金翠餐廳 (已搬遷) 新店位置

星期日與老公去食午餐。其實早半年前去過食晚餐据扒食牛扒都正常不差的。但今次又要令我嬲到再次寫食評，希望大家唔好中伏。今次普通中午時間去食午餐，叫左個洋蔥汁焗豬扒飯同黑椒牛扒飯。基本上一點難度都無的午餐。但竟然去牛扒是熟到鞋而且半塊有根😖😖😭，塊豬扒成塊係梅到好似食緊糕點咁。完全食唔到落口。很差。希望大家唔好去！做扒做到咁！仲要係遊客區！簡直影衰香港😡😡🤬🤬

味道食標準的好，我叫美國18xx肉眼朳，加配意粉。食材本身就好，5成熟，肉味鮮濃香。意粉係兒時食個款，用茄膏醬及茄汁混出來的意粉，個底有少少橙色油走出來個隻味。裝修走懷舊港式路線，簡單且有風味，多用霓虹燈裝飾。全餐有餐湯餐包餐飲，我叫左最貴的朳餐連加配意粉，餐廳免加上，合共250元，我覺得水準定價都物有所值。

呢間餐廳嘅午市套餐真係好抵食，$49有湯有包有凍飲仲可以點。個包真係一個餐包而唔係求其比一片方包你，仲要連一舊牛油而唔係佢幫你搽一浸薄薄的，個餐包仲要係熱嘅。餐湯紅或白二選一，連白湯都有湯渣呢啲真係叫有料到。叫黑椒牛扒一個食飯一個食意粉，件牛扒話好好食就講你都唔好信啦，不過以$49黎講質素算唔錯，飯就正常啦，意粉就濕咗少少，不過都接受到嘅。呢個午餐如果唔叫凍飲先至係$48，叫凍飲先至加$1，真係性價比極高嘅一餐。

前金鳳廚師主理，但是扒餐其實沒有什麼技巧可言，不過勝在份量大分，蒜蓉汁、燒汁和黑椒汁都好味，只是薯菜分量少，薯條得三四條。我們叫了三款牛扒：西冷牛扒安格斯西冷牛扒巨型t骨牛扒牛扒都配合到我們所需要的熟度，西冷牛扒和安格斯西冷牛扒肉質好味，但巨型t骨牛扒多脂肪多筋難切，味道一般，不值得推介。

附近街坊久唔久嚟食，今日晏晝幫屋企人買外賣，俾完錢個阿姐喝我「企出去等！」我心諗咩事呀咁惡但都照企出去等，但真係等咗幾耐，出面又無瓦遮頭太陽直曬落頭頂，入門口望吓個外賣已經包緊，諗住企響門口邊位等無咁曬，個阿姐一見到我問我咩事，我指指袋外賣答佢等緊個外賣呀，跟住佢又大嗌「企返出去！」唔講以為我個外賣唔駛俾錢，呢啲態度唔會再嚟啦，又唔係真係好好食，附近都有好多好好嘅選擇，唔駛俾錢仲要受埋啲無謂氣，係黑仔先入嚟買幫襯。

陪朋友去屋企拎野再出去，經過金翠餐廳，餐廳有banner寫住係金鳳班底，我以前有食過金鳳餐廳，而且當時金鳳餐廳門口需要排隊，而金翠餐廳不用排隊直接有位可以進入，朋友很肚餓，所以直接選擇了金翠餐廳。入座後，侍應直接讓我們選擇餐湯，然後才看餐牌，有不同部位的牛扒、豬扒、雞扒&雜扒餐可以選擇，我當時不太肚餓，所以想選擇兒童餐，但侍應表示要7歲以下才可以選擇🥲我就選擇西冷，七成熟，食落感覺有少少un，但平時七成熟沒這個感覺。侍應一直站在附近，唔知睇電視定等我食完收碟，令我不自在，食完馬上收走，比我感覺食完就快d走😅

羊肉嘅質感比之前食係差咗，有啲咸，但係羊膝大大舊，兩個女仔食都飽。作為一個羊肉愛好者，超好食就一定唔係，但百幾蚊滿口羊肉就係爽。地點方便、衛生可以改善、坐落都幾闊落。總言之，呢度食既係港式情懷呀！

