金田長壽司 (已結業)

今日天氣好熱唔鬼想係家中煮飯食所以去左金田食去到都唔係好夜來來去去得幾個人點左幾個餸其中一個係秋都魚秋都魚我不嬲都幾鐘意食可能佢的味比較特別坐低冇幾耐就上菜秋都魚煎得好好睇而身都有燒焦左的感覺但就係因為咁 咬落去真係好脆索索聲肉質比較硬而且有點粗糙食落去比其他魚有咬好而且酸酸地 幾開胃而且碗飯又唔錯搞到我好快就食完成條魚

中午出到來,都幾肚餓想吃日本野,附近又是金田想了很久叫了一個煮豬扒飯這裡的煮豬扒飯都不錯吉列豬扒外皮不是很滑,幾有咬口金黃色,顏色很好的,裏面肉白了點不是頂級豬肉,但對比出面的,算是中上了滑蛋洋蔥,好味,洋蔥不多,但是很夠洋蔥味飯就粒粒飽滿,很熱.沒有吃其他野了

帶朋友8點去到,好多人。服務都幾好,既有禮貌,又會添茶點了長鰻魚, 鐵板芝士豆腐, 帶子,還有生蠔鰻魚壽司好大同埋好長,第一次吃,這個味道,真是別有一番風味!鐵板芝士豆腐 個樣好靚 個塊芝士好香 味道頂呱呱,豆腐很滑豆味被芝士蓋過小小帶子都大大隻,新鮮,又脆,又彈牙!生蠔很正!鮮一個字,無野講

和兩個死黨約了3個女仔到這，3男3女^^約女仔都係去日式餐廳好,女仔LIKE本野,約去日式餐廳很容易約出來^^LIKE這裡的環境,食物都是其次燈光暗暗的,地方不是很大,不過很骨子,望落幾順眼同女仔講野都放D問女仔們有沒有來過金田,她們說沒有,正好介紹一下菜色叫了吉列生蠔,外脆內軟,松香可口,生蠔味,正甜蝦,鮮炸蝦卷,漂亮,好味,………..女孩看來很滿意

同朋友兩個人來金田食飯傾計,想唔使等位就只有早D去,就算幾早去,都係會逼,講嘅係D位好密好逼,見D嘢好味先會來的豬扒上臺啦,個fd成日話我成隻傻豬,依家叫了份吉列豬扒話給我以形補形喔,真係激死人啊!不過D豬扒都幾好味,D皮炸得好脆,連住D肉,切開都唔會散曬,加沙律醬食酸酸地,好好味我呢只‘豬’當然唔會只係叫炸豬扒啦,鰻魚壽司 壽司中我最喜歡刺身叫咗吞拿魚,有D雪味,失望雞翼、生蠔、秋刀魚都好好味.

餐廳內比較暗...幾多抵食Set要左:長壽司: 不太特別..當過下癮甘啦新特級火山卷: 驚喜,,大件夾好食..刺身: 一般水平...抵食既其他小食,烏冬同湯都唔錯,,又唔貴侍應生服務如能再好一點,,就正啦~

同學仔話要我陪她去金田食晚餐，但零用錢都用得七七八八了，最後還是屈服在同學仔的軟功下，我只點了個石頭飯，夠曬飽肚又不會太貴，最最不好的就是等的時間太久了，同學的鰻魚飯食了一半我的石頭飯才上臺，好熱差點就燙到舌頭了，也幾好味同學還叫了芝士豆腐，話是為了慰勞下我陪她喔，嘻嘻～鐵阪上的芝士豆腐發出“咋咋”聲,上面的芝士還熱到起泡泡,熱啦啦香噴噴,吃起來芝士味好重搶了豆腐的味道,有點粘牙

今晚的晚飯又係出街食，雖然同女朋友兩個人住是很自由，但到左食飯時候無人去買餸煮飯了，唯有焗住出去食啦，去金田食一個星期最少一次，對它嘅評分都OK1、餐廳環境 < 中上 > 坐得舒適，不過最旺場時就好吵雜了2、食物味道 < 上 > 今晚特別推介'七味雞翼'，好好味，食幾多都唔夠啊，大家 快去試下啦！3、服務態度 < 一般 >

鱆魚丸一碟才幾粒不抵食,味道還過得去好味過街邊賣的,不過要趁熱食燒魷魚須好彈牙,又不會太韌,燒得好香,不知道是不是太大火呢,有些位置還燒焦了,不過食起來好香,沒燒焦的就好鮮甜好嫩,好食好食甜蝦好新鮮,燒羊鞍好惹味,不滿意的是烏冬面,面好粉,湯底又清

