釗記海鮮小菜

营业中

休息中

我也算是釗記的熟客仔已經光顧好幾年了 所以也沒有特別拍照片 肥肥的老闆 人實在太好了 每次也會關心食品質素 問我們：「覺得怎樣啊？菜好吃嗎？」看得出他真的是用心經營小店 我最喜歡吃他們的黑椒牛仔骨 還有 老闆精心泡製的鵝片 很合我的胃口 每次帶朋友和家人過來吃飯 他們都會說沒介紹錯 這兩道菜 每次來也是必叫 其次是服務也很好 每次我帶我的兒子來 老闆娘也會把椅子搭高一點 讓我的兒子可以坐得舒服 推薦大家 到大埔墟新街市吃飯一定要來這間小店啊！

每隔兩至三個星期六，我就和家人來這裏飲茶！其實附在大埔的朋友都知道，附近有明*和稻*等大酒家，但說到價格來說比較，這裏真的是完勝！基本的點心一應俱全，又不用好像一般茶樓在星期六日要等整個小時才能入座！最重要的是我們四人去飲茶，吃得飽飽的，買單才是$130左右，而且食物質素也不錯（當然不可以說很好啦！）拿起一件燒賣，跟家人傾傾計，在環顧四周老街坊的舉動言行，多逍遙自在！這樣就半天了！飲完茶還可以到附近的博物館看看走走呢！

已光顧釗記好幾次了,  厨房水準相當高.  今晚適逢立春兼和家人團年便試試他們的新菜單: 懷舊蛇宴炸蛇卷層次分明, 一試難忘.  蛇火喉十足, 用料豐富.  扣全鴨色香味俱全, 長輩極欣賞的七十年代情懷.  魚是自備的, 加工費雖然區區六十元, 但並沒有''"揸流攤".   糯米飯不油不膩, 精彩!大排檔貨真價實, 製作用心, 老闆為人親切, 唯美中不足是樓面人手不足, 服務要大家將就下呢!

同屋企人去食，問佢地職員拎餐牌，佢地話無，但見到有d台都有，職員就咁叫我竾落單，大佬連有咩食都唔知，點落單？幾經波折先先落到單。點知野食黎到，凍嘅，又無味。飲飲下茶發現茶葉裡有鐵線，同職員講番有鐵絲，點知佢當無事咁掉左條鐵線就算跟住又發覺點心籠入邊又有鋼絲擦絲，好彩睇到咋，睇唔到唔小心食左點L算？!下次請我都唔L黎

大埔熟食中心 上面有好多 大排檔粥粉麵飯燒味小菜乜都有， 今日三兩知己想食下小炒決定試下釗記點心小廚， 其實我 都好鍾意食大排檔貪佢夠鑊氣而且夠嘈夠熱鬧 同朋友開心起上嚟 大聲左都唔使驚嘈到人😂， 感覺會比較痛快。餐牌上 雖然款式唔係好多但係一般大眾小炒佢都有齊曬，而且 價錢都算合理。我哋點咗個 鹵水拼盤 ， 有 大腸，鵝腸，紅腸，豬耳， 墨魚， 豬腩肉，很足料， 而且很大碟。就是略嫌 炆得不夠腍， 唔係好夠入味， 不過以105蚊呢個價錢呢個質量還是可以接受的。魚香茄子煲 送飯一流， 味道有點偏咸，如果可以再辣啲就啱曬我口味啦😌菠蘿 咕嚕肉 ，係我嘅最愛，每次去親大排檔我必定會點呢一道小菜， 最愛佢酸酸甜甜很醒胃👍👍

There were a lot of people; however, the service was superb! Nostalgic dim sum. It was a fun experience in getting the dim sum as well. The place was clean and felt totally comfortable eating here.

今日心血來潮，突然想吃潮州打冷，見大埔墟新街市的第一間鋪便是打冷，所以便毫不猶豫的坐下，試試想不到有意外驚喜拼盤份量大，鵝片入味，最值得一讚的是豬紅，亦是非常入味老闆非常有善，請我吃了幾件豬大腸整體來說，真的不錯，值得再試！

兒時最期待的就是星期日，因為一家人總會岀外走走，去下九龍公園，新年就去海洋公園(對！那時迪士尼還未落成...) 小孩子就是比較易感眼訓，每次回程時，就要伏在媽媽懷中睡覺，而一起身就已經發現自己到家了(大概是落車時，爸爸抱了我這個睡魔回到家了) 日漸長大，不知為時開始，家庭日取消了... 是由姐姐升中開始？ 不記得了... 母親煞有介事的，一早就提家中各成員，年初二是家庭活動，切勿約人！ 因此這年初二，我們一家四口就遠離市區的嘈雜，岀外郊遊(其實也不知可不可算是郊遊？) 我們到了大埔林村，這兒剛好有個許願節，為期約1個月到，有興趣也可去去，但我在這兒就不詳談了。逛完許願節後，我們在門口坐小巴回到大埔墟。新年，你休息時人地都要休息，很多食肆都休息了，最後到了大埔熟食中心去找食的。進到去，只有2,3間舖在營業(連我愛的東記豬扒上海麵，李記的西多士都沒開門)。 此刻想"一盅兩件"下，於是就在釗記吃點心了。四岀張望，不見餐牌，連店位前也沒有。只見隔離枱都係random大叫想吃的點心，就發現到原來這兒是沒餐牌的。兒時最期待的就是星期日，因為一家人總會岀外走走，去下九龍公園，新年就去海洋公園(對！那

