金記冰室 (置富南區廣場) (已結業)

去左置富花園探親，天都黑哂就食埋晚飯先走。 雙拼三文治 鹹牛肉芝士鹹牛肉同芝士份量都唔少，唔會好似出邊啲茶餐廳咁淨係得表面有🤣，每一啖都咬到好多牛肉餡料，性價比非常高。 鮮茄濃汁焗厚切豬扒飯豬扒好林好大塊又厚切！同埋個名都真係冇改錯，鮮茄汁真係超濃郁😍！QR code下單仲有加汁嘅選項，多到每啖飯都可以食到啖啖茄汁香味。味道唔會太咸，食哂成個都唔洗口喝。 自選二人餐 椒鹽豬扒滿滿嘅炸蒜令到豬排都有勁香濃蒜味！比平時出面食開的辣少少，食到出哂汗🤣。不過真係好香好惹味！ XO醬蝦球炒西蘭花XO醬落得太多有少少偏鹹，但係西蘭花同蝦都好新鮮，醬汁又多，索晒啲汁勁惹味🤩送飯一流，口感爽口彈牙！ 金粒西多配雪糕下單時唔見有“後上”的字眼，竟然跟所有小菜一齊上菜🤪，問經理有無得收翻起，想食完先後上，點知佢完全唔理我地直接放低就走左去🤡結果我地要又甜又咸咁一齊食🤪不過獨立睇呢個甜品都幾好食嘅。

今日去咗薄扶林探朋友，因為午餐食得少，所以就去咗附近金記冰室，食個豐富嘅下午茶，餐廳外觀係帆船造型很特別，入面坐位闊落好舒服。胡椒味菜豬潤泡飯湯底味道濃郁，豬潤夠熟，不會嚡，飯算軟硬適中。四川重慶口水雞味道還可以，辣度適中，幾惹味，雞不是好嫩，但不嚡，送飯一流。金粒西多配雪糕一粒粒容易食，麵包夠熱夠脆好食，配雲呢拿雪糕一流。另外叫了2杯飲品，雪山菠蘿冰，雪碧加雪糕，底部加了菠蘿好多層次；凍檸檬水，夠多檸檬。

這天陪朋友到薄扶林睇樓，地產經紀推介我們這家金記冰室。這裡環境光潔，服務員勤快有禮，食物出品也有水凖，難怪有不少街坊光顧。芝士焗肉醬意粉 $48芝士肉醬惹味，意粉韌度適中。白灼菜心 $16菜心軟嫩沒有渣。皮蛋芫茜魚片米線 $52湯底很美味，有大量新鮮清香的芫茜和皮蛋，米線幼滑，每口也要和美味的湯底同吃。一直以來都應為稔魚柳只有吉列的煮法，但厚切的稔魚片吸收了美味湯底，原來是別有一番風味的。客家沙姜雞（例牌）$68海南雞和霸王雞已沽清，最後選擇了沙姜雞，雞肉頗滑之餘也有點雞香。金粒西多配雪糕 $40第一次吃西多配雪糕，西多士很有蛋香，雪糕軟滑，茶餐廳的價錢也有幸福的感覺。咸檸七 $10咸檸檬不過鹹，不會蓋過七喜的味道。

今晚天色好靚，紅色雲層吸引咗我去半山走一轉，唔覺唔覺去咗薄扶林，就喺嗰度嘅金記冰室買外賣晚餐返屋企。我每次食極唔厭嘅當然有咖哩牛舌意粉，加綿滑蛋白杏仁茶。好中意冇骨啖啖肉咁食。我個妹就想食傳統啲但無得輸嘅魚香茄子飯，一向都成功令人食晒所有白飯。爸爸就中意口味濃啲嘅欖菜雞粒炒飯，欖菜香味往往成為主角。媽媽要食得健康啲，叫咗個春日限定嘅清甜蜜桃炒飯，蜜桃加蝦仁，唔會太肥，又清新。我就再叫咗個惹味黑椒牛舌粒炒飯，黑椒味好嗆，非常開胃好味。

