金記冰室 (置富南區廣場) (已結業)

今日過開嚟置富呢邊探表妹，順便帶兩個小朋友過嚟食出名嘅金記冰室，呢間分店喺商場3樓嘅室外，外型比較特別，好似架船咁，好有香港舊式80年代嘅感覺！今日嚟到啱啱係早餐時段10:30，就叫咗個吉列魚柳拼雙蛋多士～魚柳非常巨型，就咁睇最少有20至25 cm長，而且非常之好食，外脆內軟，而且咬落仲有啲汁，非常Juicy！推介👍👍食完早餐啱啱好11點😆就可以叫佢哋新推出嘅～銀牙肉絲炒麵，見到幅圖片已經好想食，食物上枱，完全同圖片一樣😍，麵餅非常之香脆，而且份量非常多，睇落應該係由三個麵餅組成，一份已經夠我哋兩大一小，食到飽飽，略嫌個汁鹹咗少少，如果唔係就非常Perfect了✨✨

每逢假日真係會想出去嘆個tea，薄扶林呢間禁食金記我都食過唔少次，貪佢近近地。今日又係大約三點左右啲時間嚟到店面都好多人。上次你食炸雞皮感覺不錯，所以今次試吓叫個雞翼全翼配伴件西多士，樣樣野都唔會整得油膩，最正係佢熱辣辣夠新鮮，正！果然係茶記之選

這幾個月暫住酒店，而大部分的行李都暫存在親友家，但由於匆忙地執拾，故總是漏東漏西，不得不抽空到親友家拿取。千里迢迢來到，當然吃埋晚飯才離開。其實置富廣場都有不少食店，就被這間門面設計獨特的冰室吸引了。它設計成一艘漁船，船身還有精美的手繪畫，在藍藍的天空襯托下，的確很美！內裏的裝潢也很獨特，掛上魚網、盛魚的滕籃、船舵等等....富心思的設計。長方形的設計，左右兩行是闊落的四人卡座，中間是一行大圓枱，三行都有一定的距離，坐得舒適。翻開厚厚的餐簿，選擇頗多，有精選晚餐、中式小菜、鐵板精選、雞不可失、歐陸餐、金記冰室餐、特別推介、港式沙律、香港情懷精選、秘製咖喱、香港地道特色、泡飯系列、1967焗製、大廚快炒、港味小食、港味粉麵、三文治與多士、特色飲品等，令我眼花撩亂。***************精選晚餐共有六款選擇，每款均白飯、老火湯、咖啡或奶茶，價格由$58-$92。當看到最後的E餐時就不用多加考慮，因為海上鮮必是我心水。原來星期一至日都有不同的防疫老火靚湯出場，而今日就是具清熱利尿，潤肺降火之效的蜜棗西洋菜陳腎湯，正！熱辣辣上枱，急不及待呷一口。湯面帶少許油光，舀起湯料，內有腍嫩的瘦肉

置富嘅餐廳選擇唔多，而當中最得爸爸心嘅就係金記🤣所以都差不多係我地星期日嘅飯堂簡簡單單又一餐😛最適合星期日快食再早早番屋企預備第日番工之前疫情嚴重時成日都要排隊，最近就少番啲人，晚餐時間都唔使排，直接有位不過睇落外賣單依然好多😌點左鮮茄濃汁焗豬扒飯，份量都幾大，豬扒軟淋、醬汁亦香濃大部分野食都可以半價加飲品，而黎得冰室，梗係要飲杯咖啡，道地嘅香港味~另外亦叫左個晚餐🙌🏻西蘭花一直都係我嘅最愛☺️加埋蝦仁、腰果就更有口感層次~~爸爸就叫左無冰奶茶，無冰奶茶既能保持奶茶冰凍，又唔會令奶茶變淡~最後都加左個甜品哈哈~熱西多配凍雪糕，完美ending☺️

今日下班後因為要趕上堂，所以回到家附近的茶餐廳外來一個外賣自取，順便替家人買晚餐。金記的焗豬扒飯雖然略貴，但是試後便覺得雖貴但有道理，焗豬扒飯回到家後仍十分燙手，而且十分足料。豬扒大塊外，還十分鬆軟，並不是一般快餐店可以比較。金黃炒飯底散發淡淡蛋香，再混合茄醬及鬆軟豬扒，不消一會兒便將整碟清除得乾乾淨淨。家人下單的黑椒牛舌粒炒飯亦相當有驚喜！份量充足外，牛舌粒亦充足，不會只有兩三塊牛舌粒便充當牛舌粒炒飯。而且炒飯中加入的黑椒令炒飯味道得以提升，十分惹味！為了身體健康，亦加了腐乳通茶一碟，味道正常！不過腐乳醬較少，若能多一點便更好!

