金鳳大餐廳 (晴朗商場)

营业中

休息中

有好多選擇，試咗西冷牛扒，羊扒同安格斯牛扒。佢係一般西餐set，有湯，包。主食就冇粉或者飯，得扒，薯條同菜。7成熟西冷牛扒夠厚同香，唔會好韌。7成熟安格斯牛扒都係好夠牛味，但會多啲筋，小朋友會覺得好難切斷。全熟羊扒就比較普通。菜單上邊見到嘅薯格，最後上餐只係普通粗薯條。額外叫咗碟炒飯，冇咩印象，但都係正常味道。但飯比扒上得快，食曬先上，令到之後啲扒食曬嘅時候會覺得膩。想鋸扒嘅話可以去食，但唔算特別平，但牛扒係可以試嘅🤩

估唔到港式扒房都有正嘢，呢間金鳳嘅扒餐好出色❤️好彩7點入座左😂因為坐低🪑左唔夠一陣就全院滿座，出面又多街坊排隊，好彩好彩👍🏻我哋叫咗個扒餐同是日晚餐，個扒餐超級豐富😋配個餐包餐湯，又有個前菜鰻魚沙律🥗，估都估唔到係有鰻魚，好特別👏🏻再黎主角西冷牛扒🥩加司華力腸😳條腸完全搶左主角牛扒嘅鏡😂又大條又紮實！牛扒🥩我哋叫咗7成熟，入口嫩滑又有汁👍🏻好正！重點都係大大塊，入口啖啖肉，好抵食！是日晚餐就叫左個海鮮燴煙三文魚意粉🍝三文魚有好多塊，海鮮又多，完全係一啖意粉一啖肉，絕無欺場🫡我地再叫埋兩杯特色飲品白牛同金牛，而家好少地方有得飲，真係夠哂有風味❤️❤️

啟德呢個地方既有豪宅又有屋邨，人口稠密自然需要有一啲具質素嘅餐廳支撐住，呢間餐廳正正可以幫到呢個地方！今次叫咗兩份扒餐 一份鐵板鴛鴦扒（雞、豬），一份牛仔扒，先講吓鴛鴦扒，鐵板雞扒和豬扒再加上香蒜汁非常惹味，雞肉好嫩，完全無硬邦邦的口感。外皮少少脆，内裡仍然保持到肉汁嘅鮮美。同鐵板雞扒相比，豬肉更加濃郁，所以配上香蒜汁嘅味道更加突出，而旦完全無韌嘅感覺。至於牛仔扒，今次就揀咗五成熟配香蒜汁，五成熟嘅牛扒非常嫩，口感十足，亦唔會有好多筋位。唯一可以改善嘅地方就係冷氣比較大，可能咁啱坐咗風口位，所以啲食物好快凍，所以臨尾啲肉就有啲韌。總體來說，百零蚊嘅價錢食到唔錯質素嘅扒，仲有餐湯餐包加嘢飲，真係超值！

金鳳餐廳擁有悠久歷史，出名食懷舊港式牛排餐，係時代的一個標記。以前，每次爸爸出糧，都會帶我們幾兄弟姊妹來金鳳餐廳食排餐。回想起，金鳳餐廳真係俾好多回憶我。最近，聽說啟晴村開了一間金鳳餐廳，我當然要幫襯啦！放工就行過嚟，好彩今日唔需要排隊，好快找到座位。我點了半成熟牛柳餐，再加錢轉飲品，要了一杯金牛，因為真係好耐無飲過了，其他西餐廳都無呢個飲品。所謂金牛🌟🌟🌟，就係忌廉汽水加芒果雪糕。雪糕同汽水溝埋一齊，就會在面層產生濃濃的泡泡。我最喜歡就係用匙羹慢慢嘆泡泡。Yummy😋😋😋牛油餐包，點忌廉湯，又係一絕。咩童年回憶都返晒嚟。令我意想不到，💗💗牛柳竟然有兩大塊，配肥肥薯條。十分足料。而且咁厚嘅牛柳都能夠保持好嫩滑👍。😍😍😍食過呢餐，身心都好滿足。