今天去了薄扶林置富搵朋友，朋友同我去了這間好有特色嘅餐廳，外面望就好似隻船，入到去就見到自己好似入了以前香港小輪嘅感覺！這間餐廳真係好有身處小輪上嘅感覺！望吓餐牌，有不同食物選擇，落單係用QR code 進行，入座後就有店員將QR code 放在枱上供食客使用，時間剛好仍然有下午茶選擇，兩個人分別點了兩份人氣之選，炸雞脾配迷你西多士，同埋午餐肉雞蛋即食麵，等了一陣就見到份炸雞脾配迷你西多士，大大隻炸雞脾，外面香脆外，切開見到雞肉嫩滑軟熟，入口啖啖肉真係下午茶必吃之選！而件迷 你西多亦唔錯，配埋已經溶化嘅牛油同埋糖漿入口，加埋杯香滑奶茶，絕對係茶餐廳感覺！另外五餐肉雞蛋即食麵，上面有一隻半熟太陽蛋加埋一塊厚切午餐肉剛好放在即食麵上，大大碗，亦係香港茶餐廳文化之選，麵身在落單時可選擇軟硬度，又係一個值得讚嘅地方，夠細心！配埋杯飲品超值！在這裡又可以同朋友吹下水，感覺舒服休閒！

置富花園位於薄扶林，曾經的名牌屋苑，今日我化身速遞員，專程送貨到這裏，果然係背山面海環境幽靜，可惜我搭錯車，又落錯車，最終要行山路上來。送完貨淨係覺得好肚餓好想食嘢，商場旁邊有一帆船造型的 金記冰室，感覺好似揚帆出海一樣，好有意思。炸雞髀薯條 $40冰室我一定會食金牌精選，代表作當然係炸雞髀薯條，生炸雞髀特別香，皮脆肉嫩又多汁，大大隻啖啖肉，連皮食好香脆更有口感。冰室傳統粗薯條，炸得外脆內粉，滋味無窮。綿滑蛋白杏仁茶 $10跟餐 special drink 只需要加$10，推介一定要飲，如果你親身自己喺屋企整過杏仁茶嘅話就知過程係幾咁複雜。入口綿滑的蛋白，滋潤喉嚨。濃郁芳香的杏仁味，甜中帶一點甘，值得回味再回味。自選小菜二人餐 $148日落時分已經有晚餐食，好抵食！小菜有鑊氣又香噴噴，奉送白飯、老火湯、飲品，最啱我呢個冇煮飯的主婦。新鮮菠蘿咕嚕肉🍍最近潮流興食鳳梨，新鮮菠蘿酸酸甜甜好開胃，咕嚕肉炸得外脆內軟，有肉汁，多肉夠熱，質素拍得住大排檔。我見附近食客都買coupon因為有折扣，埋單仲抵食，我話 金記 係 置富飯堂當之無愧，下次如果我再送貨來，都要食多次炸雞髀，欣賞下這裏沿途的風景

平時好少嚟薄扶林，今日咁岩經過，就揾到呢間餐廳。XO醬美果蝦球炒西蘭花材料有西蘭花，鮮蝦，紅椒，腰果，很豐富。加上很香的XO醬，西蘭花炒到剛剛好，不會太軟，再加上一些腰果，更加有口感。滑蛋粟米魚柳飯粟米魚柳飯重點是魚柳，魚柳炸得卜卜趣，加上滑蛋粟米汁一流。潮式黃花魚平時好少喺屋企買魚食，就叫左黃花魚個餐。有兩條黃花魚，份量充足，而且條魚蒸到剛剛好。飲品則叫了黑牛和紅豆冰。黑牛配上一罐可樂及1球雪糕；而紅豆冰甜度適中。加上服務員態度很好，值得再幫襯。

