金雞去骨海南雞專門店

营业中

休息中

下午來到西貢金雞店，機不可失便買了半隻海南雞回家為是日晚餐加餸。～金雞去骨海南雞（半隻）原本半隻$106的去骨海南雞外帶有九折，即$95便可帶回家慢慢歎。最愛是海南雞已去骨，吃起來啖啖肉，非常滿足。黃油雞賣相吸引，黃油雞皮爽而不膩，啫喱狀脂肪亦令人吃得暢快。白滑的黃油雞肉嫩滑，鮮雞味突出，令人吃個不停。將海南雞沾上附上的黑醬油、蔥蓉油和辣椒醬來吃的話，味道又會變得更多元化。三種醬油都能發揮得淋漓盡致，黑醬油為海南雞增添了獨突的味道，但又不會過鹹；蔥油味道突出，但會較油膩；喜歡吃辣的話，這店的辣椒醬辣味十足，就不會令食客失望呀！

西貢食宵夜雖然呢區好多野食但都算早收工見舖頭未close決定order半隻雞拎返去食江湖傳聞呢間嘅海南雞好出名所以一試打開個樣都算靚仔雞肉好滑雖然半隻但都算多但食食下會不自覺想食多d下次都係要order一隻

今日食晏晝嘅時候，諗咗好耐都唔知食乜嘢係西貢，食過茶餐廳諗一諗？相同嘅價錢不如食過西貢特產金雞海南雞啦反正Lunch都係60幾70蚊到，有醬汁有雞油飯，又有去骨海南雞呢個lunch都唔錯!食晏時間喺西貢周圍都多人，又多學生又多番工，不過難得去到金雞有開咗堂食嘅舖位，所以都唔使等，快快手食個晏又打工仔嘅一日啦。總括嚟講金雞海南雞有例如，例湯唔係味精湯有南瓜有紅蘿蔔，海南雞係去骨海南雞加埋油飯準備去茶餐廳食個頹飯好啦。

吃过好多地方的海南鸡饭，一直觉得海南鸡饭也就那么回事吧，包括去新加坡口碑最好的店铺吃完也没觉得怎么样，直到我在香港西贡吃了这家！！！！我的天啊！这是海南鸡饭的天花板吧！真的绝了！-🧃金鸡去骨海南鸡专门店🧭西贡福民路（食街）34号地铺-人均60-100-这家在一个小箱子里，还挺不起眼的，我们当时到西贡已经下午两三点了，过了饭点，但店内依然好多人，选了二人套餐，有海南鸡，鸡油饭，煎肉饼，老火靓汤。我第一口吃了鸡油饭，惊艳了！原来米饭也可以这么好吃，浓郁的鸡油味道，很香，米饭粒粒分明，还带淡淡的咸味，空口吃米饭都很棒。海南鸡肉很滑很嫩，配了几款酱，有甜豉油和辣椒酱，都是他们家自制的，我喜欢那个甜豉油！提升层次！一口饭一口鸡肉，吃的好开心，再来一碗老火靓汤，顺一顺，这个汤熬制得太好了，很有营养，又甜又好喝！最后我试了一下旁边的肉饼，看起来平平无奇，干干的，但吃起来居然还不错，很下饭。-吃完可以去西贡逛一逛，我很喜欢西贡的海水，蓝绿蓝绿的，在阳光的照耀下甚至会发光，海水很清澈。可以买张船票去附近的小岛逛逛，看看日落，西贡的日落很美，如此这样，就是平静美好的一天了。

😎西貢 金雞海南雞飯😎入嚟西貢，除咗食海鮮，一定要試吓海南雞飯。其中一間好食嘅，就係金雞。$57一個海南雞飯，係香口油飯，加肉質嫩滑嘅海南雞！皮同肉中間嗰一層啫喱真係絕頂好食！一個飯再跟一個湯，好足料，冇味精。另外加$8就有嘢飲！大推！

呢間金雞嘢真係唔再去，以前日日食都忍住個惡老闆娘，佢啲南瓜湯都可以嘅，點知再去叫個海南雞，出嚟比我平時食開少左，跟住油飯竟然都少埋，有次咁啱隔離枱食客問點解咁少，個惡老闆娘好大聲竟然話食開都知我地去骨海南雞份量係咁，我心諗咁都講得出口，明明比以前份量係少左，我就係食開果個客，最孤寒係連啲油飯都少左，一個細碗咁，咁都慳埋，脾氣又臭，地方又污糟，堅決唔再去，亦都唔介招俾其他人，費事食完要走去第二間再食

位於西貢市中心的金雞海南雞店是一家專門提供海南雞的餐廳。這家店的海南雞被評為非常好吃，口感嫩滑，多汁美味。許多顧客也稱讚這家店的價格實惠，非常適合街坊與學生們的口袋。此外，金雞海南雞店還提供二人餐，讓顧客能夠享受更優惠的價格。雖然金雞海南雞店的店面不是很大，但是他們提供外賣服務，方便快捷。如果你想要在家中品嚐美味的海南雞，只需要打個電話就能輕鬆訂購外賣。總體而言，如果你是海南雞的愛好者，金雞海南雞店是一家值得一試的餐廳。他們的海南雞不僅好吃，價格也非常實惠，而外賣服務更是方便快捷。

