金滿堂甜品

营业中

休息中

無論冬天定夏天，每次經過金滿堂甜品都一定要入去食返個「椰皇燉蛋白」系列，今次就擇左椰皇湯圓蛋白最鍾意佢整得又夠滑又唔甜女仔補身一流好多年前開始食佢而家已經越嚟越貴，不過都仲係會繼續支持因為真係好鍾意食

呢間係黃大仙算係最好味嘅甜品店，好適合老少黎食，因為佢地有中式熱/涷嘅甜品、又有岩後生仔女食嘅西式甜品。帶過老人家過黎食佢地都話好味我最鍾意佢地嘅原個椰汁燉蛋，香滑得黎又有濃郁嘅椰汁味，鍾意食椰汁嘅朋友唔好錯過喇

食完飯當然要食甜品啦咁我就去咗呢間度食甜品見到佢個椰皇榴槤好似好吸引就叫咗椰味都好重 榴槤仲食到一粒粒嘅榴槤肉添都唔錯對於鍾意食榴槤嘅人都會幾滿足同埋呢度冇乜人唔使食得咁迫

黃大仙不嬲都冇乜甜品譜如果要去只可以去九龍城或者新蒲崗係九龍灣都有分店 過到嚟呢邊一樣都係咁好味黃大仙終於有間糖水舖都係件幾好嘅事次次黎都係食佢失戀小王子系列 係啱女仔口味嘅

這是一間安靜的甜品店，可能是因為地段問題，所以人流較少，是香港難得可以放鬆聊天的甜品店。（我亦是在路上兜兜轉轉很久才找到它）其實在我到來之前，友人們已經在店內閒聊了一個多小時，店員並沒有給予太大壓力，環境氣氛良好，是一個適合聚會的地方。當我到達的時候，店員亦有馬上遞上menu，我點了一個黑馬王子，珍珠有嚼勁，能媲美坊間的珍珠奶茶店，芒果是新鮮的甜，並不像是浸了糖水，其他就中規中矩。友人們也滿意這間店的甜品及用餐體驗。

突然想食鮮奶燉蛋白，所以就哩左金滿堂。我地點左芒果糯米糍，紫霞仙子同椰汁湯圓燉蛋白。紫霞仙子同芒果糯米糍味道正常。但個椰汁蛋白湯丸，個燉蛋白得好少，大部份係椰汁，個湯丸有怪味，最後都食唔倒。

今日同朋友在黃大仙食完晚飯，朋友就話附近有間糖水舖好好食，咁我哋就轉場再過去坐下。去到先發現原來係金滿堂，其實我之前都去過另一間分店。不過去到就無位，咁我哋就行入商場兜左一陣，先再出嚟睇吓有冇位囉，好好彩啱啱有位。今晚我們全部都叫左椰皇甜品，分別是桃膠仙子$46、榴槤女皇$50、紫霞仙子$48，全部都係熱嘅，因為覺得熱嘅好食啲，依個真係好足料，份量十足。另外仲叫咗一個糖不甩$20有六粒，軟綿綿好好味，今晚真係超滿足。

尋日試左個叫紫醉金迷ga糖水，拒係棷汁做底，棷汁係清甜，吃曬都唔覺得灟ga，拒重加左3個味道ga芋圓，由於我太中意吃芋圓，我覺得好正，不綠茶，紫薯同蕃薯味，個人最中意紫薯，但得每個味道兩兩，太少了

已經好耐冇幫襯過金滿堂，昨晚晚飯過後，突然興之所至，就到了黃大仙這間分店，點咗個「雪中花」，我喜歡佢嘅豆腐花，充滿豆味，紅豆十分香甜，再加埋朱古力雪糕慢慢滲入豆腐花內，令到這個甜品更加美味🤗，整體來說仍然保持一貫水準👍🏻

都唔係第一次，想食返粉紅佳人原本嘅味道，但偏偏次次都令我失望。餐牌上嘅相是咁的。紅色架嘛？！但實物係咁樣：What?!又變左粉紅色？自問由2003年左右開始食金滿堂甜品，一直對佢嘅出品都幾有信心。但偏偏呢個粉紅佳人（$36）已經開始變左味，冇左原汁打成沙冰，而係加左奶，可能人人口味唔同，我只係想要純果汁版本。見到餐牌張相，再加上之前試過有改左版本，今次order前都問定係咪同張相一樣，被告知「係」之後就安心叫啦，結果再一次失望。除此之外，內裡配料都可以。手作芋圓（+$6）都有少少出入，都冇心型，係全碗都冇。

要寫低呢篇食評令自己唔好重覆犯錯。頭先去呢間金滿堂食糖水，其實以前都食過呢間分店一次，但太耐已經唔係好記得好唔好味，直到今次再食，啲記憶番曬黎，呢度啲糖水同佢地淘大分店比，真係認真麻麻。白雪奇緣佢話係龍眼椰汁沙冰，但黎到既時候溶既，成盤水咁，一味死甜，難食。再加埋入面既菠蘿味椰果，蘆薈，水晶珠，十級複雜既口感，可以話九唔搭八，味道亂咁黎。唯一放得入口係粒小丸子。蛋白杏仁露冇誠意首選，唔知係咪用微波爐叮出黎，熱到辣咀，hea過我自己響超市買包粉搵熱水沖。其間仲聽到隔離枱個唔知咩冰有隻昆蟲添。建議調淘大啲人過黎訓練下呢間分店既員工以確保食物質素。

放假下午茶時間最鐘意黎呢度 椰皇燉湯丸（熱）好香椰汁味，個燉蛋白好正入面仲有芝麻湯丸同清心丸。次次黎都食佢芒果拿破崙（2件）cream加埋醬黎食一流呢度既芒果唔酸

每次係附近同屋企人食完飯都會黎呢度食甜品，地點好就腳~同埋d甜品都幾好味！我地次次都11、12個人入去，但都唔洗等好耐~ 10分鐘都唔洗~ 我地點左好多個share黎食~可以試多d唔同既野~泰迪熊係新menu啊~個樣好cute，所以就叫左啦~一上個樣似狗仔多過熊仔~個雪糕好濃~好好味~綿綿冰就還好~普通~麥提莎糯米糍好味~ match~一口size~出面煙un！入面就脆硬~口感好正！熱榴槤女皇榴槤分開上~ 正好我可以吃！因為媽媽不吃的~所以她要女皇~我就要榴槤~今次叫左泰迪熊~下次要叫美女與野獸試下！粉紅色好吸引！

屋企附近最中意就係呢間甜品鋪中意佢唔會太甜鋪頭又舒服乾淨至愛之選：紫糯米清心丸榴槤飄香雪中送炭 （燉蛋白+芝麻湯圓）我覺得最好係價錢合理～攪到我同老公一得閒都想落去坐下

白雪奇緣以小丸子，水晶球和盧薈配以龍眼椰汁沙冰製成，口感層次豐富，龍眼味沙冰底超級香濃，甜度適中，冰涼消暑，很對我的口味，值得一試。寶島以芋圓，紅豆，仙草，雪糕配以椰汁底製成。芋圓像一塊有顏色的粉團，芋頭味薄弱。相較之下，深水埗的芋圓仙草好吃得多。反而奶茶味雪糕不錯，味道偏向港式奶茶，不推薦。