經過見到佢幾個鋪位都滿座，門口仲要有人等位，今晚一於試一試佢。屋企人訂咗枱，去到等十分鐘就可以埋位，但可能由於太爆場，我地7位被安排坐一張4-5人枱，的確有d迫，而且店內枱同枱之間嘅距離好近，好多時都會有碰撞到。加上我地叫咗7-8樣餸，張枱都擺唔哂，要拿拿臨食完收走個碟先可以上下一碟餸。食物選擇冇一般大排檔咁多，可能係因為街坊食店，但個人認為價錢卻一點也不街坊食物算不錯，坐低有沙薑雞腳，例湯，飯後有甜品送！不過喺大圍區黎講，食小菜嘅話，我都係鐘意油站附近嘅大排檔，夠鑊氣d另外，店內因為多人，都幾嘈吓，如果想傾吓計就可能唔係咁方便。

<大圍好味小炒>🔥因為本人住離島嗰邊 其實好少經過火車線 如果唔係同朋友食係一定唔會黎 住大圍既朋友推介食呢間 大家記得佢係11pm關門 如果食宵夜就有 d趕 燒味一定要留定👍🏻😈🍴明爐燒鵝210 蚊 半隻🔥燒鵝大細適中 個皮燒得好脆 個肉質幾嫩滑 好多肥膏 點 d酸梅汁好香 如果厚肉 d更好 已算中上級別👍🏻🍴蜜汁叉燒88 蚊例🐷例牌唔算少 同傳統叉燒一樣帶 d燶邊 夠哂香脆 蜜汁好夠🍯肥瘦適中 推介🍴香煎芙蓉蛋 78 蚊🥚呢味芙蓉蛋比較扁身 煎得甘算香口 蛋係剛熟 入面有叉燒 白飯魚 葱花等 覺人覺得蛋厚 d鑊氣勁 d更佳🔥 但其實味道係 ok🍴冰鎮秋葵🌿自家種秋葵 勁大條 好爽口新鮮 冰鎮點 d wasabi豉油更正 口感清新❄🍴㰖角肉鬆四季豆🌿🐷四季豆本身都新鮮 加鑊氣炒夠 juicy. 㰖角肉鬆切得好細粒 所以食落好有口感 好香 🐷 要黎撈飯正🍴椒鹽鮮魷98 蚊🦑🔥椒鹽鮮魷佢個茨粉整得厚度適中 好香脆 鮮魷彈牙 證明好夠鑊氣 點 d 黑醋汁正🍴蠔仔粥🍚好欣賞佢既蠔仔勁大粒 口感彈牙 粥既厚度適中 🍚 薑葱絲 調味 味道香濃 個人鍾意加少少辣油更惹味🍴蒜蓉蒸

沙田區想食大排檔鑊氣小菜，除左陳根記之外，原來都有間叫金城小廚。我地book左7點枱，book枱時鋪頭已經叫我地要早2、3個字到，心諗有冇咁誇張 ? 點知原來因為間鋪太細，枱同枱之間好逼，所以如果想坐得舒舒服服既，就唔好考慮哩間啦。聽聞哩度最出名既係紅燒乳鴿，果然皮脆肉嫩，上碟熱辣辣，係大size 乳鴿。另外叫咗一碟椒鹽鮮魷，魷魚好大塊好有口感，可惜個粉漿麻麻哋。炸蠔餅𥚃面既蠔分量好多好正，蠔又大大粒冇沙。半隻金牌鹽焗雞，味道一般。蝦乾百合藕片，味道正常，只係藕片太少。秋葵炒蛋哩味有驚喜，不過如果唔太鍾意滑潺潺既朋友，就唔好叫啦。個人覺得好食過陳根記。要食最好訂位，都真係幾多人架！

