金湖粉麵茶餐廳

营业中

休息中

我係該小店的熟客，一星期都食3-4日，當日我喺度食飯，聽到老細同個女人講，麻煩佢坐入少少，因為佢一個人坐左3個位，之後個女人就發晒脾氣鬧人，老細都無再理佢。其實將心比己，大家一人讓一步，咪無事囉。我推介呢間鋪頭嘅牛筋河。另外，每日都有唔同嘅即炒套餐，三絲炒米同咸魚雞粒炒飯都好食，不過唔係成日有。

個男收銀老細對客人態度超差，又鬧食客，又同客人眼神互啤，究竟係乜嘢態度？？其實尖沙咀有大把更好選擇，千祈唔好幫襯呢間垃圾店！ 免中伏！！食碗$40粉麵食到一肚氣🤬🤬

好多年前食過，行街，隨便找地方食嘢，味道已唔記得，只記得員工態度超差，坐得好迫，好污糟，食完好似趕你走咁，之後無再去。去年年尾公司搬到尖沙咀，所以周圍試食，疫情嚴重只想買外賣，好，比次機會佢。入去落單，收錢唔知係咪老闆，好有禮貌，我問牛腩林唔林，佢話叫師傅俾啲林嘅你，我叫咗兩份要分袋，佢都好樂意，仲細心問我要唔要辣椒油，並說其中一份單叫，無下午茶價但有九折，一碗牛腩雲吞另外魚蛋麵跟餐，$88尖沙咀嚟講算平。見到每個包裝都係得一個盒，心諗冇分湯？返到公司打開，原來碗內有分隔，湯好夠熱，湯底好味，牛腩好林入味仲半肥瘦，好食抵讚。希望疫情過後不要故態復萌，如果能維持食物及服務水準就好啦，唔好諗住淨係做遊客生意唔自在，疫情期間餐飲業難做，希望你們努力守住及珍惜現在。希望疫情快過，生意興隆。

諗住一早食個早餐先返工但估唔到咁樣嬲爆爆走!叫左個A餐, 黎左火腿蛋+牛油麵包先食左, 後上沙O爹牛肉通粉, 食食下係條通粉中間見到有條野, 拎出黎放係碟度望望疑似曱甴腳, 再睇碗入面有條疑似曱甴鬚 跟住叫個阿姐過黎啦, 我都冇特別提高聲線, 但佢一句得埋黎話"整過碗比你", 我話"仲食得落!?", 佢竟然話"你乜野態度" 我都有D火起都只係答一句"我食落肚架!", 佢再回覆"咁幫你取消囉", 我嬲到起身走人。我唔會期望茶餐廳食野百分百乾淨, 但係比我發現疑似曱甴腳、曱甴鬚係食緊碗粉入面都唔該你好聲氣D對個客, 做食肆唔該做得有良心D啦!

服務員：幾多位呀？客：一位 😊服務員：呢邊丫😊坐底後，問題就出現，以下對話。你一係就擺左，一係就擺右，俾條路我行。(我冇回應，心諗) 個位係你叫我坐嘅，得一個位，左右兩邊都冇空間點擺？叫一碟牛腩飯，黎左睇落辣辣油，望望張枱冇。 唔該請問有冇辣椒油？咪喺枱面囉，咁都睇唔到牙？(聲音可覆蓋半間餐廳）呢刻我真係有點懷疑自己，全枱係有唯一樽紅色嘅，但我覺得係醋，都試試攞起聞聞😄確認左係醋後，我真係唔客氣回應一句：唔知係你睇唔到定我睇唔到🙄佢再回應我，而家咪攞俾你囉😌真係祝貴寶號生意興隆 🙏

只可生存在遊客區想食個茶記所以就入左去啦，一入去9成都大陸客，已經心知不妙佢實係做遊客生意。睇餐牌叫左個牛三寶飯，牛腩都算入味既、牛筋都淋，不過算唔上好好味，正常茶記水準咁啦。而店員又冇禮貌服務又差，叫左幾次先應！份量又唔大，我女仔食都係岩岩好夠，咁都賣成60蚊，我明係尖沙咀冇辦法，但我會揀食其他囉！坐左10分鐘就走，唔係因為佢特別快，但係入面真係太嘈，好似返左大陸咁。就連相都差啲唔記得影。下次再去？不了！

12月23日 (星期六) 晚上到此店光顧，坐下便叫食物 ，食完到櫃位付款時，收銀員才說當日要收加一。我回應從未試過粉麵店都要收加一，收銀員說：「未試過就要試吓喇！」。因趕時間，沒跟她理論，唯有付款。之前來過多次，多數星期六晚上，所以不用看餐牌，已知想食甚麼，一向沒有收加一的。相信那天他們亦無在餐牌標明要收加一，否則當我問時，收銀員應會說有標明，但她只是無禮地作上述回答；而我叫食物時，員工亦無說。雖然比平時只多付幾元，但他們這樣做法十分不妥當。

下午茶時段，在公司附近搵食醫肚，尖沙咀遊客區好多食肆都唔平，想搵抵食既野，真係唔易，喺金湖叫左個肚河，收36蚊，唔算平又唔算貴，牛肚夠味唔蘇，偏硬身，如果淋少少會更好，湯也夠濃，味道好，食得過，可以再encore

