金豪茶餐廳

营业中

休息中

食過好多間崩沙腩，好多標榜好有名氣但最終食落韌字字🙈🙈市面上牛腩分3種：爽腩、坑腩、崩沙腩而我食過咁多間之後都係對金豪茶餐廳念念不忘佢嘅崩沙腩真係好好食🤤🙈甘香崩沙腩河$63👍🏼👍🏼👍🏼👍🏼極品之選位置：橫隔膜特色：軟腍味香本人唔喜歡食肥膏，而呢個崩沙腩都會有少肥膏既，但係表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品🫣🫣🫣墨魚丸河$45👍🏼👍🏼👍🏼墨魚丸入邊真係食到一粒粒墨魚肉喺其他地方真係好少食到🥹標榜香港製造手打魚蛋金豪餐廳地址：九龍城獅子石道91號（近九龍城廣場）電話： 23821191

依家分享下最近試嘅金豪牛坑腩河🍜。牛坑腩，實話實說，質素真係幾好㗎！牛味夠晒香濃🐮，河粉又夠滑，真係揾到少少茶餐廳嘅懷舊味。食落去嘅感覺啱晒口味，唔會太悶。每一啖牛坑腩都咬落去有啖啖肉感，絶對係牛腩控嘅心頭好。而且佢哋份量真係幾滿足，唔會得啖啖骨，啱食晒食得多啲嘅食客。店內叫人開靚聲嘅工作人員都幾貼心，問起哂食得點。港式粵語來形容，佢哋嘅牛坑腩河，真係可以話做到彈牙爽滑，重有噉嘅飽滿足感，彈牙爽口，完全係食極都唔會厭㗎！一碗下肚，真係令人滿足到暢快！熱辣辣嘅、恰到好處嘅辣度配上啖啖牛腩，一流👍。下次都會再探佢老底，睇下佢嘅魚蛋河係咪一樣咁正。總結嚟講，呢度真係一間搵食好去處啦！

喺呢一區返工返咗咁多年，唔多唔少都儲埋一系列嘅推介餐廳，講到食牛腩牛什，就一定係黎近住九龍城廣場嘅呢間金豪茶餐廳，感謝佢喺疫情下仍能企穩！呢度一直保持乾淨企理，好光猛，無論地板定係座位都好整潔。同一般茶餐廳一樣，好多Menu都貼在牆上。粉面套餐大約50幾蚊一碗，跟一杯熱飲，凍飲加兩蚊今次我叫咗牛腩粗麵，另外加$10要牛筋，再加$10要牛膀，超級豐富。碗麵嚟到第一時間要喺未加醋同辣椒油之前飲兩啖湯，好濃味好夠熱！唔好睇佢牛腩大大嚿好似好瘦咁，係好夠林好入味㗎！牛筋口感都非常好，唔會太硬。牛膀雖然得三片，但係好粉好軟又帶點咬口，係我必點嫁👍🏻加埋杯凍檸茶少冰少甜，盛惠$75，都係一個幾正嘅午餐嚟㗎

食了好多年，第一次食時在讀form 5；那時20蚊一碗牛腩河，23蚊一碗坑腩河/肥牛腩河。記得某一年，因事很晚才在那裡食牛腩河，只有我一人在食；擔心阻住人地收工，食得很急；埋數那位還安慰我說不急慢慢食-以前可以選肥牛腩河，會貴一點；現在選普通牛腩河，是肥是瘦，要睇彩數崩沙腩好食，湯底的話，中午清一點，晚上濃一點，但不會過咸辣椒油几香經常是牛腩河+熱奶茶，比較抵-味道沒有剛開始食時那麼好，但每次在其他地方食牛腩河，都會和這間比較，然後都會更喜歡這間推薦（崩沙腩河+熱奶茶）

香港地道牛雜粉麵店金豪茶餐廳_____________________________今次小編來到九龍城老牌粉麵店金豪茶餐廳～～第一次食係10年前了～Order 了招牌牛什河粉，同10年前味道一樣🥰牛湯底濃郁，值得一試～(雖然環比較殘舊，但味道不錯，喜歡正宗港式粉麵可以一試)

