金發車仔麵

营业中

休息中

食物1.幼面，牛腩，魚皮蛟，豬皮，可樂2.油面，尤魚，蝦卷，菜心重點牛腩食唔到肉，食緊牛肥膏幼面放耐左，痴實一舊舊奄豬皮但無味油面有簡水味避唔到呢個都知，但今次係重到食唔到蝦卷好似變壞重點2串燒油煙無排氣，簡到成間鋪都油煙味，我食車仔面但變左食油煙眼見都有四五隻烏蠅本身諗住試埋串燒，但眼見d串燒就咁比d烏蠅嬲，又燒到炭咁真係88 得重點3我唔係打手如非必要都唔想出post ,我寧願自己唔食唔想阻人揾食通常會比機會翻食，如果翻食都難食先出post

整體黎講由細細個食到而家呢間野愈做愈差之前游完水細個一定會黎食12蚊3餸一面但最近去野食不再講， 點清潔程到差無可差點服務態度今非昔比！昆蟲多到無得再講可能佢地唔憂做老街坊生意只做過路客老實講， 之前我一定會幫襯呢間多過許記而家我會公正甘講許記好過呢間野除左野食方面，清潔服務都好過多多細我那天買了燒賣車仔面外賣個呀姐不知係5係不懂廣東話，叫佢不好加鼓油係要加，加完仲話加左不可換！都算！車仔面俾個點牛腩少到我以為佢只係俾腩汁我！唉！可能租金太貴！個肥大佬同肥大姐只做串燒生意！車仔面就係個把滿口內地音的女人天下！錢💰就玲但貨不對辦！希望會得以改善

今天要出西貢一趟, 在出發之前就到小時候媽媽經常帶我來的車仔麵店吃早餐車仔麵店在西貢小巴站旁, 門面不是光鮮店內的車仔麵檔附近更是到處都擺放著飲品及各用品, 食材, 感覺亂亂的先到麵檔點麵底及配餸, 亦可以自行到雪櫃取飲品然後找位置坐, 店員會把車仔麵送到及收錢今天點了碗牛腩, 脆皮腸, 水魷魚 河粉加了辣, 之前吃過都是辣醬, 而家換了辣肉醬, 但不是太辣幼河粉, 水魷很爽口, 牛腩很入味又腍雖然味道不是稱得上是出色, 但吃了這麼多年, 一來到牛池灣就會想吃一碗

我地揀左雞全翼、豬頸肉、司華力腸、雞腎、金菇卷、煙肉包蕃茄仲有最重要最重要：多春魚😍————————————————整體得分：8.5分 (10分滿分)————————————————食評：口感 8.5/10雞全翼燒得好好！外層脆得黎香😍但內層嘅雞肉仍然非常滑同重點要講嘅多春魚外皮燒到脆卜卜得黎又唔會爛晒散晒入面嘅魚春同肉都保留住超鬆軟嘅口感味道 8.5/10口味有辣有唔辣揀，想原汁原味嘅可以要求唔加沙爹！不過啲沙爹好香蒜味雞全翼唔會有雪味仲幾香雞味而且冇乜燒燶左嘅苦澀味！多春魚嘅魚香同魚春係口入面不停爆發雖然對有啲人黎講可能會重口味左啲啲不過攞黎送啤酒真係一流抵食 8/10話說，其實每次去食都冇睇價錢每次都係想食咩就攞咩然後燒完佢話幾錢就幾錢可能因為好味價錢方面其實算親民而且以宵夜黎講真係幾飽肚