下午茶餐平均💰20-32包一杯飲品❌不需加一服務費真的超級平！！！在門外經過看到餐牌，原本不打算食下午茶的，但那麼便宜，一定要進去坐一坐吧！哈哈！經典茶記西多士💰24夾著花生醬的西多士是我的至愛，雖然在家也可以自己整，但又要買麵包，又要開火，不如來這裡吃吧！不用煩！這裡的西多士十分出色，金黃的外表，內裡甜絲絲的，正呀😋😋😋吉列豬扒配薯條💰25一大塊吉列豬扒，非常鬆脆，豬扒和薯條都是新鮮即炸，我覺得這個價錢真的抵到爛🤣🤣記住…仲包飲品架！！！

有人話好耐無鋸扒，仲提議試下外賣，心諗鐵板扒點可能外賣呢？點知開餐見到塊扒真係有啲驚喜，估唔到外賣不比堂食差，只係差塊鐵板同氣氛。🍴巨型T骨牛扒(5成熟) $158⭐️⭐️套餐跟足有餐包、餐湯、主菜同薯菜，牛扒底仲有波浪粗薯條，食晒成個餐真係會幾飽，T骨扒5成熟非常對辦，size大到迫爆外賣盒，但牛味則遜色一點🍴蘇格蘭肉眼(5成熟) $126⭐️⭐️⭐️⭐️相比T骨扒，肉眼牛味比較濃，肉質亦比較軟熟，5成熟同樣到位，建議燒汁唔好加蒜蓉，避免生蒜搶晒牛味🍴芝士焗西蘭花 $45⭐️西蘭花烚得太耐，大多都變黃咗，而芝士未免太小，只得眼見燶位係芝士，而西蘭花底又成盤水浸住，無水準之作🍴芝士蝦球 $32⭐️⭐️呢個小食都係好一般，無蝦味芝士又唔香濃，可以不試二人共消費：$217

鐵板牛柳 💰98熱騰騰甜餐包加牛油忌廉或羅宋湯(暖在心頭)巨型鐵板牛柳5成熟，真心好吃，超香超嫩超多汁，加上燒汁，配上薯菜，好正！😋😋😋最後送上咖啡或茶☕️🍵

一早要出門口，諗住返工前食個早餐，記得以前食過呢間牛扒ok（不過都好耐之前，唔知而家點）諗住去食早餐本身經過另外兩間都冇去，下次都係試下附近第二間😢😢出餐速度好快，但一食一啖，牛奶麥皮勁稀，一啲都唔覺得有牛奶☹️☹️阿華田又係勁淡😫😫😫😩😩😩唯一好少少係雞蛋三文治，入面有牛油但一朝早都唔少人，睇嚟留得住班客嘅係啲姐姐友善嘅服務態度同老街坊情懷唔想嘥嘢都冇辦法，麥皮食咗幾啖就冇食咁就$28，唔係貴，只係淨要個三文治餐好過本身影咗相，但張相唔見咗🙈🙈 份量ok嘅，麥皮幾大碗，只係唔好食都冇用😝

事緣今日小弟放假想同母親食一餐好，之前母親講有個youtuber講呢間餐廳d扒幾好食，仲話係金鳳班低，所以就同母親入去試試小弟同母親入到餐廳坐都未坐定侍應就問你要咩湯，食咩，好似趕唔切叫你快叫嘢食，都唔緊要，因為同屋企人去食嘢都為求開心最終叫左一個羅宋湯，一個忌廉湯：羅宋湯有如糖水一樣，但忌廉湯就真的不錯飲完湯後小弟我就叫左個肉眼扒5成熟，而母親就叫左個西冷牛扒5成熟、途中不斷催我地叫餐飲，大佬丫扒都未食我唔想叫餐飲丫！過黎就知道出事啦，伏到一個點！西冷牛扒同肉眼扒過到黎真係韌到一個點，d筋多到食唔到，大佬丫，我叫係西冷牛扒同肉眼扒，我唔係叫牛筋扒丫之後叫個類似事頭婆（門口收銀同侍應）傾同佢講西冷牛扒點解會咁多筋，但果個事頭婆講左一句，西冷係食佢既筋架啦，如果你覺得多筋就唔好食西冷，食肉眼！之後我地同佢講出面食西冷唔會有咁多筋，而係d筋多到差不多成塊扒都食唔到，佢就用好睇唔起我地既眼神去講，你食果d唔靚既扒咪無筋囉，叫西冷牛扒d客都係為左食佢條筋先叫！你食唔到係你既問題！我即時都唔想同佢嘈，第一我係想同你講有咁既事叫你留意下，第二我無要求你換過第二塊比我地，第三你唔想做我生意早講，難為

