金輝燒臘

营业中

休息中

冬至早收工，於是做乖乖女陪媽媽去買送做節！砍料加送黎講，燒味真係走唔甩！沙田街市得兩檔燒味，就求其揀左呢間金輝，為左做到乜都有既效果，我地就樣樣揀啲，試一試佢味道如何。估唔到又幾好味，叉燒睇落顏色唔係咁橙，應該少落色素，半肥瘦適中，岩我食。燒鴨燒得幾香，啲肉都幾滑，唔係霉既。燒肉拎到返去擺左幾個鐘啲皮仲脆卜卜，好味！生腸超級爽口彈牙，證明好新鮮！雞腎豬肚就一般貨色，不過不失啦。最中意都係佢既白切雞，好滑好滑，但食落唔係淋pat pat咁，啲肉係實既，而且唔係話淡茂茂咁，唔洗落蔥油都ok，食到佢浸雞油香味，亦唔覺肥膩！下次再加送決定試下佢啲燒鵝，好似幾吸引咁

尋日(30-12-2015 Wed)放工後買餸,斬卟料先,行去瀝源街市,冇晒燒鴨,算吧,行o黎沙田街市睇,$25.00份o既燒肉好肥,但見到差唔多有半隻大o既燒鴨下庄,都係$35.00,於是要呢個.睇吓燒肉,買啲都好喎,揀$64.00斤o既啦,斬o左近一吋闊,$3X.00,我聽唔清楚,收銀o既計平我,收$70.00,多謝.返到屋企影好相就即偷食,燒肉皮脆,但原來都唔係全瘦,而且一樣都幾鹹.味道: 2.3分而燒鴨呢,皮同樣係仍脆,肉滑,味道亦好夠,好味. 味道: 5分

叉燒飯一向都係香港人至愛食品之一,就連已故明星李小龍都十分鍾情叉燒飯.當年何鴻燊更誇口一句,就證明叉燒飯確實有佢本身既魅力所在.可惜現時香港要食到一盒好既叉燒飯實在很難,因為…..土地問題吧..苦笑…,這一種平民美食就只可以在各街市內找到吧.(好似好多茶餐廳快餐店都有?食過真正叉燒飯既果啲只係紅色豬肉飯吧)吐嘈完畢..入正題.一向鍾情於街市買外賣當一餐,原因當然係平..笑.各區街市留下不少腳毛既我於幾區街市都有必食之選.而每次黎到沙田都一定會幫襯既就係金輝.原因除左價錢同地點方便外,當然係佢既正宗叉燒.正宗叉燒要用脢頭肉製作（豬肩）, 當中「半肥瘦」以肥、瘦肉均衡為之極品.金輝既叉燒就係用依種極品脢頭肉去做.與一般茶餐廳快餐店有極大分別.一盒正宗叉燒飯三十零連湯水,雖然要坐係公園食.當日湯水係豬骨湯,湯味較淡因為沒有味精,所以可以放膽用黎撈飯唔洗怕口渴.

如果要加餸，香港人一定選擇燒臘食品，今次來到我經常要來加餸的金輝燒臘店，因家住沙田，差不多好多店舖都去過，今次介紹的是我至愛的其一照牌永遠金光顏色，在沙田街市裹，好吸睛食品種類很多，燒味和滷汁食品是主打今次選擇了我至愛食品加餸，滷汁食品加燒鴨超級入味，帶有濃濃的香料味，令不同食物有不同口味，不會樣樣同一口味，是值得一提的。燒鴨也好，好juicy吾乾身，肉好嫩。值得一提是自家制酸甜汁，中和了肥腻感，有開胃的感覺，吃多了也不怕。