行開尖沙咀, 想食日本野, 於是去都有幾多好評的金田試試~~~三文魚痴既我當然想食多d 有三文魚既野啦~~~~ 見到d 食評話魚生飯好味, 於是叫囉:我: 唔該魚生飯丫。嬸嬸: 無魚生飯喎。我: 咁唔該三文魚飯丫。嬸嬸: 無三文魚喎。我: ar... 咁一客花之戀丫。嬸嬸: 都無花之戀喎。我: 吓?! 唔係麻?! 嬸嬸: 三文魚來貨貴, 所以無三文魚飯, 魚生飯, 同花之戀, 因為果d 價錢貴d。我: 吓?! 咁有咩三文魚野呀? 嬸嬸: 長壽司12蚊件, 三文魚刺身42蚊4塊。果d 唔同既。我: .... 咁我地唔食啦! 果下真係火都黎, 果d 來貨貴就無, 咁即係有果d 係cheap 野啦!!! 咁分法都得?! 堂堂日本餐廳無三文魚飯, 無魚生飯, 無花之戀?! 唔係麻... 大佬, 我都係食d 雪藏最低級數的三文魚, , 又唔係活魚, 咁都無, 過份!!!!!!! 即刻起身走啦梗係!!!! 尖沙咀咁多日本野!!!!! 走果陣見到好多人訂左枱既入去, 友人仲話: 訂枱果陣唔知有無同佢地講明無咩呢??? 傻啦, d 門口/餐牌都無話無, 你估佢講唔講丫?! 永無下次去呢間野啦!!!!!

上星期一剛好是我女朋友的生日，禮物當然唔少得啦，吃飯就選擇了她好久無去的金田吃日本野，雖然等左好耐，不過都值得的，因為有她最愛的-芝士焗蠔，還點了三文魚刺身、蟹籽壽司、秋刀魚等等，差點漏了燒牛舌－太惹味了，味道比燒牛肉淡了點，有少少肥但是有咬口很特別的

來到金田看到很多人吃大大件的長壽司,我就偏不吃,來這裡吃過很多次了第一次寫食評,我鐘意食,尤其是炸野,今天吃了吉列日本生蠔,"炸"雞軟骨,還有我最like的脆香雞翼!(女孩子最怕食呢D)古銅色的脆香雞翼,表面看到有小小"濃"但無傷大雅,香味令到你不能不吃,食落去有小小脆,每一口都不能忘記,這個來吃了一次就有第二次!!

其實自己不嬲都無係 open rice 寫食評!多數上黎都係搵資料同埋睇人地有咩評價~今次因為8 吋長壽司 令到我要寫野喇!!人數就係 2 位啦!都係冒住試既心態去食! 因為第 1 次去。。去到就緊係點餐廳最出名既 8 吋長壽司!! 好似係有成 8 點 8吋!本人好鍾意食三文魚! 點左 4 客， 好味到停唔到口!!然後就點左 1 客 M9 和牛鐵板燒! $78 可以食到和牛都算抵~~~同埋都幾入味!跟住都係 三文魚刺身 三文魚手卷，花拖羅手卷手卷都幾新鮮!不過最值得賺既係用黎包住手卷既紫菜!塊紫菜脆到好似薯片咁 好有口感!!!! 唔會好似其他店咁 D 紫菜 (林) 晒!最後我地叫多 2 客小食!1 客七味雞翼~1 客汁燒豬頸肉~都幾好~~甜品就係 朱古力雪糕 2 客!!飽飽 整體上都滿意!!下次會再去!!( 唔好意思呀! 因為 D 野食好吸引!一黎到就忍唔住食左! 所以無影到相分享比大家睇!)

Went to have dinner there with my friend, we order the BBQ set plus 6 raw oysters.The BBQ set was very nice but what I want to praise is the raw oysters. They are big, fresh and without sand (yes, without sand is a credit. I went to a restaurant in Wan Chai the day before with oyster bar, guess what? they have sand in oyster and even piece of oyster shell). what the common saying that describe the taste of oyster? Tear drops of the sea. Yes, that's what today's oyster taste like. In short they

上星期去咗我老友介紹間日本餐廳「金田長壽司」試佢同我講嘅極品推介：筷子咁長嘅牡丹蝦、4隻手指咁大咚嘅北寄貝、手掌咁大嘅帶子、新鮮海膽、立魚薄切、半隻手臂咁大嘅香芒炸蝦手卷、吉列炸蠔手卷、正到飛起嘅大雄肥牛石鍋飯同埋店主推介紅豆Tarimisu綠茶包，味味大件夾抵食，最盞鬼就係好食嗰吓抵死，越多人食越抵，圍起一人兩舊水唔駛，點頂呀？