金菠蘿 (已結業)

鮮有機會一家大細去到鴨脷洲大街午餐便遇到一間劣店。正午時間多間店鋪滿座，開頭眼店面光鮮，內有有吉位，再加上有之前的正食評便決定入內一試，但坐低後已發覺唔對路，廚房如冇掩雞籠，滿地垃圾已不在話下，餐桌要自行清理，向餐店職員反映反而遭受不禮貌對待。都算，可能因為有小孩人，加上叫得唔夠多野食，被店員白眼，上菜後更被不禮貌對待，引發爭吵，跟自言是一間沒有服務的小店，不吃的話可以轉頭就走，態度囂張，甚至要傍邊食客調停。食物品質一般，勉強可算有鑊氣，但唔想受氣就千祈唔好幫襯，就算有數則好食評也絕不回頭，也不推介。

今日中午好有閑情逸致，去咗呢個鴨脷洲大街食lunch，成條街都好多餐廳，睇黎有排有得試啦！😇今次去咗呢間金菠蘿🍍，平時都幾多人㗎，咁啱我哋去嘅時候人唔多，餐廳入邊就冇乜裝修可言㗎啦，但係勝在服務貼心，老街坊情懷咁囉！🧑🏻‍🌾叫咗個冬蔭公肥牛金菇米線，雖然個樣睇落一般，但係其實都幾好食㗎，肥牛足料，冬陰功又好飲，而且米線份量都夠，成個餐都係$60咋！🎉另外朋友叫咗花膠嗰款湯飯，佢哋都非常之鍾意呀，啱晒鍾意美肌嘅女士。👩🏻

🐔花膠花雕醉香雞泡飯 ($60)———————————————————————- 份量正常，有花膠、切雞粒、生菜、金菇、豆腐，養生之選，多啲飯就更好。- 酒香好濃，花膠都有幾塊，咁嘅價錢算足料。- 雞湯清甜，飲落冇味精，真材實料。- 切雞粒幾多，但可能浸咗湯嘅原故，感覺啲雞係白烚完再加入，冇咩味道同唔夠嫰滑。

開咗接近廿年嘅餐廳，廳面有少少殘舊，但老闆娘應該好愛乾淨，見過佢不停做清潔抺餐牌。食過晒金菠蘿啲菜式，全部都好味道，特別鐘意椒鹽系列，椒鹽香酥骨真係食唔停口。另外招牌泡飯都好好味！有魚湯，冬陰公，麻辣酸菜，仲有最出名嘅要花膠花彫醉香雞泡飯，一個字正！晚餐方面，有鮮奶滑蛋炒蝦仁、椒鹽魷魚、沙蔥粉絲雞球煲，都係我至愛呀！仲有汁燒鱈魚扒，雖然貴少少，但超好味都值得食！鐘意酸甜嘅，就有咕嚕肉同埋鎮江香醋骨，香到不得了！

大街食guide大街自從有地鐵利東站後，就成為左一條有好多特色食店既食街所以勞蘇食都特意開左個系列去食盡小店金菠蘿個名好泰菜，但其實係港式小店，真係小到得十幾個位，家庭式經營，餐牌主力都係港式小菜炒粉麵米線同泡飯鎖定目標：泡飯花膠花雕醉香雞泡飯，個名都吸引，賣相有啲普通，先試湯底，驚喜黎喇雖然好大碗但花雕香好濃，雞味都好濃好正真係有好幾舊花膠係入面，真材實料飲多幾啖仲覺得有啲鮮甜添雞肉以粒既形式上，更多同湯溝埋一齊又無咁易覺得實幾滑既，而最正係keep到有酒香好多時醉雞就係食食下無左酒香飯正常，整體非常好味另一個係：冬蔭功肥牛金菇泡飯賣相會令你覺得唔太冬蔭功因為無乜紅/橙色，有啲似沙爹湯，試一試個湯原來無色都可以咁濃味配料加左翠玉瓜粒、金菇、豆腐，配埋個正既湯底幾惹味胃口唔好時依個泡飯都幾開胃同易入口野飲就都係水吧野啦，正正常常最驚喜嘅絶對係個湯底，店小但真材實料，無味精食完唔頸渴唔係平但性價比高抵佢食飯時間咁多人排隊既#繁忙時間都無迫我搭枱或者坐好迫好感動#完全無人叫泡飯所以可能其他野仲好食

