金滿堂甜品

营业中

休息中

一直都食開九龍城店，椰皇同燉蛋白算係必叫嘅，估唔到今次喺黃大仙店食個下一站杏福會遇到燉蛋白變豆腐渣嘅情況。咁我就向店員提出疑問，店員話師傅倒得唔好就會出現依個情況(so far食咗五年都從來冇遇過）。但我都信咗佢再繼續咗兩啖食，點知豆腐渣變埋水，因為怕食完肚痛所以就冇食。到俾錢嗰陣好心提佢下次倒到蛋白變水咁嘅樣就唔好俾人食，一陣食到人肚痛就唔好。點知收錢嗰位睇都唔睇話食咗都應該唔會肚痛嘅，我問：「燉蛋白變晒水都唔會肚痛？」佢又即刻話唔係。咁我就話：「咁你去睇下碗嘢先講啦！」點知另一個店員仲即刻收走啲碗(公平講句，收枱嚟講又幾快手值得讚嘅，同埋都幾有團隊精神丫，夾好晒口供同埋快速清理現場）其實都真係幾失望，食甜品都係想個人開心，點知俾人hea9我...我嘅幸福冇喇🙁

綿綿冰就聽得多櫻花冰 同綿綿冰好似 質地硬啲 冇咁易溶仲要兩隻熊都好得意真係少女心融化💖伯爵奶茶味冇咩奶茶味 但朱古力味幾重❣️可能佢嘅配料好多都朱古力帶出左個朱古力味😳豆腐味有驚喜🤩以為豆腐味會好淡 點知又幾香喎衰鬼 平時少機會食豆腐味甜品難得仲要有櫻花冰緊係要試下😋💜🤑 北極熊豆腐櫻花冰 $48 🤑 泰迪小熊 (伯爵奶茶櫻花冰) $45

夏日淡淡，梗係要食返個飯後甜品啦。雪中花成份包括涼粉、豆花、紅豆、雪糕，材料挺豐份量都吾不少，紅豆無論幾時黎食都夠大粒。而最鐘意就係食凍豆花，豆花夠滑，配埋紅豆係好夾，因為豆花本身吾甜，加埋紅豆嘅甜度先係岩岩好。

朋友補祝生日去食甜品閒日晚上人不算太多三個人坐四人枱女孩子揀甜品 樣樣都想點 樣樣都想食是需要一點時間 但店員會經常催促 有點壓力下次迫點坐二人枱可能會好點點這個絕對是因爲賣相夠可愛小熊的外表 總是吸引少女心 小熊其實是櫻花冰櫻花冰跟綿綿冰有什麼分別餐牌有介紹但實在不敢再研究餐牌 因為有對眼睛👀等待我們下單口感跟綿綿冰差不多朱古力片不會太甜 幾好味有寫「生日快樂」的服務心太軟不是太流心雪糕選擇了奶茶及曲奇味奶茶味雪糕較少見 味道挺濃郁曲奇雪糕👌🏻 跟平常吃的一樣夠甜 奶味重.食甜品除了食物外，當然也想聊天但在這間店食真的有點壓力縱使門外無人等位 也趕著收碟成了機械式連鎖店

我前日同朋友去食飯，食完飯仲想坐耐啲，所以就去咗食金滿堂糖水啦！每次去都好多人喺門口排隊，可能係星期五啦！不過都唔算等左好耐， 15分鐘就可以入去坐啦！我哋嗌左個榴槤女王、仲有抹茶小丸子，個榴槤女王啲蛋好滑，配合埋榴槤一齊食，簡直係人間美食！另外，抹茶小丸子啲小丸子好有咬口，再加埋芋圓，芋圓真係好好味呀，極正！平時去都會再加多一支椰青水飲，因為佢啲椰青水好清，又好有椰子味。夏天用嚟消暑解渴簡直係一流呀！

