金東大小廚 (已改名) 查看

訂了4人枱，需預早落$500訂。點了蟹肉時蔬(蟹肉是新鮮的，汁有點太thick)，煲仔飯(唔錯)，蜜餞蝦球(唔錯)，豬膶蜆煲(原來係豬膶碎，失望。酒味超重，喜歡與否見仁見智)，墨魚餅(好食，但portion超細，唔值這價錢)，蝦籽雜菌伊麵(不過不失)。整體上覺得唔值。服務算ok。最後埋單走人，過左20分鐘醒起佢張單無減$500蚊訂!!!佢應該有record訂枱有落訂，同埋應該係normal practice會收訂，竟然無扣!! 即刻打去餐廳問佢先叫我地返去攞返，問佢可否過數佢話要覆我但10分鐘都無覆!! 安全著想折返攞返。雖說自己有責任要記得，但餐廳應該有record自動扣返囉！各位自己小心!

今日做完嘢老婆突然打電話來話同佢屋企人食飯。不經不覺今日已經係一個星期連續第三天去東大街食飯。呢一間中菜喺東大街亦都算數一數二。好彩六點前已經來攞位，大約六點半出面已經好多人排隊。唔知係咪假日因為周圍都好迫，但係食物嘅質素都係好好呢一間菜已經係喺東大街第三次食。手撕雞混鴨髀。老婆嘅屋企人就第一次嚟呢度試，大家都對呢個菜式讚不絕口尤其是老婆嘅妹妹。本身佢話有些飽冇乜胃口點知呢個餸就令佢胃口大開。雞同鴨嘅味道配合得非常之好墨魚餅非常之好味千祈唔好加任何調味料如果唔係一定會搶咗鮮味，老婆嘅家姐就嫌呢個餸油多咗少少。沙嗲牛肉煲今次喺呢度第一次叫非常惹味

成班老友食飯，有一個提議試金東大，初時諗住屹立喺東大街，應該唔會差得去邊，況且老友推介，好應該試試。份量太少，一個蟹煲，煲就好大喇，得個蟹殻，兩隻細鉗仔，其餘全部腸粉。豬膶湯蜆仔，勁多沙，唔只一隻，好多隻都係，嘥咗囉。手撕雞，大大嚿骨，肉就少，多皮，一路食一路嬲。食到尾，好似冇食過嘢，大家眼望望，叫咗碟芥蘭啦，諗住清清哋。唉！上到嚟都係細細碟，大家都冇乜心機，伏就伏啦，鬼叫自己揀咩，人哋又唔係搵支槍指住我哋入嚟。當係俾錢交學費囉

天氣寒冷同老婆一起食飯一個煲仔飯簡直係人生快事！老婆叫咗個滑蛋牛肉煲仔飯我就叫咗個蒸排骨煲仔飯。呢度啲煲仔飯超級正喺出面即叫即製。呢度嘅叉燒賴亦都係非常好食不過唔記得咗影相

夜晚口痕痕，又想搵野食，真係大獲🤣。不過死就死喇，醫肚緊要丫。早一晚試左間馬馬地嘅串燒，晏晝又伏左個飯。我個肚真係輸唔起喇，所以穩打穩紮，去筲箕灣食個金東大。呢個鐘數去到一定唔洗等位，不過就要食快啲，唔好阻人收工。今日叫左3樣野食。窩打牛肉煲仔飯：一入門口見到有人食，好香，即刻2仔底，死跟。個肉餅好夠厚，上到檯局一局，不得了。豬潤炒蜆：今日個豬潤炒蜆就失色小小，啲豬潤切得唔夠碎。切碎啲會好味啲。紫菜肉碎豆苗：呢個保持到水準，好味。不過呢個餐牌無，要Chok超必出黎先有，所以貴少少😅。

蜑家菜，主打海鮮、咸鮮、煲仔飯都有，雖是粵菜，但睇餐牌都有些創新的菜式。當天為假日，6時左右已大半的枱都預約滿了。人不多，叫咗個廚師推介套餐。老火例湯，蓮藕豬肉湯，湯味濃，份量都算多，但無乜料在煲內，只有4-5小塊蓮藕和少許肉。羗粒蒸咸鮮魚，是細條的石斑魚切成小塊再放羗蒸，魚肉屬硬實肉型，應是只醃了很短時間的咸鮮，魚肉未被因太久風乾而做成的收縮。仍很juice，微微的鹽醃反而提升了魚的鮮味。鮮蟹肉扒時蔬，真係真材實料，肉蟹的肉一疏疏的，仲有成舊蟹鉗肉。新鮮材料做，食落彈牙的。而菜心雖又粗又大條，可是仍很嫰，又爽脆又甜。另叫手撕鴛鴦脾，是雞脾和鴨脾肉再淋上葱油，雞肉味畧淡但鮮，鴨肉味濃，兩者一併來吃有互補不足的味道和口感，加上葱油，令肉味更淸香。雖較油膩，可美食當前也顧不了。黑森小丸子，温熱又軟熟的糯米滋皮包住黑芝麻餡，據說外層是由Oreo 餅碎做成，細細粒，一啖一粒，食極都唔夠咁。存細看過餐牌，你會認為以上那一種菜式最貴呢？答案是手撕鴛鴦脾 $168，其次套餐中分別單叫嘅話，鮮蟹肉扒時蔬 $148，羗粒蒸咸鮮魚$98，老火例湯 $98，套餐可減少$20多元左右。要食特色菜，當然價錢有番