由山頂行山落到置富廣場，諗住搵餐廳食個tea醫肚，見到呢間裝修幾好既金記冰室。.餐牌都好多野食選擇，下午茶餐、焗飯、炒粉麵、中式菜等等。.黑牛（朱古力雪糕可樂）好耐冇飲過黑牛，行完山食雪糕飲可樂冇得輸！我係跟餐轉飲品只係加$13，抵！.玫瑰火龍果朋友好養生，揀左杯熱特飲，跟餐轉飲品加$10。.鐵板西冷牛扒 $102 11點後已經有扒餐叫！突然之間好想食，就叫左啦。西冷大大塊而且肉質不錯，配埋炸薯條同雜菜。.四川重慶口水雞 例牌 $65雞肉嫩滑，口水雞既醬汁偏咸，配白飯食會較好。.鮮牛肉米線 $51下午茶餐黎，我個人好鍾意食鮮牛肉，所以覺得好食！湯底係雞湯唔辣。

今日行山之後去咗薄扶林，置富商場坐得舒服嘅地方唔多，所以揀咗商場外面嘅金記冰室。雖然定位係茶餐廳，但係禁忌冰室係裝修方面絕對唔馬虎，薄扶林呢一間分店就用咗船艙咁嘅造型。因為實在太肚餓嘅關係，雖然下午茶但係都嗌左鐵板餐。西冷扒嘅口感非常之柔軟，而且充滿肉汁，整到啱啱出邊熟、入面仲係粉紅色，黑椒汁亦都非常之惹味，令到薯菜嘅西蘭花蘿蔔等等都非常之好食。跟餐送咗個免費嘅老火湯，雖然係免費但係絕對足料，除咗煲湯必備嘅蘿蔔、瘦肉、南北杏之外，仲有魷魚，非常驚喜。朋友就嗌咗西多士，配合雪糕一熱一涷，作為行完山之後嘅邪惡甜品絕對稱職。飲品方面，叫咗玫瑰火龍果同桂花蘋果兩杯特色飲品。玫瑰火龍果成杯粉紅色，有好香嘅玫瑰味，配合火龍果甜甜地嘅味道，非常好飲。桂花蘋果相對之下就比較適合唔同人士嘅口味，因為有淡淡的桂花香同清甜嘅蘋果味，兩杯嘢飲都會有新鮮嘅果肉同果籽，絕不欺場。食咗咁多嘢，埋單都只不過$200左右

因疫情限聚令影響酒樓生意影響嚴重，惟小型食肆稍見緩和；而冰室大行其道。皆因資本小，人流快； 款式多元化 ，幫襯的食客一般都是一人至數位故影響不大。當然都要視乎食肆的質素啦！而今次這間冰室食物質素唔錯，夠鑊氣之餘份量十足；而價錢合埋，適合無閒煮飯人士去選擇。所以我以佢為我的自選二人套餐  （$148）霸王雞(例牌)肉質嫩滑雞皮爽，咬落有口感唔似用冰鮮雞。 鋪滿大量羗絲蔥絲和醬油令味道大大提升。新鮮菠蘿咕嚕肉豬肉鬆化唔鞋口炸得外脆內軟，非常香口。配以新鮮菠蘿已令食慾大增；更何况醬汁甜酸調教得宜，非常好食。老火例湯兩份用料十足，火喉夠；一D唔似加左味精。白飯兩份時日菜心 $16（跟餐）因跟餐可用$16加配菜心一碟，份量都OK。最後還有餐飲送贈添。😀

好少有機會去置富，以前有朋友住係度間中都會來，及後都甚少機會。今天重臨當然要找個地方食下野。選擇其實唔多，見到依間金記地方幾大，坐得舒服，安心出行完就入座，可能仲早，個場冇乜人，仲好😄老實講中午個餐食得太飽，確實未見肚餓，唔想叫晚餐，就揀咗西蘭花炒蝦球一個小菜，飯都唔叫，清清地。一食落口，不得了。🍤有鮮味，炒出鮮蝦味道，西蘭花不太淋亦不太硬，口感一個字爽！ 最重要係味道合適，唔會過咸，越食越好食，好似以前酒樓既味道，正👍佢本身係XO醬，但我唔想食辣所以走咗。係出面食一碟咁有水準既🍤都要$88以上啦，今晚$70唔洗搞掂。有機會再來會試其他小菜。