想据扒又想懷舊吓，又想近近地，於是夫妻倆去了附近晴朗商場，港鐵啟德站A出口，步行約4至5分鐘。餐廳座落在大型新屋邨，行人路面很寬敞。在1969年創立，是間非常親民的西餐廳，店內裝修懷舊平民化，很適合一家大小聚餐的好地方。打開餐廳菜譜價額仍是很合理，服務員友善禮貌招待，令客人稱心滿意。各種扒類套餐及意粉、飯類套餐、沙律、飲品都有，豐儉由人，供客人自由配搭。套餐跟麵包及是日餐湯暖笠笠的麵包仍是非常鬆軟，塗抹上鮮牛油，口感極佳。羅宋湯(紅湯)酸甜味道很好，雜菜煲得淋滑，仍然保留從前味道，加些小胡椒粉提升美味。招牌牛柳餐$130加生蒜蓉$2很喜歡那塊熱烘烘的牛形鐵碟，更喜歡當服務員倒黑椒汁在牛柳上咋咋的聲音，黑椒汁四噴，香氣四溢，入口時牛柳熱得在咀裏翻滾。牛味香濃極嫩滑，鬆化得不需多咀嚼，調味適中，沾滿黑椒汁夾在蒜蓉內的牛柳，超惹味可口。西冷牛扒餐$128加生蒜$2西冷扒別有風味，是牛的腰脊部分，脂肪最低，肉質細嫩多汁，肉味夠濃，入口鬆化，份量十足，加上生蒜能提升牛扒鮮味。跟餐飲品~凍檸水及凍好立克凍飲不需加錢，跟個人喜好任點餐飲，為這餐劃上完美句號。

啟德呢個地方既有豪宅又有屋邨，人口稠密自然需要有一啲具質素嘅餐廳支撐住，呢間餐廳正正可以幫到呢個地方！今次叫咗兩份扒餐 一份鐵板鴛鴦扒（雞、豬），一份牛仔扒，先講吓鴛鴦扒，鐵板雞扒和豬扒再加上香蒜汁非常惹味，雞肉好嫩，完全無硬邦邦的口感。外皮少少脆，內裡仍然保持到肉汁嘅鮮美。同鐵板雞扒相比，豬肉更加濃郁，所以配上香蒜汁嘅味道更加突出，而且完全無韌嘅感覺。至於牛仔扒，今次就揀咗五成熟配香蒜汁，五成熟嘅牛扒非常嫩，口感十足，亦唔會有好多筋位。唯一可以改善嘅地方就係冷氣比較大，可能咁啱坐咗風口位，所以啲食物好快凍，所以臨尾啲肉就有啲韌。總體來說，百零蚊嘅價錢食到唔錯質素嘅扒，仲有餐湯餐包加嘢飲，真係超值！

每月特選晚餐依個餐性價比都算高，唔使$200就可以食到牛油餐包，湯，沙律加鰻魚，鐵板西冷牛扒，雪糕同飲品。湯比較失望：比較淡，湯水多。雖然鰻魚味道好入味，但感覺同沙律唔太配。西冷牛扒肉質可以更好，可能有比較（貴族牛扒），但份量大，薯條蔬果唔多，所以我都覺得依個價錢都算差唔多㗎喇😆貴族牛扒（美國牛肩肉）一開始以為美國肉嘅質感會冇咁好，但食完之後覺得有驚喜：肉質好腍，絕對唔會輸比日式牛肉👍只係比每月特選晚餐貴少少🤏絕對值得試！都有牛油餐包，湯同飲品。

同朋友同早幾日去咗啟德，去咗呢間餐廳食晚餐，裡面座位都幾舒服，睇餐牌都多選擇，最後我地揀咗以下兩款：-精選晚市套餐：H. 雜扒意粉（黑椒汁）（$78）套餐包埋牛油餐包同餐湯，我揀咗羅宋湯，羅宋湯少少辣令人好開胃👍加$22有埋沙津，估唔到沙津甘大碟，仲有大大塊饅魚😍雜扒有豬扒同埋牛扒，兩塊扒肉質都好嫰滑，加埋黑椒汁，味道好夾，份量亦好足👍加$10有意大利式雪糕，我揀咗曲奇味，食落去雪糕好滑，甜度適中，好好味👍-每月精選晚餐($178)好豐富嘅晚餐包括牛油餐包，我朋友揀咗忌廉湯，湯好滑濃稠得黎好滑👍頭盤係日式鰻魚薯仔沙津，鰻魚完全冇腥味之餘，肉質柔軟，好入味，沙津食落都好有口感👍主菜係鐵板西冷牛扒拼司華力腸，西冷牛扒厚身得黎完全唔會韌，肉質柔軟，肉味濃👍司華力腸都好大條，好有咬口👍再配埋薯條，好香脆可口，好高質另外我朋友揀咗抹茶味雪糕，我都試咗幾啖，食落去淡淡既抹茶清香，好好味👍食完好飽好滿足，整體黎講，我地都好滿意呢間餐廳，下次有機會再黎試下其他款式既食物😊

