金峰靚靚粥麵

营业中

休息中

小秘書大作戰正式開始，想瘦身🤔點都要犧牲少少美食👉🏻👈🏻 所以好希望每日維持只食一份代餐、一餐輕營餐+一份正餐😝 小秘書天生太鍾意食嘢，好難完全唔食，所以只可以自我調節吓💪🏻今朝飲咗蛋白粉做早餐，頂到中午又ok wow! 見唔太肚餓，下晝又可以食得輕營啲，諗起好耐無幫襯嘅「金峰」.... 一如以往，門口都排滿人😌 好彩好快就安排到座位，叫咗個馳名「皮蛋瘦肉粥」+炒麵。個粥有啲咸，唔講到「金峰」咁出名，我會覺得佢落咗味精😝 不過個炒麵就唔錯，又唔會好油膩，加埋我至愛甜醬... 肥死咯😅🤣

嚟開呢頭影相, 搵資料時見 blog 個C hing 介紹呢間位於鰂魚涌的粥品老字號, 過開嚟就梗係要順個靚便 食埋先去影相啦店鋪好細, 但比起傳統粥粉店光猛乾淨。每日有一款$23特價粥供應, 今日係瘦肉粥。魚片牛肉粥 ($44)粥底煲得好綿, 仲落咗大量腐竹, 入口香棉, 粥底味道就非常濃, 但又唔係死鹹嗰種, 睇返網上資料, 原來佢哋有落天然味精……..江瑤柱來餚粥底, 怪之不得食完後唔口渴啦, 除咗粥底正, 佢哋仲非常足料, 好多鮮魚片及牛肉, 魚片完全唔腥, 鮮甜, 牛肉入口還有質感, 唔會滑得嚟冇哂牛味及口感。友人個碗啲料更足炸倆 ($16)腸粉皮滑得黎卻煙韌彈口, 好得, 若然唔係食得太飽, 一定會叫埋個腸粉, 佢哋啲油炸鬼都好脆口, 入口又唔會覺得油淋淋, 嗰豉油又鹹甜適中, 呢個炸倆真心覺得好味炒麵 ($11)Not 賣飛佛, 太索油了。

女朋友住喺鰂魚涌附近，佢一直都講咗好耐話好想帶我去食一間佢又細食到大嘅粥店！女朋友不嬲對食都好講究，佢話得好食嘅粥就一定係超級好食！今日瘦肉粥做特價， 同女朋友一人帶左一碗瘦肉粥，再叫多咗個炸兩，叉燒腸粉同炒麵！個粥真係不同凡響！綿得來而且好入味！個咱倆更加係世界級！我未食過啲咁好食嘅炸兩！皮薄油炸鬼超級脆！真係一間人世好食嘅粥店！

未夠鐘開門已有隧排緊 但是失望而回粥D皮蛋好乸口 冇諗過咁有名的粥品會用咁差嘅皮蛋 連鎖粥店的皮蛋都冇咁炸兩要等一陣先有 新鮮炸起 算ok不過碗粥真是大失所望.......

粥店老板娘日日都坐陣.靚靚d 粥底做得好軟綿綿.次次食都好夠熱.每樣材料都係好新鮮.炸兩好脆卜卜.好好食.粉米粉大大碟又香.次次黎都要諗好耐食邊樣好.因為樣樣都想食咁好食.

quality congee. simple food but showing skillful handling of the ingredient.I like the texture and the flavour of the congee. usually long queue during lunch time, the waiting time is quite long as they started to cook when order is placed. I like fish congee. 他們用上瑤柱粥底，加上什麼材料竹也十分鮮味， 但是午餐的時候十分多人排隊，十分費事，大約需要等45分鐘才可以買到外賣。bedside congee, they provide snacks and drinks too

有事去鰂魚涌而今日食齋，午餐首選之一自然諗到係位於英皇道栢蕙苑旁116巴士總站外嘅「金峰」，呢間人氣店以粥和炸兩馳名，長年戒飯粥嘅我就無福消受佢嘅粥品喇，但係佢嘅炸兩就真係夠哂脆，配埋個濃黑醬油，唔怪得經常都係門庭若市。

病病地想食粥，於是專程黎多次，帶朋友試下油炸鬼。 星期六3點左右原來唔算多人，等左幾個字就有位喇。油條 ($9)落單時阿姐提醒叫油炸鬼要等，當然唔會阻到我既決心啦，基本上每台都會叫。 下意識想用手擘開但熱氣迫人，油炸鬼熱食本來已經令人感動，最難得係咀嚼時同碟上都唔覺有油，同一般粥店啖啖油又鞋口既老油條相比，佢既外脆內嫩值得冠名為嫩油條。同上次食到既脆到入心的確係有分別，但新鮮炸起點都好食。皮蛋瘦肉粥 ($30)、魚片粥 (特價$23)瑤柱粥底鮮甜，食到底全部都係皮蛋同肉片好足料。以為只有豬潤牛肉等食材先會落酒僻味，但皮蛋瘦肉粥都食到酒味，相信係舊式師傅既慣常做法，味道唔太濃都接受到。魚片粥 (特價$23)雖然唔係厚切，但都足料有好多塊魚肉，有少少幼骨。蝦米腸粉 ($16)即叫即整既腸粉偏厚有米香，最正係食到蔥白既爽脆。食哂所有野忍唔住追加左碟炸両 ($16)。 睇落好似扁哂，其實係岩岩炸起未攤凍就切既原故，熱辣辣又脆身既炸両真係食得好滿足。朋友讚不絕口，每次黎都有新驚喜呢~