金翠餐廳 扒房 香港百大熱點美食 西冷 牛扒 雜扒 牛柳 T骨 味佳量大,非常好食！大大隻字講明自己係金鳳班底!即係食扒有保証?!鐵板牛扒 $98 點5成熟半熟半生,剛剛好,食到肉味又夠軟嫩!西冷超大塊,自己買都唔得...!連湯連餐飲 餐包一個!五成熟剛好,牛扒超大件!鐵板燒到火紅放上蔬菜與薯條墊底可選燒汁或黑椒汁 個包好大個又軟熟～讚！仲有紅或白湯選擇!有時簡單食個牛扒唔洗100蚊真係已經好難得!成本太高!店家仲要免加一服務費!金翠餐廳地址： 太子荔枝角道68號評分7/10平均消費$100

今日下午出開太子買野，行下行下有些肚餓，望見一間門面不是太靚，但見個餐牌上的下午茶餐好抵，那心想不妨入去一試啦！入到去原來都有不少街坊幫襯的，見到食客和侍應大家有傾有講。我坐下叫了個西多士餐$24，這裡原來可以選擇花生醬或咖吔醬夾中間的，我今次試了咖吔醬，西多士食落不油，如不喜歡太甜的，其實不落糖漿，D咖吔都有淡淡的甜味。再叫多了一個茶餐$34,餐有火腿奄列配牛油方飽，沙爹牛肉麵，塊方飽很軟熟，但個奄列就奇怪少少，火腿居然是整塊包在蛋內，不似一般的奄列切碎再混入蛋內炒，個沙爹牛肉麵個沙爹都夠味，牛肉冧好入味。如食野環境要求不高的，行開這裡可一試，真的好抵食！

話說原本係專登由港島搭車去太子既金鳳餐廳食港式据扒，一行三人大概晚上7點鐘到達嘅時候，門口已企左差唔多有10幾人，入去店內發覺要等最少16張台。由於天氣已經好炎熱，我地唔想等，於是我地就行附近嘅金翠餐廳諗住都係据扒冇乜所謂。入到去環境幽暗，裝潢就冇乜，座位都算幾迫夾。整體環境感覺真係好一般。打開餐牌， 牛羊豬雞魚類既港扒餐應有盡有。我媽媽決定叫鴛鴦扒餐，我先生叫左鐵板牛柳，而我自己就叫咗羊後膝(腿)扒餐。每個餐都會跟紅/白湯同埋餐包，仲包一杯野飲，正常餐室會有嘅嘢。冇乜期望之下，我個羊後膝餐一嚟已經發覺超大堆頭，目測好似俾兩個人食。佢有燒汁或者黑椒汁揀搭配。當我食第一啖時真係驚為天人，個羊腿D肉質嫩到不得了。我即刻俾我媽媽同埋我先生試，佢地都覺得好出色，好少可咁大份量之餘仲要煮得咁好味，真係好有驚喜！無唸過看落普通平凡既食店会有咁既質數，1百蚊多D個餐唔洗加一，真係好高CP值。而我媽媽既鴛鴦扒餐都唔錯，個豬扒煎得啱啱好，保持到肉質嫩不会鞋口。我先生個牛柳肉厚多汁，質數在花園餐廳那種之上。無諗過誤打誤撞下食左呢餐CP值咁高既港式扒房。奇怪open rice佢有勁多負評。可能每個人既口味準