鉄人大盛 (已結業)

朋友話黎食呢間鐵板燒放題，嘩，平時食鐵板燒都唔平喎，而加搞到有放題添，三百幾蚊位話平唔平，比一般放題貴少少啫，試一試佢無所謂啦。刺身幾新鮮，擺盤又靚，打卡一流喎。塊拖羅由其正，勁肥呀～壽司細細件唔怕一下就飽。火炙系列正呀～燒物夠熱夠香口，滿口牛油好味呀～仲有好多其他野食無影到，沙律正，燒扇貝啦，燒羊架啦～太多唔記得影想lu，掛住食。食完鹹野又係時候食甜品，哈根大師有好多款口味，先黎個曲奇味，呵呵，想食哂佢地呀～坐位係圍住師傅坐嘅，視覺一流，大火個下真係嚇左嚇，哈哈，全場嘩嘩聲氣氛好好。

睇FB雅X介紹，咪約班朋友仔去食下，打去book講到好滿，好丫咪預約星期六十點，去到無乜人都有d怕伏，點知坐低又無乜人理我地，話會系客人面前鐵板燒，點知睇左好耐都系燒帶子，乜都無架丫😒食物方面難食過mk個地放題，刺身完全無味，我地都5信甘難，叫齊哂d嘢食，結果可以即走🤦🏻‍♀️🤦🏻‍♀️🤦🏻‍♀️我以後5會睇網上既假介紹！超難食！真心！

比想像中失望我係睇facebook既推薦黎既，一黎選擇唔算多，二黎鐵板牛有時會燒得比較生，第三原本以為有個師傅係面前燒點知...係得6張枱有師傅我地坐出邊，同食普通放題無分別！個芝士波波係從未食過咁難食～千其唔好叫唯一靜係可以讚佢出野快，漏單情況可以接受！

週末行完街，同表弟去試下鐵板燒既放題，以前食放題多數係食刺身壽司，但呢度生同熟既食物比例1:1，令到少食生冷野既女士們可以食更多! 首先default上左個刺身拼盤，好大份量，有三文魚腩，三文魚，希靈魚，赤貝，帶子，蝦等，非常豐富。放題有咁多款食物，當然冇可能係款款質素一樣啦，只要識得點，呢度真係食到高質既放題： 必食 - 鵝肝多士，雖然任食，但仲好食過普通西餐廳，鵝肝甘香多士夠脆。牛舌 - 軟硬適中，牛油味重。燒菠蘿 - 放題解滯之選，酸酸甜甜冇浸糖水。燒鰻魚 - 燒得干身收汁，味道夠。牛油帶子 - 剛剛好熟，軟滑鮮甜。燒羊架 - 肉質軟嫩，帶些少騷味 。燒左口魚邊壽司 - 燒左一燒既左口魚油出晒黎，魚香四溢。另外甜品有 haagen daz 雪糕，要記得出去拎。3百幾一位，對比旺角比較多既放題店黎講，呢度識揀既話係高質啲，而且上菜超快數量準確。

朋友生日，近近地去尖沙咀食日式放題。食物質素都ok,中規中矩。職員態度都幾好～後生仔女～都好有禮貌。燒物一般，刺身比較出色，比較推介（油金魚刺身）同埋（螺），（甜蝦）芝麻雞翼都好食，不過我發現好多地方，呢隻雞翼都一樣味。食物好多都梨錯⋯⋯有d燒物梨左雙倍份量⋯⋯鵝肝多士有啲苦，唔知係我唔識欣賞，定點有朋友話好食⋯⋯燒鰻魚果汁有啲怪，隻味好似將軍漢堡。同埋我地8個人食，有4個返屋企都肚疼⋯⋯罐裝飲品任飲，最正有Häagen-Dazs。