久違了的車仔麵 ,從自出了社會工作後就很少有食到車仔麵加上通賬的壓力下, 廿十蚊食到兩餸的也太少了吧!在牛池灣居然有$18 的兩餸車仔麵 ,加上又唔洗等 , 食返個下午茶先於是就叫到一個麵一個飲料$28 就已經滿足了我~~兩餸車仔麵 : 油麵 , 牛肚, 大腸油麵實在是一般, 偏淋 , 無沒什麼特別咬口下次都係改食河粉先!但餸菜卻有驚喜牛肚十分淋 , 淋得黎唔會無左咬口, 同酒樓的有得揮加上用腩汁炆 , 一路食 , 果陣香味慢慢再散出黎而大腸亦洗得十分乾淨我最怕是食到那種洗得不乾淨臭臭的味道一碗有5-6大舊 , 可以話係大件夾抵食 , 中意食大腸的朋友一定要試下!如果佢有埋粉腸就正!食車仔麵加腩汁是基本吧!姐姐大大羹牛腩汁! 都佔了湯的3分2 比例十分香濃 , 都不用加醋或辣淑油來再調味, 也已經十分夠了!飲料就點了 大瓶的可樂重點是玻璃瓶的 , 我覺得比罐的更滋味!好夠氣! 大瓶的$10 小的就$8這樣的配搭也太棒了!最後給你們參考一下它的價錢下一次以再試試其他的.環境和衛生也算是不錯吧,以舊式麵檔來算更是讚!至少碗筷不是油油的,燈光也十分充足 ,金發位於彩虹地鐵站去西貢小巴站的那個

牛池灣食左許記，就試埋依間既車仔麵。 廿幾蚊四餸, 但樣樣餸都好普通, 我試左蘿蔔、生菜同牛肚，絶對唔稱得上好味。蘿蔔唔夠淋，完全唔入味；生菜就生得制；牛肚真係硬、難咬到好似香口膠咁。環境唔係太乾淨，有蟲仔飛過都算，但D衛生真係差，門外多漬水，又爛地，店內又唔多企理，令到人食得唔開心。 所以幾抵都假，衛生好重要。

平時食開另一間的車仔麵今次就試下哩間啦都叫左幾多餸下有雞全翼 兩粒大大粒的菜肉餃同埋兩塊厚的午餐肉 仲要配埋河粉未食哂就已經覺得好飽好滿足正!!又搵到另一間屋村的車仔麵唔錯!!唔錯!!雖然哩間的餸比較飽肚d但價錢就貴少少～不過都可以接受的!!!!

On my previous visit, the noodles were great so came back again.The previous review was postive, but this one is negative because the taste is not consistent.★☆★☆★☆★☆★☆★☆★☆★☆★☆★☆★☆★Instant noodles with ox tripe and Chinese radish:This time the broth was bland and watery and the aniseed was too strong.The ox tripes were not as soft as before and it was not braised long enough because it was not as tasty as my previous visit.★☆★☆★☆★☆★☆★☆★☆★☆★☆★☆★☆★Fish shaomai:As I was still hungry I ordered some

This noodle joint is great but the location is only beneficial to the people who live or work there.The noodles are CHEAP, it only costs $18 for a bowl of noodles and two items of your choice.I was tempted to try their pumpkin sago too.On my first visit, I had instant noodles with fried chicken cutlet and braised beef.In the summer you are probably going to get food poisoning because they do not heat up the pre-fried chicken cutlet which is just put in that bowl with the hot soup poured over it,

坪石邨已經有超過40年樓齡, 牆身及結構已老化, 但唔知點解仲要黎過活化.... 但附近配套除了附近有個地鐵站及一個牛池灣街市外, 就沒有什麼特別, 沒有商埸, 食肆就更係寥寥可數, 這活化變得有意思嗎??? 亦可能這原因, 造就街市後面一行的食店帶來不少生意, 除了附近屋邨外, 還有學校及西貢經彩虹轉站的人們. 金發車仔麵係一間我經常幫襯的食店, 因為價錢實惠, 車仔麵料都算多, 魚蛋, 牛腩, 甜酸齋, 魷魚, 螺肉, 炸魚皮, 翼尖...... 除此之外, 還有腸粉, 燒賣, 牛肉, 糖水等, 夜晚仲有平到暈的串燒食, 真係應有盡有, 所以都頗深受學生, 後生仔女及一些係斧山道泳池玩完的游客青睞!油麵係算我車仔麵常選的, 因為麵質夠粗及夠彈性.  而紅腸, 生菜及韮菜餃都係我"賣飛弗", 加埋腩汁同辣就梗係必然之事. 簡簡單單, 廿幾元大大碗真係抵食又飽肚!另一最愛就係這裡的腸粉燒賣加牛肉球, 雖然價錢特別平, 好似腸粉$7.00有 4條, 豬油做底, 再加上呢度麻醬同甜醬撈得唔錯, 再配上彈牙燒賣同牛肉, 又係一個唔錯的口痕下午茶之選!!!

