金滿堂甜品

营业中

休息中

服務員態度極差比錢時收銀店員在講電話，但講電話同時又唔同人講等等，亦冇做任何手勢示意要等等或者收到訊息，都冇同我講佢同邊個講緊電話。其實禮貌嘅野好簡單，譚仔阿姐同茶樓呀姐都做到。唔知點解貴公司嘅收銀店店員連基本禮貌都冇。然後店內太嘈，第一次同店員講收款方式，收銀店員並冇任何反應。驚個收銀店員聽唔到，始終佢掛住聽電話冇理過我，所以第二大聲啲同店員講收款方式，立即比個收銀店員怪責唔夠體諒，唔夠溫柔體貼，仲要比收銀店員呼喝：「老細打比我呀。」好似怪責老細打比佢同時又怪責我唔係佢肚入面條蟲，竟然唔知老細打比佢。 我心諗：？？？呀姐你咩都冇講又唔做下手勢我點知？好啦其實都明白前線辛苦，但由入去到出黎個服務態度都唔係咁好。坦白講，正係叫你啲員工點左兩次餐，溝通時間3分鐘都冇，句野仲要短到係點咩餐、問有冇沙冰仲有句有咩付款方式，同埋每一次都會講返唔該做返基本禮貌，但貴店啲員工真係搞唔掂。有啲可能太忙有少少燥底所以冇咩心情啦，哩啲都明嘅。但個收銀真係極品，佢呻完一句老細打比佢米算囉，仲要鬧我。我只係講左句：八達通比呀唔該。麻煩老闆唔信請查看一下閉路電視如果老闆縱容店員發客人脾氣真係冇嘢好講已經唔係要啲

那是個堂食尾班車的晚上🚉妹妹帶左我去左呢間價錢同質素都幾唔錯既甜品店🍮┈┈┈┈┈┈┈┈┈┈┈┈┈┈┈┈之所以話唔錯 我幾欣賞佢地既理念🉐佢地既甜品主張用冰糖🧊代替砂糖🧂而部分甜品款式採用稀少糖 餐牌上都有備註到佢地既健康諗頭真係好切合現代都市人既需要由於佢地食物款式都幾多 選擇困難症既朋友仔會幾煩惱下😣𓋜 榴槤女皇 $➎➑有冷熱可供選擇 天寒地凍我地揀左暖既黎食榴槤果肉同椰皇分上熱辣辣出哂煙既椰皇燉蛋白再加埋凍既榴連肉 簡直係雙重享受😎椰皇蛋白滑溜 真係唔錯𓋜 下一站杏福 $➍➋¹芋圓 ²雪燕 ³杏仁露 ⁴燉蛋白首先想講杏仁味有但唔算太濃 而芋圓亦唔係煙韌彈牙好在蛋白都香同滑溜𓋜 香芋芝芝 +$➊➑凡惠顧兩客甜品 可以$18換購一份流心香芋食得出係cream cheese 而且係我喜愛既煙韌口感 呢個真心幾唔錯另外仲有芒果糯米糍/糖不甩/ 麥提沙糯米糍 可選

平安夜周圍都人山人海，人們都趕著十點時沒有堂食而覓尋食處。好不容易找到這間話可以十一點🤔⋯⋯專登樂富步行過去，甜品店也是人山人海，不知是高質，還是別無選擇⋯⋯一行四人被安排店外，都好的，因為店裡感覺擠逼，人多空氣濁。大家各自點了所屬，餐牌都幾吸引，甜品樣子不錯吖。價錢亦不算貴，當然也不相宜。先送來佛地魔，因為沒有了奶茶雪糕球，朋友惟有選擇了綠茶雪糕球，不過就怪怪了，不太夾。我就叫了宇治金時，有紅豆、椰果、小丸子、疑似綠茶刨冰墊底，還有一些唔知係乜的白色粒粒，不過口感幾特別，冰底就一般。成碗野綠茶味不濃。若黃大仙區別無他選，我都會再來，不過不帶期望為合。

