金妹記大排檔

营业中

休息中

8個人，同同事Farewell 所有食物都唔熱（除了蒸魚之外）又無鑊氣嘢食又唔好食有冇服務？每次點菜都要自己出去揾負責落單的人，不是每個人都可以落單😓同事都問點解仲可以做得住？炒蜆：因為話唔熱佢返去番熱，之後剩返啲殼多都冇乜幾多肉😒乳鴿：都係唔熱同無味西檸雞： 硬到咬唔開😩避風塘粟米： 好多人推介，但又老、又唔熱😨腐乳通菜 ： 應該有好多家庭煮得好食過佢蒸扇貝： 我們都好懷疑，係咪有人唔要先比我地？ 點解蒸扇貝係微溫？ 而且過火，好韌避風塘炒蟹： 一句無味，肉硬麵豉蒸黃花魚： 等咗一個多鐘頭先有，唯有這個是熱的，味道尚可蝦仁炒蛋：味道尚可少炒王： 味道尚可

金妹記@尖沙咀🌟今日終於都嚟到呢一間餐廳最出名嘅戰鬥碗，係用嚟啤酒碗飲啤酒，非常地道，我哋叫咗幾個唔同嘅菜式，其中最出色嘅我覺得係金銀蛋白菜，調味幾好食，而且非常有鑊氣，反而其他菜式就中規中矩，炸大腸有少少咸，大家可以試吓，整體上都可以，鍾意食大排檔嘅朋友都可以過嚟試，非常有香港地道的風味。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

在附近工作 平時見到很多人排隊。所以 在網上平台叫了外賣。然後午餐叫了一個潮式蠔仔肉碎泡飯外賣 吃到一半 發現湯中有蟲。上了網上平台投訴 以後也不想再吃。感覺非常不好！！！

今日要去尖沙咀，想起次次去親食一餐都要近$100。所以，今日特意想找一間，不要$50都可以舒舒服服的坐下食一餐午餐。去大排檔了，價錢一定不會好貴。想起星加坡的 hawker center 起原，便是香港的大排檔，點解香港的大排檔在這裡越來越少，而星加坡便可以發揚光大。。。 這不是大家想見到的文化遺產，可惜可惜。看看這意粉裡面有䓤，這個便是中西合璧。而意粉是我覺得不錯的。今次彩蛋是之前有遊客的小紅書說不知道要自己洗食具，廣東省的食市都這樣做。

呢間餐廳超多人食，星期五晚7點幾門口好多人等位，我地book左7:30，都要成8點先有得入坐。呢到個豬手好出名，味道都唔錯，唔會太咸，送啤酒一流！呢到既啤酒係要用碗飲🤣好有風味！豉椒炒蜆，蜆冇沙，味道正常。炸大腸，雖然十分之邪惡，但又係必叫既餸菜🤩🤩🤩🤩個皮脆卜卜，正👍👍薯仔牛柳粒，睇個樣唔太美觀，但係好食既。椒鹽桶蠔，個蠔好肥美好大隻，個炸皮就厚左d,但味道好食！炭燒豬頸肉，睇落好似乾噌噌，但食落軟熟，一d都唔乾嫁☺️☺️成餐飯最唔好食就係呢個酸菜魚，勁咸又唔辣，酸菜味咸多過酸🤢🤢👎👎

⭐️脆皮炸大腸 $78個皮係好脆卜卜 而且超肥美 冇異味 洗得好乾淨 非常香口&惹味👍🏻⭐️黑椒薯仔牛柳粒 $128薯仔外脆內軟😋 牛柳粒好腍身 味道超啱胃口 大家一致覺得呢個好好味🤤⭐️炭燒豬頸肉 $68肉質爽口 唔算好肥 反而有少少乾 略嫌唔夠驚喜⭐️蝦干魚肚浸白菜 $88魚肚大大條 爽口好味 因為有蝦干 整道餸都好鮮 白菜索晒所有湯&精華 好好味😋🫶🏻今餐性價比好高 叫咗4個餸 2個白飯 都係$3XX 無加一 好抵食

金妹記大排檔的食物無味無鑊氣，令人失望。無論是炒飯、炒麵或小菜，都缺乏獨特的風味和新鮮感。食物的調味和烹調技巧非常一般，無法帶出食材的原味和美味。菜色的味道平淡無奇，毫無驚喜之處。此外，食物的質量也不盡如人意，有時甚至有些油膩和不新鮮的味道。整體而言，金妹記大排檔的食物並不值得一試，不推薦給其他食客。有許多其他更好的選擇可供選擇，這裡的食物無法滿足人們對美味和品質的期望。猶其西蘭花鮮魷明顯分開煮熟放埋一碟。唔會再有下次。

