金壘餐廳

营业中

休息中

這個公眾假期四處都是人山人海，走到新界亦一樣。我們數人見末到晚飯時間便想找個地方喝咖啡。於是我便提議到這地方，因為它的環境十分舒適，而天氣十分好，所以我們可以坐在户外的餐枱，一方面可以欣賞園景，又可以有户外的感覺。最好就是庭園外就有車位，真是很方便。我們除了叫咗數杯咖啡外，我們更叫了一個中 size 的火焰焗阿拉斯加雪糕蛋糕。這個甜品不是很多地方做到。它拿到枱面時加上火酒，点火。之後加上朱古力。十分吸引，而它亦做得十分美味。值得一讚。

閒日晚上，肥仔話同我慶祝過左好耐既生日😂(好明顯只係想食好野既藉口）就車左我去錦田呢一間度請我食好嘢。不過肥仔好耐冇來，兜嚟兜去唔知道左去邊度🙈之後搵車位個位入口好窄又要掉頭⋯終於泊成入到去餐廳⋯⋯冇人既🤔我笑佢呢個唔多似係即興喎，你唔好學人包左場😂不過間餐廳無人驚驚唔好食，肥仔話食過好野黎咁就信下佢啦。侍應好有禮貌果，然好似高級餐廳😂安排我哋坐卡位，佢哋揀懷舊情歌好有mood細細聲，好靜可以慢慢傾計，情調真係好，要溝女真係一流，遲啲聖誕黎真係冧死。見到menu都唔平，諗來諗去要人請就唔好叫咁貴同想食啲特別啲，咁就揀咗個白牛仔扒，因為唔係好多地方有得食白牛肉，因為係貴價肉（肥仔果然識食），另外叫咗個酥皮焗羊柳。頭盤係煙三文魚沙律，都幾好味，羅馬生菜加左車打芝士。佢哋個餐包係用籠仔上，好似黑糖蒸包包咁樣😁個紅湯係牛尾湯夠濃郁唔會好咸，仲有啲紅蘿蔔粒。到個主菜啦，白牛肉顏色好似雞肉咁淺肉色嘅，因為牛牛係飲奶大既，幾嫩嘅，質感唔似牛肉，話炭燒但就唔覺喇，其實味道太溫和。不過個人喜歡吃生啲叫左五成，但上菜就有啲過熟。肥仔叫個酥皮焗羊柳，重口味啲配燒汁。肉味夠濃但肉質有彈性，無煮過頭開中間仲有啲

It was a relaxing afternoon, and we are not prepared to have anything too much, so we drive around the countryside, and suddenly recalled that there was a famous restaurant in the village area near Shek Kong... We were too full for a proper meal, but go with the medium size of ice-cream - Baked Alaska , perfect taste in the perfect timing.  If we came 2 hours later, we might be able to capture the "flame" too...

星期六一家人去左元朗遊 之後路經呢間餐廳睇Open Rice都ok就入去開餐 價錢中高 不過Set Lunch還是可以豪一次嘅 每個Set 包左湯or salad 同面包餐飲 我選左和牛意大利軟飯 味道一般 份量夠 老公order左咖喱牛腩飯 反而有驚喜 唔太辣極野味 幫老爺選左香煎比目魚 soft等老人家易d食 偷偷試左 外煎內滑 當然見到豬手忍唔住要試埋啦 佢地仲有炸同烤嘅兩種選擇 我地揀烤免太熱氣 可惜有d乾所以要飲杯生Beer嘆下 夠凍 埋單後記得keep單 因為伙記哥哥話一個月內再來又9折架

蜜糖焗豬手極度值得推介！首先蜜糖充分包裹著整個外皮，一入口已經嚐到蜜糖的香甜，豬皮煙煙靭軔，很彈牙。再咬下去，肉質很嫩，不會黏牙，咸香味適中，點上介末醫，令蜜糖的香甜味更加突出，整體的味道很夾很好味。