預早同家人慶祝父親節，妹妹㨂咗金城小廚食飯. 點咗金錢雞，蜜汁叉燒，半隻燒鵝，椒絲腐乳炒通菜，豉油皇炒麵，炸蝦餅，百花釀茄子. 優點： 1, 居然有金錢雞哩d懷舊菜提供，肥豬肉軟滑，雞肝夠香，但終於好漏，食一件就夠哂. 2, 超怕食D硬叉，食到鞋口鞋面，金城嘅叉燒肉中帶肥，食落肉質軟夠 Juicy，甜味亦啱啱好，滿意! (^0^)/ 3, 通常出外叫通菜都係葉少”支”多，望埋去大碟D嘛! 明白嘅，今次叫椒絲腐乳通卻出奇地葉多”支”少，腐乳味香濃，滿意x 2 (^0^)// 4, 最最最正係炸蝦餅，平時食開炸蝦餅，總會炸得硬咗少少或太過彈牙，好似食魚蛋，今次炸蝦餅外層極脆口，但內裡又好鬆軟，人氣推介!!! 5, 即使咁多客咁旺場，仍然有咁嘅水準，已經好好囉，而且見到D侍應姐姐忙個不停，仍然俾到反應無hea 回，服務滿意鳥! 缺點: 1, 肥鵝真係肥得有D過份囉! (講完哩句再望吓自己個肚腩…. 有D……. ) 2, 環境比較窄，環境窄就引申兩個問題，好鬼嘈同冷氣略嫌不足! 3, 客人多，當然要排隊. 4, 餐廳唔收信用咭，好彩啱啱帶夠錢. 5, 價錢唔係大眾化.

大圍海褔花園內的小廚，同一個花園範圍由一間舖做到兩間舖。金城小廚是枱貼枱的一個地方，但小菜鑊氣搭夠。晚飯時段常滿，朝早亦有早茶提供。星期五晚四個人開餐無訂枱，七點前來到可以自己揀位，七點過後，座位陸陸續續座滿。這里起菜十分快，我地未夠八點就食完離開了。 老火湯，送的粉葛湯不像味精湯，有粉葛，有豬骨貴雞例牌雞嫩滑，份量算多四個人都夠食生炒骨排骨香脆有鑊氣雜菜煲有海鮮和粉絲雜菜唔夠稔咬到牙軟呀！啫喱仔，送的我地有小朋友一齊佢會送多個改變了。逢星期五至日都有收加一服務費。 客人主要是附近的街坊客，也許是他們的飯堂。

今日晏就同一個朋友去左位於大圍既金城小廚，入到去個陣見到餐牌同埋價錢都貼晒係牆上面，同埋有好多張枱俾人留左，感覺上午市都會好忙咁，我地一坐底就會有人攞壺茶俾我地。我地就叫左一個叉燒燒肉雙拼燒味飯（$38），份量都唔細，係半肥瘦燒肉，皮仲係脆既，而叉燒就偏瘦，但兩款味道都唔錯！而點心方面就要穿過一條路去第2間鋪攞，我地因爲得2個人，雖然有好多點心款式，但我地都只係叫多2籠點心，一籠係菜蝦餃，但入面有小小芫荽，所以有種芫荽香味，而第2籠就係鮮竹卷，但同平時食開多菜少肉既唔同，呢款入面係多肉少菜，最岩食肉獸最後，點心既價錢就同普通酒樓差不多，分大中小點錢，但有一點唔同既就係呢度唔使收加一，所以餐飯食落都算係好平，每人唔使50蚊就已經食到好飽！

分享過博友到「金城小廚」的食評，感覺可以一試。今晚楝好兩個小菜：黃金魷魚$108，沙爹肥牛粉絲煲$88，兩碗白飯和茶水共$256。安座好，待應開茶後端上免費老火湯一鍋，但味道偏鹹咗！接著又送上免費前菜，鳳爪小碟，夠腍入味！起沙鹹香蛋黃包裹魷魚，口感與味道一流，魷魚質感也鮮爽。可以送飯的沙爹肥牛粉絲煲，沙爹汁做得夠味道且恰到好處，還有幼苗般的金菇混合著粉絲，視覺上金菇與粉絲，粗幼很配合，還有醒胃的菠蘿粒粒！吃飽了！又送上免費甜品！

金城小廚!每次去都好多人食,早上同中午做茶市!晚上6時開始做晚市,中式小菜,本人早午晚都有試過!點心款式比較懷舊!夠晒份量,食番傳統味道,尤其是手拉腸粉好滑,咖哩魷魚更加好味道,仲有自家燒味好有水準,早茶每人約$40元,中午都係每人$50元食到飽晒,晚飯都係貴小小!但啲餸菜非常特別,我最鐘意食(反轉墨汁雞中翼)好惹味! 仲有(魚下巴)更加值得一試!連(金錢雞)都有得食 ,晚飯會有(例湯同鹽焗雞腳)送,味道都唔錯!令人回味!食咗一次,一定會試第二次!