諗住隨意食個晚餐，黎左呢間金記冰室  😍惹味黑椒牛舌粒炒飯😍 呢個炒飯好特別，第一次食牛舌粒炒飯，炒得粒粒分明黑椒粒偏辣，但十分醒胃，牛舌粒都炒得好好食，完美😌😌😌  😝椒鹽豬排😝 呢個有d似避風塘口味，有大量炸蒜，蔥花同辣椒，係偏重口味既，應該送飯食會好正豬排有肥有瘦，唔會好乾😍😍  😋蜜桃中式牛柳😋  嘩呢個有齊我中意食既牛柳同蜜桃😍😍牛柳勁鬆軟，完全唔鞋，蜜桃勁甜，好好食丫😳😳  😚魚香茄子魚柳煲😚  平時食魚香茄子多數都係配肉碎，但呢個仲有大大件魚柳，份量都唔少仲有d好好食既菇，送飯perfect match😌😌  😎金粒西多配雪糕😎  平時食西多已經好邪惡喇，呢個仲要配雪糕，但又真係好好食佢炸到一粒粒勁方便食，個賣相都係好令既金黄色😚😚😚nice  埋單人均153，真係超高質，每一碟都係勁好食，但真係要跟飯唔係有d膩😌😌 

金記冰室，歷史悠久。今次去咗位於置富，其中一間分店。有大量懷舊菜式，小菜套餐，可供選擇。冰室環境光猛，座位舒適。蜜桃中式牛柳牛肉不韌，味道酸酸甜甜，非常開胃。金磚風沙炸豆腐外皮薄脆， 豆腐嫩滑，口感外脆內軟。南乳脆炸雞雞入口香脆，肉質嫩滑，加上南乳咸咸香香，非常惹味。鐵板海陸空分量十足，豬扒厚身肉嫩多汁，魚柳香脆大大件，仲有雞翼，配上薯菜，十分飽肚。奶茶茶味香濃，茶同奶嘅比例恰到好處。老火湯非常滋潤。

今日晚上不想煮飯，便和家人到家附近的金記冰室解決晩餐。置富選擇不多，但是金記是唯一質素有保証的茶餐廳，通常我們都會在這裏吃早餐，但晚餐還是第一次。金記單人晚市並不便宜，但幸好我們有三,四人，所以可以叫套餐來吃。我們點了一個四人套餐，除了包四杯飲品及例湯，仲有白飯和四款自選小菜，我們選擇了欖菜肉鬆四季豆, 霸皇雞，粟米魚塊及咕嚕肉。而椒鹽豬排是我們額外加的小菜，順便可以留少許餸用作帶飯。四季豆很惹味，配飯一流! 食了一口便停不了! 欖菜為整道菜帶來不同口感! 很想來多一碟! 粟米魚塊份量很大，而且外脆內軟，不會像外面的茶餐廳炸得乾身，有驚喜!沙姜雞例牌，略少份，不過味道很好，雞肉煮得剛好，不會柴，對老人家也很方便吃!而咕嚕肉份量亦不少，酸甜度剛好，不會過酸，而且每一塊肉也很大，令人食得滿足。想不到金記晚餐十分穩定，下次要再試其他菜! 

有睇開小妹嘅食評，都知道我好鍾意周圍搵 貼地兼質素好嘅茶餐廳😆今晚同屋企人，黎到金記冰室食晚飯，個自選小菜餐好抵食👍4人份量，只係$288套餐包括: 四碗老火湯、白飯，四杯飲品四款自選小菜霸王雞原隻雞肉 配上 蔥、豉油、紅椒煮成，呢個餐份量係半隻雞，雞件都算多，而且味道唔錯，豉油甜甜地，雞肉嫩滑👍欖菜肉鬆四季豆呢碟係我最推介嘅，味道炒得啱啱好，因為我怕肥😆仲可以叫小油，欖菜同埋肉碎份量足夠，四季豆吸哂欖菜嘅香味，非常惹味！西蘭花炒蝦球西蘭花和蝦球炒得爽脆，略嫌蝦球份量唔夠多😆如果下次再多啲就好了！魚香茄子茄子切成半圓，吸收哂醬汁嘅香味，以煲上，夠哂熱，香噴噴，微辣，非常惹味，撈飯必備❤️餐廳裝修走懷舊風格，簡簡單單一家人食餐飯好去處🤗