金玡居 (山頂廣場)

营业中

休息中

無咩做去山頂行下👍🏻對上一次黎都兩三年前個時勁多大陸人🤢而家全部人行過都講廣東話✋🏻✋🏻咁先係架嘛~朋友推介食呢間台灣手工麵，山頂黎講價錢十分相宜，就入去啦🙌🏻花雕雞湯麵配香蔥雞肉($98)湯底真係有台灣既味道，唔算太濃味感覺上唔重味精，啲麵口感幾煙韌同掛湯‼️但啲雞肉就普通🤔肉質唔嫩滑有啲散同無乜味🤔最頂唔順係佢墊底個啲芽菜🥶好似就咁浸佐一下熱水就拎上黎咁，勁大陣臭青味🙁利申莞茜芹菜控麻辣臭豆腐牛肉粗麵($98)湯底夠濃🙌🏻好有台灣街邊買個啲滷水麻辣麵既感覺‼️豆腐真係臭臭地😆😆可以再辣啲！梅子蕃茄($36)全部搣曬皮幾細心👍🏻可惜唔夠酸，不過餐前食都幾開胃既西柚水果茶($36)呢個茶應該係飲過咁多水果茶最好味💥💥一啲都唔甜，有西柚肉但又唔澀，岩曬夏天飲同解辣，好清新！推介🌟🌟🌟為食指數: 3/5性價比指數: 3/5推介指數:3/5

行完山之後唔想食得太Heavy揀嚟揀去最後揀咗呢間入到去裝修不失不過最後我哋揀咗坐室外唔太熱又有風～4個人食 叫咗兩碗面加幾個小食都飽肚 份量適中味道都好味如果再上山頂都會試呢間

平日好悠閒咁上咗山頂，朋友決定今次唔食西餐，試吓一間只有山頂有嘅台灣菜，佢哋有室外嘅位置，但係今日實在太好天太熱，我哋冇辦法離開冷氣嘅地方，唯有放棄大自然美景😅室內一般簡潔中式裝修，坐得寬敞舒服食物方面🍽*華生豉油雞 $98係佢嘅招牌菜，如果訂位嘅話，最好喺訂位嘅時候訂埋，因為隨時賣晒，豉油雞上色靚，雞肉嫩滑，味道啱啱好👍🏻*金玡居清燉牛肉麵 $98佢用嘅係手工麵，有咬口彈牙，牛肉滑，湯底唔鹹，好味👍🏻*香滷千層豆腐 $40台式千層豆腐，滷水唔太鹹，豆腐面鋪上蒜蓉，完全唔使點佢附帶嘅酸辣醬已經夠晒味*麻辣牛雙寶 $58用嘅係牛筋同牛肚，淡淡麻辣，鍾意食麻辣嘅可能會嫌佢唔夠麻，但係如果同枱有唔食得麻辣嘅就都可以接受到*椒麻腐竹 $25相對比較清淡，但係如果鍾意食腐竹嘅人，一定會覺得好食，因為腐竹有時凍咗就會有少少硬，但係佢哋做得啱啱好🥤*黑糖珍珠奶茶 $36*粒粒紅豆奶茶 $36*水蜜桃梳打 $32佢嘅飲品，好似係一般珍珠奶茶店嘅味道，可以自己揀幾多冰，幾多甜，所以一定唔會死錯人，一定啱自己甜度，而價錢方面就非常合理

山頂食野黎講 呢到嘅性價比都真系幾高 野飲價錢都稱得上高質 但沖野飲就有啲慢 沖到碗麵食完都未到咁濟 佢出面有露台 夏天黎講真系好熱 但冬天坐係到就真系好爽 豉油雞真系幾好味 值得推介