自從朋友搬咗嚟啟德度住都未見面，今日難得約到大家出嚟見面食餐飯佢就二話不說約我來這裡一齊食大餐 - 金鳳大餐廳～這間老字號的港式扒房由1969年開業至今，小時候已經聽聞過同食過，估唔到而家啟德都一樣有分店餐牌選擇非常多，除咗牛扒之外，仲有其他配搭（豬、雞、羊、海鮮)可以選擇。一入餐廳，我同朋友就比50周年特別版「貴族牛扒」海報吸引，便享受一下當貴族的晚餐🥰牛扒我們點了用鐵板上，因為覺得這樣食會比較開心🥳侍應還很細心提醒我們如果用鐵板上，會熟多兩成左右，因為我們習慣唔食得太生的牛扒，太熟又驚韌，最後選擇了六成熟，上枱後肉質剛剛好👍🏼貴族牛扒（蒜蓉汁）$208牛肩肉入口細嫩，用刀輕輕一切已經可以分開，肉味超香濃又多汁，配埋醬汁起好配合並且入口即溶跟餐仲有羅宋湯同餐包+$15仲可以飲到黑牛（朱古力雪糕加可樂）好滿足另外仲有紅牛金牛、白牛選擇，第一次見一間餐廳可以咁多飲品配搭我們還點了胡麻醬雞肉沙律$88雞扒煎得皮脆內好嫩滑，一般外面的西式沙律 配肉都是冰冷的，所以我一般都少吃。但這沙律上的雞扒是剛剛煎好，而且芝麻醬份量非常足夠，每一口菜都食到芝麻醬，係我難得可以全部完食的一碟沙律🙌🏻👍最後食

心血來潮想食下鐵板牛扒，呢個係兒時回憶，細個最鍾意叫父母帶我去据扒，細個見到d 汁淋落鐵板度覺得好過癮。而家好多茶餐廳都有鐵板餐，不過我揀金鳳係因為佢主打鐵板餐，同埋裝修有d似扒房，要食就當然食專業果間。金鳳出名多人要排隊，所以我地7pm 未夠就去到，唔使等位，一到左7:15pm 左右已經全場爆滿。員工好friendly, 主動同我解釋佢地有分美式同港式鐵板，美式係塊牛無醃，牛味重d, 港式係有醃過既。然後叫我地慢慢揀，唔似出面茶記趕落單企係度俾壓力。我叫左港式鐵板牛柳，老公叫左美式西冷牛扒，我地叫5成熟，員工又好好提醒我地如果5成熟鐵板上，上到檯就變7成熟。好彩佢講講，即刻改3成熟。order 完好快就上湯同餐包，餐包大大個好軟身。羅宋湯好濃郁，少少辣，唔會好酸，超好味。到個主菜鐵板牛扒一上檯就淋汁，攤開個餐巾遮住都彈到落身少少，証明塊鐵板燒得好夠熱，正！千祈唔好著白色衫去。我地兩個都叫黑椒汁同加左蒜蓉，撈埋一齊食好惹味！我塊港式牛柳好林身，有無牛味我都唔care, 最緊要肉質唔鞋唔會趙唔開，我覺得呢個牛柳係好好食。老公塊牛係肉質爽口d,始終無醃過係比較原汁原味，貴幾十蚊絕對值得.

今日早餐同午餐儲埋一齊食，一於食飽d，一心諗住去金鳳食返餐雜扒飯。去到見到青咖喱牛肉燴飯，好吸引喎。。。青咖喱牛肉燴飯凍檸茶：呢個餐第一次食，好有新鮮感，青咖喱味道小小辣得嚟帶微甜，牛肉肉質唔鞋，啱晒我口味。。。洋蔥豬扒意粉配涷檸茶：呢個餐巳經食過多次，一如既往的好食，豬扒肉質唔鞋，意粉軟硬度適中。羅宋湯仍然都係好好飲，蕃茄味濃郁得嚟帶小小辣辣地，溫度算係熱嘅，餐包軟熟配埋邪惡既牛油，口感超正。。。

