金記冰室 (康怡廣場北座)

营业中

休息中

鰂魚涌康怡廣場最近開咗間金記冰室，既然係新開，於是今日同朋友去果度食晚餐、去到已經好多人在門口等位，我地都等咗半個鐘先安排到！入座後見裝修明亮，天花用咗D汽水盤做裝飾，又幾特別喎！朋友喜歡食咖哩，點咗個咖哩牛腩飯，另一個點咗個鮮茄焗豬扒飯，我就點咗個海南雞飯！三人一齊食！咖哩牛腩飯D咖哩調配得好香，不會太辣，佐飯一流，牛腩肉質夠腍又入味，有水準！鮮茄焗豬扒飯份量好大碟，豬扒都好大件，配以鮮茄好開胃！海南雞飯亦做得非常出色，雞肉嫩滑，配埋羌蓉醤油，令食味提升！飯後再叫杯蛋白杏仁茶同凍檸茶，味道都好好！非常滿足的一餐！

下午茶時間又到啦經過門口好多人應該好好食先會咁多人一於就入左去食下午茶裝潢都幾鮮明天花是用彩色裝汽水嘅膠籃加上射燈打照懷舊得來帶點創新來到冰室梗係要叫番杯紅豆冰啦雖然無雪糕🍦是懷舊的椰汁紅豆冰濃厚既椰子香味配上微甜紅豆粒味道好傳統凍奶茶都係唔少得下午茶嘅炸雞翼非常之出色一共有兩只炸到個皮薄薄的都幾邪惡唔係脂肪雞瘦瘦得來有d肉食下入到冰室嘅時候已經比乾炒牛河嘅氣味籠罩着本來唔想食炒野嘅遠聞都聞得出碟野好有鑊氣所以都忍唔住要叫返碟乾炒牛河雖然下午茶既份量但都好大碟牛肉又多又大塊平時少食菜出街食野叫番碟菜補番平常少食菜去減少自己邪惡感見到餐牌已經比呢碟金磚風沙炸豆腐所吸引住外脆皮入味濃郁香口內里的豆腐好滑流兩重口感一淡一濃恰度好處

作為康怡嘅半個街坊,知道最近開咗間新嘅金記冰室。每次行過都人山人海,唔通真係咁好食?今次終於的起心肝排隊去試下~佢間鋪頭嘅設計係新派設計但係就用懷舊主題,令人好有親切感。等緊期間,見到原來隔離係有個地方有新鮮出爐麵包賣~~真係好有以前冰室嘅感覺。等咗一陣間,終於可以入坐。地方乾淨企理光猛闊落 ,連佢嘅用具 ,都係睇得出有品味。佢有午市套餐或者散叫。其實價錢就差得唔遠嘅,不過午餐就有飲品。我同朋友 一人叫咗個餐朋友叫咗個海南雞餐配油飯 $70 海南雞好嫩滑配生薑蓉或者豉油 ,仲有個例湯。油飯都食得出好香 ,七十蚊唔算貴喎。本身我都想買午餐但係喺餐牌見到我好鍾意食既牛舌呢度竟然有得食,所以就叫咗個❤黑椒牛舌炒飯 $65炒得好有鑊氣 但又唔油膩, 🐮舌亦都有番咁上下分量。 呢啲咁嘅鑊氣唔係出面普通茶餐廳都做到，所以好有驚喜~再另外叫咗個蛋白杏仁茶$15 一樣係我嘅至愛。先頭以為係一碗嘅甜品咁樣,原來佢係杯上, 見到啲蛋白浮曬喺面 好足料 👍飲落唔單止滑,最緊要係唔太甜,感覺好滋補。絕對唔係求其攞粉開畀你,真係有料到。喺太古普通食個飯都差唔多價錢,但係呢度啲食物有質素,唔怪得知咁多人排隊啦。

*金記 知道有好多分店但就真係未食過~ 太古有新開幕 近我D 可以去食啦~ 環境同位置都多~ 所以不算迫夾~ 又睇下有咩食啦~ 叫左個鐵板美式雜扒 同海南雞套餐~ -鐵板美式雜扒樣樣有 所以都好想食～　原來好大份~ 有牛扒; 雞扒; 豬扒; 煙肉同腸仔配黑椒汁仲有加左個羅宋湯~ 仲估係細塊的 點知樣樣都好多~ 大滿足 ~ -海南雞套餐雞好滑嫩 重點係無骨~  食得太方便啦~ 而且飯都一大碗~ 仲有湯~呢個好好食~野飲就叫左凍檸蜜　~ 整體非常不錯 而且D侍應非常好~ 