是日帶咗狗仔同埋BB去山頂，所以就決定去金玡居食午餐，因為佢有露天位置。我哋有book枱，所以去到唔需要等位。眼見到我哋食完後已經多人喺門口等緊，所以建議去之前book定枱。店舖裝修簡潔乾淨，服務員非常有禮貌，有問必答唔會覺得唔耐煩。食物方面我哋點左原味清燉雞湯面配豬頸肉，花雕雞湯麵，花椒半筋半肉湯麵，安格斯牛肉麻醬拌麵同埋蝦醬炸雞翼。麵質方面質素有所不同，譬如花雕雞湯麵嘅麵煮得過火，好淋，但係花椒半筋半肉湯麵嘅麵則偏硬。味道方面花雕雞湯富有酒香，好適合需要進補嘅人士。而花椒湯麵亦非常之富有花椒香味，值得一讚係滷蛋，好惹味♥︎蝦醬炸雞翼火候啱啱好，不過味道就麻麻。其他食物就不過不失。飲品方面雪蓮杏仁牛奶可以話係必點！✌︎整體來講，金玡居係非常適合帶狗或者帶BB嘅人士，雖然食物質素有待改進，但仍然都係山頂上唔錯嘅選擇。

聽說行山既人多過旺角尖沙咀 本來想搭小巴 見到排隊既人龍就決定搭巴士 當然巴士都好多人 差不多滿座所以決定上到山頂先醫肚後行山 喜歡食麵 選擇了位於山頂廣場一樓的金玡居 但是因為時間尚早唔太肚餓 見到餐牌的小食很吸引 於是點了兩客小食一杯台式飲品 小食揀左鹹蛋黃涼瓜 以為很濃味 卻是香而不濃 調味也不會太咸 很配第二個小食照燒菇菌 因為係照燒汁所以很濃很入味 一濃一淡估唔到幾夾 再配一杯熱杏仁茶 成個餐又健康又好味 令成個行程有一個好開始

金玡居 係台灣過江龍，主打 #手工麵，麵條彈牙有嚼勁。 ee叫咗 #花椒半筋半肉粗麵條湯香濃帶微辣，牛腩炆得淋又唔會一夾即散，牛筋更加唔駛講，即頭易咬，最鍾意粒糖心蛋，蛋白結實，蛋黃流心，真係💯！ 記得要試佢哋嘅 #招牌菜 #華生豉油雞好彩一早預定，唔係未到中午都賣晒！雞上色靚，食落仲滑嘅，味道啱啱好！其他麵食同小菜都做得唔錯，大人細路都通通清曬。台灣菜邊可能冇 #珍珠奶茶🧋呢度有好多款式自選配料。#金玡居 #jinyajunoodlebar #helloHangLungMalls #HangLungMallsApp #hellotoeverysideofme #探索無限你 #恒隆商場獎賞計劃 #HangLungMalls #PeakGalleria #山頂廣場 #HKPeakGalleria #PeakersChoices#hkig #hkrestaurant #hkfoodie #hkfoodblogger #foodporn #gotravelwithandie #beefnoodle #taiwanese #bubbletea #soychicken

每次上山頂都一定會食呢間野，佢真係好好食，如果佢開喺尖沙咀或者銅鑼灣我相信佢一定日日都排隊，可能疫情嘅關係我最近呢兩次去都冇乜生意，真係好擔心佢會執笠，所以真心推介俾大家要多啲去食，幫下佢🥺松露南瓜松葉蟹湯麵 $138花雕雞湯麵🍜 $98呢個花雕雞湯麵係我必食推介，味道比較似藥膳花雕雞鹽酥雞 $40呢個鹽酥雞又好食又抵食麻辣牛雙寶 $58

適逢假期上來食飯，等了半小時左右菜上。花雕雞湯麵啲雞好散不會推薦。啲面又唔夠熟，食落去比較硬身。樓面多人廚房小人，導致上菜極慢，野飲需等待多於55分鐘才到。於山頂的服務與期望相差太大