去左西貢呢啲遊客區 講真都無諗過會食到啲好食好抵食嘅野但聽過西貢必試金雞 見一直都不斷有人黎 真係要試下佢虛實😏入到去都乾乾淨淨 即刻叫返隻無骨海南雞飯試下先飯未黎 先上馳名南瓜湯 飲得出真係真材實料 好濃南瓜味 真係好正 俾5粒⭐️海南雞飯好快都上埋 估唔到有咁多雞😳 啲雞質地唔係果啲好軟冧冧 係實在 但又好滑嘅雞👍🏻 配埋佢3款醬 真係3款醬都好好味 難分高下👍🏻 飯都不得了 真係好香 不知不覺就爬哂啲飯😋你地見我都忍唔住食左先記得影相 就知真係好吸引 唔洗諗 俾5粒⭐️估唔到係遊客區都可以咁好食又咁抵👍🏻

已經幫襯咗好多次，係每次想食海南雞都會諗起嘅舖頭。因為抵食又好食，仲要係同親咩人食都好，都一定係食唔晒，飽到要捧住個肚走。.今次四個人就叫咗個四人餐，固定有一隻海南雞。跟住可以配元蹄即係豬手，又或者係煎肉餅。由於二人餐或者四人餐個肉餅會係大細會係一樣，所以四人餐我通常會叫元蹄，二人餐先會叫肉餅。.海南雞最基本係要配三隻醬，呢間當然唔少得！雞同雞皮都算嫩滑有雞味，雖然唔係嗰種雞皮同雞之間會有層凝固嘅雞油，但絕對都稱得上係一個好食嘅海南雞。.元蹄非常極度大隻，炆得超級淋同入味，層皮切開好似啫喱咁好重骨膠原。但就咁食個皮會好膩，所以一定要配埋下面嘅瘦肉嚟食。瘦肉唔算好柴，一肥一瘦呢個組合，連飯都食得多咗🤣.跟餐仲送咗一碟油菜，四個湯，四個油飯，同埋四杯嘢飲，埋單每人$100唔使真係超級抵食！.差啲唔記得咗仲嗌咗個酸辣鳳爪，所以埋單係過$400嘅哈哈😆

#金記海南雞飯真係好出名，就算唔係住#西貢 嘅人，喺外區其實好多人都知道，佢啲海南雞肉真係好嫩滑多汁，啲皮又唔油，真係連皮食都唔怕肥，仲要非常之爽口，佢嘅海南雞黃油飯又係唔油乾爽香味非常濃郁，每一次都會加$10轉雞髀，因為多肉啲又冇骨，佢個餐最正仲要跟埋#南瓜雞湯，佢個南瓜🎃雞湯真係鮮甜味道又濃郁，絕對唔係味精湯，係真材實料。今次就試埋佢個#酸辣鳳爪，佢嗰個辣度雖然都算辣，不過鳳爪爽口入味，仲要係冇骨，真係食完一隻又一隻。#海南雞飯

金雞去骨海南雞專門店今日入咗去西貢行下，去咗好出名嘅「金雞」果度食，網上睇原來呢間餐廳連黃秋生都讚，店員話呢間總店踏入第13年，好多人都專登入嚟西貢食，午餐時間我都入唔到去食，都要店員喺附近放張枱比我哋食，實在好旺場，店內爆多人食緊，店外就好多人排隊等位或等外賣，證明真係好好味！👍👍👍1.金雞二人餐（招牌去骨海南雞半隻、馳名香煎手剁咸魚香肉餅、鹵水汁時菜、住家老火靚湯x2、雞油飯、熱飲x2）$188（9/10）呢個套餐相當抵食，招牌雞真係招牌雞，肉質嫩滑，做到無血又嫩滑真係好少有，再加埋碟上有三種醬汁係佢哋自家製， 一個係甜豉油、薑蓉同辣椒醬，辣椒醬同薑蓉唔會好鹹，真係食得出係佢哋自家製！😋😋😋至於肉餅方面，外觀上勁似豬扒，一路食一路聽到途人話：「嘩，勁大塊豬扒呀！」， 真係會呃到唔少人以為係豬扒，其實係手剁豬肉拎去煎嘅肉餅，呢個肉餅煎得好香，唔似其他肉餅咁用粉整，剁完嚟煎真係第一次食，份量又多，仲會幫手切條比客食，有成12條肉餅，真係幾唔錯！👍👍👍時菜係菜心，份量都多！老火靚湯係南瓜粟米青紅蘿蔔雞殼豬骨湯，南瓜煲到溶哂再加粟米青紅蘿蔔雞殼豬骨，南瓜濃，湯又甜，真係好好飲！👏👏👏雞油飯