黃大仙食甜品既地方唔多，這食店都嚟過幾次，唔錯。今日（2/12/2021）又再嚟。點咗五款甜品朱古力心太軟，好食，伴碟個圖案就唔多靚，餐牌個圖案靚得多。宇治金時，好多料，抹茶雪糕好香下一站幸福蛋白杏仁露，好味，次次嚟都會叫糯米糍，原價$20，叫一客甜品可加$15點一客，都唔錯，唔太甜。

上月約咗三四個朋友在黃大仙聚會，然後在附近一間甜品店食糖水，當時見到餐牌上有好多選擇，唔知選邊啲好，朋友就叫咗一位女店員問有什麼推介，店員問我們想食凍定熱，我就問凍熱各有什麼好，店員好耐心講解大多數會選燉奶或者杏汁類比較滋潤，如果喜歡食榴槤或者芒果都有好幾款選擇。我們後來就選咗一款燉椰皇，一款芒果產品，一款紫薯產品同一個小食，大家一起分享。大家都覺得甜品質素好好而且唔會太甜，其實眼見舖面得個女店員走來走去一腳踢🏃‍♀️🏃‍♀️🏃‍♀️，佢都用時間解釋俾我哋知，而且佢有一點做得好好，佢都會好小心咁消毒每一個坐位，我同啲朋友都食得好放心。👍👍👍👍所以我第二日就帶咗啲屋企人👨‍👩‍👧‍👧👨‍👦‍👦再去甜品店食甜品，佢哋都食得好開心，當日就好似拍攝近嘢咁📸📸，坐嘅地方就有少少迫，不過啲甜品仍然都好好食。😋😋

短髮中年女店員態度極差，用命令語氣同顧客講嘢，問人做乜攞佢啲嘢😓唔知以為我入去搶佢啲食物冇俾錢😓食物質素ok，但係服務態度有待改善。明明以前唔係咁，中學開始幫襯九龍城店，後來黃大仙店開咗都有幫襯，估唔到今非昔比

由九龍城食到嚟黃大仙，呢度位於黃大仙"新式豪宅"商場，係少數近站ge糖水舖。味道、水準keep住水平，但店員全程黑口黑面。另外，呢度要成下晝3點先開，唔係咁方便想中午食下甜品ge人…

今日同朋友一行四人食完晚飯就去食金滿堂，見佢枱上面寫住，凡惠顧兩個甜品，可以用優惠價$15換購糯米糍一客。睇啱之後，一位短頭髮戴眼鏡矮小瘦身形既中年女店員幫我哋落單，我哋一人叫咗一份甜品，然後朋友就問女店員，我哋係咪可以加兩份優惠價糯米糍？」女店員就用一把好晦氣嘅聲線回應：「總之叫夠兩份就可以加！」其實只係一個回答可以同唔可以嘅問題，佢都可以用咁嘅態度回應，只能夠話咁嘅服務態度真係不得了。不過讚既係另外一位都係短頭髮嘅女店員，態度就非常好，希望嗰位晦氣女店員可以好好學習。講返甜品，我哋都係叫咗燉椰皇，口感夠滑，夠香，糯米糍夠煙韌，好食。總括來講，食物環境都係10分，不過服務態度就2分。

繼6點幾先食完個下午茶，8點又未肚餓食晚飯！所以10點就叫個甜品外賣作為今日最後既一餐畫上完滿既句號！花好月圓 $36有湯圓+芋圓+清心丸+桃膠配上薑汁糖水口感不錯，唯配料份量較少龍珠二世 $38有小丸子+黑珍珠+芒果+水晶珠+芒果味雪糕因為有齊我最鍾意食既配料，而且份量亦足夠！所以好滿意！另外加左兩客以優惠價$15換購既 6粒糖不甩& 5粒麥提沙糯米糍糖不甩滿是花生碎與芝麻碎，好好味而麥提沙糯米糍是此糖水舖其中必試之一的甜品！所以味道是保持水準！