試過叫外賣本身話等20分鐘後有得拎，點知去到先至話而家先整，要再等多20分鐘。最後要等成一個鐘頭後先有得攞。今日再去挑戰呢間野，今次唔使20分鐘就有得拎，點知拎住$500去俾錢，收銀成尊佛咁唔出聲唔郁唔肯收，但係佢冇寫明$500唔收，結果我要自己去打散先肯收！

Stumbled upon this restaurant in Shau Kei Wan. We saw a queue waiting to go in so thought it must be pretty decent! Waited for a ticket and luckily got a table fairly quickly. We ordered two clay pot rices as we saw quite a few tables ordering them and a whole row of the clay pots outside the restaurant. We ordered a chicken clay pot rice and a Chinese sausage clay pot rice. They pour the soya sauce on top of the lid to then flavour the rice which is something I’ve never seen before! The chicken

黎到呢間金東大，其實佢嘅裝修真係好一般！事實上就係食緊大排檔！食嘅嘢其實都唔係話好特別！都係好普通大排檔嘅餸菜！好似呢個鹹魚咁我真係唔明點解要買到咁貴！佢好多都係好普通嘅餸菜但係唔知點解就變得咁貴啦！其實真係唔抵食！ 雖然佢味道都唔差都係幾好食嘅但係佢咁嘅價錢我諗我唔會再黎食！

睇返自己的食記，原來上一次來金東大已經是兩年前，當時去了吃私房菜嗰邊  (有興趣知多啲，可以參考我兩年前金東大私房菜的食評)  ，因為人強馬壯可以包房，廂房裏面裝潢古色古香如高級酒家，所以以為小廚呢邊裝潢會比較街坊，唔知係咪現在知名度提高了，進入粉麵店鋪一直行到尾，過條街之後原來內有乾坤，環境如粵菜酒家，相當企理雅致，光顧的客人不似附近居民，估計都是專誠到來吃一餐的，而且都自攜酒配。怡園紅酒 我們亦不例外，今晚餐敍發起人林太，帶了一支怡園酒莊的紅酒，山西出品，現在中國的酒莊世界知名，千祈不要以一般中國製造的眼光看待。 開了要 air 一小時方才理想，酸香平衡有質感，的確唔錯。 香煎西洋菜墨魚餅 心水推介，因為實在煎得香惹，照片上看得到油的光澤，但食落又唔會油膩，加咗西洋菜賣相增分，口感添層次，與有嚼勁的墨魚粒對比明顯，對我來說是理想的餐前小吃。 蘿蔔煮鮑魚 鮑汁煮新鮮鮑魚，煮得柔韌有力兼入味，蘿蔔配做法比較新，蘿蔔吸收了鮑魚汁，味道豐富滋味。 手撕鴛鴦脾 真有趣，手撕雞吃得多，雞髀鴨髀配又真有創意！ 雞鴨皮肉質感有別，雞肉比較軟腍鴨肉富點嚼勁，鴨皮比較香惹，混合的口感交錯有趣

呢間中式名人飯堂果然名不虛傳，只係呢一款手撕雞就已有足夠原因去食。雞肉肉質嫩滑，配埋鴨脾滋味更好味。而且啖啖肉，口感一流，雖然價錢要4百零蚊，不過碟頭好大份，足夠4個人食！

已有一段時間沒來筲箕灣東大街上的《金東大》蜑家漁村菜，今晚飯聚於此，風采依然，菜單上不少只此一家的特別和古法漁村菜式，傳統煲仔飯盅頭飯和已幾近失傳舊式茶居點心也有供應，雖然也因應香港生意難做加添了一些貴價海鮮而整體菜單價錢也漲了一截，仍無損其吸引力尤其適合宴請海外友人。

我冇係open rice 寫過食評，但今次的經歷真係唔寫唔得！ 話說上次全家去食，訂咗台但都要等成半個鐘先有位，咁訂台的意義係邊？？ 入去坐底叫咗4個餸。其中一個餸等咗半個鐘，問咗砍次都話check 下先，再問第三次，點知佢地先同我地講話冇！咩餸咁巴閉要大半個鐘先check 無啊？？ 仲要無咩悔意，叫我地叫過第二樣！ 再好食都好，咁樣對d 客，我地全家以後都唔會再幫襯！ 不知所謂！

老遠從澳洲回香港，朋友請食飯多是會所或酒店，但 金東大 比到我地道特式，好菜好服務，價錢公道。其中的幾個菜做得很好，猪肝炒蜆後加米粉，羗葱蚧炒豬腸粉，手斯雞加燒鴨等等....

好耐冇黎今次有啲失望，服務唔得，食物算佢不過不失，但冰鎮芥蘭超貴超掠水！9枝菜”莖”插係一堆冰上, 加一小碟Wasabi，成為＄98加10%囉？！！唔知係啲冰貴，定Wasabi貴。。。