金鳯巳經食左好多次，午餐特別抵食，最鍾意食鴛鴦扒飯，仲要有埋餐湯、餐包同埋飲品添。兩條友去左嘆超值午餐午餐時間又未到2:30pm 轉下午茶，呢個時間唔算太多人，可以比我地搵到個舒服既卡位坐，今日照舊點左鴛鴦扒配意粉。法式芥末籽鴛鴦扒：鴛鴦扒包括牛扒併豬柳，牛扒豬柳肉質唔鞋口，肉厚多汁。羅宋湯超正，熱辣辣，味道濃郁得黎帶點辣。另外，餐包都唔錯，溫熱軟熟，加埋陣牛油香，超級享受，大滿足。。。🔎金鳳大餐廳📍九龍城德朗邨沐虹街12號晴朗商場地下

🤎金鳳大餐廳🤎今天我們來到了香港的一家老字號扒房——金鳳大餐廳。細個過啲大時大節，屋企人都會帶我嚟食金鳳。第一間金鳳由人稱「啊叔」林師傳創立，近呢10幾年林師父交棒比佢個女打理，開始喺唔同嘅地區度開設分店，今日就去左位於啟德晴朗商場嘅分店食。嚟到金鳳鋸扒，一定要記得要揀用鐵板上，嗰啲咋咋聲，真係非常之吸引🤩🥳揀好咗扒類後，樓面姐姐就會即刻送上湯同餐包，大家可以揀羅宋湯或者忌廉湯。個人推介羅宋湯👍🏻返嚟呢一度係港式扒房，出餐10分快🤣🤣🤣🤍帶子牛柳餐七成熟配黑椒汁 $168牛柳煎得恰到好處，帶子也是鮮嫩可口。大家可以揀黑椒汁或者燒汁，今次係我第一次嘗試黑椒汁，意想不到都幾好。如果大家都鍾意食牛的話，黎到金鳳鋸扒推介大家一定要食牛柳👍🏻⭐️隱藏食法：以前同媽咪嚟食，佢一定會加蒜蓉，大家可以try try🤍雪花牛扒套餐五成熟鐵板上 $176如果大家唔知道點樣揀幾多成熟好，可以問餐廳嘅店員，今次店員都好詳盡咁解釋五成同七成熟嘅分別俾我哋知，同我哋講解邊一個最適合我哋口味。雪花牛扒肉質口感豐富，雖然只係得五成熟，但係唔會太生，都唔會有血水出。📍 金鳳大餐廳 (晴朗商場) (九龍城)九龍城德朗邨沐虹

今天啟朗邨探個朋友，朋友話一齊食個晚飯，我們落咗去樓下一個商場鋸扒， 一間老字號鋸扒出名嘅餐廳 ，金鳳餐廳。地方好舒服，侍應服務態度良好。我朋友揀咗個咖哩羊架配意粉晚餐 ，先嚟一個湯加麵包。雜菜湯好好味，好香蕃茄味。羊架好淋，好有羊味，咖哩唔會太辣，食唔到辣嘅朋友亦都可以嘗試， 咖哩加羊架真係一個好好嘅配搭。意粉亦都好爽，軟硬適中。這個套餐加22蚊可以加個是日沙律 ，今日係鰻魚雜果沙律。帶子牛柳餐，我愛吃五成熟牛扒，因為鐵板上菜時還熱嘅，食落去就啱啱好。牛柳亦都好淋，肉好新鮮，帶子亦都好鮮甜，再配上薯條，真是很好的配搭。味道一流。懷舊紅豆冰，好多豆，味道亦都不會太甜，真係種懷舊嘅感覺。港式奶茶，好有茶味，真的不錯 選擇。

位於晴朗邨一間小店，啟德附近環境怡人，最適合過來走走同食野！一入黎見到唔同餐牌同裝潢賣點都係鋸扒，紅色主題加上霓虹燈，環境都算寬落！今次叫左貴族牛扒，晚餐A菠蘿海鮮炒飯, 同一個gelato 朱古力雪糕，有配上鮮牛油餐包！貴族牛扒🐮($208)屬於牛肩肉，價錢雖然唔算平，但叫得貴族真係唔同d！相對於一般扒房，肉質更為鮮嫩，唔會有根咬唔爛；肉味係香口而唔會有重牛膻味，個人建議配黑椒汁，非常好味！菠蘿海鮮炒飯($71)如圖所示，都有唔同種類既雜錦海鮮，菠蘿甜味多汁，唔會炒到霉曬，有提子乾（個人覺得咁先正宗），鑊氣夠，唯一係個人覺得可以鹹多少少！Gelato(跟餐加$10)個人被佢既特飲金牛黑牛幾種吸引，但今次淨係叫左Gelato 雪糕！有驚喜！朱古力味香濃，入口口感細滑！佢總共有5種味道，想試既都可以試吓其他味道！