路過見呢間粥店大排長龍，開頭仲以為係茶餐廳，問左住鰂魚涌既朋友先知呢間係區內聞名既食店，自設工廠即炸油炸鬼，性價比極高。 講到咁，要排隊都要試下啦。店外長期人頭湧湧，分左外賣同堂食兩條龍，見唔少公公婆婆都有黎排。 我今次就等左半個鐘，由於係圓台，無論人數幾多都係跟排隊次序安排，感覺唔錯。炸両 ($16)朋友話呢個係唔正常既油炸鬼，我同意。 咬落去既一瞬間，感覺到自己切斷左無數極其纖細香脆既纖維網絡，咀嚼到既只有極薄既脆片，完全冇麵粉既煙韌或油膩感，食過既人都認同，此物只應天上有，不枉我排左半粒鐘。牛肉豬潤粥 ($37)第一次見有瑤柱絲既粥底，係咪特別甜真係答你唔到，因為生滾牛肉豬潤呢個組合本身已到鮮甜到極點。 厚切豬潤僅僅熟，個人認為可以再嫩滑少少，牛肉就新鮮大塊冇咩好挑剔。 充滿肉香既淺黃粥底係廣東粥既稠度，攤凍左會有少少變稀但可以接受，食到尾仲有大量瑤柱絲，好滿足。留意到其他粥款比較細兜，只有兩個飯碗份量既粥，但有牛肉既粥就大一個碼。 慶幸自己叫左牛肉粥，唔係可能唔夠飽。店內只有幾張台，坐得唔算迫。 好鐘意老闆娘超強既親和力，由熟客去到遊客都搭到幾句咀，尤其對老人家好貼心，見佢地拎

小妹對粥有好高的要求，而靚靚就是唯一一間可能滿足到我既粥店！每次都會叫皮蛋瘦肉粥，多蔥，炸兩。粥底會再加瘦肉一齊煮，十分入味！由朝到晚都係keep住有好多人排隊！由細食到大回憶中的味道！

午餐打算吃粥～同事便介紹這家說是很好吃的！不過這家午市真的超多人 ... 而且不論是外賣還是堂食一樣都是要排隊堂食記得要問姨姨拿籌～外賣則是有另一條隊，不要弄錯呢大概等了20分鐘左右，終於可以入座了先點兩樣和同事Share 吃～銀芽炒麵 ($10) - 麵條不會炒得糊糊的，而且口感滿彈牙。不過醬油味道不算太濃，但若加甜醬來吃則剛剛好炸倆 ($15) - 炸倆吃時還是帶脆口，腸粉有點厚~不過夠滑！皮蛋瘦肉粥 ($28) 好大的一碗！這裡的粥加入了瑤柱來煲，所以味道來說會較為惹味，而且吃起來很綿。整碗的皮蛋也算多，那些瘦肉吃起來亦很嫩口！怪不得這家那麼多人排隊，下次有時間要再試試這裡的腸粉呢

今日兩個人來食，叫咗一碗滑牛粥，一碗及第粥，一隻鹹肉糉，一碟炸兩。金峰店面細，可堂食或外賣，堂食要等位，外賣奇怪地也要排隊等落單，落單後又要再等，安排不太顧客友善，但仍有相當捧場客等堂食，外賣更大排長龍，唔到你唔服。入座時，老闆娘指點顧客，要怎樣怎樣坐，唔慣嘅可能會唔鍾意。點餐後沒多久，食物陸續送到。炸兩係一絕，腸粉皮薄，油炸鬼脆卜卜，落少許醬油已經好好食。$15碟，值，性價比高，讚。鹹肉糉只一般水準，沒有驚喜，唔覺有香膩的鹹肉，可能太細件；配上來的特配豉油，又濃又黑，唔落隻糉唔夠味，落得太多變成鹹汁糉，要適可而止。$15隻糉，想點?兩碗粥，各$28碗，粥底係夠綿夠滑，材料也豐富，交足功課。但調味太重手，搶走晒米粥本身的清香味，亦搶走晒材料本身的肉香味，而且有落味精的嫌疑，配不上靚靚粥這招牌。一句總結：炸兩好食

故事：我早上想吃點白粥，去了這店下order. 問可以加點蔥？佢地話白粥唔可以加，我話放一spoon 都唔得？佢地就堅決唔得。我就話𠈄地咁唔彈性，濃妝老闆娘出來鬧我：我哋白粥唔加蔥。唔識食嘅人先咁食。 我話這是各人口味不同你不用這態度鬧我!真的唔明佢點解可以生意仲咁好？之前我已經唔會想再去食，今日係迫不得已再去食諗住俾多次機會佢哋。 我諗我呢一世都唔會再去!!!

粥靚，腸粉靚，價錢靚。唔怪得知日日咁多人排隊！腸粉係即整，咁多功夫香港已經買少見少。紅銅煲煮粥，傳熱快，煮出來的粥夠香！好多人話事頭婆態度唔好，我幫襯過咁多次都唔覺。可能住太古嘅人多數都有容人之心，所以都大把人排隊，好食就得！

買外賣排第五個，用左成三十幾分鐘先落到單。點解？因為個事頭婆只係掛住叫堂食嘅人入去，叫完就同熟客吹水，跟手收錢，再叫人拎整好嘅外賣，然後再re-loop以上步驟，但就無幫買外賣嘅人落單，要平均成十分鐘先落兩個外賣單。到我排第一時，眼睇住個客入去，到差不多食完，先幫我落單，大家都知粥有幾熱，可想而知係等幾耐！外賣客都係客黎架，唔好淨係掛住同熟客吹水兩頭騰啦！明明食物好快就整好，五分鐘都唔使，但係就硬係唔幫人落單，實在係好奇怪！！！