金裝燉奶佬餐廳 (已結業)

噙晚約10點唸住搵間野去食飯, 見呢間噤多種類咪入去攞! 點知入面個四眼姐姐係門口問我幾多位, 我咪答佢兩位, 同埋....我都未講完, 佢就話有人等緊喎! 跟住就"山"埋左度門....但係方圓十里都無人企係度喎!!!!!我即刻同老公講, 噤即係點呀?? 跟住佢又出嚟話係咪兩位呀? 俾左你先啦... 我其實之前係想同佢講有無個位可以放bb車, 我咪同佢講law, 佢唸都唔唸就同我講可唔可以收埋佢! 小姐呀, 我亞b瞓緊覺, 收得就唔駛問你啦! 同埋我抱住佢點食野呀?? 一d都唔considerate客人既需要, 服務差...差...差....d野都幾唔好食, 我叫左個飯, 加左碟油菜同埋湯圓, 佢竟然俾左碗湯圓我先.....唉!

d 野都幾有水準, 就係d待客就差少少...不過今時今日, 百物騰貴, 咁個價, 算啦!!!

假日沒有出外遊玩, 留港消費! 今天還未打算去哪裡, 先來個早餐, 昨天是大家樂, 今日換個地點(如果有得揀, 我會搵老闆娘, 可惜蘭香要初四先開)!今早我叫了茄蛋治, 茶走少甜, $18, 兩件都好似無蘭香一件咁大件, 蕃茄得一塊, 麻麻! 老公叫了吞拿魚三文治, 奶茶, $16, 跟我沒有兩樣, 所以相影了兩幅, 但post 一張已夠!P.S. 仲有未食完就收碟...極討厭!

Boxing Day 和友人去荃灣城門水塘行山，跟住去咗荃灣廣場稻香食晚飯火鍋。食完之後，去咗燉奶佬食糖水，我和友人各叫了綠豆沙加湯圓，每碗成十五、六蚊，都幾貴…碗綠豆沙一到，我哋即刻後悔冇係稻香食糖水…因為碗綠豆沙好似水咁…啲豆同水係分開的，好"浠"~~ 我哋食完啲湯圓就放棄咗食落去~~

一入去無人招呼都算la,個待應(男既)都唔理d客叫左幾次都唔理人,唔明點解請d咁無禮貌既人做待應ge!!!!!!!!!!唔會再去呢間(荃灣)真係俾錢買難受~

今次在荃灣廣場附近覓食，見燉奶佬的名字趣怪，環境企理，便和男友入內醫肚。翻翻餐牌，這裡大多數供應麵食、咖理、扒餐…在無樣啱食的情況下，我倆決定只點餐蛋飯午餐，甜品加了$8元跟燉奶。餐蛋飯處理得很馬虎，火腿又薄又鹹，飯很爛，鼓油不夠甜。最大獲係個燉奶，滑即滑，但毫無奶味，感覺像在吃凝固了的劣質「糖水」。我們絕不再來。

位於屯門時代嗰間燉奶佬，侍應態度差，好似煩倒佢咁，食物沒有想像中好食，價錢超貴唔符合經濟原則，唔會再幫襯，附近大把食市，好多選擇。

下午四點多，風雨依然，小白被診斷有皮膚感染，會傳染的，要用藥水沖涼，仲要和小黑隔離，男朋友和另一位朋友都趕來了，大家一齊商量如何安排兩隻小貓。在燉奶佬坐低，要了一杯朱古力咖啡，妹妹要了西多士，男朋友要了綠豆沙，朋友要了豬米線，大家的評價都不錯。我的咖啡加入了脆麥皮和煙靭的啫喱，幾得意﹗而好耐都冇食過o既西多，都好新鮮好好味，但係好有罪惡感﹗下午茶餐都好抵食﹗食過下午茶，去吉之島買了小白的沖涼用品，之後就帶他們兩回家，一個世紀大挑戰就快要進行--小白沖涼﹗﹗

行完百萬行同老公黎食番消暑甜品! 老公叫左個凍綠豆沙, 我就要木瓜涼粉冰, 前者無食, 後者就好大碗, 但木瓜唔多, 涼粉夠凍, 因為原來個碗底有一舊冰, 先可以咁凍啦, 另外, 我想食個灼菜(生菜), 佢寫左跟餐既價錢, $5, 原來係$10, 我俾錢既時候先知, 唔怪得之個菜既份量少左啦, 又收我正價, 但俾跟餐份量, 唔制呀!

