金泰子泰國餐廳

营业中

休息中

收工打電話比屋企大小姐，大小姐點菜要食海南雞飯，在太子轉車前，搵咗呢間食評不錯嘅泰國菜餐廳，去到一條街兩間，去咗第一間（21號）店內無人（店玻璃窗貼咗開店時間，應該已開），只有廚房內一個女廚娘，我問佢開咗未，佢話外賣嘅就過隔離店，去到隔壁店，店面好細，似係外賣店格局，食物款式都多！只有一個女店員，佢幫我落單收錢後就出咗店（全店只有我一個，實在太信任我了）之後攞咗盒已入袋嘅海南雞飯比我，再在店內雪櫃攞出椰汁榚入袋就交比我！海南雞飯（$50）外賣盒可以入微波爐，賣相不錯，雞肉已去骨，應該係胸部，食落唔算嚡（以胸來講）唔點汁都ok，油飯幾入味，油光令身，飯索晒啲雞油，我搭咗車只係微暖仲幾香，熱食應該仲好味，點雞醬好濃，只有微辣微酸，反而鹹味好夠！幾惹味！（如果辣少少更好）椰汁榚（$6/個）原來係每粒落單，店員又無問我要幾粒，可能佢見我一個人叫一個飯，所以就落一粒！外賣盒（$1）泰籍女店員唔多說話，落單交外賣比我都係一兩句對話！可以一試泰菜

十點鐘才準備食晚飯，在太子區算係天堂，乜都有得食， 價錢就.....你懂的! 走出地鐵站行多五分鐘就到!天氣焗唔想食得好飽肚嘅嘢， 泰國菜味道酸酸辣辣份量少仲有冷盤，正合心意。門外睇到餐牌只是茶餐廳價錢，唔使等位，正合工作一天後身心俱疲速戰速決。招呼周到，安排夠冷氣嘅座位，會問凍唔凍有無需要閂細的冷氣。而唔係無客趕收工，開到勁凍暗地裡趕你走。濕炒河，賣相份量食味都無得彈蒜蓉包食物與餐牌圖片不符，好味就得啦！生菜包夠辣夠醒胃，愈食愈開胃。皮蛋蝦餅，流心皮蛋完勝!埋單300蚊都唔洗，沒有加一。下次夜放工多個食飯點!

相約朋友食飯，無目的無頭緒，路過見到有間泰菜多人排隊，又想食，即管試試，好彩等位不太耐入到去感覺都舒服，更有泰歌聽，雖然我唔知佢唱咩哈哈..救命呀！睇住個餐牌，都唔知食咩好彩靚仔侍應提意我地食「肉碎生菜包」、「咸魚芥蘭炒飯」、「蒜蓉炒椰菜苗」、嘩！比我想像中好食，超又鑊氣夠，還有叫左「椰青」、「泰式凍咖啡」我重打包「大拼盤」、「蒜蓉包」、「椰汁西米榚」回家食，聽侍應講，蒜蓉包唔同第二d泰菜餐廳，所以特別打包回家試下，最驚喜，又食又打包，都係4xx，勁低食值得再去的泰國菜館最後希望貴餐廳改進是....女廁裝塊鏡

今日放工約左一班朋友去太子食泰國菜，平時去開九龍城食，今次試一試呢間有咩特別先！叫左勁多野食，我覺得特別介紹個炸皮蛋，外脆內軟，食完一塊會再想食，而d燒野燒得晤錯，其他食物不過不失，另外我地仲要係食夠一千可包埸，真係聚會好餐廳

約左朋友聚一聚，見到呢到周日都有午市套餐供應。入到去食客唔多，可以鬆動d!呢度d 職員服務態度都算唔錯， 要咩都會面帶笑容過黎幫我！午市特價套餐由$39-$45 包熱飲凍柑桔蜜+ $5 飲落似港式咸柑桔凍青檸水 + $5酸酸甜甜= 無氣嘅青檸梳打味道仲送盅例湯：青紅羅白南北杏，超清甜！各款沙嗲串 $13@1雞腎雖無切開，但一d 都唔韌！雞全翼醃得夠味 ，雞肉都幾滑！泰式豬頸肉飯 $39 豬頸肉有成9塊甘多，肉唔肥又唔會痴牙好抵食！泰式蠔仔肉碎湯飯連熱飲 $40 蠔仔肉超飽滿大大粒，嚴格黎講甘嘅size 叫蠔仔真係太屈就！Over 10粒起，食落口感creamy有鮮味！大大個湯碗送上黎，入面全部飯！同朋友share 都夠食！食完真係夠飽到夜晚都唔肚餓

開咗都一段時間，耐唔耐順路就去幫襯下，入面真係由泰國人主理㗎🤗泰式蟹肉炒飯45味道偏向清淡，份量大，價錢經濟。加5青檸水跟餐便宜，解膩非常，一口喝下爽呀🤓正好昨晚吃甜太多，喉嚨痕咳，飲完好舒服👍🏻沙嗲串燒13x4好靚呀個豬頸肉，燒到剛好，厚切一流，醬汁惹味，一試難忘😍木瓜奶昔25清甜有果香，新鮮打成，口感實在😃香芋黑糯米25芋頭軟熟，黑糯米有𡁻口，暖和甜點作結☺️食後感：燒豬頸肉係必食嘅，甜品亦都做得唔錯，尤其呢度做街坊生意，定價也合理。

今日揀左黎朋友介紹既金泰子食午餐，睇睇餐牌都有好多款食物，今次就揀左個海南雞飯同豬扒湯河。先講海南雞飯，d雞係又白又滑既啖啖純肉，真係一舊小骨都冇。而且雞皮都好彈牙爽口，冇油膩感。除左雞之外，油飯都好重要，呢度既油飯調味得十分好，就咁食已經好夠味，又唔會油。唯獨美中不足係呢度冇平時海南雞飯既黑醬油同蔥油，如果唔係一定更正。再到豬扒湯河，個湯底好清，豬扒炸到好脆，如果另上冇浸落湯仲好。而最欣賞係d河粉唔會過淋。飲品要左一杯熱柚子蜜，好足料，而且唔會太過甜。另外朋友要左凍龍眼冰，都係有滿滿既龍眼肉，好清甜。呢度午餐真係抵食，原來除左九龍城，太子都一間抵食又好味既泰國餐廳！

又陪朋友行金都之後來左呢度搵野食朋友想食泰菜openrice search到呢間近我地又唔貴抵食lunch裝修簡單但好舒服d🐔好有雞味😃海南雞飯超好食雞肉肉質嫩滑加埋個醬好惹味個飯超好食就咁食個飯都好正泰式蟹肉炒飯外表平平gei炒飯令人大感驚喜食落發現有好多蟹肉用料一d都唔馬虎墨魚丸面頭燒得好靚不過如果切開一半先燒相信味道會更佳豬頸肉串燒好爽口雞肉同🐷肉串燒都整得好入味個醬唔錯食完好飽啊！價錢超抵食下次可再encore