人生自是有緣份這回事住這區但從未入金湖完全沒原因只欠有緣=無緣無故今早周圍搵早餐終於去了當然看過其價單才入30元起早要豬排湯意女侍特別為我拼雪菜當堂心軟32蚊服務卻窩心豬排小小可帶骨雪菜調味合格意大利粉意外驚喜尖沙咀甚少茶記供湯意不太多客要求又不好放久這窄門小茶記竟令人心折肯做做得好夠本份現在本港很多人要求過份守本份已是人上人see👀起碼軟硬度賣相都一流見甚多中國遊客但並無待慢港女男下次經過這街不妨捧捧場他們著名沙薑雞我認為認真製作的粗糧意大利粉

今次嚟香港旅遊住係海防道，想試下地道茶餐廳，又唔想去翠華、澳門茶餐廳食貴野，夜晚11點半經過九龍公園對面就行入呢間，牛腩麵幾好味牛腩又多，阿姐人都幾nice架，宵夜唔多人，食起上嚟清靜d又舒服，好抵食。

個個都做得太攰喇，今日幾個同事都好忙，連中午飯都係打包係公司食，然后一直做到七點幾無停過，本嚟老細話好好請我地食餐飯都無心情去食，因為個個都想快D填飽個肚就盡快返屋企好好休息，我同三個同事一個方向，經過金湖粉麵茶餐廳嘅時候就入去食個粉同飯。魚丸仲有其他丸子嘅粉同埋牛腩飯，魚丸我未食過，但牛腩飯我之前試過，呢家店做牛肉都好出名，比較好食，牛腩都燜得好入味，好淋好香。凈雲吞都幾好食，不地對我呢個大胃王嚟講份量有D少，我最愛呢間店嘅係怪味雞米粉，怪味雞味道真系好怪，但怪得嚟又好好分，酸酸辣辣，口感真系好好。鐘酸辣口味嘅朋友嚟到一定要嘗試呢個，唔會令你后悔。

係遊客區食茶記真係沒有期望過的，這間茶記都試過幾次，貪佢就腳，又上得快👍今次就叫左魚旦河，湯底同河粉都幾好，湯有淡淡既魚香，粉就夠滑，份糧都足，相比下魚旦同魚片就差少少啦，但尚算入得口😁不過今次寫評是因為後生老闆既行為，真係值得一讚👍👍本身店不是太大，而要應付遊客既篋，老闆要求篋放在某一特定位置，當日下午茶時間，雖然不是太多人，有幾個同胞硬是要拖埋篋入去，老闆即時勸阻，但不得要領，糾纏數分鐘，老闆出逐客令，同胞們面燶燶走。我心諗原來仲有咁原則，咁粗豪既老闆，正！下次一定再幫襯👍👍

中午響廣東道附近見完客就響附近逛逛揾食，點知行到海防道竟然發現到仲有港色嘅粉麵店喎，狗衝入去啦，中午人多正常，強國客都多，但都有OL 幫襯，尖咀OL唔錯唔錯hehe, 講番d 食物先，叫咗碗牛腩米，轉個頭就上枱，正呀，先飲湯，未飲已聞到幾香，湯d肉味濃而清，唔鹹，亦唔覺有味精，feel應該用真材實料淆製。牛腩同樣有濃郁的牛肉味，肉質鬆化，不乾不硬不靱，份量亦多，米粉吸收到湯d味道,正!，旅遊區都仲可以揾到$33一碗抵到無朋友啦。日後經開呢頭見客會番食呢間PS: 呢度d阿姐好有個性架，收銀位哥仔又幾好禮貌喎

要數係呢生人入面食既次數最多既餐廳。呢樹肯肯定係頭五。無他既。係尖沙咀返工既兩年多。基本上有時間食早餐就會入黎。兩百次一定走唔甩。食既野都九成係呢個。除左姨丈到唔想食。柯打名為：沙爹牛面。雙太旦。烘底飛邊。茶走。其實都好耐冇叫因為多數一坐底姐姐就會問係咪例牌就落單。沙爹牛夠面。牛肉一定有科學過。但可幸冇梳打味。面係可按個人口味去煮。揚鬆特硬到發水都安排到。勁過拉面鋪。太陽蛋先係即叫即煎。由於啲蛋去得快（啲自由行係好鐘意叫叉燒/火腿煎蛋飯。無論早午晚餐）。所以係企黃。烘底亦都夠火。茶底熱飲啱我口味。煉奶底一定多。自行控制啦。因為少唔少甜係無分別。題外話。早餐只限講廣東話香港人。係黑你班死蝗蟲嫁啦。咪X入黎呀。嘈住曬我食早餐！(比班蝗係旁邊係咪大大聲講蝗語一路食一路打。)

今日下午去完海港城做野，經過海防道，見到此麵店，入去試下都幾多人，可能係遊客區，點了一個牛腩魚旦米，38蚊，牛腩幾淋身，應該係新鮮牛腩，魚旦都幾彈牙，湯底係豬骨湯，整體ok, 下次經過可以再食