今日天氣好與友人行山，其後由山頂行落置富當然順道醫埋個肚啦！朋友帶我來了一間冰室因他知我不喜愛幫襯D乜乜快餐連鎖店。這食肆位於商場外，如不熟識環境真不知有如此地道的茶餐廳。外貌裝修以隻船，在內用餐有如置身於畫航，配合南區特色。因聚集令末除，今次當然都係外買回朋友家；可一面吹水和慢慢欣賞劇集。食品多完化，有中、西、馬來款式可供選揀，還有經濟實惠午市套餐添。XO海鮮炒烏冬套餐 $58烏冬很有口感， 煙煙韌韌；炒得好有鑊氣，最重要是不覺肥膩。海鮮配料是有蝦和墨魚仔，以這價錢仍算合理；加埋XO醬更覺惹味。羅宋湯用料十足，酸甜開胃。👍👍熱檸茶煎豬排沙律  $ 47豬排肉質鬆軟淋滑，不會鞋口。沙律份量足夠，最合女士享用。

住係呢到附近成日經過見到薄扶林呢一間金記冰室好大又好靚，每次經過都好多人食今日3點3下午茶時間就嚟試試佢下午茶選擇好多，我哋叫咗個炸雞比配沙律、麻辣豬膶米線、咖哩牛腩飯個炸脾一上枱我地嘩左出聲！係好大隻之餘仲炸得好令仔，切落去好脆仲好多肉汁流出嚟好正麻辣米線夠哂麻，豬膶又夠淋一啲都唔腥，幾出色咖哩牛腩飯好香咖喱味唔會太辣，牛腩夠淋不過冇乜牛腩味，但係整體唔錯配飯一流下午茶價錢好抵食，下次會再想食下個西多士

茶餐廳嘅早餐食極都唔會厭，呢間好地道嘅港式茶餐廳雖然人好多，但係都無損我哋食早餐嘅意欲。早餐嘅款式都有大約五種，我就叫咗火腿鮑片通粉，跟煎雙蛋同牛油多士，想食得健康啲仲有麥皮揀。煎雙蛋仲係流心嘅添，啲蛋黃一邊食一邊流出黎，流出嚟嘅就用多士點埋黎食，唔想食煎蛋仲可以叫炒蛋，用牛油去炒嘅特別香。不過個通粉就喊左小小，跟餐當然仲有嘢飲，我就叫咗熱咖啡，不得一題呢度嘅熱咖啡真係好好飲，我最鍾意就係用煉奶沖嘅咖啡，唔會太苦，又有陣陣嘅奶味。

今朝約左好朋友食早餐，但系大家都訓得太晏就搞到12點幾先食野。最後就叫左個2個常餐啦朋友仔叫左沙牛面+火腿奄列，超級多牛肉系咩事?! 個火腿奄列連油多一上枱就覺得好吸引，隻碟仲要系熱嫁! 咁樣D野就唔會咁快凍，好貼心啊! 當然油多都系岩岩烘好啦~  上餐超快，我諗每樣野隔左2-3分土就上曬啦~ 可惜個面有D吸水，一定要上左枱就即撈好佢，如果佢吸左少少水再撈就好難啦 而我就叫左個鮮牛面加炒蛋，唔記得叫佢走姜絲啊我的媽 好彩唔多所以拎得走  本身都想叫沙牛面但系諗起好多油就過唔到自己個關，所以轉左做鮮牛面，牛肉都好淋身啊! 比個like! 當然炒蛋都OK啦~ 完全無問題！凍奶茶都系唔少得既，亦都系正正常常 可惜價錢有D貴，同早餐相比貴左成11-12蚊，埋單一個常餐都要50+就有D貴啦

到左假日，訓到自然醒後食個暖心早餐最重要。金記冰室既雙拼三文治早餐$32唔算平，烘底仲要加$2蚊添。但今日好有衝動想食個港式經典早餐：餐蛋治+熱奶茶，所以決定豪比佢~見到麵包紋理，烘得咁靚，即時覺得果$2係抵比既~餐肉都無欺場，厚厚的一塊，咬落口感十足。而家好多麵包店都有咁薄切咁薄，薄到我攞上手confirm左幾次自己無拎錯腿蛋治。炒蛋幾滑身，最重要成份早餐係即叫即整，熱辣辣咁放入口。先係茶記風味~

呢個係我食過最難食嘅焗豬扒飯。蕃茄汁世界級酸，豬扒又細，有冇其他配菜。晚餐價錢完全不合理地貴。本身價錢已經貴，晚餐仲要加(正價既半價)先有嘢飲或者湯🤷🏻‍♂️不如食麥記好過。

放工去探朋友，嚟到置富花園，對我嚟講真係山咔嚹之地，完全唔知晚飯食咩好，好彩有個置富南區嘅廣場。廣場好90年代，行下行下行出平台，見到有金記冰室，銅鑼灣果間咁好食，梗係食呢間。環境以懷舊為主題，但加海船為配搭，咁既裝潢組合幾新鮮，於是心水食個海陸雙拼夾薯菜，配蒜蓉汁，跟餐要紅湯... 😋紅湯材料好多，有椰菜、紅蘿蔔、蕃茄、洋蔥、西芹... 飲落仲辣辣地，好開胃。海陸雙拼鐵板燒到㷫烚烚，一淋蒜蓉汁上去，鐵板就吱吱喳喳，聽到都覺得爽 😂 又魚柳又豬扒，仲大盤薯條，yummy yummy😆😆😆 全部都熱辣辣，又香又脆。食飽再嘆一個懷舊特飲 - 蛋白杏仁茶，蛋白滑一滑，杏仁味香濃，完滿好滋味❣️