This joint has been here for at least ten years, I used to dine here for noodles which were delicious but I never wrote about them.I once forgot to pay because you pay when you leave so when I remembered on the bus I got off the bus and ran back to pay and they were quite surprised and said I could have come back another day to pay.This joint is run by a few ladies who have been there for years.At the front of the joint hey have a grill that grills all sorts of snacks so I ordered two chicken sk

彩虹食店少，所以夜晚9點之後想食嘢嘅選擇真係好少。呢間賣車仔麵嘅小店，佢啲車仔麵我食過三四次都係覺得好麻麻，吸引唔到我再食，不過佢店外所賣嘅串燒算ok,我每次都淨係外賣佢嘅串燒，大概五十幾蚊，有7-9串，平均$7／8一串，因為我去買嘅時候通常都有幾個人等緊,所以我都無問價錢就拎埋一二邊等。雖然佢會問你要唔要辣，可能我食得辣嘅關係，佢啲辣，我感覺唔到。串燒部份，之前個啊姐話夜晚至賣的，到凌晨一點。我試過：「腎、豬頸肉、牛肉、雞全翼、煙肉腸仔、普通廚師腸、雞肉」

序小弟都幫襯左呢間車仔麵都有起碼 10 年咁耐, 以前係叫做「富安記」,主要係賣零食乾貨同車仔麵熟食, 當時仲係由肥仔哥哥同肥妹姐姐自己煮麵,好有港式街邊風味... 但係咁多年過後, 好多野已經今非昔比, 越做越唔好。服務先講服務, 由大約 2003 / 2004 年開始聘請 d 新移民幫手, 服務開始越做越差...我都唔係想歧視佢地, 但係事實的確因為佢地既加入, 服務比以前差左好多 !要多辣汁就比面色你睇, 話左要兩匙辣汁之後,就起勢問你:「要兩匙啊? 要兩匙啊? 一匙唔夠咩?」d 辣汁同以前浸味唔同左冇咁辣要你比多一匙都算, 家下 d 眼神一 d 都唔友善...以前就係因為肥仔同肥妹捨得落料同汁所以先一直 keep 住幫襯咋 !而家係咪真係要比班新移民既服務態度搞禍先開心? 咁多年既印象就比佢地毀於一旦 !環境以前舖位最先係響而家既醫務所個位, 通常係外賣多又或者係響舖頭出面開幾張枱比你食...冬天或者冇咁熱, 我都會選擇響佢度食... 大概係 2003 年沙士之後,未知係咪因為環境衛生問題就響仟億茶餐廳隔離開左間室內舖頭,雖然夏天會開冷氣, 但係涼唔涼就見仁見智啦...不過今晚

星期一晚10時多上完堂餓到快要暈低, 經過彩虹想起了小巴站外的車仔麵擋…外面香噴噴的串燒。 串燒種類凡多, 肉食的我立即點了4串! 它們分別是煙肉番茄 (1串4大粒), 雞肉, 墨魚餅 (1串4大塊)及豬頸肉。 即叫即加上醬油, 辣醬及沙嗲醬燒熱。無論是醬汁的份量及串燒的份量都極為慷慨. 個人經驗, 建議不要拿上車吃, 否則會十分狼狽, 因為大口大口的撕開雞肉及豬頸肉時一不小心很容易會醬汁橫飛, 濺到其他乘客就不是太好了。 燒好了, 老闆說:「24蚊.」24蚊?! 不是吧, 在李＋Ｘ都說通帳的情況下6蚊吃一串魚蛋分分鐘都有點勉強。6元一串大件juicy夾好吃的街坊價串燒實在比未知能否拿得到的6000元更令人覺得窩心。

夜晚同朋友一行5人黎牛池灣村搵野食經過呢間車仔麵見到好似都幾平幾抵食$ 16 三個餸+麵佢係要出去門口既位置落ORDER即整即比錢的叫野食個陣, 個阿姐好似你有你落ORDER 佢有佢幫你落料明明冇出聲諗緊叫咩食, 佢可以自把自為幫你選埋, 認真西利D料放係個櫃面, 放到凍曬乾曬, 佢可以大大聲話O岩O岩先整出黎....我都算數啦~ 咁平仲想點??之後食食下麵, 個朋友夾左D野係台面..我當場想反胃..成隻烏蠅係入面.. 經過今次呢間車仔麵永遠列入黑名單