剛剛食完飯路經此地，個仔打電話嚟話未食飯，路經鴨脷洲大街一間叫金菠蘿，炒了一個菠蘿炒飯，味道不錯，雖然只是一個外賣炒飯，炒得也非常好，有機會也想再來試試其他的菜色！👍👍👍👍

此小店在利東站出口對面，好易搵，一出地鐵口就會見到。附近為住宅區，沒有市區般多人及熱閙，感覺較寧靜。下午兩點幾來到，原來3點落場，好在店員無拒諸門外，照樣歡迎入座幫襯。餐廳內座位不多，大約二十人，沒有豪華裝修，小店的格局，牆上有電視節目的截圖，原來上過電視介紹了。午餐有泡飯及米線選擇，叫了冬蔭功豬頸肉泡飯。等左一陣，泡飯熱辣辣上到。即試冬蔭功湯底，唔太辣，酸味剛剛好，好易接受的泰式冬蔭功味道，估唔到用來做泡飯湯底咁夾，很快便吃完成碗飯。豬頸肉似即煎，好香有咬口，幾新鮮下，成個組合幾好味。不錯的小店。

前幾日同媽媽一齊想食下午茶，見好耐無食過金菠蘿，所以就落左大街食，估五到個下午茶又幾好食喎蕃茄雞翼河 個雞翼煎得幾好，個湯底都好多蕃茄，所以湯底都好濃夠飽重點推薦：鹽酥雞扒飯個汁好多，較得好好雞扒鬆化，五會炸得太老送飯一流加埋個檸樂真係無得頂價錢: $80左右

今日下午在下和爸爸在鴨脷洲打完波，忽然感到肚餓，又想係附近食午餐，而唔想食 M記，所以上 Open Rice尋食。 Search到不遠附近有間叫「金菠蘿」嘅舖，在下記得 TVB節目《街坊廚神食四方》，中上過電視，所以就去請教請教了。 店內算闊，在下和爸爸一必低，一個服務負很有禮貌地給了我們兩杯水。在下叫了個 乾炒什菜牛肉河，而在下的爸爸就叫了個 韓式牛肉飯。等了約 10分鐘，食物來了。我先嚐了嚐河粉，它獲氣很大！而且很彈牙！ 再嚐芽菜，它無比的爽！其他蔬菜也很 Match.牛肉也很多，大大片，真的很便宜。只是 HK$48.絕對物有所值！ Y(＾_＾)Y 而韓式牛肉飯(HK$46)，爸爸說OK啦。 建議大家也來試！！

大街中有很多食肆，但這天不是全都開業。在街上走著，疲累了，經過看到此店環境挺舒適，茶餐選擇亦多，於是試試。內裏裝潢像港式西餐，但食品選擇多樣化，有港式、東南亞、台灣。與朋友分別要了粟米斑腩飯配凍檸茶及紫菜豬扒湯烏冬及凍菜蜜。飲品很快便來到了，夠味，甜度恰當，清涼解渴。粟米斑腩飯汁料豐富，夠濃，同時班腩及飯的新鮮度達標，亦煮得軟，但班腩雖是炸，但上菜時已被汁料弄軟。而紫菜豬扒湯烏冬味道也不錯：湯底像是骨湯，夠濃亦好味，而紫菜煮得軟，好吃。至於豬扒，夠大塊，不韌，但有點「諧」口，但仍是合標準，可接受的。烏冬如可煮得更軟就好。

今日同朋友下午黎左呢度食泡飯:花膠豆腐肉碎泡飯 $48 - 我朋友話個湯底都幾好味, 有兩舊花膠, 都好多豆腐、鮮菇、翠瓜。望落都幾多料, 份量食完一碗就好飽。翠瓜蠔仔泡飯 $35 - 我呢碗個湯底都好好味, 好香, 叫職員比多D蔥, 真係放左好多蔥, 好開心~ 因為我好鍾意食蔥, 尤其湯飯多蔥好似香好多~ 個餐+$3可以配凍飲或者老火湯, 原本想叫老火湯, 因為望人地個湯好似好正, 但因為我地食泡飯, 已經有湯, 所以叫左凍飲。呢個泡飯唔錯, 我下次應該會再幫襯, 下次叫泡飯都會叫下個老火湯試下。