有時兩個人咩都想食就會揀放題，因為食物多選擇，一個價錢食到好多唔同種類嘅食物鐵人大盛應該新開冇幾耐，見到上網有介紹 好似幾吸引 。餐廳入到去有個位係可以夾公仔，即係你可以食下玩下咁。 啱曬情侶或一家大細。食放題一般我都會食刺身壽司先，呢度刺身壽司都好多選擇，而且擺盤幾靚，都尚算新鮮。 三文魚腩、油甘魚、帶子、甜蝦、榮螺及赤貝等。燒物都有好多選擇，多到試唔曬。 首先叫咗蔥花牛卷， 調味唔錯但係老咗少少。燒帶子大大隻，帶少少牛油味。 鰻魚好肥美 ，大大件， 醬汁夠多，不過有少少骨。 鵝肝多士忍唔住叫四件， 鵝肝好大塊，不過佢係炸嘅方法煮，唔係煎嘅，下面配塊多士，就冇咁油膩。叫咗個蜆湯，蜆幾鮮甜，呢個唔錯。黑松露魚柳，黑松露味好香，魚夠林，煎得幾香，呢個推介。食餐放題我都好鍾意食甜薯， 所以叫咗一份嚟食， 甜薯味道冇得輸。炸物都係放題啲叫，叫咗炸天婦羅蝦同炸蠔，炸得金黃香脆。最後已經食到飽飽，但係都不忘食番個雪糕，係哈根大師。其實我食放題又唔係食得好多，只不過食物多選擇，可以食多啲種類，其實都抵。

今日行完街，同朋友去咗尖沙咀做facial行完街肚仔餓上網見到有朋友之前去食過呢間放題點解會咁記得呢，因為佢有全香港唯一一間鐵板燒嘅放題，仲要係即叫即燒好新鮮。來以為冇位㗎啦但好彩等左一陣就已經可以入去安排左我哋坐卡位本來都有啲失望架冇得坐鐵板燒嘅位置可以睇住師傅燒。不過當我地叫完啲嘢食之後發現其實真係熱辣辣啲刺身仲好新鮮呢個凡立貝有香噴噴嘅芝士和牛油味選擇 牛油味夠香 芝士夠惹味 即叫即燒 保證熱辣辣 帆立貝仲好新鮮 絕對是上等食材和牛入邊包左蔥粒 好香蔥味，和牛一D都吾乾 肉汁相當豐富 入口有種瞬間即逝嘅感覺呢個鵝肝真係勁香勁多汁 外面煎到香脆金黃 內裏軟熟 我一個人食咗幾多嚿 無限encall燒鰻魚醬汁甜甜地舆鰻魚嘅油脂香味好夾 口感彈牙 啖啖肉松露銀鱈魚扒完全冇雪藏味，肉質細嫩，多汁鮮甜，仲有陣陣嘅松露香味番薯仔 夠曬甜 真係讓人忍不住一粒接一粒炸物都好出色 特別推介呢個榴槤波波 外面煙煙靭靭有口感， 榴蓮蓉有留心嘅效果另外因為我哋有一個小朋友食到悶嘅時候，佢又可以去門口玩嘅夾公仔其實都幾開心㗎起碼我哋大人可以安心食嘢😆服務員嘅服務質素亦都好高上菜超級快極速填飽咗我哋嘅肚。

某晚行經赫德道附近，被呢個巨型招牌吸引咗，放題場以鐵皮燒做主打，比較少見，一於入去試下！落到地連都會見到大型招牌，證明冇去錯地方。食物選擇跟一般的放題場無異，也是刺身壽司冷盤熱盤炸物等。飲品櫃的選擇也很特別，除了汽水啤酒任飲之外，仲有一些泰國的罐裝果汁。Haagen Dazs 專櫃，唔似得其他放題場得一杯咁大把，呢度放喺個櫃度任你攞，回本之選！餐廳會先安排一轉刺身拼盤，有喜靈魚、巨型紅蝦、赤貝、帶子、螺肉、三文魚、吞拿魚、鱆紅魚同埋油甘魚，款款都咁新鮮好味。當中紅蝦肥大肉厚，鮮甜美味！而且螺肉都有驚喜，爽口清甜！喜靈魚、油甘魚和三文魚的質素也是上佳，開咗個靚頭！第二轉刺身，三文魚腩和帶子是很值得繼續Encore的！冷盤不錯，達到水準！兩種不同風格的燒帶子，個人喜歡芝士燒的多一點，比較惹味！鰻魚、羊架和豚肉生薑燒也是值得推薦的！又香又甜又好吃的小甜薯，Encore了很多次，只是賣相有點糟。炸物也做得很好，不會錯過啊！燒牛肉和鵝肝，味道濃郁！燒菠蘿和牛舌的水準也是不俗的。最後當然係瘋狂食Haagen Dazs雪糕啦，細細杯可以晒佢五種口味，回本之選！