金滿堂甜品 三個甜品無乜嘢特別 就係商業嘅味道 基本上連鎖式嘅甜品就係差唔多口味 相信大家都吃過 不過當晚十分之多人 位置都比較逼 明顯相隔沒有1.5米 龍眼冰唔會太甜 而且用料都多 珍珠椰果 龍眼肉 西米 不過不是 夠曬降暑草莓杯嘢真係好普通 無任何特點 雪糕仲好甜 所以避免嗌佢最後榴蓮椰皇就係三個入面最好 因為榴蓮好吃 椰皇溫溫地夠曬舒服 而且嫩滑 可以一試

呢間甜品店位置比較偏僻，喺黃大仙現崇山商場地下，唔太近地鐵站出入口。因為家人住喺附近，所以久唔久會嚟幫襯一下。呢度嘅甜品種類都幾多，西式、中式、創新嘅甜品都有得食，每次都可以食唔同口味，唔使重複。金玉滿堂- 呢個芒果甜品入邊有新鮮芒果肉、小丸子、水晶珠、雪糕，加錢加芋圓。芒果汁似係用濃縮芒果汁，芒果肉好鮮甜，每一啖都係芒果香味。小燕格格- 呢個係蛋白燉奶，入面有芋圓、桃膠、清心丸、雪燕，加錢加芝麻湯丸。我個人中意蛋白燉奶系列嘅甜品多過芒果系列，因為奶味較重而且食到每一款材料自己嘅味道多一點。芝麻湯圓口感煙韌，芝麻味香。芋圓相對地口感較弱，而且芋頭味道偏淡。其他食材感覺滋潤養顏，蛋白燉奶食落熱辣辣，推介！

鑽石山晚膳後搵甜品食，朋友推介必試呢間，話公司下午茶多數叫呢間，就去試下先。我自己點咗龍眼沙冰， 呢個係seasonal甜品，唔係時時有， 咁啱有就點嚟試下。 味道清甜，好香龍眼味道， 不過天氣凍食真係越食越凍， 我諗呢個甜品比較適合夏天。至於宇治金時， 我都試咗幾啖， 香濃嘅綠茶雪糕， 加上日本紅豆、 丸子等等， 係好有日本甜品feel， 而且亦都唔會畀大型日本餐廳做得差， 唯獨價錢我覺得價錢定平少少就更好。最冇驚喜嘅就反而係心太軟， 我覺得個朱古力蛋糕質地差咗啲啲， 感覺唔到外脆內軟， 另外加配襯多球乳酪味雪糕， 乳酪味雪糕比心太軟還出色。

香港甜品店好多但都唔係間間都好食做得耐仲keep 到水準真係少之又少金滿堂以前係九龍灣淘大個間成日都食抵食大份味道好黃大仙呢間都係第一次嚟本身都唔知呢邊有分店食完飯未傾夠就嚟繼續食多餐甜品係第二個胃嘛，哈哈金玉滿堂作為招牌當然要食啦！芒果汁底濃香幻滑仲有清爽龍眼肉係幾夾宇治金時表面個啲配料無咩變化而個底就比以前唔同咗我記得以前係綠茶沙冰底依家變咗棉花冰綠茶味我自己覺得淡咗泰迪熊就好重朱古力味其實啲甜品係幾好味同吸引不過價錢真係貴咗啲可能我都耐無食甜品啦！