真心嚟講,炒餸係唔錯嘅,但係真係有嘢要改善,早一個禮拜訂位,你哋同事話八點半,我哋已經八點半喺度等，我哋三位已經通知左你我訂左位你仲問我貴姓，噉你哋話等待多20分鐘，噉眼見出面係真係好多大枱喺度等緊，事後等了20分鐘，你哋竟然可以出嚟再問,邊個訂咗位，其他客人不停騷擾，之後你又畀咗人哋入去，你地同事話之後話唔好意思等多10分鐘,噉咪等囉噉之後兩張細台，有12位客人入嚟搵老闆娘,之後兩張細枱變成大枱,噉老闆娘又出嚟問，邊個訂咗枱，請問你哋，唔會記住嘅咩，細枱就唔係客人，到最後等待了45分鐘，最後都冇食到。真係要改善已經唔係第一次嘅喇。

一個……對食好有要求嘅朋友，約嚟呢間食，梗係要試啦！幾個舖位，都仲要登記等位，等咗15-20分鐘左右就有枱，舖位細，枱……好逼，好在…真係幾好味。多D咀尖嘅朋友，會食多D好嘢！可惜得三個人，試唔到好多款菜色。

娘家團年，去左大圍金城小廚食，雖然環境逼左少少，但 d 野好食喎。乳豬皮脆肉嫩，有肉既位仲有肥膏🙈 鵝掌冬菇好入味，對我黎講略嫌鹹左少少咁啦😅個杏仁片茄子必食！香脆既外層，內裡係煮到岩岩好彈牙既茄子，食唔停口，我爹仲將剩低既杏仁片撈飯😂 鵝片有打冷舖既水準，就算我第二日返工蒸返黎食一樣無走樣👍🏻 辣蜆係冷盤黎，第一口感覺怪怪因爲平時食開熱架嘛，但食多兩啖就覺得佢呢隻辣係要凍食先出色🤤 我好鍾意椒鹽九肚魚，呢度正啊，內裡好嫩滑，食唔停口啊😋😋 仲有懷舊菜金錢雞！我好耐無食過啦，不過佢係無刈包版本，個人鍾意有包，減少許肥膩。佢既蔬菜都好食，誠意推介大家試下✅

以我所知，哩間係以前顯徑既一間餐廳黎，係無耐之前搬左黎大圍，但一睇就睇得出佢好多fans!每日既晏就，就算平日都係大排長龍，d點心同炒粉面都好好食，最重要係佢既價錢絕對比出面酒樓平！一定要試！

我們共5人訂了星期六晚上6:30的枱，打電話訂位時對方說1.5小時要交枱，我們早了15分鐘於6:15到達並即時安排入座手。最終這餐晚飯當吃到30分鐘時，老闆娘埋來說「我一陣出定張單給你先，不用付錢住，你們繼續食」，隨即便送上甜品，然後拎張埋來送低說「慢慢食不用付錢住」，但隨即轉身叫客人站在我們後面等我們這張枱，然後叫侍應來收走我們的碗碟，最終我們由進店到離店用了45分鐘，於7:00被暗趕離場了。結論是，就算食物再好味都唔會有下次了☹️

之前顯徑邨冇做之后。見到話大圍開番舖几個月。喺海福花園入面。吾知食乜所以又去試下。有兩個鋪。仲有樓上。不過都系細間過之前好多。今次叫d上次冇食既野。全部食物都淡而無味。乳鴿冇乜味。吾夠咸。吾知点解連d華鹽都吾夠咸。😳椒鹽九肚魚。脆漿厚。甜甜地咁。吾夠味馬拉盞炒芥蘭。連馬拉盞都淡味。是溝稀左嗎？😳潮式腐皮卷。見几特別所以叫下。內有蝦。豬肉。其實都吾太清楚有d乜。豬肉多數系肥豬肉😳埋單2人$333,𣎴貴。但吾好食。可以吾洗再去😂暫時未有酒牌。酒水要自己到附近7仔購買#中菜館#晚飯 #家庭小店 #腐皮卷 #潮式 #中式 #中菜 #中餐 #中餐館 #相機食先 #hkinstargram #instargram #instagood #instafood #hkfoodie #foodie #hkig

初一晚， 6人订了頭圍，5菜一湯 加生炒糯米飯，共 $970， 很平宜，8点前交枱，到附近糖水店吃甜品，也要 $260。初四 11人尾圍，8：00pm 到，客人很多，8菜和 〈送〉例湯，$1,500，質素略較初一的遜色。總的来说，價格和品質都很好，街坊多个選擇了！