今日同媽媽去太古吉之島星期三行街買平野，出發前先食餐下午茶。這裡開咗一間金記冰室，之前去咗西環的（以海及船作主題），這邊是以不同顏色的汽水膠箱作設計，五顏六色，好特別這邊好多人流，客人滿滿，在門口位置有取票自動機及等候排隊位，好多客人在外面等候，也有外賣的！都算快捷有效率全日不加1，餐廳食物飲品選擇又多，地方光亮有大大玻璃窗！🍩🍪🌭🍔麵包也是很出名的選擇之一，剛剛出爐蛋撻，更有餅底及酥皮選擇！原來就在冰室鄰近就有這間麵包外賣位置，更可堂食，出爐香噴噴飲品這間冰室出名是飲品，點了☕️香濃奶茶及綿滑蛋白杏仁茶🥚喜歡這杯熱熱香濃又奶滑的奶茶，茶味濃郁，不用加糖已覺得好好飲！這杯綿滑蛋白杏仁茶：好香夠熱，媽媽好喜歡！蛋白真的一大隻，好滑好健康又有豐富蛋白營養、杏仁茶濃，我媽話每一日一杯一定靚哂！ 2. 鮮茄濃汁焗豬扒飯未食午餐的我，見有下午茶餐，我喜歡酸酸甜甜又多汁的飯，又見這個有'金'推薦的logo，就一試！好大碟又熱騰騰，好香又多汁，未食已經知道美味飯是炒飯底，好香有蛋又粒粒炒得好分明，軟硬剛好，配上鮮茄濃汁好正好開胃豬扒份量都好多，有厚度！好軟腍好滑媽媽試了都話好食！3. 招

今晚無煮飯，就等埋老豆媽子收工去附近開餐。呢間新開既金記唔知點解勁多人排隊，明明只係平日既七點鐘，真係好誇張。好彩老豆收得早，唔使等好耐就有位喇😉✨門口仲有麵包，雞批，蛋撻果d 賣，望落都幾新鮮。✨十大金牌精選，一場黎到點都要試試✨雞批（$14): 等食之際，先黎個雞批速速醫肚。個雞批望落幾吸引，焗到金黃色同埋表面立立令。食落真係好鬆化，而且裏面勁多餡，唔會乾爭爭，真係超耐無食過雞批。 ✨紅豆冰（跟餐加$15）： 好可惜今日冇雪糕，不過個紅豆冰有我最愛既椰汁加左入去，紅豆都好多好香甜。✨金記三文治（ $46 ）：真係超多饀！勁豐富😍有火腿，芝士，午餐肉，蕃茄，生菜，超厚蛋，仲有d 沙律醬真係好好食。✨乾炒牛河（$65): 每條河粉都上晒色，超入味，不過就略為咸左d~~牛肉都好多，味道唔錯。✨鮮茄濃汁焗豬扒飯（$65): 招牌菜之一，真係幾好食。個飯超多汁，個茄汁底我幾鍾意。仲有洋蔥，蜜桃，芝士。如果芝士再多d 就超正，蕃茄亦都好好味超多汁，豬扒食落好軟熟。👍🏻🎖🎖🎖三甲之選：雞批，金記三文治，鮮茄濃汁焗豬扒飯👍🏻

金記冰室係香港都算係幾出名的茶餐廳，係香港我諗大大話話都應該有10幾間分店，分店咁多自然唔會點擔心佢GE味道。今次同同事去開太古見客，係康怡又剛好見到金記，一於黎個快餐啦！呢間分店以依然以為懷舊風做主題，但懷舊得黎，裝修都幾乾淨整齊，而桌椅唔會排得密密麻麻，都幾寬敞，環境都比一般茶記好，仲有取票機，以防太多人時混亂。 我地6點45去食飯，7點幾之後超多人等位，我地真係好好彩。同同事兩個人叫左甜酸菠蘿生炒骨($70)、雜菌扒時蔬($68)、蕃茄牛脷焗飯($60)同埋黑松露炒滑蛋($70)。甜酸菠蘿生炒骨，好味， 好怕排骨係超多肥肉而一D肉都無，呢度GE排骨係啖啖肉，炸粉唔會太多，酸甜度剛好，唔會偏甜又或者太酸，咬落口仲脆脆地，配上青紅椒同洋蔥去炒，剛好中和肉GE濃膩感。雜菌扒時蔬，時下都市人多肉少菜真係好唔健康，所以見到有菜都特登叫黎食，希望可以平衡下。呢道菜用左白菜、冬菇、雞脾菇、秀珍菇、紅蘿蔔等去炒，味道剛好，夠哂健康。蕃茄牛脷焗飯，超多GE芝士鋪係面，再加止蕃茄醬，牛脷厚切，店家絕對唔孤寒，牛脷牛味濃，肉質彈牙，夠Juicy，炒飯底，食落去更加香口，開胃！黑松露蝦球炒滑蛋，慢火煮G

