金城粥麵小廚 (已結業)

佐敦要食有鑊氣既小廚其實都有唔少選擇，但係要數感覺最麻甩既平民小廚我覺得金城粥麵小廚係佐敦一定佔一席位照片所見，環境唔会有咩好大既祈望但係我覺得相比起大牌檔，你起碼有冷氣涼浸浸，唔会食到大汗撘細汗先加上廟街個大牌檔都執埋笠，要三两知已想食下平民小菜又少左一間，金城的確係附近一個唔錯既選擇我地今日一行两人，嗌左幾個小食，再加两支啤酒炸蠔餅，又食左先記得影相份量本身係多啲，炸漿都唔太厚身，咬落香脆腐乳炒通菜都幾有鑊氣，菜唔係炒到老哂，但又講唔上特別好食，不過不失炸子雞半隻，真係幾皮脆肉嫩塊雞皮好似食梗雞片薯片甘黃金鮮魷依度既黃金海鮮幾有水準，餸酒同餸飯都絕到不得了，不過空口食我唸食唔到幾多塊依個價錢，两個人食，我覺得就好合理

其實黎過幾次，今日有影相，整反個食評先今日星期六，同两個朋友打完桌球去消夜唸住啤反两杯反去訓個靚覺，發個靚夢，本來唸住串燒一下，跟住行過見到金城，決定入去麻甩一下平民食店，環境唔使有咩幻想，但係黃金系列唔使講野，調味同咸蛋黃既比例我就覺得非常唔錯好食既野係邪惡啲架啦黃金鮮魷仲有嗌左個豉汁炒蟶子，味我覺得唔算好香，但係火侯岩岩好，蟶子爽口唔鞋又唔韌，同都夠大隻炸子雞半隻，隻雞滑既，起碼胸都唔係好鞋，皮夠脆，我覺得合格以上仲有個粥，我無份食公平啲講啲相望落去啲好似咩都細份左，因為我地全部都食左一两舊先記得影相加多两支大藍妹,埋單五百二

食晚飯，宵夜，想食咩有咩地方食肆，已經越來越少啦，今次比我搵到一間有粥食、有麵食、有小菜、有海鮮、仲有啲懷舊特色嘅菜式。如果約埋一班老友飲酒食飯見下面，真係一個好好既地方。

一行8人浩浩蕩蕩去搵食，最岩就係宵夜大排檔，豪飲豪食，做自已💪🏻金城係我們的不二之選，室內大排檔，港式地道小炒，夠曬鑊氣，仲要整返半打大啤，夠豪邁。食物價錢不算便宜，多人食share就ok。Xo醬蝦干小炒皇$88次次必點，十分惹味，蝦干，魷魚，韭菜等等，多配料，送啤酒一流脆皮炸子雞（半隻）$110這裡的炸子雞很滑，雞肉非常嫩，脆很薄很脆，一點都不油膩，附送炸蝦皮，沒有油益味，新鮮炸起。雞蛋焗魚腸$75比較小地方有得食啦，只剩舊式大排檔，魚腸沒有魚腥味，蒸蛋不算太老，可以接受，加上糊椒粉，吊一吊味。蝦球炒麵$95乾炸麵底，夠脆，配上濕炒蝦球，大概6隻，蝦爽新鮮。金沙蝦$2188隻大蝦，鋪上滿滿的黃金蛋黃沙，睇到都流口水🤤蝦身一啜，滋味無窮。邪惡之選。炸蚝盞$85干炒牛河$68

小炒菜你鍾意嗎？ 📍金城粥麵小廚 | 佐敦·好耐都冇食小炒菜，今次frd話係佐敦有一間好特別嘅炒菜，我地特登過海嚟，果然👍🏻👍🏻👍🏻·☝🏻金沙鮮魷 宜家果陣鹹蛋黃mix嘅風潮都唔知係幾時開始嘅，但鹹蛋黃不火都冇理由，畢竟佢無論同乜一齊食都好好味。呢個金沙鮮魷真係外脆內嫩，鹹蛋黃嘅香味又幾出，大概唯一的缺點就是卡路里超標😂·✌🏻椒絲腰果牛柳粒 牛柳粒嫩滑入味，連同下邊撲滿的西蘭花都沾滿醬汁，又有脆脆粒腰果輔助，整道菜口感特別有層次。而且牛柳粒都俾左幾多，我地4個人都食唔晒。·除左上邊兩道之外，我地仲挨左個腐乳通加個雞蛋煎魚腸，同埋啤酒可樂，總共一個人花費都未到100蚊，我地都覺得好抵。·呢到除左金沙鮮魷，仲有金沙蝦，一諗住都口水直流。仲有啫啫煲，炒螃蟹，圣子王，下次一定要再來探索下！·