常不常趕不切煮晚飯就會在樓下找吃, 金菠蘿也是其中之一, 鋪位雖然少, 大慨可容納18人左右, 但也不愁沒有捧場客. 個人最喜歡就是它的老火湯, 小炒也不錯. 今晚點了一餸, 一蒸飯, 加個老火湯. 老火湯5分鐘左右就送到, 非常足料, 成大隻雞腳, 甜得黎又潤喉, 超正!蝦醬牛肉炒通菜 - 菜新鮮, 每條都沾滿蝦醬汁, 牛肉腍身兼入味, 份量也不少, 不錯.北菇蒸雞籠仔飯 - 雞夠滑, 木茸爽口, 飯一粒粒的, 蒸的時間控制得剛好, 更喜歡它的汁, 送飯一流, 份量也算多. 二人的話叫這個蒸飯再加一個餸及湯應該會飽了.雖然這裡價格比茶餐廳較貴, 但對缺湯水的人來說, 絕對是一個好選擇.

近來人有點懶, 往往光顧只有樓下的快餐店 今個假日亦如是, 最多行遠幾步去,到香港仔大街 但還是選擇了茶餐廳 ; 其實一向喜歡光顧茶餐廳 (有很多人說我很 "麻甩" ) 貪其快靚正的本事, 但無奈現在的茶記價錢早已拍得住平價西餐廳 印象中的金菠蘿紥根於此區已有一段長時間, 今次還是第一次幫襯的 干炒端士汁牛河 : 色相頗為對板, 由於是端士汁, 顏色有略深, 味道是甜甜的, 牛肉有點嚼頭也有牛肉香, 銀牙和洋蔥也爽口; 但河粉有些還未炒開, 油份同樣重手但有點鑊氣, 味道都唔錯 金菠蘿海鮮炒飯 : 海鮮用料唔可以話足, 因為大部份也是雪藏貨, 但粗切的菜增加口感 味道略嫌淡口平均四十多元一碟, 又唔包括餐湯或飲品, 相對而言價錢絕對唔平

其實都好耐之前去食，不過一路唔記得post出黎，真係好激氣因為公司在鴨脷洲，鴨脷洲的lunch一路無乜選擇，所以雖然呢間金菠蘿唔特別好食 (不過不失)但一路都有幫襯，而且d人一路都幾nice當日都係一樣，同同事食左個平平無奇的lunch後，打算埋單。因為每人都攞住一張大紙 (一個五佰，一個一佰)，所以就叫佢分開收佢找左錢返黎收左我地一條大數，本來都諗住算，點知找錯錢咁我地就同佢講返啦，點知佢竟然...發我地脾氣之後再找數俾我地，佢掉d錢在枱面，好大力!!咁我地問佢"咩事呀??", 佢就好悔氣咁話無嘢我地未走佢就收我地枱面d嘢, 仲整到豉油倒瀉左...差少少我地就俾d豉油整污糟d衫如果要俾錢 (佢個lunch都唔平) 仲要受氣，d嘢又唔算好好食，我一定唔會再去囉自那日起，呢間嘢無下次!!

晚上到大街覓食，試了一間做街坊生意的中菜館。一行二人點了兩客小菜套餐。套餐附送老火靚湯鱆魚蓮藕煲豬肉，幾夠火喉，味道頗為濃郁。首道小菜是紅燒竹笙豆腐，一吃已知出事，因豆腐是酸的，幸好店方很樂意更換。換來的小菜是鎮江骨，醬汁醋味過重，有點「搶喉」味道。鎮江骨所用的亦不是排骨，是豬扒，肉質醃得過火，失了原有口感。最後是薑葱蜜餞雞翼，味道是三款小菜中最佳。薑葱很惹味，雞翼亦帶點蜜餞清甜。倘若所用的雞翼更為飽滿，則賣相口感更佳。