金色不如帰

营业中

休息中

今日有幸目擊金色不如帰在south side 開張及剪綵儀式，金色不如婦靈魂人物山本先生(左⼀)親自坐鎮金色不如帰採用開放式廚房，客人可以近距離目擊一碗拉麵的誕生。座位闊度，沒有壓迫感。室內裝修柔和為主，樓底非常高，舖頭內光明亮。餐前小食我地叫左涼拌黑松露甲紋墨魚，墨魚爽脆，煮得啱啱好，黑松露完全冇冚過墨魚本身嘅味道，強烈推介。另一款小食我哋試咗豚肉煎餃，外皮薄，餡多汁。嚟到梗係要試米芝蓮一星嘅拉麵。今日係第一日開張，現場有山本先生親自下廚嘅貝汁醬油拉麵試食。米芝蓮一星好評，貝汁醬油拉麵，味道平衡得非常好，必食！因為試左貝汁醬油拉麵，所以今次另外叫貝汁鹽味拉麵。味道令人眼前一亮，先飲一啖未加黑松露嘅湯，味道濃郁，飲完一陣之後，冇好鹹好油嘅感覺，慢慢生出一浸淡淡嘅海鮮味。加入咗黑松露之後成個湯又昇華到去另一個層次。一碗拉麵兩種享受！另一份我哋試咗個季節限定，天婦羅盛合冷麥麵，天婦羅脆薄但不油膩，特別炸蠔，鮮甜。面爽口，汁由山本先生親手調配，味道有水果香味真係值得去⼀試再試。

拉麵係幾好天婦羅好一般，份量好少又貴職員態度有待改善收錢一句嘢都無講淨係指住部卡機叫我比錢基本嘢多謝晒下次見都無斟水又唔問人使唔使加水淨係用手勢下次唔會再去

早几日经过见到有间新野开左原来特式拉麵店本人好喜歡食拉麵，盐味拉麵淡得来汤底ok虽然叉燒比較薄身但饺子挽回分数服務贴身环周圍環境坐位阔络所以系算有质素拉麵店可以值得再来下次可以试下其他拉麵，豆腐好似好好味甘

工作原因去左黃竹坑做野,之前聽講呢邊都無咩特別野好食，咁行行下見佢有個新開商場咪入去睇下有咩野好食囉，本身見佢有間好似茶餐廳諗住試下點知勁多人排隊，放棄左行行下見到有間食拉麵就入左去試下，入到去店員就上了杯水給我，開頭自己本身點了一份餃子還有拉麵，後生男經理好好人提醒我原來是有套餐加埋飲品連加一185可以接受自己本身鍾意食辣叫左辛豚骨拉麵湯底不錯不會太鹹麵軟硬適中，唯一不足就是份量，最慘係無替玉如果有就會更好

上星期五同朋友行經南岸商場，朋友話想食拉麵就去左金色不如歸，一入去到同朋友經理就好耐心咁介紹餐牌經過佢介紹我地就叫左一個拌麫set,一個天婦羅冷麫到上餐時經理又詳細介紹食法態度友善值得一讚

湯底得個鹹字！麵又無口感！仲衰過我自己屋企煮個公仔麵！員工態度又差，話會處理既事轉頭就當無左件事，做唔做到都完全無交代！拉麵舖周圍都係，求其食一間質素都好過呢間！！！！！！！！！！！！！！！！！！！！！！！！！！！！！！

點了一個拉麪，問店員經理有沒有雪糕？ 他答我沒有雪糕，因為之前我見其他客人叫了雪糕，（當時以為我聽錯），到埋單前，再詢問店員經理，他答我以為我是叫單點，如果叫套餐是有的，我即時答他叫單點同有沒有雪糕有分別嗎？下次不會再幫襯。

之前喺其他商場行街嘅時候都見到呢間拉麵舖但係就覺得冇乜特別，所以就冇試過咁啱開咗喺公司附近同事食過話好食，所以今日就決定lunch time自己偷偷一個人去咗食咁啱佢有個係呢間分店限定嘅冷麵配天婦羅套餐但係同一時間lunch time又有lunch Menu 十五十六咗好耐決定都係食咗lunch Menu先Lunch Menu包括有前菜主食同埋一杯嘢飲前菜揀咗松露魷魚沙律菜有少少松露醬喺面 略嫌沙律有啲細份 真係當開胃菜咁食食完個前菜冇耐主菜拌麵就上場啦第一次試日式嘅拌麵 覺得同台式有啲相似平時如果食拉麵正常都可以食得晒一碗但係可能因為天氣太熱同埋啲醬同埋隻蛋嘅問題，有啲太漏最後尾都係食唔晒 下次再嚟試吓佢個分店限定我諗夏天應該會好啱

貝汁鹽味拉麵（$128）湯底由三款湯（蜆湯、豬骨清湯、魚清湯）混合而成，鹽味唔重，湯清唔算太油膩（因為加咗白松露油），味道可以；肉有兩款，低溫叉燒及三層肉各一片，叉燒未算好軟腍，三層肉少少彈牙，兩款嘅肉質及肉味普通；配料有京蔥、煙肉碎、香草、牛肝菌醬；最後麵嘞，有少少失望，幼身白麵，稍稍偏淋身及糊口，沒有彈性及咬口。貝汁醬油拉麵（$128）湯底同樣由三款湯混合而成，有醬油味，同樣湯清算太油膩（因為加咗牛肝菌油及牛肝菌粉），味道OK；肉同樣有低溫叉燒及三層肉各一片；配料有京蔥、煙肉碎、青蔥、黑松露醬；幼身白麵一樣偏軟淋。另加三層肉三片（$18）分開小碟上，室溫，要浸入碗拉麵嘅湯熱番先食。整體用餐是滿意的，服務不錯，但以食品質素及價格來說，CP值低，試一次就可以了。