20230209平日--金雞去骨海南雞專門店地址: 西貢福民路(食街)34號地舖西貢一天遊，下車肚餓，即去醫肚，做左功課，很快找到西貢福民路，金雞海南雞飯網評不錯，第一餐就試試海南雞飯店子不大，分開兩間鋪，平日關係，客人不多，侍應招待說可自由選擇坐那一邊只有一枱客人，冷氣很大餐廳主打海南雞飯，價錢合理點餐去骨海南雞飯跟湯($57)雞飯、湯，醬油有效率地一併送上材料用上南瓜，有青蘿蔔，雞殼煲的湯，南瓜的甜帶有淡淡的雞味，好喝有黑醬油、薑蓉及辣椒醬單點的海南雞飯，雞份量也不少，雞皮爽脆、雞肉嫩滑有雞味雞飯加入雞油和香料，香而不油膩埋單: $57餐廳環境比較簡陋，但衛生情況合格，店員有禮貌可以說是留下一個好味道印象的海南雞飯個人口味，油飯比聯和墟雄泰好吃，但我還是愛吃天天海南雞的油飯。雞肉肉質雄泰更嫩滑，但此店雞味較濃，各有千秋值得一試

🌈西貢金雞海南雞飯🌈今日同囡囡專程入咗西貢玩～帶咗小朋友食海南雞飯😊事源我以前喺西貢返工 金雞海南雞飯一定係我必食餐廳榜首😊金雞海南雞飯西貢主店都開咗12年既時間😊絕對係陪伴住西貢人嘅成長 暫時來講 佢哋嘅海南雞飯係我腦海之中仲未有第二間可以超越到佢哋嘅水準 所以先可以keep到一定嘅人氣～老闆不斷改良佢哋嘅配方 保持到肉質鮮嫩😊啱晒香港人嘅口味~ 囡囡本身好鍾意食雞~平時食嘢腌尖嘅佢 都食住嗌yummy 雞皮色澤好黃 雞肉好滑好嫩~真係食完忍唔住再encore另外跟餐仲叫咗一個手剁鹹魚蓉肉餅～廚房將肉餅切好晒一條條，方便食用非常細心 每一啖落去都好香鹹魚風味 熱辣辣脆卜卜非常惹味😊總括嚟講~食物質素 服務態度 我都非常滿意 希望快啲再有機會返嚟食💕📍金雞去骨海南雞專門店 (西貢)西貢福民路(食街)34號地舖#foodiehk #foodie #西貢 #西貢好去處 #海南雞#香港美食 #香港好去處 #香港必吃 #babykol #babygirl #jamie#ftm#ftmtransgender

去完西貢藝術節後，返到西貢市中心諗住食埋晚飯行入美食街就揀咗呢間餐廳睇過餐牌後，妹妹話好肚餓就揀咗金雞二人餐好快就上住家老火靚湯南瓜湯好足料，有雞殻、甘筍、玉米，味道清甜滋潤滷水西貢狀元碲(例牌)肉質肥腴多汁，食落軟滑但較膩招牌去骨海南雞(半隻)賣相不錯，外表光滑油潤，食落軟嫩爽口配埋三種醬汁提升層次👍🏻👍🏻套餐仲跟時菜、油飯及餐飲油飯中仲配有乾蒜片，食落好香又多份滋味整體非常豐富的一餐，食物味道不錯，值得再來下次要試下香煎肉餅～

諗住平平地求其搵啲嘢食下就算 經過門口見到好多明星都幫襯過就決定試下～店內係普通舊式鋪頭裝修 但見到餐牌上嘅食物相 個個都望落幾吸引😍.🐈.𝙎𝙪𝙢𝙢𝙖𝙧𝙮平時唔好海南雞飯嘅我都覺得好好味去骨真心正 啖啖肉 方便我呢啲懶人👍🏻👍🏻👍🏻經濟實惠 有飯有湯 好抵食💰.🐈.🌟去骨海南雞飯套餐(跟湯)🐣 - $57海南雞嫩滑滑溜 黃雞皮表面有光澤 皮薄爽口重點係去骨 啖啖肉 可惜雞中翼没有去骨🥺.附上三款醬可供配搭: 辣醬 甜豉油同薑蔥辣醬配原味海南雞好好食 夠辣又惹味個人認為比麻辣味出色🙊.🌟去骨麻辣雞飯套餐(跟湯)🌶 - $60加左唔算太辣嘅麻辣汁 有啲蓋住了原本嘅風味 建議都係食原味.◾️雞油飯飯比較軟腍 油香十足🤤唔止落雞油煮咁單調 店家仲落入左香蒜粒同乾葱 香口程度大幅提升 味道更加有層次 令人食慾大振😋.◽️南瓜粟米豬肉湯🎃中式南瓜湯 味道鮮甜 火喉十足 煲耐到有南瓜蓉 碗底仲有啲豬肉絲