又黎街坊風味小炒。提示: 金城係越夜越旺, 宵夜比晚市更多人。午市而家唔多見佢開, 唔好摸門釘。一行六人這裏小炒夠鑊氣, 碟頭就縮水了, 唔好預好大碟。海鮮類都偏貴, 都係時價, 蒸個扇貝都2百蚊。不過, 撐場人也唔少。推介: 金沙鮮魷: 食過既餐廳裏面, 這間算做得唔錯， 推介呀。 必定要趁熱吃! 流沙的黃金色咸蛋汁掛滿每一件魷魚, 咸蛋香很誘人, 魷魚是滑溜溜的, 外脆內軟, 不會太漏, 當然膽固醇勁高下, 淺嚐已足夠。啫啫芥蘭煲:對煲仔菜特別鍾意，原因保暖情度令食物延長了它的美味， 上桌時沖天的噴著煙，渣渣聲的鐵板滋味，也聲色俱全。絕對吸引。味首有點咸，但芥蘭香膽帶酒香，還有像帶點蝦醬香，餸飯佳品！酥炸水餃: 皮好脆好味, 如饀的位置炸得更脆會更出色。本身餐廳是賣開粉麵, 水餃雲吞有應有水準, 雖然不是出眾菜式, 但幾十元算抵食! 雞腳: 每次來到必點: 味道香濃沙薑味, 雞腳不會太諗有咬口。咕嚕肉: 中規中舉, 啖啖肉, 肉件不會太薄, 酸甜汁味道恰到好處, 酸甜適中的開胃菜 蠔仔粥: 粥底偏綿滑的一種, 與潮州粥有點點不同。個人覺得欠了點菜甫方魚香氣。一鍋6人吃! 眼見別人柯

茶：冇問題。煙：禁煙食店已經有一段時間，點解仲可以有食煙的食肆仲要每枱都係??是我有問題嗎?全晚吸足二手煙，火都黎~仲要粗口横飛，服務員真正身份係?有：洗碗員、收銀員、擔住口煙的厨師、6面員等。就連服務員都一擔擔成間餐廳怨氣沖天。飯：叫左個生炒排骨，炸得好脆身，係细碟少少，但算係咁，再叫左個咸蛋正肉餅，正得老左，味道可以既，但豉油都冇滴?食左30分鐘閃左。

朋友聚舊，想食大排檔，但又怕熱，於是選了金城。 鄰近地鐵站，巴士站，小巴站，交通非常方便。 為確保有位，當日我朋友不停在中午致電到金城訂位，但由於此店晚上六時後才啟市，我朋友見冇人接電話，還以為結業，真大吉利事。首先來碟生魚皮，而家可食到生魚皮的地方越來越少，但其實魚皮不是生的，是已灼熟了， 配上薑蔥，又沒有腥味，好食非常。蒜蓉帶子，好明顯帶子是放在貝殼上，然後和蒜蓉一齊蒸，因帶子是離殼的，但冇問題，美道一樣是好地道，但我吾明點解我份有兩隻帶子的。金沙鮮尤， 聽聞好似將鲜尤沾滿咸蛋黄汁然後放落鑊炸，雖然甘香好吃，但蛋膽固醇極高，都是少吃為妙。豉椒炒蜆，蜆肉是贴在蚬殼，不是好似帶子放上殼上。 豉椒好惹味。豉椒炒聖子，聖子好肥美， 但又係好似把聖子肉放上殼上。西芹炒田雞， 田雞頗大隻，辣辣地，好有風味。炸子雞，皮脆肉嫰，仲熱辣辣，伴碟的蝦片也非常脆口。豬潤粥， 能把豬潤整得好食的店鋪不多，此間可說是數一數二，豬潤是爽軟的，粥底好綿，正。老闆娘好好人，送了一個啫啫芥蘭煲比我們，連菜都好新鮮，真是食出人情味。

昨天有內地親友從澳洲轉機到港，想試下d地道小炒，ok~ 當然沒問題啦！帶佢地去我平時既宵夜食堂咪得囉～由於去到果時已經九點幾，兩位親友坐完長途機都已經無咩胃口，唯有叫少個肉，炒多兩條菜囉…不過... 海鮮係必叫既！唔係邊食到大排檔風味丫~你話係咪？一坐底，堂姐夫已經話黎大排檔點可以唔飲酒丫?OK，識做! 喂喂喂~伙計，點菜，跟手黎四支大啤丫唔該~ 蒜蓉粉絲蒸扇貝上菜咯~呢個係我每次必點的蒜蓉粉絲蒸扇貝，扇貝有成隻手掌咁大隻，而且肥大肉厚，果種鮮甜簡直令人欲罷不能喔~再加上粉絲索晒蒜蓉既香味，同扇貝既鮮甜味，簡直可以獨當一面呀~接住落黎既係豉椒炒蜆~呢度既豉椒炒蜆炒得非常夠鑊氣，蜆肉無沙而且鮮甜，拿! 食炒蜆最唔過癮既地方，莫過於就係有一堆開唔到殼既死蜆囉...呢度就唔會有呢種情況喇，足以證明材料新鮮，值得一讚！叫得大啤，當然唔少得送酒小菜啦，呢個香煎魚仔我真係誠意推介，魚皮煎得香脆，而且魚肉嫩滑到不得了，味道帶點小咸，所以送酒一流囉，不過...呢種魚仔比較多骨，各位食果時要小心d喔～由於飲左酒，我地幾個都唔想食白米飯，怕頂胃丫嘛~于是叫左個黑椒牛柳絲煎面餅囉，呢個麵底煎得香脆可口，我就