到九龍城廣場附近逛見到的一家店，走進去發現只收現金可能也算是這種科技時代的一種特色吧…如果沒帶現金出門就慘了TAT點的是牛腩飯，味道是不錯的，如果青菜能多一些就更好了

今日去咗九龍城，諗住去食牛元師，點知老闆話佢哋中咗招，咁行咗落狮子石道果間金豪試點知⋯一入到去見到蔡瀾推介，心諗大獲一定伏！！牛什米收$44，一D都唔平，啖湯淡過水，一D牛味都冇，個心已經離一離，牛什切得三尖八角，心情相當唔好⋯一試仲大鑊，冇一件咬得開，仲話自己係牛什專家，真係伏到冇朋友⋯

呢間茶餐廳係老遠已經聞到佢既味道，真係一D都唔跨張。因為住附近，所以間中都會黎食嘢，大概一個月有一兩次。店內環境ok，望下牆身枱枱櫈櫈都是較舊，一望就知有多年歷的茶餐廳，仲生存到就知係有D實力。牆身餐牌好懷舊，有電腦打印又會有手寫的餐牌個人意見，牛雜河必需吃的其次就係牛筋河，都是必不可少的我老公真係好鐘意食，佢食既時候係好有次序既1.因為個湯底太好味，最初食用時不會加任何的調味料，此時只享受淨湯底既味道。2當食到一半既時候，就會加入呢道既辣椒油同埋醋，呢兩樣調味料加上呢碗湯，係絶配，吃過一次就會像吸毒的上癮。3.食晒全碗。絕配調味料:辣椒油同埋醋仲有涷檸茶都是推介物

這店舖真係好就腳，係屋企走過來都不用10分鐘時間，所以間中就會來一趟這間茶餐廳用餐，這次食早餐，點了茶走，沙嗲牛肉麵。茶走有質素，茶膽唔苦澀很有茶香。通常都會喝茶走唔會叫奶茶，因為奶茶加煉奶的味道真係好濃郁，雖然係肥DD，但真係好味好多。沙嗲牛肉麵餐配有煎蛋香腸及麵包。味道唔錯。這個沙嗲牛肉麵味道幾好，試過有些店舖既沙嗲牛肉醬好咸，這間幾好，咸味適中，醬料布質素，牛肉亦夠新鮮，而麵質都可以，放得耐亦不會太過淋身。

星期五晚上在「九龍城廣場」看完電影，跟享用完甜酸味炸雞配辣味蘑菇飯晚餐之後，準備在乘搭港鐵返回「彩虹」之前，在「九龍城」享用「牛腩麵」，完成我整晚晚餐裡面應該有的內容。結果我光顧位於「獅子石道」旁邊的港式潮州粉麵茶餐廳「金豪茶餐廳」，趁餐廳看似還未至於準備休息，立刻點了一碗「牛腩麵」來享用。「金豪茶餐廳」「牛腩麵」裡面的「牛腩」肉質煮得很軟，所以「牛腩」的實際口感感覺也都因此而變得腍，而且沒有食到少許來自蔥花的香味。蔥花令到「金豪茶餐廳」「牛腩麵」湯底的牛肉鹹味感覺變得頗為濃厚，最重要的是「幼麵」麵條口感除了很彈牙之外，而且沒有從麵條裡面食到明顯的鹼水味。所以「金豪茶餐廳」製造的「牛腩麵」，「牛腩麵」整體湯底裡面的味道不算非常之鹹，而且沒有食到明顯感覺的鹼水味道，令價錢不算昂貴「牛腩麵」整體尚算容易入口。加上「金豪茶餐廳」餐廳樓面裡面，實際上沒有聽到來自電視機的明顯播放新聞報導聲音，所以感覺餐廳整體環境不算嘈吵，下次有機會的話還會考慮繼續光顧。