呢間金滿堂喺九龍城都有，之前都有幫襯過九龍城嗰間，今次試吓黃大仙呢一間！ 黃大仙好少有甜品舖，所以食甜品嘅選擇都好少，我都幾鍾意金滿堂嘅港式糖水，中式甜品混合西式甜品，甜品類型有幾新穎，所以每次食都唔知揀咩好，咩都想試吓.金滿堂嘅糖水大約$35-60不定，同其他糖水舖比起嚟就貴咗少少，但係一次半次就冇所謂啦！.今次就叫咗兩款，一款係「桃花仙子」，令一款係「金玉滿堂」⭐️桃花仙子（熱）入面係燉蛋白配椰汁底，仲有桃膠、清心丸。好濃郁嘅椰汁，配上滑嫩嘅燉蛋白，好滋潤嘅感覺，另外想讚一讚佢嘅清心丸，我第一次食清心丸，口感QQ的，甜度啱啱好，唔會覺好膩。⭐️金玉滿堂食完一個熱嘅甜品，令一個叫咗個凍嘅。芒果底嘅甜品店都唔會出錯，呢個金玉滿堂係芒果冰沙底配小丸子、西米、龍眼、清心丸、芒果粒同芒果雪糕，配料好豐富。小丸子同埋清心丸口感煙韌，有咬口，芒果冰沙亦唔會太甜配埋雪糕啱啱好。.金滿堂糖水雖然單價比較高，但係真材實料，一碗糖水配有好多唔同嘅配料，啱晒一啲咩都想試吓，但係又食唔多嘅人

返屋企之前想買碗熱辣辣嘅糖水，大概係收舖15分鐘之前去到，當時見到店員收拾緊，我都有問仲可唔可以叫外賣，佢哋話可以叫我先買。點知返到屋企打開碗糖水一睇，完全係冇誠意趕收工hea我，一碗紫醉金迷收我$38，成碗糖水得一粒芋圓，仲要係淋晒，口感好差好難食。平時幫襯過起碼都有幾粒芋圓，我認為如果你趕收工或者賣晒芋圓，應該同客人講聲或者唔賣俾我都無所謂，而唔係咁樣拎d唔合格既食物求其賣比個客，敷衍了事就算。

喺黃大仙食完晚飯，想搵間甜品鋪食，可惜黃大仙區舊區，唔係好得甜品簡，溫左一陣終於搵到現崇山廣場嘅呢間金滿堂，睇落都唔錯喎甜品款式相當多，中式、西式都有，價錢都唔算好貴，平嘅二十幾已經有<龍吐珠$38>Fatbrown 好鍾意食龍眼冰，次次去襯某知名甜品鋪都必叫龍眼冰今次黎到金滿堂都系敵唔過龍眼冰的誘惑，龍眼冰好清甜，面個度有龍眼、珍珠同提子乾，材料都豐富咖，一次過食曬Fattybrown想食的野落肚$38少少貴喇，不過而家出街食湯水都差唔多咁的價錢lu

每次黎食都會揀龍珠二世有哂最中意既小丸子同珍珠煙韌控必選甜品之一🥰仲可以揀一球自己中意既蛋糕驚同個芒果汁底唔夾仲可以同職員講雪糕另上！非常之貼心 每次都會揀曲奇味👍🏿

我同家姐食完晚餐出來散步（食宵夜），兩個人都超中意食甜品。來到金滿堂，點咗麥提莎糯米慈（呢個是第一次食，性比價好高，八個先十幾蚊，糯米皮好煙韌口感超好，裡面就是一粒麥提莎，冇咩好特別嘅，但係都幾好味）龍吐珠（超級冰爽，椰汁沙冰嘅椰香味好足，龍眼肉好甜，仲有椰果西米同埋珍珠）椰汁香芒清心丸（清心丸口感嘅好，椰汁有DD唔夠甜，芒果肉好好多，呢點好滿意）都算係幾抵食嘅，價錢都唔貴。

陪老婆小同街坊聚, 難得約到大家落街食糖水, 實係現崇山樓下嗰間, 睇到車, 夠方便又乾淨, 中式甜品都特別. >紫醉金迷 (HKD38)芋圓, 燉蛋白, 雪燕, 椰汁底: 喜歡熱食糖水, 尤其燉蛋白咁滋潤, 椰汁🥥配燉蛋白超滑, 𠽌𠽌聲雪燕份量仲唔少添, 手工芋圓Q彈好味.>雪中送炭 (HKD38)芝麻湯圓, 燉蛋白, 清心丸, 椰汁底>麥提莎糯米糍 (HKD20)一碟6粒啱唒我地6個人share, 外面軟糯內裡脆脆麥提莎次次都order👍🏻.