做食評人，餐廳好食要寫，餐廳唔好食更加要寫，什麼招牌豬手，我選擇用蜜糖焗，外面得少少蜜糖味，啲肉就好Q咸，HK$230 ，Shit！ D蒜蓉包 ，硬個我條命。Movenpick雪糕先係經（驚！？）典, 真係有雪架，唔知放係度幾多年呢? Oh My God 一杯單球雪糕，兩個人都食唔到，我都係咁大個女第一次。芒果蝦沙律 HK＄108-最有誠意係芒果蝦沙律，芒果和蝦入口暖暖的，沙律菜有切碎。招牌蜜糖焗豬手HK＄230蒜蓉包HK＄48檸檬雪葩HK$39-食完豬手膩到爆，叫杯酸酸甜甜檸檬雪葩解飽解膩！金壘餐廳 Golden Castle Restaurant元朗八鄉石崗上村DD114號

今晚即興老公車左我入元朗八鄉搵野食，嚟到呢間我地都未食過既餐廳，睇個名仲以為係老牌中菜廳，外面有2個小型停車場免費泊位。入去見到餐牌同環境，原來係間幾高級既西餐廳，不過menu d價錢認真唔可愛，散叫個扒都成300未跟餐，比較之下，反正入左嚟，就當慶祝我地結婚年半啦(亂咁搵野慶祝),個2人餐包特式前菜，湯，餐包，主菜2款及餐茶，基本上係好飽架食完前菜之後，成個set $698~~真係可以媲美酒店價錢~上菜都好快，等左一陣就上前菜，有3款釀蟹蓋，帶子蝦球，鵝肝酥3樣都好特別好好味當晚有羅宋湯同南瓜忌簾湯，我地揀左南瓜湯，湯煮得好濃又好香，不錯最特別用竹籠上餐包，一個原味一個朱古力，送湯一流 到左主菜，鱈魚煎得好香，無咩骨，大蝦亦好爽，最喜歡襯底既薯蓉好滑又唔會太油膩最令我地期待既西冷，不過發生小插曲，老公切個陣好難切，而且無任何肉汁流出，塊扒亦唔熱，我地試左一件好難咬開，雖然我地叫5成但感覺好似1成咁生，由於個餐都唔平，我地覺得好怪，拎起心肝問下，佢地仲問我地整返熱定換過，我地緊係換過啦！因為真係好怪，我相信呢間咁高級既餐廳唔會咁差既d扒等左10mins左右，新既牛扒送上明顯係熱同埋有好

特登搵返個account黎鬧比comment野食黎得非常慢，餐廳入面唔係好多人，但點左菜半個鐘乜都未有食物唔特出，豬手得個甜味，好似自己bbq加好多密糖果種味估唔到咁唔就腳既地方，咁既食物埋單2個人要5百幾

天氣靚，入錦田食個晏先。點了三個餐， BBQ醬燒牛肋骨，造型一流，有台型亦有內涵，腩肉焗得好淋，牛肉味香濃，跟味淡一點的薯蓉非常匹配。 威靈頓羊西冷，酥皮包住羊西冷焗，羊肉內還是粉紅色，非常嫩，不太羶的羊肉味，蠻好吃的。 炭燒西班牙黑毛豬扒配芥末忌廉汁，食材非常靚，豬的味道非常突出，忌廉汁帶出淡淡芥末味，一點也不嗆喉，非常討好。這餐加上陽光及涼風送爽，令我暫時忘記平日煩惱，過了一個悠閒的下午。

好味, 夠特色, 但地方隔zip少少~Set餐叫了豬手同炭燒牛扒1) 湯: 推介白湯, 個蘑菇忌廉湯特別在唔同出面得流質, 佢個質感有D粒子好似蘑出黎~2) 沙律: 個汁好香, D菜好爽~3) 牛扒: 普通size唔加大已好大份, 有種炭燒香味, 軟硬啱啱好, 唔似出面港式嘅扒餐廳例牌個D口感~4) 豬手: 好大份好脆, 推介!!