就算鍾意食茶餐廳都會注意佢嘅環境同埋氣氛，已見到呢一間喺太古啱啱開金記冰室，到咗晚飯時間出邊已經好多人喺度排隊，等左一陣就安排我哋入座。我哋叫咗一個美式雜扒套餐，份量超級多入邊會有唔同嘅扒類「豬牛雞等等，仲會有腸仔同埋煙肉」我哋就揀咗薯條，醬汁亦都有三種我哋就揀咗蒜蓉汁。見到附近有好多人喺度食緊海南雞飯而我見到佢嘅價錢包埋嘢飲/餐湯，一碟雞同埋油飯。海南雞飯嘅雞非常嫩滑，而且唔會有骨，以佢哋嘅油飯，軟硬適中。旁邊總會有雞蓉花生醬油等等嘅調味料。晚上時間佢仲有好多唔同嘅套餐，我哋本身諗住叫碟菜不過見到佢嘅套餐入邊都有，而且可以陪埋白飯都真係幾抵食。我哋就叫多咗一個金銀蛋肉碎白菜仔。價錢唔貴，而且環境坐得舒服。見到餐牌入邊仲有兒童餐，一個外型好似火車嘅套餐，小朋友一定食得開心。金記冰室雖然有好多間分店但係呢一間嘅裝修又懷舊又舒服而且仲加入左好多新嘅裝修元素、非常唔錯。

行街行到攰喺吉喺康怡廣場搵個地方休息, 見到呢間食物選擇都幾多咁,就入去試一試店員都好勤快呀. 黑椒牛柳粒炒飯黑椒包住每一個飯粒, 好香濃。 牛脷粒份量都唔少同幾大粒蒜蓉炒青豆角有驚喜喎啲, 豆角好爽脆。 蒜蓉炒到好香。麻辣雞肉米線配料十分多, 有芽菜, 又有豆卜, 雞肉好嫩滑。 。食落去辣辣地好刺激。 餐廳冇供應雪糕呀, 所以叫到雪山菠蘿冰走雪糕。 覺得一般。有雪糕會happy d嗌左凍奶茶, 超級正。 呢個茶底呢唔係用茶包奶茶沖出嚟, 係真係用茶葉沖出嚟㗎。 連奶茶嘅味道十分之出色, 我哋幾個都食得好開心。

帶住小朋友去食飯要多花心思, 如果食嚟食去都係壽司對大人黎講有啲悶。 今次就搞搞新意思, 去食新開既茶餐廳兒童餐。兒童餐贈送橙汁同棉花糖對小朋友好吸引對父母黎講就兒童餐係個汽車嘅造型, 小朋友十分鍾意。有去骨嘅雞翼, 小朋友拎住就咁食就得啦。有粟米, 健康同甜甜哋。 肉醬意粉睇個人口味。 薯菜: 我就嫌佢太熱氣 炸雞髀拼沙律炸雞髀炸到好脆口。 雞肉好厚, 入面唔會好乾。 沙律似係地們雜果加沙律醬。 質素好 但幾高脂高糖。雜菇扒雜菜雜菇好正。 有好多種: 乾菇, 雞髀菇, 冬菇, 秀珍菇。 每隻都有自己嘅特色同質感。 我就嫌佢啲醬汁太多啦, 食落去呢比較流嘅。

金記冰室-老香港特色冰室近日在太古城看電影後，發現了一間新開張的餐廳，門面發白光的招牌，配上紅綠藍透光箱的假天花，份外有80年代荔園的味道，一看原來是一間港式懷舊冰室，店內都是港人耳熟能詳的經典菜式。鐵板三色扒配白飯經典鐵板餐，集三色扒：牛扒、豬扒、雞扒，醬汁有黑椒汁、蒜茸汁、燒汁選擇，燒熱的鐵板加上熱騰騰的醬汁，「炸炸」熟悉的聲音，牛扒肉汁夠，熟度剛剛好；豬扒大大塊，抵食之選；雞扒嫩滑，油份油脂夠。黑松露蝦球炒蛋配白飯幼滑炒蛋，蛋炒至半熟，配上海量多大大粒蝦球，彈牙又鮮味，最後加上黑松露，濃郁的松露香，令整個炒蛋的味道加出、蝦味更鮮。焗鮮茄濃汁豬扒飯傳統口味焗飯之選，海量多的熱溶芝士加蕃茄醬，厚切的豬扒，肉質軟身肉汁夠，正宗蛋炒飯飯底，炒飯炒得粒粒分明，正！綿滑蛋白杏仁茶淡淡的茶香，加上甜度適中的杏仁味和綿滑的蛋白。