由中學開始食呢間甜品店（九龍城店）己經十幾年，每星期都去幾次，有時九龍城店，有時黃大仙店，今晚如常大約7pm去到黃大仙店，當時店內只有一枱客，我在外面填緊安心出行，同行八十幾歲老人家想行入去裏邊位子坐，拎起咗個留座牌，竟然比男店員大聲呼喝：「喂！放番低啦！有個牌見唔到㗎咩！」態度超差！一家人費事受氣，最後去咗第二間甜品店，食得開心有好食，其實人人去食甜品都係想甜想開心。唔明黃大仙金滿堂嗰位男店員出於咩心態，因為一件咁小既事去呼喝一位老人家。當時店內只有一枱客，男店員其實可以用好聲好氣去表達，但佢大聲呼喝。其實每個星期都食幾次，糖水都每次食幾百蚊，次次都食差唔多400蚊，次次都有兩張coupon,好似$150有一張。但以後真係唔會再去

呢間係女小編非常鍾意嘅甜品店🥰佢最出名嘅係椰皇嘅甜品🥥我哋叫咗個桃圓燕👅佢用椰皇裝住🥥🥥入面有桃膠 芋圓 清心丸同埋雪燕😚佢嘅芋圓好煙韌😋整得唔錯🤩佢亦都有椰皇燉蛋白😗蛋白非常之滑🤤亦都有椰汁底😚椰汁味好香濃🤤🤤成個甜品嘅口感非常豐富😝鍾意椰子嘅人一定要食‼️‼️小編係榴槤控😚所以叫咗個榴槤飄香🥰榴槤飄香入面有牛奶布甸🤩整得非常香滑😋榴槤肉亦都非常之多🤤🤤啖啖榴槤肉真係食得非常滋味😍加埋椰果泰式珍珠同埋水晶珠😛層次就更加豐富啦😆小編每次嚟都一定會叫呢款甜品😗因為真係好好味😋總括而言呢間甜品舖真係非常之好食😋大家嚟到黃大仙一定要試呀‼️‼️😋 好味：9.00/10🤑 價錢：8.01/10🤗 服務：7.45/10😝 環境：7.56/10😚 衞生：7.89/10🤩 整體：8.98/10

下午茶時間 梗係落去食返個糖水啦 呢間糖水店食過好多次 距離黃大仙地鐵站3分鐘路程 好味又有特色既一間糖水店 佢聲稱自己用冰糖取代砂糖 令到糖水冇咁甜之外 仲健康啲 而我自己食落又真係會有一種特別嘅口感 同出面既糖水比起黎 冇咁"俗" 4點令鐘冇咩人 兩個人叫咗兩碗 可惜試唔到佢個心太軟————————————-黑馬王子芒果同芒果汁做底盤 上面加入龍眼 涼粉 黑珍珠 等等配料 每樣配料都掛起左芒果汁既香味 層次好豐富 加埋有我鐘意既龍眼, 100分!

話說喺2020年結束之前我就約埋一班大學同學去行山今次行嘅山係獅子山，貪佢夠就腳同埋方便行到大概五點幾我哋落返山，趁住六點禁堂食之前去食個甜品爽一爽係OpenRice search完最吸引既都係金滿堂由於當日天氣都算寒冷所以我哋都揀咗熱食我就叫左紫醉金迷食 味道好好有燉蛋白 果汁底係椰汁底我叫呢個就係好似燕窩冬天食熱嘅甜品真係暖粒粒好正

今日同朋友食完晚飯之後，仲係覺得可以傾多一陣計，所以有朋友建議可以食埋甜品先再走，大家都係同一時間諗起可以去金滿堂。因為以前讀書嘅時候就已經日日去金滿堂食甜品，都可以係話大家嘅集體回憶， 平時去金滿堂都係會叫宇治金時，但係因為今日實在太飽了，所以諗住唔好叫得太Heavy，所以我叫咗個寶島，呢個寶島入邊有芋圓，仙草，紅豆，椰汁，仲可以揀一球雪糕，我就揀咗抹茶味，味道都唔錯，但係戶縣就一般，咬落去有啲硬，冇平時食嗰啲好似麻薯嘅感覺。

據說芒果係好食嘅，雖然同friend 都係叫左其他野（包括推介嗰個）。因為有些涷，所以想點熱食（呢間糖水舖熱款比較少），叫左芝麻糊加湯圓。都算正常唔錯，價錢都比較公道。