冬菇掌翼，冬菇厚身，味道濃，忟得入味道鵝肉，味道剛剛好，鵝肉嫩不會過老西芹斑球，西芹足，厚身，斑球新鮮又滑又甜，大大碟，好足料冬菇掌翼需要早兩天預訂，用心製作今晚我們食鵝宴，六位 ，八道菜，每人250 ，平靚正，抵食丫

估唔到係街市入面食到間好食嘅打冷舖！不過今次我想講嘅係鵝宴，出面d酒樓都未必會做比你，居然一間細舖會做！菜單仲可以同老闆傾，加入自己想食嘅餸!不過想食就要早幾日訂，唔可以即日叫！講下幾款菜式啦！最基本係鵝件，鵝片走唔甩嫁啦！講下特別野啦！1.冬菇炆鵝掌:冬菇大大隻又厚，仲大隻過我係屋企做節食個d,鵝掌炆到好入味！食落個味已經知道一定炆左唔止幾個鐘！2.炆鵝煲：用原隻鵝去炆，用gas爐上枱，開始食時，鵝已入味，當煲到d汁開始收時，係鵝煲最好味嘅時段另外加左幾樣餸:1.蒸扇貝:隻扇貝差唔多有我成個拳頭咁大蒜蓉粉絲夠哂味！2.炒班球：魚肉實而滑，同出面酒樓食最大分別係睇到好似有煎一樣的痕跡，真係名符其實的爆炒！連我一向唔食魚嘅人都要比個like佢！食完依餐完全覺得物有所值

行完山出返去大埔想搵野食點知一係關左門，一係就排長龍，最後打算係熟食中心解決，點知會係一場惡夢既開始。由於戈陣係晚餐時段， 其他食肆都坐滿哂人就只好選擇呢間就晚市市段都未坐滿人既店食，點知一坐底唔夠30秒就已經比伙記呀姐催落單仲不斷推荐我地食鹵水拼盤，雖然本身都係打算點佢，但係呢種好似比人逼既感覺真係唔多好。菜式方面當日人少，所以只係點左鹵水拼盤同腐乳通菜，一上菜就打破左我地對鹵水食品既認知，咁大個人第一次見到鹵水拼盤係會熱到出煙既，睇落食落中伏感更加大到無法想象，一碟索價過百的鹵水拼盤竟然連一塊鵝肉都無，豬大腸幼之餘只剩外皮，豆腐"鞋"到想吐返出黎，豬肉薄過當年明將既魚生而且好難咬爛，豬頭肉塊塊都有毛剩明顯燒毛燒得好求其，整體黎講只有紅腸算係比較正常...但都只係因為佢係邊到食個味都應該係一樣先唔會難食，但係成碟野既鹵水唔夠，好似只係滾水整熟之後拎去浸鹵水汁咁。通菜岩岩食戈陣都算正正常常，但食到中間發現有沙係到，而且仲唔少，明顯洗得唔夠什至無洗咁制。

是次一行人約十位於晚飯時間光顧，被門口招徠客人的姐姐以特價啤酒加免費一支啤酒說服坐下。先來一碟鵝片，鵝片份量較少，也較薄，肉質粗糙，鹵水味不足。5分鐘後到椒鹽九肚魚，味道與炸粉都可以，是唯一合格的菜式。5分鐘後，到沙嗲粉絲豬頸肉煲，材料之間並不能融合，各自只有各自的味道，連粉絲金菇也未吸到沙嗲味就上碟。菜式沒有改錯名，但應該加上標點符號，沙嗲/粉絲/豬頸肉/煲（又）5分鐘後，豉椒鵝腸，剛上碟時還以為是上錯了一碟炒青椒，原來在底下有幾條鵝腸....5分鐘後，來了啫啫雞煲，雞件是雞翼斬出來的骨位，無肉食，豬潤過硬，硬得似煮左半個鐘咁耐然後是金銀蛋菜心，菜湯少得像被廚師偷喝了大半碗的樣子，整碟菜很乾。最後是麵醬炒生菜，正常水準，很難連生菜也炒不好吧？但為什麼炒生菜竟然最後才上？廚師去了摘菜？明顯是漏單/上錯單去另一台...味道差，上菜慢且逐碟逐碟5分鐘上一碟，白飯也沒吃完大家便說想快點離開了走的時候，落單姐姐問我們東西好不好吃，我想知道她問這句時會不會面紅？

行完山,出返黎大埔墟諗住食泰國野點知冇開, 之後諗住食燒鵝點知又冇開 . . 最後是但0係熟食中心搵食。服務都唔錯, 可能唔太多人啦! 但小插曲係個姐姐寫既單,居然自己店既同事係睇唔明白,要拎住張單問我地食左乜 . . . 笑位 , 綜觀黎講野食唔太特別 ! 睇相... 

大埔街巿的林記去得實在太多，是時候轉換一下。釗記位處扶手電梯口，理應人流暢旺，而事實上，林記客人比他可多了!不過反而有好處，至少不用等位但沖水及收錢只得老板一人，有時候難免會混亂今次點了排骨飯及雞扎，前者份量足，排骨入味而飯粒乾身，比起以前好好多，難道是換了廚子?雞扎亦是穩扎穩打，沒有令人莫名其妙的芋頭，豬皮亦爽口，又不會縮水變成迷你版，不錯。唯一要彈的是水不夠滾。

一去到就有位，見唔係好多人以為可以快食快走，點知order後等了45分鐘先有得食，炒飯炒到又濕又林，味道也差，本來想取消order走人，但店員採取拖字訣，結果要被逼食埋碟難食炒飯先可以走不會再去呢間食