🍜🇯🇵🥢拌麵套餐▫️可單點/套餐，以下拌麵套餐$128✅黑醬油叉燒雞肉拌麵上枱好靚，材料排得好整齊，中間有一隻溫泉蛋，旁邊有叉燒粒、紫菜絲、雞肉碎、天婦羅碎、蔥花。麵條係較粗嘅麵條，而個汁份量味道剛好，麵條彈牙掛汁，撈埋一齊都幾好食。✅自家製豚肉煎餃估唔到跟午市套餐嘅煎餃一份都有五隻，剛煎香，個皮仲脆同埋熱辣辣，除咗有豚肉入面仲有唔少蔬菜，口感味道都唔錯。🆗熱檸生薑蜜估唔到除咗可樂同埋烏龍茶，竟然有養生嘅飲品，咁梗係要試吓，唔算太濃薑味，但都幾暖胃。

最近看到這間拉麵店新開，那天還剛好有剪綵儀式。原來有這個商場限定的款式，就一定要試下！那天創辦人也在呢，看到整個煮麵的過程。小食發光魷魚超級惹味！份量都好多，鮮嫩有咬口呀！天婦羅盛合冷麥麵係新店限定，凍昆布清湯好清新，麵條好爽口。天婦羅外脆內軟，口感十足。除了天婦羅，仲可以將冷麥麵放入用雞湯同魚湯製成既沾麵裡泡湯或者加柚子汁都得，多款食法選擇。另一款是牛肝菌醬油雞湯拉麵，是暑假限定推出既拉麵。裡面有慢煮雞肉同鴨肝，湯底超級濃郁呀。總括而言，我還是第一次吃這家拉麵，有新款式的確有新鮮感！

週末11點30半未開門先排隊，首輪入座。店舖半開放式，感覺與商場共用空調。座位大部份2至4人卡座，也有1至2人 high chair圓枱座。服務員準備安排入座，奉送有檸檬味室溫水一杯。memu菜款不多，點了主打貝汁醬油拉麵。上菜速度快。枱上有主打面食食材解說，有享受主打面食時攻略。感受温度，香氣，及味道。真的感覺有層次感。湯頭不是死咸，有貝蜆的甜香，醬油及黑松露有提鮮。碗有少量青蔥及蔥白絲，配合清新減油膩感。共有二片叉燒，一片薄薄三分肥肉不油膩。另一片慢煮，有豬蘇味。本人可以接受，但不討好。面質是幼面不過熟亦不是Q彈那種。食完口乾，要多飲水。總括：可以一試。無特別服務，收加一服務費。

自從the southside開咗之後，喺黃竹坑返工嘅我食飯終於都多咗好多選擇！一入門口就俾「金色不如帰」大大個招牌吸引住，餐廳係東京米芝蓮一星推介，之前都有喺其他分店食過佢地嘅招牌貝汁拉麵，印象唔錯。今次黎到黃竹坑分店，店員推介我地食天婦羅盛合冷麥麵，話係the southside新店限定，由創辦人兼米芝蓮星級總廚山本敦之先生親自研發（題外話當日山本先生都到咗現場親自督導，仲要煮埋俾你，咁難得冇理由唔試試佢）。個冷麥麵set $126算幾大份，仲包埋小食。小食有3款揀，我揀咗佢地自家製嘅豚肉煎餃，每隻餃子都漲卜卜，食完5隻都飽咗一半。天婦羅盛合就包括海老、牡蠣、秋葵同茄子。冷麥麵跟咗兩款醬汁俾你，有沾麵汁同冷麵汁，俾你可以有兩款食法。沾麵汁以慢火燉煮7小時嘅濃厚雞湯同天然材料浸泡嘅魚湯製作而成，酸酸地幾開胃；而冷麵汁就係清爽嘅凍昆布清湯，消暑一流。

要講響呢度食嘅歷史，應該由好耐之前響呢度食第一餐蠔汁拉麵開始講。有人會話呢個價錢嘅拉麵好似小貴，我個人認為食嘢完全係豐儉由人，我自己耐唔耐都想比自己me time, 所以我覺得okay。今次佢哋有新嘅Menu就係蕎麥冷麵配天婦羅。佢嘅份量絕對對得起呢個價錢，因為我嗰日係食一個冷麵set加一杯嘢飲，再加一個小食，基本上個墨魚食唔晒。其實我有啲懷念尖沙咀分店有和牛定食嘅時候嘅餐，但the southside呢間branch個冷麵都幾有水準- 蕎麥麵嘅質地，絕對唔係大家想像響超級市場買嗰啲，冇嗰種食落去嚡嚡哋嘅感覺，加天婦羅再加埋個蠔汁柚子base嘅汁非常好。個人認為，如果小食有多點解膩既品種會更好，我好期待佢地出有蠔汁成份既小食（因為佢地主打係蠔汁）。

黃竹坑新商場嘅米芝蓮一星嘅拉麵店，特登去試下🙌🏻我叫咗貝汁醬油拉麵（HKD 128）🍜，入口感受到濃郁嘅牛肝菌同黑松露香氣，青蔥同京蔥仲增添咗清爽嘅層次。叉燒肥瘦適中，配埋小麥麵條，口感十足。餐廳座位寬敞，服務殷勤有禮，係一個適合一人或者多人聚餐嘅好地方。👍🏻不過，價格比較高，份量同味道未達到我嘅預期，平時食得唔多嘅我都覺得唔夠份量，感覺唔值呢個價錢。另外，湯底對我嚟講太鹹，牛肝菌嘅味道同其他食材唔太夾，有啲出戲。配菜例如糖心蛋表現普通，冇特別驚喜。叉燒可以多一塊會更好😋