鐵板燒放題， 兩個鐘$328， 有刺身、鐵板燒、卷物、炸物、軍艦、日式料理、冷盤小吃、壽司、 汽水和Haagen Dazs 雪糕 ，好味又超值。和風裝修，燈光幽暗， 有六張鐵板燒吧檯， 廚師即場即燒食材， 即燒即食， 可以近距離欣賞廚師的手藝， 一邊享用放題， 簡直雙重享受。首先， 送上兩人份量刺身， 賣相吸引， 有巨型牡丹蝦、 肥厚三文魚、 拖羅、三文魚腩、帶子、赤貝、北寄貝， 件件入口鮮甜，鮮味突出， 有驚喜。鵝肝多士， 表面有少少焦香， 入口融化， 油香四溢， 配上脆卜卜的多士， 口感豐富。燒鰻魚， 表面微微焦脆， 大件肥美， 柔軟無骨， 油脂豐盛， 配上蜜甜的燒汁 ， 口感細緻， 食完滿嘴魚鮮。黑松露魚扒， 兩面燒得微脆， 配上黑松露醬 ，入口嫩滑， 香滑的魚柳跟香濃的黑松露醬， 香味誘人， 擦出火花。牛油煎扇貝， 扇貝彈牙多汁， 陣陣撲鼻牛油香味， 香味迷人， 滋味配搭。燒汁一口牛， 牛肉又淋又入味， 牛味香濃， 嫩滑冇筋， 充滿肉汁， 回味無窮。燒羊架， 肥瘦得宜， 入口肉汁四濺， 一啲都唔會鞋口， 沒有羊騷味， 好嫩滑， 燒得出色。味噌蜆湯， 蜆肉肥美無沙， 配上 味噌

收費太貴 價錢同質素差好遠。所有肉扒全部都係唔新鮮 同普通Foodcourt 野食無分別啲野食種類好小，根本唔值接近300元既費用。睇唔到啲刺身係高級，三文魚同拖羅完全無味，帆納貝啲味都係算正常，其他雪呆太重。而肉類方面，除左羊架係有羊味，燒雞都係靠個汁吊味，m啲都唔新鮮，同普通超級市場買嘅係完全無分別其他熟食貨不對辦，蟹膏炒飯無膏味。雞翼乾過我塊面。炒雜菜又係無咩味你話只係一百尾二百頭嘅放題，可以接受。但人頭費加一接近400 元，不值。差評

最近見到好多朋友都去咗尖沙咀食呢間鐵板燒放題，聽返嚟嘅評價都唔錯，我諗一定好出色！趁星期六得閒就同朋友嚟試一試先！價位算中價，$328一位！另收加一服務費時間方面｜有三個時段揀，每個時段限時2個鐘！一坐低諗住tick 嘢食嘅時候，有個侍應行埋嚟話唔使tick 刺身住，佢哋整好咗一個拼盤！呢樣有好有唔好啦，因為有啲人淨係食某啲款，唔食某啲款！如果唔食又會浪費食物！好嘅方面就係唔使自己諗，可以一次試晒咁多款！我哋今次坐喺其中一張鐵板燒枱，師傅喺我哋面前即時煎！佢同我哋講想食煎魚，唔使劃單，同佢講報就OK，佢會即刻煎！呢份檸檬牛油煎魚扒真係不得了，一上枱已經聞到勁香！表面金黃色真係好靚！入面仲好嫩滑添呀！最like食冇骨嘅魚！Menu上面嘅泰式雞扒係原塊嘅，但上枱佢係切成細細塊，其實咁樣仲正，方便我一啖一舊！真係有啲泰式嘅味，甜甜哋少少辣！出色！厚切牛舌都值得一讚，有啲胡椒味，表面煎到有啲焦香，正！鯖魚就比較失色，乾身咗啲！鰻魚都唔錯，唔係啲渣貨~甜品有哈根大師雪糕~