環境：呢間大排檔好多遊客過嚟食，環境有啲迫，因為多數都要搭枱食飯服務：人特別特別多，要早點去取號。避風塘橋底蟹蟹很大，殼很硬，感覺不出來是不是冷凍蟹，價格也很ok的三乾炒牛河 牛肉確實比內地的多。鬼馬油炸鬼 很機車的名字，料出乎意料的多，裡面有蝦。蠔仔肉食泡飯 端上來就後悔，怎麼這麼大一份，很像湯泡飯。兩個人食咗四道菜埋單大約$600左右，質素同價錢嚟講中規中矩啦，沒有令人驚艷嘅感覺，可以有更多其他選擇。

喺尖咀心血來潮 lunch 想食肉絲炒面，經過呢檔摩登大排檔見有抵食炒粉面飯午餐，一於試試😋雖自稱大排檔，其實喺地庫有冷氣裝修企理，地方大過同好過好多區內茶餐廳午餐由11點做到5點半，選擇極多，唔使$50已包埋湯同汽水，抵！👍🏻👍🏻一心嚟食肉絲炒面，一食證明冇嚟錯：面餅份量大又炸得乾脆，芡汁濃度適中，夾雜大量肉絲菇絲同芽菜，每啖面都可掛滿汁同餸入口，炒得有鑊氣同大酒樓風味😍😍餐廳有做海鮮同懷舊大排檔小菜如炸大腸，下次一於夜晚嚟試試

呢晚約咗幾個兄弟聚聚舊，食吓大排檔咁，一入到去原來係地庫嚟，仲以為好熱，但放心入邊冷氣足夠，就算人多都唔會覺得焗，入面嘅裝修好似舊式大排檔，牆壁貼滿晒招牌菜單，真係有啲似去咗沙田食陳根記嘅感覺。幾個大男人梗係叫返個炒飯食先，打打底。馬拉荔枝炒飯，辣辣地，有少少荔枝肉，雞肉等等炒埋一碟，但越食越辣，為一敗筆就係個雞肉有少少雪藏味⋯不過整體都OK，都有少少鑊氣，呢度加加分。炸大腸，老實講，同其他大牌檔質素不相伯仲，度度都係差唔多㗎喇，所以都冇乜大期望，主要係用嚟送啤酒，不過我鍾意佢夠瘦，好憎大腸入邊好多肥膏，咬極都唔斷好似香口膠咁⋯呢個就唔會啦，佢偏瘦，所以啖啖都脆卜卜。椒鹽鮮魷，四個字，皮薄餡靚，脆粉唔會太多，而且魷魚非常新鮮， 十分爽口，椒鹽方面唔會話太辣，唔會太鹹，味道剛剛好！嚟到主角炸豬手，醃製得非常入味，用嚟送啤酒一流，豬皮炸到脆卜卜，好似薯片咁，一咬就開，毫不拖泥帶水！豬手非常淋，又冇筋，唔怪之得咁貴啦送啤酒非常之適合最後食返個蝦醬炒通菜，炒得好香，唔係死鹹果隻，微辣，為呢餐晚飯畫上句號。

去金妹記大排檔回味一下之前嘅美食，但事與願違，嘆聲「往事只能回味」﹗豉汁蒸大鱔 $168屬大眾化味道，由於調味是豆豉、蔥花等簡單材料，著重食材是否新鮮及份量是否交足，調味不過不失，份量亦足，是今晚所食的菜式最可以接受嘅一款。冰鎮鮑魚 $38/隻 (2隻起)3年前初次來食時是最驚喜的一款小食，取其肉質夠Q、夠彈牙，配以醬油及Washabi，並以冰鎮住上碟，單是賣相就高分；是晚所食的味道稍有偏差，肉質仍然彈牙，但隱隱有一種說不明的味道夾雜在其中，可能是酒料或其他材料，影響鮑魚原有的鮮味。南北杏菜乾燉豬肺湯(一窩) $168由於食咗下午茶冇幾耐，所以選擇輕食，諗住叫個湯潤吓、並且可以食菜，又有湯渣作一個餸，我一家都鍾意食豬肺，所以但凡見到豬肺湯都會躍躍欲試，喝著第一口湯，天….呀！這家店係咪之前參與「盲搶鹽」，彷彿將整個超巿嘅鹽都搶咗返嚟「醒」客，好似海水咁鹹，完全無法飲，只好食渣就草草了事，心諗就算回應店家又如何？會改善嗎？唉！往事只能「回味」！