終於知道點解金豪可以係九龍城䇄立多年，係九龍城浦左n年第一次去食。叫左崩沙腩同爽腩，兩款牛腩都好有肉味而且帶有小小調味，兩款既分別就係一個肥d一個瘦d,我鐘意帶小小肥同筋膜，所以崩沙腩比爽腩再正d。以$50餘蚊食到高質牛腩竟值物有所值，下次想試埋普通牛腩。有時都唔使特登去試都食到好味有質素既食物，真係好開心😆另外都推介筲箕灣王林記牛腩撈麵同埋天后八寶清湯腩，都係可以食到好味牛腩但就價錢偏貴/人氣店要等位。想地道都係金豪🤤好想試哂金豪d粉麵配料🤣😂

今日去九龍城見客，見完見有少少肚餓入咗呢間聽朋友講話好出名嘅粉面佢哋🤩牛腩都有分幾種，有普通牛腩另一種係肥腩另一種係爽腩。我本身自己就鍾意有少少肥嘅牛腩所以就嗌左肥腩。同埋爽腩佢都賣晒，聽啲夥計講要早啲嚟先會有下次有時間真係要早啲。後尾嚟咗之後加少少辣椒油個湯底都好好味。唔夠10分鐘就食晒成碗。下次希望可以試到個爽腩🥰

星期日一家人又去九龍城金豪食午餐，去到點了魚蛋河，蔥油豬扒飯，西多士。兩位小朋友吃了一碗魚蛋河。呢度既魚蛋好好味，河粉同湯底都正，星期日好多時候呀妹都成日話黎呢度食，因為佢真係好鐘意食呢度既魚蛋。另外我都食過呢度既牛腩河牛腩飯，都係非常好食。好多時候係街外聞到舖頭傳出呢既味就想入去食杯牛腩河。西多士真係好出色，呢樣都係童年係餐廳都好鐘意食既食物，亦都好有童年回憶的食物。年紀小時由爸爸媽媽將一塊的西多士切成十幾件，之後係西多士上淋糖漿，每一次都會望實一刀刀咁切，好期待食嗰刻；而家大咗為人父親，到我為兩個女，太太切西多士，人大咗角色都轉變咗。合理的價錢

Lam Ho - absolutely addictedAmazing beef brisket noodles 崩沙腩河有兩種，較肥 - 崩沙腩，較瘦- 牛坑腩， 河粉根根分明，湯底濃厚! 一流😋佢嘅做法係潮州做法，加上好多香料例如有芫茜蔥 ， 佢個腩汁湯 成個面精髓，真係不得了好好濃沃嘅牛味， 每一啖河粉再加腩汁湯飲落去真係好好味。 河粉係根根分明而且係好薄同埋係一條條嘅這個特別的味道令我回想當年在九龍塘教書的日子，3點3 就去補血再番去改簿。絕對令人上癮

香港地有唔少食肆係食港式粉麵，雲吞麵牛腩河係我至愛，但唔係間間食肆都煮得好食。雲吞要皮薄餡靚，有蝦再加埋少少肥豬肉先叫正，牛腩要夠淋夠入味，唔打渣先好食，可以兩樣都做得好嘅食肆唔多，而九龍城有一間我認為唔錯。有時返工前會約埋同事黎呢到一齊嘆個早餐，咁先係good morning黎架嘛我就梗係食招牌牛腩河啦，牛腩夠淋之餘充滿五香味，而河粉又夠滑，加埋辣椒油非常刺激味蕾同事減肥所以清清地食魚蛋米，魚蛋好彈牙，有魚味但唔會腥，米粉雖然粗身但唔粗糙，同事話好味到要食晒成碗減唔到肥🤣另外同事食西式早餐，牛油包轉烘多，烘嘅時間啱啱好好脆口，加埋牛油夠晒香，火腿奄列夠晒蛋香，內裡有少少蛋汁夠juicy，火腿通粉就普通無咩特別呢到除左食物好味，老闆仲好好人，食過幾次已經認得我地，老闆記得我地例牌走䓤老就會加多幾條菜，外賣又唔加錢，每次都笑住同我地byebye，今時今日真係好難再見到