聽人講尖沙咀格蘭中心開咗間鐵板燒放題，叫《鉄人大盛》，呢個名同銅鑼灣又係食鐵板燒既《鉄人旨花》差唔多，唔知有冇關係既呢🤔🤔我地一行二人就帶住呢個疑問就試吓佢，呢到分3段時間，任何時段都係$328+10%一位，為咗唔駛等咁耐，所以我地就bk咗晚市頭輪17:30食😝😝一入去，其實都唔細，一眼睇唔哂👀👀，有6張鐵板燒吧枱，師傅會喺同一張枱集中煮其中一至兩款嘢!我地坐嘅嗰張枱師傅係集中煎魚同埋炒雜菜，我地就可以一路睇師傅整，一路食！之後仲會有啲表演睇，正👍🏻👍🏻原來餐廳已經準備好一盤刺身食俾我哋坐低就有得食，個拼盤有各款魚生，最驚喜既係有拖羅同牡丹蝦食，夠哂新鮮同鮮甜，拖羅雖有少少筋，但都冇損佢既魚香味😆而且仲要係任食😳，就梗係要再encore啦😌食完刺身，就開始食鐵板燒了😚，佢啲選擇多到不得了，為咗唔想漏咗啲好食而冇嗌，所以就每款都嗌少少試齊佢先🤤🤤強烈推介以下幾樣俾大家試試😋檸檬牛油煎魚扒係用帶有少少檸檬嘅牛油將魚煎到金黃色，個面香脆，內裏嘅肉仲好嫩滑！牛舌係厚切嘅，燒得既焦香又幾有咬口，我最鐘意啲爽口嘅牛舌！羊架火喉啱啱好，入口唔會太乾，食落皮脆肉嫰又有肉汁~~牛油燒扇貝，扇貝大隻得嚟都

平時食日式放題就食得多，今次同朋友試依間用鐵板燒做賣點嘅日式放題。依度環境同其他放題有d唔同，座位係圍住鐵板燒而坐，而每一個鐵板燒師傅主要負責某幾款燒物，即叫即製，可以一路睇住師傅煮，一路食，係味覺同視覺嘅享受。我地先點刺身，有好多款刺身選擇，我地就每樣都叫黎試下。刺身都幾新鮮，我特別喜歡個牡丹蝦同帶子，當然要encore啦。依度仲有我必食嘅左口魚壽司，又點可以錯過呢，入口充滿魚油香，的確不錯。燒物方面，雞翼係不可或缺架，師傅用心喺面前燒，見到都流口水。厚切牛舌燒到剛剛好，完全唔會韌，正！依度仲有蟹膏炒飯食呀！炒飯粒粒分明，再配上香濃嘅蟹膏，連好少放題食炒飯嘅我都食多兩啖。

Long weekend 行山後最好食大餐，一早訂左位，夠鐘就落黎等入座。餐廳裝飾都唔錯，我地係因為食過鉄人旨花所以慕名而來的。呢度星期六每位350食2個鐘，鉄人旨花都要成千蚊一位。所以預期兩邊環同食材都有不同。首先係刺身，各種各類都有，幾新鮮同衞生。試左蝦，帶子，螺，北寄貝都不錯。鵝肝多士，入口微溶。好正。魚柳，即點即燒。燒帶子，幾大粒。鰻魚 ，個汁好惹味。唔錯。燒野菜，要叫返d菜，中和下，雜菜都十分新鮮。蟹膏抄飯，蟹膏味重，都有成大半碗飯。。但係好似唔係我地嗌既。。壽司。叫左蟹柳同玉子，冇雪藏味同場見到廚房會表演燒肉，都幾大火架

刺身盤望落精緻，件吞拿魚擺入口咬成5分鐘都咬吳開條筋，頭盤送既牡丹蝦完全無甜味仲有啲腥，重點推介既鐵板牛油帶子，一堆雪藏帶子肉，係鐵板上面炒，再擺上個殼，入口一陣雪藏味，一口和牛又硬又鞋，炸蝦🍤尚算鬆脆，黑松露比目魚，勁腥，肉又散，靜係得裝修靚，個鐵板帶子表演下放火，待應發呆帶位都吳知我個位係邊，$328連加一，我真係加多$100去大x喜食都無甘失望，最少有海膽同鹽燒海蝦，唔係雪藏貨🤷🏻‍♀️