💛性價比不差的大排檔💛脆皮炸豬手$198：脆皮炸豬手皮炸得脆口，豬肉嫩滑多汁。味道香濃，同埋都幾大份。泰式炭燒豬頸肉$68：豬肉炭燒得香烤，但味道欠缺啲層次，有啲單調。希望可以提升炭燒味道嘅豐富度同鮮度。整體而言，味道還算不錯。豉椒炒大蜆$98：大蜆新鮮，但味道有啲平淡，欠缺豉椒嘅香辣味。希望可以增加豉椒嘅份量同培添咗啲鮮味。潮式蠔仔内碎粥$88：粥煮得濃稠，蠔仔鮮嫩，味道夠。希望可以增添啲鮮味同層次，係一碗令人滿足嘅潮州粥食。干炒牛河$72：呢碟干炒牛河評分6分。牛肉炒得嫩滑，河粉有啲彈牙，但味道欠缺啲鮮味同香氣。馬拉盞炒通菜：通菜炒得爽脆，但馬拉盞味道有啲淡，欠缺辣味同香氣。希望可以增加馬拉盞嘅濃度同風味。生力啤酒 $24 ：有隻戰鬥碗可以打下卡。💰💰💰人均消費 ～$100-120💰💰💰味道：💛💛💛🩶🩶+0.5服務：💛💛💛🩶🩶環境：💛💛💛🩶🩶性價比：💛💛💛💛🩶回頭指數：💛💛💛🩶🩶+0.5加一服務 ：❌📍地址：(尖沙咀)尖沙咀金巴利道45-47號金巴利廣場地庫

金妹記大排檔三個人夜晚九點左右去咗食金妹記大排檔，響尖東做完嘢約埋朋友一齊行過去地點都算就腳，就算坐地鐵行過去都唔算太遠。沿着樓梯行落去環境裝飾都有一啲以前大排檔嘅感覺，連啲枱嘅擺法都有大排檔嘅風味。服務態度都好好，不過可能夜左嘅關係，佢建議我哋食乳鴿同埋清蒸石斑仔結果兩樣轉頭都話俾我哋聽賣晒。跟住我哋就先叫咗個豉椒炒蜆，個人感覺個炒蜆應該係預早煮好出來嘅，因為完全唔似啱啱炒好好多煙同有鑊氣嘅感覺，味道方面就冇乜特別。叫咗個白菜乾豬肺湯，湯嘅味道都好濃，菜乾同豬肺都好多，煲過湯嘅瘦肉都幾好味，湯嘅整體係唔錯嘅。蒜蓉粉絲蒸蟶子就冇乜嘢特別，還算可以。其中有個朋友突然間想食咕嚕肉，不過呢條咕嚕肉出嚟嘅感覺真係強差人意，啲汁唔夠甜唔夠酸亦都好少，啲咕嚕肉好明顯一塊豬扒切粒出嚟嘅，同埋啲口感都係好乾同埋有啲韌，雖然明白呢啲地方叫咕嚕肉本身都冇乜期望，但係都冇諗過咁差。反為之後叫咗個京蔥爆牛肉有驚喜，牛肉都好嫩滑，同埋個味道都調得好好。睇吓下次會唔會再嚟試吓啲招牌菜再講。

一間坐落係鬧市中嘅大排檔餐廳🤩由裝修佈置到侍應姐姐啲制服都好大排檔feel 好過癮🤪豉椒炒鵝腸河粉💰58我好挑食 通常炒河都全走 因為唔食芽菜、洋蔥、韭菜等等😜呢個鵝腸河係由豉椒炒鵝腸鋪係烚熟嘅河粉上面本身以為係乾炒牛河果種有色河（朋友仔話以前有）不過佢個豉椒汁都夠撈河粉食😚😚可惜個豉椒炒鵝腸冇鑊氣🤨鵝腸係偏瘦冇脂肪同肥膏 口感偏爽 份量幾多👏🏻唔知係咪全走嘅關係 份量比朋友仔正常果碗較多🤓

朋友喺加拿大返嚟香港指定要食大排檔仲要有冷氣，於是另一朋友推薦金妹記，咁當然有人介嘅話唔使自己諗就無所謂啦！因為星期六嘅關係無得訂位要Walk in，咁唯有唔使返工嘅人先去等位，19:00去到竟然話20:30要交枱，我問個職員，我哋9個人，如果未食哂D嘢咁點算？企門口個職員一味重覆話總之第一輪要20:30交枱，咁即係無答過我問題，當吓其實都唔想入去！然後叫咗一堆嘢食包括：炸大腸、九層塔炒牛肉、避風塘粟米、避風塘茄子、炸豆腐、椒絲腐乳炒通菜、炸豬手、炒蜆、（唔記得影相嘅有椒絲腐乳炒唐生菜、蒸蟶子皇同大肚婆炒飯）食大排檔最緊要嘅係鑊氣，呢度所有菜式都係無！無！無！炸大腸唔脆九層塔炒牛肉得5塊完整，其他係好似指甲咁，大約5-6粒避風塘粟米&茄子嘅蒜粒係硬嘅！即係唔新鮮！最重要係無避風塘嘅風味！炸豬手嘅皮硬過我條命炒蜆明顯係飛水後再炒而唔係生炒炸豆腐入面係凍成晚最正常係兩碟菜、蒸蟶子同大肚婆炒飯夜晚走嘅時候搭的士，司機話咁啱落車嘅人都係去金妹記食飯，佢復述返話係曾志偉喺小紅書推薦，難怪sell啤酒個女仔&前前後後嘅人都係講國語。不了！請都唔會再去！