金裝燉奶佬餐廳 (嘉湖新北江)

营业中

休息中

一直以來都好鍾意係下午茶時段出去食嘢，一來近住傍晚時間食飽啲嘅話，就可以當埋食晚餐，二來下午茶價錢都比較經濟。今日我就去咗燉奶佬食下午茶。我覺得燉奶佬嘅下午茶餐款式選擇都幾多架，除咗有一般下午茶餐必備嘅多士，雞髀之外，佢仲有正餐嘅粉面飯，而最正嘅係只需要加＄3就可以換到一款糖水為咗可以飽肚d，陣間唔洗晚餐時間又叫肚餓，我就點左一個台式肉燥雞扒大碗飯，再加＄3要咗個涼粉西米露。台式肉燥雞扒大碗飯賣相實在太求其啦好似就咁將幾樣餸掉入埋個碗裏面就算，一啲擺位都冇。飯嘅份量又真係都算多嘅，咁相對地肉燥就偏少，唔夠撈飯 另外，伴碟嘅椰菜已經涼左，可惜; 豆腐嘅味道其實都OK，裏面仍然好多汁，易入口; 而雞扒可以話呢碗飯入面做得最好嘅，雖然就唔係話雞皮煎黃金香脆，但雞肉仍然好嫩滑，唔會煎到太乾身。3蚊雞糖水—涼粉西米露我對佢嘅期望唔會過高，而出奇嘅係，碗糖水份量上超出$3 嘅範圍，味道上佢亦都係做到恰如其分，有涼粉，有西米，完。

今晚無食晚餐，夜晚9點幾老婆話肚餓要落街搵野食，但好多餐廳都已經關舖了，醒起仲有新北江既燉奶佬營業到11點幾12點😁於是同老婆去果度食野晚上十點時段仲有好多款式食物供應，上至三文治包類，下至炒粉麵飯都有👍🏻西多同炸脾--西多吾鬆軟，感覺個方包實實地，個炸雞脾無乜調味，d雞肉都乾，系無乜肥膏呢樣ok😝炸醬麵--麵底幾煙un，反而隻炸餃子幾好味，d料好豐富腐竹雞蛋糖水--都幾好，如果少d甜更好😆

今日去咗天水圍，主要目的係因為我阿哥去咗旅行，要去佢屋企幫手睇住佢啲貓。未上去佢屋企之前，就去咗佢屋企樓下新北江商場嘅燉奶佬食咗個靚早餐。叫咗個最普通嘅早餐：火腿、蛋、餐包+粟米火腿米+茶走。雖然好似好普通咁，但永遠越普通嘅野先會考到個廚師。等左一陣好快就有早餐食喇！太陽蛋上到枱係完整無穿嘅，而且塊火腿唔係烚嘅，係煎嘅；最令我意外嘅係件餐包，拎起手仲好暖，搽完牛油之後，成塊牛油都比個餐包吸哂，好邪惡呀！(但係我都成個餐包食晒落肚)但係佢碗粟米火腿米啲米粉我就覺得硬身左少少，而杯茶走就好香濃同埋有獨特嘅茶味，配合埋煉奶，一個字，正！

同朋友做完運動，就要去補充體力。因為10點，附近已經無咩選擇，就去左呢間食。雞脾加西多士，$38加6蚊有碗雪菜肉絲米，加多3蚊有埋糖水炸雞脾個樣比較衰，先老水後炸。西多士算不錯，但不是餐牌上的架央。但味道算不錯。要讚的是那碗6蚊米粉，因為份量不少。糖水中的番薯細細粉，份量少

今晚有一條友晚餐就求其響街食吓，快靚正梗係揀返茶記啦！就黎左金裝燉奶佬。天氣咁熱都唔想食飯，晚餐其中一個係金菇炒牛肉河，就選點呢一個。點知上到枱唔算太熱，應該唔係新鮮炒起，味道亦都淡淡地唔係咁惹味，就算加埋辣椒醬味道都只係一般。牛肉好大亦好淋但無咩味，明顯係經梳打粉醃製後嘅效果。雖然都冇預茶記會有好回味嘅表現，但今餐真係好麻麻。。。。

卡邦尼黑松露意粉🍝 ($57/餐) 一上枱已經聞到好大陣既黑松露香😳，再望望意粉，黑松露既量都算多，分佈係成碟意粉入面。意粉汁煮得夠creamy，奶味唔算勁重，加上煙肉既鹹香同黑松露獨特既香味😋，呢個價錢都食到黑松露好有驚喜，不過可以多啲汁！男仔未必夠食。加$8可以食埋最新奶凍，甜品控既司令梗係要試埋。司令揀左雲尼拿口味，奶凍細細杯，口感頗滑奶味重🍼，面頭既Oreo碎再加分，唔錯。

嘩~超足料好食既曼魚飯大約$73~《天水圍新北江燉奶佬》其實這間的食物不是樣樣都好食，但有些食物水準又唔差，這次食的曼魚飯比了我驚喜。味道：第一，帶子原來煎香過，食入口表面有煎香脆口，有少許帶子鮮味。第二，主角曼魚，又肥又厚又夠曼魚味，用了三分一條曼魚，平時買原條曼魚都要$80。第三，炒飯，飯粒分明，好香曼魚汁一齊炒。本人最喜歡吃曼魚飯，可以吃到咁完美曼魚飯十分感恩(≧3≦)

