金銘潮州粉麵

营业中

休息中

一到午市就一大堆留位，有幾多空位就全部留位！大佬！唔想做生意可以講明白，唔洗係唔係都留曬一堆空位（2張檯1X個位）掛！你留位得黎有咁多人幫襯先算啦！食物質素就見人見智，但係D阿姐既服務質素就真係唔太好！

🗓 2023年最後一日，諗住由東涌出發行上昂坪市集睇年尾嘅最後一個日落🌄～ 出發前，由東涌地鐵站行20分鐘，去逸東邨搵啲平價嘢食，搵咗一間粉麵舖食晏～🥣 鮮肉碎蠔仔泡飯 😋😋😋😋清湯泡飯調味簡單，充滿莞茜同蔥香，蠔仔🦪相當飽滿，creamy質地，有十幾隻咁多，啲沙清理得唔錯～ 飯粒可以再鬆散啲同再分明啲，加埋肉碎同蠔仔，鮮味十足！😚午餐 💵 約港幣$40/人💁🏻‍♀️ 依間粉麵店喺逸東邨享逸樓對面，但佢其實唔止一間，仲有其他分店喺市區嘅～ 😉 如果大家去開附近探朋友或行山，平平地去幫襯都係唔錯㗎！🙆🏻‍♀️ 最後，喜歡嘅話，歡迎follow @foodirectory.hk！

黎到東涌 算得上半個飲食沙漠 隨意找了一間潮州粉麵店醫肚 呢間餐廳其實都有幾多分店 就試試佢叫咗碗牛腸紮肉麵 牛腸最重要就梗係肥膏 有啲麵店會將啲肥膏去除 我覺得完全哂野 肥膏先可以令到一食落口完全感受到個種軟濡 同甘香又可口 紮肉都尚算厚切 食落口都紮實 唔會好似紙咁簿 正所謂 湯係麵既靈魂 一磅麵好唔好食 奶多時都係取決於個湯底 以潮州粉麵店黎講 個湯底同個腩汁算得上合格 但唔知係未落咗啲味精 食後會有有朝口喝既 總結 以47蚊呢個價錢 係香港既物價黎講 算係良心價

今次叫左碗腸膀面，牛腸同牛膀既份量都唔錯。 湯底飲到幾出牛腩汁既味道，但就無左用骨去煲既甜味。牛膀夠粉，腩汁夠入味，微微雪味，可以接受既程度。腸既部分就有齊小腸同大腸，小腸偏軟身，口感差少左左，大腸有肥膏所以比較油香，同樣無咩雪味，唔錯。最後個面底叫左幼面，彈牙既，師傅煮麵時間控制得幾好，但可惜鹼水味重，走鹼過程唔夠，換水可以密少少。 但$35一碗我收貨，質素都同價錢成正比👍🏻👍🏻 今時今日仲敢表明支持香港，值得支持😘

已經食左金銘好多年…唔同分店都試過..每間鋪既水準都做到好一致…最鐘意呢度既粉麵大大碗..價錢又抵！相當抵食..所以耐唔時牛腩癮起時..都會即刻諗起金銘….湯底有濃濃既腩汁…加埋辣椒油真係絕配而我最鐘意係食牛腩河..出面食過好多間既河粉都係好碎同散哂咁..但呢度就真係一條長長既..完整既..而牛腩方面..肉質唔會太肥..肥瘦均稱..冇一啖啖肥膏既感覺食落又唔韌…而且牛腩份量都多…最喜歡就係呢句「香港人加油」喇…埋單都係$35

「金銘潮洲粥粉麵」位於東涌逸東街市地下，面門呈金紅色，非常顯眼。主打粥品，各類潮洲粉面。及第粥（HKD36):呈上桌時已經聞到好香，粥底好綿滑，充滿米香，豬腸好長，洗得算乾淨沒有苦味，豬潤食落嫩滑，幾乎輕微滾燙一下已經夠粉嫰，瘦肉已調味，夠曬咸，豬肚帶點苦麻麻，但整體份量細左碗好淺層。要加胡椒粉吊吊味 。炸兩：腸粉皮唔算滑，比較厚，入面油炸鬼好油膩，炸到過晒火，食落揸出油同硬，有待改善，但可自行添加甜醬辣醬芥末都吾錯，係咁易食。總結：質素一般 價錢合宜想食清啲好選擇

最近天朗氣清，最適合到郊外走一走，但最重要出發前一定要帶足補給和食飽飽😚今天行的路線是東澳古道，比較偏長但高低差不大，由逸東邨出發，先來到這裏充滿人情味的傳統粉麵店💛 .除了粉麵還有不少飯類🍛提供簡單點上一兩餐點就可以飽肚，而且可以自由配搭各款餸菜。今天我簡單選了雙拼麵，順德魚腐拼京都炸醬撈幼麵🍝京都炸醬和麵一起上，酸甜帶有肉碎的醬汁很惹味。順德魚腐和撈麵附帶的湯一起上，貼心設計令魚腐保持温熱☺起膠的鯪魚肉有如豆腐般滑溜，再帶有些微鮮味。

簡單直接，最能夠代表香港嘅味道，非魚蛋粉莫屬💛以前屋企樓下就有一間，成日去食，貪佢就腳🦵🏻而家真係買少見少啦，同埋人又大左，出親街都好似食下日本野，西餐咁，都好少會幫襯魚蛋粉鋪🧐難得遇到間，仲要咁有人情味，一定要去食😝•👅 六寶米線（$55）牛膀，牛大腸，牛粉腸，牛肚，牛根同牛腩😛全部都好有牛味，勁入味，由其係個牛腩好淋好正😋今次食嘅唔止係牛，仲有左上角杯插著滾水嘅筷子（好耐未試過咁好服務嘅魚蛋鋪🤩）姐姐拎碗粉過黎嘅時候仲加多句：慢慢食🥰