出街食親都係西日餐，今次終於貼地d，食返間茶餐廳了。今次食呢間金記有50年歷史，香港都有多間分店，我諗今次穩陣吧。我地一行2人叫咗滑蛋粟米魚柳飯跟“白雪公主”同埋鐵板美式雜扒意粉配茶走感覺：粟米魚柳飯分量十分足夠，魚柳捻身，飽肚穩陣之選，“白雪公主”即係溫尼拿雪糕+雪碧，“黑牛”就聽得多，“白雪公主“真係第一次見，我當佢係白色版“黑牛”吧鐵板美式雜扒意粉：倘若鐵板個牛唔放最底就仲好了，宜家咁樣焗住咗略嫌熟；雞扒都幾香同有肉汁，抵讚，因為本人好怕雞扒焗耐咗會韌，最後豬扒夠「林」，滿意，配埋蒜蓉汁，雖然鐵板係幾西式，但感覺呢個蒜蓉汁令到個餐充滿典型香港茶餐廳特色。茶走算一般滑。最後呢間分店設計算特別，佢大部分分店都走懷舊風，但呢間就以漁船為主題，地方幾開闊，滿意

相信鍾意食香港地道茶餐廳嘅朋友，對於金記冰室一啲都唔陌生，今年佢仲積極擴充，係唔同嘅地區開分店，之前我都響西營盤食過已經覺得好正，今次偶然嘅機會下去置富花園探朋友，佢說帶我去置富廣場吃茶餐廳，估唔到原來係食金記!😱因為我自己覺得置富商場有少少殘舊，我都唔期待會食到啲乜嘢好嘢，以為係普通街坊茶餐廳，點知我朋友帶到我出平台，見到大大座類似輪船造型的建築獨立在平台之外，冰室冰室四個大字仲似識發光勁華麗👍真係令我好驚喜又期待！😝😝😝入到去入面環境又係勁靚和光鮮，裝修充滿懷舊氣氛之餘燈光勁充足，一啲都唔會覺得昏暗，😄可能係新裝修，和廣場的殘舊形成強烈對比，令到我放工本身勁累，入到去之後都覺得好醒神好想狂吃！😋😋😂佢嘅焗豬扒飯（$51）我覺得必勝嘅名菜之一，飯底炒得好香又唔會過硬，豬扒肥瘦均勻，咬落去軟林卻有口感，唔會痴牙亦唔會覺得醃得太耐而梅，加上芝士番茄醬成件事就係那麼的啱啱好😆我和友人們一人一口很快把它K.O.👍😋另外我哋叫咗個麻辣雞絲米線($36),這個較我們想像的清淡，湯頭不算麻辣，比較普通😬。食咗清淡嘅我哋要吃一個重口味嘅咖喱牛腩飯($52), 佢嘅咖喱牛腩飯係典型我最愛嘅香港風味咖喱

早幾日去咗置富花園探朋友仔順路去買冰室食咗個靚靚晚餐～呢間冰室好特別外面係一架船仔裝飾嚟㗎！叫得冰室嘢食就當然幾懷舊下啦⋯⋯咖喱牛腩出色、出色、出色！重要嘅嘢一定要過三次～入口軟淋淋💕鬆化入味！帶有絲絲的椰香味！難怪人人推薦！拌飯一流～而且大大碟⋯⋯抵食抵食金磚風沙炸豆腐包裹着一層脆脆的炸衣～裏面就係香滑的豆腐～如此簡單的炸豆腐卻讓人妻魂牽夢縈！要知道炸豆腐要炸得出色一啲都唔容易～外脆里嫩呢⋯⋯而且調味做得啱啱好！人妻差唔多清晒一碟😝😝😝滑蛋韮黃炒蝦仁家常小菜～最考嘅就係廚師功力～特別係蛋！呢間冰室絕對過關⋯⋯火候一流，蝦蝦彈牙，蛋蛋亦嫩滑😘同小時候食嘅一模一樣！蒜蓉炒菜心😆作為一個靚女絕對唔可以做食肉狂～一定要加番啲菜菜啦⋯⋯呢碟菜心真係抵食喎⋯⋯分量都唔講，條條都翠綠色又新鮮，炒得爽脆唔老，咬落咀咀嘅時候仲係索索聲的～正呀～最緊要係油又唔太多！帶上濃濃蒜蓉香味！話咁快我就食完一碟菠蘿冰和雜果冰當菠蘿冰雜果冰遇上7喜💕就諗返起以前細個～想當年要飲呢杯特飲～唔係嗰時過節！有嘢慶祝、老竇中馬、都唔使旨意有得叫～而且當然仲要係三個小朋友飲一杯！☺️而家喺冰室見返當然要點一杯回味下👅我最開心就