金記冰室 (康怡廣場北座)

营业中

休息中

今日同老細搞掂左一單十級麻煩嘅case，唔知係咪知我捱得太過辛苦，佢竟然良心發現主動話請我食lunch，我哋經過康怡廣場見到有間傳統嘅冰室喺度開咗新分店，又見有人等位心想必係好野來的就去試一試。都未夠一點鐘已經人山人海，都等左成十五分鐘先有位。可能係新派裝修加上新開張嘅關係室內環境都幾舒適。今餐有大食大，老細今日請食lunch一於佢食乜我食乜⋯⋯照跟！真係估佢唔到， Lunch Time 喺傳統茶記冰室入邊竟然唔係叫常餐、乾牛河、炒粉面之類，佢竟然叫左鐵板牛扒加凍檸茶做午餐。鐵板牛扒跟薯菜呢個鐵板牛扒真係好有傳統港式茶餐廳風味，牛扒超林，蒜蓉汁蒜蓉味亦非常突出，而且塊牛扒size真係Super大，比起個鐵板還要大，食完真係超飽！講到明係傳統港式茶餐廳風味所跟嘅薯菜就當然係昔日懷舊嘅厚切薯條啦，無論係薯條又或者係蒜蓉牛扒，一入口所有老香港懷舊風味出晒嚟，真係有啲時光倒流4-50年嘅味道，今餐真係多謝老細請我食呢一餐同時亦一齊懷緬過去！

見康怡廣場新開一間冰室，决定趁週日同父親大人一起去試新嘢。18:00去到，見門口企滿等位人仕，心感不妙，撳飛後要等30幾枱(2位)!早知早半個鐘來撳飛啦!望入餐廳內，同灣仔嗰間完全2個格調。灣仔嗰間係懷舊茶餐廳feel，太古依間係新派冰室feel。等咗半個幾鐘，終於等到我哋。(要搭枱)等噤耐梗係慢慢睇下有乜好嘢食啦!(唔食set dinnerD行貨嘢)父親點咗同奶茶，我點咗同奶茶。餐具要自己係枱下面嗰櫃筒攞。打開嗰櫃筒，得筷子同餐刀!結果要問侍應攞匙羹。講返D食物。炒飯炒得幾好，D飯粒粒分明，有咬口；維一不足嘅係太油。父親大人嘅炒意粉佢都話好好味，不過我見D意粉反曬光噤，一定油水十足!奶茶够滑，奶同茶嘅比例啱我口味。下次一定早D來攞飛先得!

見你新開啲人排曬長隊，咪諗住試下，首先唔講服務質素，同X仔姐姐有得揮👍🏻再講啲野食，幾十蚊食你一個飯要求當然唔會高得去邊，但唔係食落去好似食緊罐頭食品咁囉😖好失望呢⋯⋯

見間鋪開左幾日，就去排下隊買晚上既外賣。眼見好多人，外賣都有好幾個服務⭐️等候時間⭐️食物味道⭐️⭐️價錢：⭐️⭐️ $65 最多為5星，最低為1星比錯食物：我這份外賣由7:17等到7:37，但係我前邊嗰張544號飛係7:16出，7:25已經有（仲要叫同一種食物）竟然549 號飛出2個豬排焗飯，都未到我😠😠😠😠我即時問收銀係唔係張單甩左，人地529號飛個焗飯都到左收銀姐姐答我： 點會，我地唔會「留」單等左一陣，個飯出咗嚟！咁我就走咗，點知返到屋企發現係個牛脷焗飯！超級灰！冰室價，但個焗牛舌飯做得比大家樂焗豬差，冇芝士味！係塊牛舌都算厚，但是日我唔想食牛舌🤦🏻‍♀️不過，康怡太古除左太古城底間文x，得佢地兩間比較新+乾淨既茶記，下次會再試下堂食

A new cha chaan tang opened replacing the previous pancake house; Of course, seeking a cheaper alternative to the normally pricey restaurants in this area, our sights came to this one.We’ve ordered a diverse selection from sizzling grilled to baked rice to stir fried and in general, our comments trend towards positive.The portions especially for the chicken meals were exceptionally large compared to other restaurants. One thing to take notice of is that some stir fry meals specify including ric