開左咁多間分店既金記終於係鰂魚涌開分店喇！已經一放lunch就衝過去，但都已經有條人龍係門口。雖然入座等好耐，但上菜效率都幾快，叫完5分鐘内就上菜。鐵板西冷牛扒同一般餐廳一樣，有得揀黑椒、蒜茸同燒汁，配飯、意粉同薯菜。份量我覺得都幾大份，牛扒都幾厚身，而且又唔會好大部分都係骨黎。食落又幾好食，keep都d肉汁，唔會overcooked，茶餐廳價錢但質素幾高。懷舊紅豆冰叫套餐仲可以半價享用飲品，紅豆冰椰子味道較重，飲落好香滑。炸雞脾外面炸到金黃色超靚，實物比相靚好多。睇外表就知道係炸得好好，表皮又薄又脆，一咬落去係爆汁，d肉超嫩滑，好正。食完都明白點解金記囉出名既，茶餐廳價錢，但質素又比茶餐廳高。不過如果lunch hour得一個鐘既朋友應該要考慮食第二間。

平時人山人海嘅金記冰室, 今日終於等到位入去朝聖啦. 去到食飯時間, 我哋好肚餓.首先我叫咗個海南雞飯加杯凍檸茶. 飲品有半價好抵。海南雞飯嘅雞好滑, 已經去咗骨,冇乜肥膏好健康呢. 啲飯係油米飯, 少少鹹, 又有雞湯嘅味。 好正 。 另外, 佢個配料好特別, 係豉油薑蓉再加花生。唔係辣椒油呀。 朋友就叫咗麻辣雞絲米線。相當有水準, 因為麻辣味辣得呢好潤喉。 唔會太辣子。 雞肉好多塊, 仲有芽菜同豆卜。 跟餐加咗杯杏仁茶蛋白, 出奇好飲。 另外呢我哋仲肚餓, 試左菠蘿海鮮炒炒飯。 但係菠蘿只有兩塊, 海鮮都係比較普通。

期待已久嘅金記冰室(太古)店終於開張啦, 我和同事都好鍾意食茶記食物, 不過太古呢邊好少同類餐廳。所以餐廳一開業, 我地就急不及待去食返餐。金記冰室(太古)店位於康怡廣場北座地下, 裝修除左一貫富有懷舊特色風格之外, 綠色窗框, 牆身手繪畫同天花彩色汽水箱亦為餐廳増加左玩味, 復古之餘又型格, 而且座位寬敞, 感覺舒適。雖然我地12點半前已經到, 未到午市繁忙時間, 不過都已經好多人, 需要排隊攞位。餐牌設計簡單, 款式超多亦好地道, 焗飯, 咖喱, 小食, 粉麵應有盡有。午市套餐由$60起, 已包括餐飲, 另外午市都有提供鐵板套餐同大廚炮製精選, 我地每款點左一客share食。😙鐵板美式雜扒 $85雜扒份量好多, 有牛扒, 雞扒, 豬扒, 腸仔同煙肉, 如果一個人食可能食唔哂, 配上好多蒜粒嘅蒜蓉汁, 非常惹味。配菜薯條好香脆, 薯肉飽滿, 加上少量海鹽, 雖然好多我地都全部食清光。😁原條蒲燒鰻魚配炒飯 $88同事好鍾意食鰻魚, 所以點左呢客原條蒲燒鰻魚配炒飯, 我都係第一次係冰室食鰻魚飯, 鰻魚原條上, 賣相吸引, 炒飯乾身, 配上濃味嘅鰻魚, 味道都唔錯。👍綿滑蛋白杏仁茶 $15

呢間冰室開業以來, 日日都大排長龍, 今日多得朋友預早攞位, 唔洗等太耐。今朝趕住返工連早餐都冇食, 呢餐決定放肆一下, 點個雜扒餐。鐵板雜扒餐配黑椒汁$88雜扒餐很有份量, 有齊豬、牛、雞、腸仔同煙肉。雞扒肉厚嫩滑; 豬扒連骨, 半肥瘦煎得焦香; 薄身牛扒, 肉質柔軟。醬汁有3款選擇, 揀黑椒汁就最惹味。配上薯菜, 波浪紋薯條香脆無比。炸雞脾 $33雞脾炸到金黃色, 熱度十足, 咬開脆脆雞皮, 內含豐富肉汁, 做到皮脆肉嫩。 蛋白杏仁茶 $30 (跟餐半價$15)跟餐叫飲品或餐湯都有半價！呢杯杏仁茶加上蛋白, 滑上加滑, 而且甜度唔高, 讚！值得一提, 冰室每朝7點開始就有新鮮出爐麵包賣。蛋撻 $9/隻蛋撻有齊牛油皮同酥皮兩款, 我同朋友都鐘情牛油皮, 一人一隻當作飯後甜品。蛋撻皮夠晒鬆脆, 厚薄適中, 如果蛋漿厚啲就prefect啦。