早前阿仔一家入來天水圍找我一起去下午茶，我同兒女去了新北江吃下午茶，兒女就捒了燉奶佬,因為我要買些小物品，由兒女揾位先,因為我不太肚餓,就和阿女吃一個午餐，阿女点了炒飯，炒飯味道又還可以，味道不算太咸，這間的服務其實麻麻,店員旳服務態度又不是好好，地方都適中

星期六的時候本來plan好了出去市區，最後因為下大雨原因，當然冇去到市區了,唯有等停雨時候在家附近揾餐廳吃下Tea,我去了新北江燉奶佬,只有一個人吃tea,搵位十分容易，我坐下之後看餐牌,就点了豬頸肉米粉(32元),加3元叫凍奶茶，這裡服務只是一般 ,豬頸肉米粉就一般,豬頸肉味道有些小鞋並不是太好吃，米粉就不錯，凍奶茶只是一般,茶味不太夠,甜味亦冇咁甜，整體味道就普通粒,座位有些小迫,它的座位肥些小可能坐不落，真是幾迫,食品水準只是一般,價錢偏貴

叫左一個豬扒烏冬做晚餐，一d都唔平，50蚊先得一碟仔。烏冬煮得可以，差在落得太多油，直程可以“傾”係碟度，食到有d膩。豬肉就細細件足以一口過，煮得稔身易入口，ok la。仲有d乾身既紅蘿蔔條椰菜絲做伴菜，應該係煮熟晒之後先求其掉落去，不過補番d顏色，都算你啦。

放工黎左新北江見其他商舖爆哂人 為有食尼間拉 叫左的個泰式飯 黎到貌相已經中下 雞翼又得一隻 又燶 仲個炸魚餅 吾係炸 係煎出黎 一個吾似泰式既飯都拎出黎賣 仲要收我49蚊服務員態度都吾係好！！

燉奶佬在新北江開了好耐,平時大家留意它的晚餐，其實，它的甜品亦好OK,今晚吃飯之後就同屋企人去吃下糖水,就去了燉奶佬,分別点了燉蛋,1個黒糖1個蛋白，黑糖比較特別，我覺得幾好吃，屋企人唔太喜歡啦 ，屋企人喜歡蛋白燉蛋 ，我覺得兩個都好吃，價錢又不貴，只是19元,十分抵食，服務就一般啦,這裡環境都OK味道:我覺得又幾好吃，又不算太甜服務:一般環境:我覺得OK價錢:19元番吃:間中會來

行到附近想搵間餐廳食晚飯，就見近門口幾"就腳"入去坐低晚上過左食飯時間人唔太多，睇左陣餐牌就點左咖哩牛腩飯同韓風炸醬麵食落牛腩用料差左D，牛腩好''un'' 調味還可以，另附上碗湯 $47之後就上左韓風炸醬麵 附上碗有紫菜的麵豉湯眾所周知，最近韓風係香港好HIT，好多食品都會加上"韓風"兩字。 以我食過正宗韓式炸醬麵理應不是這個樣子的!!先講用料方面已經是問號了   炸醬麵竟然用雲吞麵的竹昇麵？而且炸醬是用譚仔那種的炸醬而不是韓式的黑豆醬.....很無語上菜時看到這個"韓風炸醬麵"真的很失望，樣子與韓式的相差也太遠了點雖說"韓風"兩字是吸引人，但當中的誤道成份也太高了，感覺被騙

燉奶佬一值水準穩定(穩定地平平, 好少話中伏), 不時都會選佢開餐~ 不過今次選佢, 係因為佢早餐供應到11:30~食到我最鐘意既沙爹牛麵好老實~碗麵實在只屬過得去既水平, 雖然D湯同牛都算有沙爹味, 但絕對做唔出茶記應有水準~EVEN連個麵都係麻麻地~唯一可以讚既就係, 另外+既火腿(+$3)真係幾抵~幾大塊~飲品就叫左熱鴛鴦~但都係麻麻地, 唔算香~又係過得去既水平今餐算過得去既, 但唔算正~可能食依d都係要搵返傳統茶記先得

昨天開通了評食,今天就說說此家,炒飯 有時就好食,有時就差到吾知點樣投訴,看來是不同人炒的關係...凍奶茶 甜得來冇奶味; 凍寧茶 又係甜得來冇茶味(有時早上 就好d)員工服務态度 都 ok,,,不過近期來了個 非常 "黑人贈" 經理,夜嗎嗎 只開前門 刪後門(要生意就要做多些方便市民),引起部分左輪右里不滿之前,個主任 雪雪 做主場就好好多,.........食物水準 一般, 晚上只有一個經驗大厨 炒飯 好食, 食嘢如中彩, 早上只有個阿姐沖奶茶 ok,,,二十多出頸的就麻麻地.....