開係屋邨街市個邊都開咗好耐平時好少會食佢但有一日好想食雲吞麵先諗起有佢但睇食評見到啲人叫嘅腩幾正所以臨時轉咗呔食牛腩牛筋粗個人覺得依間唔算話好貴佢一個牛腩麵$35加餸貴多10蚊但係料都多叫咗牛腩牛筋粗每個餸都5件up仲要唔係細舊牛筋都係好腍好夠膠質牛腩有少少肥唔係𠯆得肉好乾整體都唔錯最可惜嘅係佢唔記得比蔥我搞到成碗嘢都差咁啲咁😔😔入開嚟可以試下牛腩牛筋湯粗麵：$35+$10（如果要撈麵就係$46+$10）

懲罰系列 #黃藍是政見黑白是良知 #黃藍是政見好食是良知 <好足料既黃店金銘粉麵>難得有粉麵檔係黃店 點都要支持下 呢間金銘 有好多分店 但我竟然冇試過😑 又甘啱喺東涌 所以試左喺東涌再入逸東村既分店😂呢間東涌分店地方闊落 全部細圓枱 有唔同既粉麵飯 泡飯 小食等等 價錢合理 味道都正 值得試下 住東涌既朋友可以一試 其它可試下佢唔同區既分店🍴水餃河 腩汁 31 蚊🥟三舊大大件既水餃 應該係自家包 餃皮爽滑 落足料 夠多木耳 蝦肉🦐 仲有新鮮生菜 🥬加既腩汁夠香濃 所以爽口既河粉吸哂湯底汁好入味 正🍴鮮炸魚皮 17 蚊🐟17 蚊黎講 都算多 好香脆 應該係炸左冇耐 咸度適中 放落 粉麵度食最 match 🔥🍴生菜牛六寶 55 蚊 牛腩 牛筋 金錢肚 沙瓜 牛腸 牛膀 🐮河粉夠爽 有生菜 湯底當然充滿牛肉味 唔錯既 🐂 牛腩整得夠爽口 邊位帶 d肥膏 牛腸出面層皮幾滑 入面充滿肥膏夠邪惡 牛筋夠粗身帶 d黏稠口感 金錢肚當雞夠彈牙 牛肪就比較粉身有口感 😆 仲有平時好少食到牛第4 個胃牛沙瓜 夠哂牛味同彈牙 足料好味 正#黃店 #黃色經濟圈 #粉麵 #牛腩 #河粉 #

同事住逸東村而且知道我鍾意食潮洲牛腩粉面，一於食碗魚片坑腩河試試先，黎到大大碗好抵食。由細到大食牛腩要求都好高，唔肥唔瘦又要好味，金銘係東涌黎講真係唔錯😋魚片都係自家出品，有魚味兼食食吓會咬到小小魚骨添🤨 呢度又有即冲凍〇丅 ，一次過滿足我兩個願望👍🏻👍🏻

去東涌行山前依下肚就去金銘潮州粉面牛筋米，好多牛筋，夠入味，好食，米粉係普通粗米粉，加腩汁不錯朋友叫牛腩飯，牛腩係肥腩，我就馬馬哋肥肉，但朋友就超愛，話正，飯就大碗到你食唔晒😂🤣五大訴求缺一不可，你仲唔嚟食！佢好似有幾間分店，大家都可以去幫襯😉環境普通啦，粉麵店係咁上下，唔通俾張龍枱你座咩😂

一日一黃店 完全冇人知既黃店仲要比藍店包圍 望番openrice原來有幾間分店（屯門 天水圍 黃大仙 油麻地 都有分店） 呢間收據上有明顯表態 ✋🏻☝🏻.唔係咩特別既野食 勝左價錢唔貴 夠平民單餸都係$24 早餐2餸$32 凍飲$3仲要紫菜勁多見到黃店app 全部冇人提呢間點都要分享一下支持默默表態既黃店.#金銘潮州粉麵 (東涌)地址：東涌逸東街8號逸東邨街市地下.⭐️評分：味道：4/5環境：4/5服務：4/5抵食：4/5

今次同事介紹這間金銘粉麵同事說最出名是牛腩河，但看了餐牌很想吃雲吞河餐牌種類超多款，有粥、粉、撈河等雲吞河 $31有5 顆雲吞， 雲吞夠味，雲吞外皮薄，內料豐富，肉餡鮮香😜爽口彈牙，不用加調味以這個價錢必對服了😄魚蛋河 $31不要看魚蛋河平平無奇， 魚蛋爽口彈牙，有魚味，份量算多，魚蛋本身夠咸，湯底較清牛腩河 $35聽同事說牛腩河是這店最出名的，一看就知道牛腩料多，有差不多十件牛腩，湯料濃濃牛腩汁，非常好吃！真的令人回味~久不久都想再吃！飲品就熱奶茶 $11奶茶茶濃，茶味較重！傳統茶餐廳奶茶味😄魚皮 $17 一碗$17 份量同價錢都合理， 脆而不油，配河粉很不錯😄

今朝7點起身肚餓落去買咗個外賣 早餐雙拼 牛腩雲吞加凍奶茶點知出到嚟牛腩冇 啲菜得一條雲吞又散曬咁又冇味凍奶茶又變熱奶茶..個湯底完全係水嚟咁樣收35蚊完全唔抵都唔知係啲員工未訓醒定係未有供應