第一次寫差評，等成個鐘先上齊野跟家人附近行山後來坐坐，叫了3杯台式飲料及2碟前菜，等成一粒鐘先比到個3杯野飲3點落單，張單出到黎三點十分先落都算3點55分先上得齊3杯野飲先係離曬大譜到宜家都係百思不得其解點解3杯野飲要成個鐘先沖好，期間催左起碼3-4次小食椒麻腐竹，麻辣牛腱水準不差三杯台式飲品，抹茶珍珠鮮奶，同台式冰大概跟一般台式飲料店的水準相約同行者指飲料有機會是從其他店舖拿來的，但一個鐘從山腳上山頂都綽綽有餘吧第一次openrice寫差評，因為真係未試過叫野食要等咁耐

20/3/2021 星期六，風和日麗，咁靚嘅天氣，上山頂轉一圈！揀咗金玡居，喜歡佢有寬濶嘅戶外座位，有太陽傘，唔怕會曬到。可以享受美食，又可以呼吸新鮮空氣。侍應招呼友善，我哋落單時，因為原本選擇嘅黑麻油松葉蟹湯麵沒有，佢哋會提議我們選擇燉雞湯麵配松板燒豬頸肉，好快解決問題！亦都好食呀！我哋仲有叫咗：溏心蛋華生豉油雞，雞肉好嫩滑，豉油烹製好味道。海鮮喇沙湯麵，有蝦，墨魚，魚蛋！蠔油生菜飲品有：水蜜桃梳打，夠解渴，仲有粒粒果肉食。檸檬冬瓜果茶，特色組合，好飲。

難得上到黎山頂，試吓有人介紹嘅呢間餐廳，一人叫咗一個麵，叫咗安格斯油撥拌蝴蝶麵，有少少辣，牛肉都幾多，上次試過麻醬味，比較之下，我個人覺得麻將醬好食啲。侍應介紹咗食金玡居拌麵，好特別，最得意係佢有個牌教你點食法，個面唔會好乾，好煙靭，食落有黑椒味，建議跟佢個牌咁食，首先先食一啖麵，之後再將溫泉蛋撈勻啲面再食，又係另一種味道，而佢啲豬頸肉真係同平時食開嘅唔同，好好味，可惜只有幾片，成個麵份量唔多。呢度冇套餐，嘢飲要單叫，叫咗金玡居奶茶，不過不失，不過山頂來講價錢都尚算可以接受。

係山頂行完山，就行返山頂廣場順便食lunch醫肚。廣場比以前都多左唔同餐廳選擇，最後揀左呢間食台灣菜嘅餐廳。餐廳都幾闊落，坐得舒服。餐廳位於旅遊區，所以睇完menu 覺得價錢定位可接受。叫左碗花雕雞湯麵 配香蔥雞肉($98)，湯底嘅係淡淡嘅花雕酒香味，麵底軟硬適中，都幾掛到湯，最後對湯都飲晒添。原本望落啲香蔥雞肉好似幾嚡身，但出奇食落肉質幾嫩，香蔥都幾香。餐廳仲有好多款特色台飲，最後都加多杯紅豆奶茶，唔錯。

一間位於山頂廣場的台灣麵店，有戶外用餐，起初以為個個坐得外面都係為咗食煙，但原來因為大部份顧客都係帶了狗狗，主人對寵物的衛生都很著重，所以大家應該坐戶外雅座去享受一下陽光。呢個menu都係有心思既，有介紹每款食品有的每一樣野。豬頸肉真心好食，配埋個麵都襯既。呢個油雞絕對精彩，完全喜出望外，個汁完全帶出雞肉味，仲要唔咸既，高質。原本我叫牛肉既，可惜剛好賣晒，甘唯有叫個撈麵試試，點知撈麵仲精彩過湯麵。等左成廿二分鐘先來既野飲🥲 其實佢地都有自助水吧，但啲杯應該要洗一洗先可以飲啊。

今日同朋友去左行山見到山頂廣場有呢間食麵 menu 岩食 又唔貴 就試下食左花雕雞湯麵超香！！我地飲晒d湯🤤而且雞既份量都好夠另外揀左 安格斯牛肉麻醬拌麵 就略嫌太膩，不過呢間d麵好好食下次有機會再去山頂 會試下第二個拌麵☺️