金鳳大餐廳 (晴朗商場)

营业中

休息中

金鳳大餐廳 (晴朗商場)📍九龍城德朗邨沐虹街12號晴朗商場地下B003-004號舖啟德Airside開左咁耐，今日難得同朋友一齊放假，就決定去睇下聖誕裝飾行下街，夜晚想食鋸扒，所以就係openrice搵到呢間歷史悠久嘅金鳳大餐廳🍴金鳳大餐廳創立於1969年，到今年已經有成54年歷史👍👍好厲害😎平日夜晚大約七點左右到餐廳，已經見到全場full曬🤣重有幾個人係門外等緊位添🤣每一個套餐包牛油餐包餐湯同餐飲，落單冇耐已經上左兩個暖笠笠嘅餐包，餐包非常軟熟🥖👍👍餐湯就可以簡白湯或紅湯，我地就叫咗各一個，一個忌廉湯一個羅宋湯，熱辣辣，好有懷舊港式扒房嘅味道😎😎飲品方面，叫凍飲竟然唔使加錢，我哋叫咗一杯熱朱古力一杯凍可立克🤩食物方面就order左👇50週年特別版～貴族牛扒套餐 (蒜蓉汁)五成熟 $208🐮可以選擇用鐵板上或者碟上，冬天當然要用鐵板上熱住d食物啦，鐵板嘅形狀係一隻牛，十分貼切🤣🤣🤣用左美國牛肩扒，牛肉味濃郁，肉質好厚又嫩👍切開重好juicy，好味道🐮👍旁邊重有薯條同翠肉瓜作伴碟👍推薦指數：9/10雜扒飯黑椒汁🍚🥄 $82有豬扒、牛扒、荷包蛋、翠肉瓜同腸仔，本身以為豬扒同牛扒一定好薄切，

12月19日下午到金鳳餐廳下午茶。要求待應落單後，摞兩杯清水，落單後，沒有給我，只指在那邊，之後就沒有出聲。沒理會，本人當日到網上留電話投訴那落單的待應，21號餐廳致電給我話她忘記了，我說不是忘記因我叫了二次，她都不拿過來，看這裡這間服務態度極差，請看落單員工

今次黎到啟德金鳳食晚餐，餐廳裝修好完善，燈光柔和，有卡位都有普通座，位子夠大夠闊落，坐得舒舒服服~餐牌有好多特色扒餐，牛扒、雞扒、豬扒、羊扒都有👍🏻👍🏻仲有一啲特色小食，選擇多多😻😻😻最後我哋揀咗兩個扒餐😋😋😋🧡帶子牛扒餐 $168帶子兩粒都好大粒🤤🤤🤤流曬口水，食落好鮮甜，而且唔會乾爭爭😋牛扒叫咗五成熟，煎得啱啱好👍🏻👍🏻👍🏻食落好嫩口又多肉汁，再點啲黑椒汁一齊食，正！！🧡鴛鴦扒餐（豬扒+雞扒）$122啱曬唔食牛又可以一次過食到兩隻扒嘅朋友😽😽豬扒同雞扒都好大扒，但兩隻肉同時食意外地唔會太膩😋😋豬扒好鬆軟，雞扒又嫩又多汁，配埋薯條一流~🧡牛油餐包、餐湯🧡凍檸茶、熱檸水

天氣凍左好多，想食d熱辣辣既野，見呢間金鳳幾近啓德站，就決定試下呢間分店。叫左一份鐵板美國雪花牛扒餐($176) (5成熟)，三文魚沙律($88)環境方面，去過其他分店既金鳳，呢間應該算係相對新開既？望落好新淨同乾淨，另外值得一提既係呢度既待應姐姐態度好好，值得一讚食物質素無令人失望，三文魚沙律既沙律菜好新鮮，係港式扒房黎講好難得，鐵板牛扒上枱果下就真係聲香味俱全，如果經開啓德會再encore

幫襯佢地公司20幾年，已經俾左$加蒜，得果少少，叫佢加D，第一次直頭唔理我，再叫人肯加少少，我話加多D，佢話唔得。我發誓係太子食咁多年都係呢个份量，冇人拒絕過我。講真150蚊个扒再加$加蒜，俾多些少好似要乞咁。幫襯佢咁多年真係心淡。我肯定以後唔會再去。

最近，時常都會去啟德附近探朋友，一起吃晚飯，聊聊天。早兩天，朋友說要懷舊一番，帶我去了擁有50年歷史的金鳳餐廳，吃頓晚飯。在金鳳餐廳，必然要點牛排港式西餐，我今次當然都點了牛柳鐵板餐，還加點錢，轉配金牛飲品。金牛飲品，即是芒果雪糕🍧加忌廉汽水💗。服務員會給你一杯已有雪糕和冰的杯子，而汽水分開上，然後，你自己將汽水倒進杯子，我最愛就是這時候，汽水與雪糕一碰上，就產生一層厚厚泡沫，很好正的。😋😋😋這個飲品，相信已不多餐廳有售賣。鐵板牛柳也沒令我失望。大大塊牛柳，非常嫩滑，還有傳統厚粗薯條伴碟。服務員再淋上洋蔥汁，熱騰騰的，我看著白煙一柳柳上升，襯托“pi nic pi nic”的聲音。不知怎的，心情都愉快起來。😊就這樣，渡過了一個快樂晚餐時間。將來有機會，一定會再來。