慶祝外父生日，他建議到他家附近的餐廳吃飯。環境優靜，服務一般。點了黑豚T骨扒和羊膝。黑豚T骨扒: 肉質柔滑多汁但不太有肉味羊膝: 太甜並沒有肉味價錢和食物質素不成正比。

由友人帶路，5個人黎到八鄉呢到～唔揸車的確會幾唔方便！朋友預先order左 德國豬手話一定要試！我地再叫左菠蘿炒飯～同牛扒～野食都好快送到！第一道係菠蘿炒飯～ 好足料～但係唔算特別驚喜～牛扒～7成熟～ 呢個唔錯！肉汁封得好好～好juicy～主角德國豬手呢！ size好大！原來仲可以燒嘅方法～蜜糖燒好香口～ 同豬手嘅咸味好夾～ 皮脆內嫩～真係不得不讚！（比起屯門德國餐廳好好多！）最後最後！ 原來仲有驚喜！waiter 冇啦啦端上 火焰雪山，仲係你面前點埋火～我第一次食！仲要咁大個！入面個海綿蛋糕好綿～唔會太濕～加埋有少少酒味嘅cream同朱古力漿～ 唔錯！

金壘餐廳位處元朗八鄉，位置偏僻，如非駕車到來，很不方便！門外有位置泊車，但車位不多。室內燈光昏暗，適合情侶用膳。露天茶座環境開揚，適合三五知己聚餐！微烘餐飽以中式蒸籠端上，頗為特別。餐湯味道對辦，不過不失！鴨肝：鴨肝煎得微焦香口，味道濃郁，多士鬆脆！牛柳：外層微焦，鎖住內裏肉汁，輕輕用刀一介，肉質嫩滑，不錯！煎帶子：帶子煎得金黃，入口沒有雪藏味，鮮味彈牙，可口！位置偏遠的八鄉，也隱藏了這間有水準的餐廳，不錯的選擇！

今日揸車黎食午飯!先講講紅酒燴雞飯，賣相本人就覺得一般喇，但食入口後，又覺得真係唔錯，雞肉好滑之餘味道濃郁好入味，而且飯少餸多, 老實兼味道唔錯！另外，就係個菠蘿炒飯，特別之處就係佢大碟得黎，仲加左大大粒嘅臘腸！係其他食店都難見到，好出色!！除左呢兩樣, 我地仲叫左個印尼炒飯, 不過就掛住食, 忘記影相! 呢個都值得推介, 一般炒飯都會一係炒到好濕, 一係就硬到飯痴住一舊舊, 但呢度煮既就係呢D問題, 好足料之外, 仲有兩串雞肉係面, 同一隻太陽蛋, 我都係第一次見人炒到咁好味之餘, 仲要咁有心思!我會再幫襯!

當日朋友提議到錦田的金壘一試，當初對此位處偏僻的餐廳未有太大期望，但試過以後有點意外驚喜。（位置真的有點偏僻，從元朗前往的朋友們記著留意路的左邊，不然走過了頭也不知）餐廳晚上有供應，因此點了一客德國鹹豬手餐。前菜：沙律，菜很新鮮，味道還不錯。餐湯：羅宋湯，對我來說味道有點過濃。餐飽：以中式籠端上餐飽，感覺特別，麵飽亦很鬆軟。主菜：德國鹹豬手，有三款製法可選，我選了焗，味道不錯，帶有甜甜的蜜糖味，而且不會太難切難咬。唯獨是份量太多，一個人吃不完。值得一讚的是當晚我們坐到十點多，全場只剩我們一台客時，服務員依然很殷勤的加水，完全沒有趕收工的意思，抵讚！總括而言，有機會的話，我仍然會到金壘，但前提是要跟懂駕車的朋友一齊去，因地點確實有點偏僻。