很久沒來這間街坊地道小館，這裏一直不乏人潮，要飲2杯，炒碟小菜，總到這裏，小炒，粥麵，啤酒，海鮮應有盡有。雖然其價錢以茶餐廳而言不算太便宜，但水準不會差太遠。不過今次來，覺得碟頭細了。。。生意難做。。。一碟南乳豬手，這碟$55裏面有5隻豬手。重重南乳味，炆得諗，枱枱很多都叫 。砵酒魚雲煲:件數有點少，細碟了。但味道不錯，連洋蔥也沾滿酒香，魚雲輕輕走油再煮，酒香味濃，絕佳的佐酒小食。酥炸雲吞，不過不失，香口小食濕炒牛河:碟頭細了，有點失望，炒得條條分明，掛滿醬汁，也有鑊氣肉不會太靱，但覺得欠缺了一點味道。叫了1枝$15啤酒金威，輕輕鬆鬆家庭外出聚會。

早排晚上同朋友係白加士街到飲野飲到肚餓，就入左去金城粥麵小廚到食。 依間店開到好夜照顧到我地依D夜遊人，係唔錯既。 我就點左皮蛋瘦肉粥加個叉燒腸粉。 皮蛋瘦肉粥$3X，一般黎講係穩陣，粥底夠綿，但冇乜味，只係白粥，D皮蛋非常少，一碗得3分1隻到，瘦肉就肉渣黎，好似D湯渣咁，冇味，又。 叉燒腸粉都係好普通，過多油，多油但唔滑，而個粉皮厚而不滑，，個叉燒又淋。 不過夜市我冇咩好講，一般都唔會有期望。

這裏是我家經常光顧的小店，已開業很久，由吃粥面起家，搬到現址裝修後，加入小炒，一直都是我家的吃晚飯常店，全因小店夠地道，不加一，小炒海鮮都夠鑊氣，粥品夠綿，穩陣之選。今次點了沙薑雞腳，沙薑汁另上，味濃惹味，沙薑雞腳夠冧，骨也一咬便可連骨髓吃掉，佐酒伴侶也!胡椒豬肚粉腸煲: 配料炒過味香，咸菜配足辣味胡椒十分合襯，咸菜亦不太咸，惟豬肚粉腸可可冧些，如愛有咬口則剛好，可連湯喝。灼生菜: 粉面檔的生菜，蠔油美味金威大啤酒12，純生13，很抵! 是晚只渴了一枝啤酒，1碗白飯3人分，賣單$155，十分十分超值!

好難得見番個朋友，二話不說就黎左呢度食飯先來前菜青瓜少少辣都好爽薑蔥豆腐魚魚頭煲!!薑蔥爆得香氣撲鼻可惜魚頭唔夠入味椒鹽鮮魷感覺唔太油膩椒鹽及蒜蓉與鮮魷一齊炒得恰到好處鬆脆可口沙薑雞半隻好滑好夠味食到飽飽每人夾 200都算OK

這店之前係對面舊唐樓鋪, 只有現鋪的三分一左右, 只做粥麵. 現搬了過來, 鋪位大了, 粥麵小炒大排檔式小菜全有供應. 我也是常客, 通常去得多既店, 都不太願寫食評, 咁又唔係一定唔寫, 而只係不太願意啫.事先講明, 今之只講讚的, 不講彈的, 是否好得沒有可彈, 梗唔係啦. 此店已食過很多不同的菜式.爽滑魚皮, 夠爽喇, 滑?? 唔多覺, 份量比一般既粥鋪多, 有切得十分幼細既薑絲和蔥絲, 花生放另一邊, 保持脆口, 醬油不太鹹, 整體不錯.每次來都會食田雞煲, 這是此店最好的一味菜, 其他的小菜?? 我未試得晒, 但試過既…. 都…. OK啦… 收$75, 價格唔平又唔算貴, 用”田雞”做既菜, 通常都係咁上下既價啦. 田雞肉質厚身兼彈牙, 份量唔少, 薑蔥份量都唔少啦, 炒得入味, 送酒一流. 當然最保證都係, 事先問一問"事頭婆", 田雞係未新鮮? 至落單啦..

一心想重拾以前該店生滾粥的知味，去到新舖一試。坐低後侍應不斷推介燒乳鴿及小菜，心知不妙，由於只想食粥麭，兩人只點了肉丸粥及豬什撈麵。肉丸粥無乜好講，粥底無乜味，只是肉丸加白粥，至於碟撈麵就勁重醶水味, 食到條脷都麻痺埋。店內環境亦非以前的粥麵店，依家有人隊啤玩骰罐、伙計煲煙！要食靚生滾粥，不用再來了!