原本今日行 Airside 在裏面食肆晚膳,但很多人排隊,所以行到去朗晴商場,知道嗰度有間金鳳大餐廳食牛扒餐, 早去唔使等位, order 咗牛柳,6成熟, 買相好, 好淋,有肉汁, 好好味, 牛扒沒有梳打味, 又大份, 重有牛油麵包,羅宋湯, 性價比高,好耐都無食過咁好味嘅晚餐,大滿足

而家港式嘅扒房買少見少，算得上高質嘅呢間一定有份！呢間港式扒房各區都有分店，都算得上係老字號，主打各式扒類套餐，都有扒意粉/飯可以揀，啖啖肉，人均$150都唔使，性價比超高！扒類套餐包餐包、餐湯同嘢飲，舊肉係放喺鐵板上，保持到個溫度之餘，都更有鑊氣，平日夜晚時段嚟，已經滿座，人氣爆棚！------------------------------🥩◖貴族牛扒套餐◗ $208用上美國牛肩肉，肉質厚實，切開佢仲有啲肉汁流出，肉味濃郁！配上佢哋嘅蒜蓉醬，淡淡嘅蒜味，更加襯托到牛肉嘅味道！🥓◖西冷牛扒餐◗ $133呢個西冷牛扒有成塊面咁大塊，比較薄身，肉質易咬唔韌，揀咗黑椒汁，味道偏辣，會蓋過咗牛嘅肉味～🍞◖餐包+餐湯◗ 跟餐每個扒餐都包一個牛油餐包同一碗餐包，餐飽暖暖哋，口感好鬆軟；餐湯可以揀羅宋湯同白湯，揀咗羅宋湯，有唔少湯料，濃郁嘅蕃茄味，味道酸酸甜甜帶少少辣，特別開胃🍋◖凍檸茶◗ 跟餐茶底唔澀，正正常常🌟 Encore指數：9.1/10

鐵板牛柳餐嘅飯非常鬆軟。飯嘅表面煎得微焦，令飯嘅口感更加豐富。我覺得飯係鐵板牛柳餐嘅另一個靈魂。飯鬆軟入味，可以令食客感受到牛柳嘅鮮味。我覺得餐廳嘅鐵板牛柳餐嘅蔬菜非常新鮮，而且非常清脆。蔬菜嘅口感可以中和牛柳嘅油膩感，令整體嘅口感更加均衡。我覺得蔬菜係鐵板牛柳餐嘅調和劑。蔬菜嘅清脆口感可以令鐵板牛柳餐更加美味可口。

金鳳聽過幾次，食都食過幾次，每次都有好嘅回憶🤣今次路過見到又心思思🤣6點半左右已經有好多一家大細，放工大人獨自晚餐！里間分店幾好坐咼！有卡位，都好舒服👍🏼美國德州頂級西冷牛扒 $183里個真係第一次叫🤣平時食開150內嘅扒，不過質素真係有分別😆大塊好多，而且肥瘦比例更加好，所以食落仲係好juicy!! Even 我地overcook🙈我哋掛住食其他野，由佢繼續係石板燒，所以就入面唔見紅🥺我想像到5成熟應該更好食！英式芥末子牛柳粒 $99又幾特別!!想像係黃色，點知出嚟係紅紅地，而且無芥末嘅辣，所以都幾好食😚牛柳粒好嫩，切到細細粒，一啖一舊啱啱好！！兩個餐都各自跟一個湯，餐包，飲品👍🏼好豐富呀都！食完飽哂lu☺餐包熱辣辣㗎！！

行完啟德新商場，上OP 搵到附近有呢間据扒，以前要出去太子先有，而家附近就有一間，立刻去試試。門外都多人排隊，等咗15分鐘左右先有得入。我們點了一份鴛鴦扒餐（豬及雞）及香燒羊扒餐，餐湯要紅湯（羅宋湯）。先上餐包及羅宋湯，餐包香軟熱辣辣，配牛油好正。羅宋湯非常真材實料，番茄味濃郁，微辣，配料有椰菜，紅蘿蔔，青椒洋蔥等，啖啖都食到配菜，是傳統扒房的味道。然後到主菜，鴛鴦扒餐及香燒羊扒餐，店員十分貼心，幫我地加醬汁前請我哋先用餐紙擋一擋臉。熱辣辣的鐵板扒餐，一加汁就香味四溢，真的很久沒有食這種傳統扒餐了。羊扒配蒜蓉汁，羊扒有三大支，支支都厚肉半肥瘦，點了八成熟，切開有粉嫩色，煎得剛剛好。羊肉味重，配埋蒜蓉汁更合味蕾。鴛鴦扒配黑椒汁，雞扒煎得剛剛好，唔會太乾。豬扒是半肥瘦，透過鐵板加熱更好，配濃濃黑椒汁，perfect~配菜翠肉瓜及薯條都沾上醬汁後都好好味～餐飲點了一杯凍檸茶及凍奶茶走飲管，茶味夠濃很不錯～要讚一讚呢度服務很好，會提醒客人用餐紙遮臉，亦記得客人需要走飲管，有用心服務👍🏻