本來即食麵沒什麼好食的，但已很久沒下筆，所以就寫寫評語吧。今天去荃灣廣場前，先來這裏來個下午茶才逛商場。這裏的麵食一向不錯~見下午茶有數款公仔麵選擇，就要了碗香茅豬排麵吧，飲品例牌熱檸茶。等了15分鐘，頗久，侍應說豬排要煎，所以要需要點時間。也好，再等多幾分鍾就來了。一上桌，豬排放面，底下是公仔麵，灑了點蔥花，非常簡單。豬排切了件，頗有香茅味，可惜肉質頗硬，要扯出來才分得開，公仔麵是大光麵，幸好爽口彈牙，沒有煮得過熟。湯底好像是豬骨湯，有點甜，不過嚐得出沒有什麼師傅。可能大家會說我長篇大論，但其實即食麵也有好多學問的‧‧‧‧‧還有這間墩奶佬是24小時開放的，每年行完花市都會來這裏吃東西的。

其實這條街食肆林立, 真的有令人花多眼亂的感覺, 一次無意的試了燉奶佬, 故也寫一寫食評!總共來過兩三次, 其間隔以茶餐廳來說算舒適的了, 坐位也算闊落!最重要是禁煙, 這是對我等不吸煙的食客最大的喜訊!不知是巧合還是什麼, 我幾次去的餐牌(我指的是午餐)都剛巧差不多!食味都OK, 份量亦算大碟, 最好是跟餐可以叫一種指定特飲OR糖水, 有相當大的彈性!我試過椰汁黑糯米, 朋友過大菜糕, 份量也沒欺場, 質素亦見水準!坦白說, 廿多元的快餐肯定成行成市, 要取勝的就要各出其謀, 能選糖水或特飲, 也算是這裡優勝的地方!!

全因我住係荃廣樓上..成日食甜品都會去果度....淨叫甜品都OK既...但係我通常會跟餐...因為好似抵食D..$26蚊啦最鍾意食耶汁黑糯米...唔太"漏"....又食到好多紫米喎..感覺健康少少!芒西果D都算OK咁啦...最值得讚係...食星期一至五既HIGH TEA..好抵呀..真係有我最鍾意既糖水同埋有西多士或者湯NOODLE...可以好飽....特別同法蘭西多士一起吃..=.=真係HIGH TEA最正..(不過至到6點咋)

食完刀削麵，逛了一會，友人想食甜品，就隨便找間甜品舖試試，記得十幾年前這個位有間燉奶佬，估唔到今日來，還在，只是經翻新過，格局邊得更「糖水化」。友人諗都唔諗就叫了燉奶，唔想食奶或布丁，於是要了大菜糕，起碼食完唔會膩；試一口燉奶，「鞋」得很，奶味亦麻麻，當年試過此品，味道勝現在何至百倍，大菜糕食完唔覺有吃過東西，幾神奇，吃畢，哭笑不得。後記：舊朋友曾在燉奶佬做科學實驗，將鹽加在氣水上，冰迅速溶化，所以對燉奶佬印象深刻。友人請,謝。

至重要佢有禁煙時段(全禁仲好), 一家大細入去, 小朋友呼吸空氣唔會有威脅. 因為咁, 客仔多多, 未到8點已經full house, 我地好在7點零入去仲有好多位. 發覺鄰近之食店都係禁煙自動波, 抵讚.有樣野抵, 就係價錢, 兩人份普通一個夜晚, 要求只要係好好普通, 標準份量, 唔駛60就可出門口, 幫襯咁多間燉奶佬, 食品質素的確幾穩定下.

行完花市過落食糖水...食左旦白'鄧'鮮奶同至尊撈撈....個'鄧'鮮奶唔錯...幾香幾滑...但個咩至尊撈撈就真係完全唔掂..有d唔新鮮既生果加dd西米.......但係個底有成寸冰'朗'起佢....