係無咩選擇下嚟到金鳳食晚餐🌚星期日晚唔洗點等位就入得，對於唔鍾意等位嘅我，依個算係比較可取嘅一點🙈✴️餐湯&餐包✴️餐湯好大一碗🫢羅宋湯料都算足夠，不過唔太酸，亦都無酸酸辣辣嘅味道，不過不失🫥餐包都係大大個，拎上手微暖，尚算軟熟～✴️鐵板牛柳餐&鐵板西冷牛扒餐✴️姐姐即場淋汁，炸炸聲出哂煙🗯️牛柳一份有兩塊，西冷牛扒就大概有兩隻半手掌咁大，配有翠肉瓜粒同薯條～兩碟牛嘅肉質都係怪異地腍，唔洗點咬就爛，可能無牙嘅公公婆婆都食到，質感較差，缺少牛扒應有嘅口感🤨蒜蓉汁都係普通，好快就杰撻撻🫠✴️凍檸茶&凍檸水✴️另外張枱本身唔大，但飲緊湯嘅時候牛扒已送到，於是姐姐就豪邁地推走你碗湯，一度更想收走去🥲所以食得比較狼狽，好趕時間🙁

心血來潮，突然間好想鋸扒，老公仲未收工，唯有帶個仔去，太子店又嫌唔就腳，鐵路沿線啟德站較為方便，出閘行幾分鐘就到，地方比太子店寬敞得多，起碼食完唔會一身油煙味😅¤羅宋湯跟餐包¤個湯幾足料，餐包又熱辣辣，配埋牛油😋¤招牌牛柳餐(七成熟)¤落單時切記加蒜茸，呢個係靈魂精髓，牛柳經過醃製，口感軟腍¤西冷牛扒餐(五成熟)¤口感冇牛柳咁腍，較有咬口¤白牛¤原來雪碧加雲呢拿雪糕，個仔梗係覺得好飲， 因為夠晒甜😆

以前細個大時大節先有機會去食鐵板牛扒，淋汁時「滋滋聲」係令人害怕又期待嘅聲音，而家懷舊港式西餐廳唔係度度有，今次就去咗金鳳大餐廳嘆鐵板餐。精選晚餐（$178）呢個價錢已包括餐湯及牛油餐包、頭盤、主菜、甜品及餐飲，性價比幾高。先上枱嘅濃郁羅宋湯是經典西式湯品，以新鮮蔬菜和香料熬製而成，搭配香軟牛油餐包，令人滿足。頭盤係日式鰻魚薯仔沙律，鰻魚塗滿香甜鰻魚汁，肉質鮮嫩多汁，搭配薯仔雜果沙律，口感清爽。主菜鐵板西冷牛扒拼司華力腸，以優質西冷牛扒為主角，用熱辣辣鐵板上菜，保留了牛肉的原汁原味，搭配拼司華力腸的濃郁口感和黑椒汁的香辣風味，每一啖都係肉食愛好者的享受。鴛鴦扒餐（$122）嫩滑的雞扒和鮮嫩的豬扒相互搭配，搭配蒜蓉汁的香氣四溢，為菜餚增添豐富的口味層次。芒果味意大利配方雪糕，以意大利配方製作，質地細膩滑順，味道又香又甜，每一口都充滿了芒果的風味，清新風味十分解膩。跟餐不用再加錢就嘆到經典港式飲品，凍港式奶茶，口感順滑，完全不會苦澀。凍即磨咖啡富咖啡的香氣和風味。

細個好鍾意叫亞媽帶我食鐵板餐，牛扒配黑椒汁，上菜果陣吱吱聲再落埋黑椒汁即刻噴D煙上黎果下幾好玩鐵板美國安格斯肉眼扒餐 ($188 )食落Juicy 彈牙，牛油甘香又外焦內嫩，再配埋多款傳統秘製重料醬汁，分量十足，幾乎蓋過整塊鐵板晚餐F : 海鮮燴煙三文魚意粉 ($76)有3片日式蟹柳同三文魚，唔知係咪俾錯左熟三文魚，不過好肚餓就算啦隨扒餐附送餐湯、麵包🍞和一杯飲品🥤，餐湯有忌廉湯和羅宋湯兩款選擇，叫左羅宋湯有小小辣唔錯，餐包都夠熱跟餐叫左凍檸茶，另外重加左兩杯雪糕($20)士多啤梨同芒果