銀杏館 婆婆廚房

营业中

休息中

上次都已經有黎食架啦，今次又黎，證明我覺得婆婆廚房係值得我黎架啦。所以我要寫一寫我既感想~~野食唔多講啦，但想重點提下個沙律吧可以自己揀食咩食材，健康又自主。今次飲左杯薑茶，好薑哈哈，好暖胃。大家都多啲支持下社企，佢地可以生存到真係唔容易。有得食仲可以為社會出一分綿力，何樂而不為。

我唔係講緊男男女女之間超越友情嗰種feel，而係要講呢間我覺得好有feel既社企餐廳。黎到嗰時以為會因為位置問題冇乜人黎呢度食啦，點知原來都可以同下面啲食肆匹敵架啵。又唔係話多人到爆晒，但keep住都有人過黎食咁。去得呢度食緊係喺室外食啦，空氣清新啲又有啲涼風。每把大傘下面都有一張4人枱，仲有個枱燈仔，個環境裝飾好有feel。 除此之外，野食都好重要啦當然。大家要記得叫羊扒，冧到不得之了，包你歡喜（至少我好歡喜啦）。 啲野食係無添加無防腐劑blablabla，菜又有機既。 想食無味精飯餸又追求健康既，真心可以黎試下。係咁多，下次再講~

媽媽前天試了午餐，今晚再訂了晚巿，約了我（晞月藍）和太太來試。 我在它們的兩間分店試過，老實說您不能用中高級餐館來比較，所以我亦不會對此店作很高期望。餐館設在天台，在秋天時份晚餐特別適宜。幸好媽媽已訂了枱，因為8時許全館滿座，還有人在等候。我們叫了兩個二人套餐 （不是四人套餐），已包括半自助沙律、飲品和中湯、四道主菜、兩碟菜及糖水。沙律算多選擇，飲品亦有幾款，算是樣樣都有。 店員都是耆英，工作辛勤，值得嘉許，雖然出菜有點慢，但在這樣好的天氣，望著月光聊天，慢也是一享受也。四道菜味道尚可，不知為何備上時都不很熱，份量比想像中少。埋單$630，價錢在這區相對偏貴，擔心它能否和此商場其他食巿競爭。

因為係社企 所以支持下 食過幾次但次次都勁亂 每次都會出現落小左野 計錯數等問題 但因為係老人家 所以都無投訴過但今次太嬲了因為6-7個大人 仲有bb 所以一早book左枱 早左小小到 佢無枱 話下一張係我 點知執左枱 無啦啦行左個老人家 入黎 好似去飲2茶咁就見位就坐低 （出面勁多人等緊位） 我地同個職員反映 個職員話 你讓下人啦 跟住係出面既等左好耐既人勁嬲 但佢地都唔理 結果我book左枱 等左成個鐘都無位 嬲到走左 以後都唔食啦

下午茶時段黎食，無乜人(可能因為新開，又係天台花園，所以無乜人知掛)，任我揀坐咩位，哈哈。唔係好餓，所以輕輕地點左個cheese cake。我覺得呢度既賣點係個環境~好空曠。香港寸金尺土，真好少有大少少既地方可以比我地放鬆下。係商場既天台位置，遠離車路，空氣都比較清新。加上今日天氣涼涼地，坐係呢度Hea一流~~食完我仲係個度逛左逛，去埋附近既花圃，正下次黎就試下食正餐睇下好唔好食先

正值秋季，天氣開始涼啦~到大本型新開的婆婆廚房試下味道如何。未入去就被周圍的環境吸引。一陣陣涼風吹來，又有一群小孩在旁邊玩~感覺好溫馨啊。我覺得一向銀杏館的店內裝修都好美，每間都有自己的特色。今次這間不只是店內，店外也用心裝飾，放好一張張深棕色的桌椅和棗紅色的大傘子，額外有風味。所以，就決定在店外用餐。這裹有的是"家常菜"，是那種媽媽啊，婆婆啊會在家中煮的家常菜。而且又有自助吧，可以添飲品和自選沙津。很不錯啊，食物、環境、氣氛都很好，真不愧是銀杏館呢，新店也沒讓人失望~大家也來支持一上吧~~~

朋友約油塘午膳，才留意到大本型開了銀杏館，印象中是社企，於是便選擇一試！地㸃在大本型天台，即搭電梯上最高嗰層再上扶手電梯才到。店舖本身不大，環境也可以，出面再放六張抬左右，現在天氣已轉涼，但中午坐出面都有點熱。午膳套餐，一餸+自助沙律吧+湯粥白飯任裝，小炒款色選擇多，我們三人點了三款一齊食，三款味道也不錯，最美味是那碟鼓汁蒸魚(忘記了餸名)，可惜細碟左D，不過因沙律、白飯任裝都飽肚，最後找數每人$85，整體值得去試下！

家住油塘, 一直覺得大本型與其他廣場一樣, 又是一樣, 都是那幾種店, 加一個FOOD COURT, 今次終於叫有點新意, 找到一間社企餐廳, 之前記得餐是CAFE SHOP的天台花園間店, 見到大本型個網, 知道轉左間店. 想不到竟然是銀杏館!銀杏館, 簡單來說, 是請退休後找不到工的長者做工, 很有意思的, 前半年去過佢地太古店, 有民歌聽, 牛扒正, 不錯新店始終想試一下, 食得有意義也好, 開心一點!這間是見門口寫是無加味精的家常懷舊菜, 嗯...媽媽菜我吃不到了, 咁樣等下叫多碗湯試下.非常感謝帶我進來的婆婆, 一個人都可以俾我坐在這張枱, 非常漂亮, 十足十尖沙咀海傍感覺, , 雖然沒影到, 旁邊真的有海傍, 海景,  看到一點邊, 原來在旁邊有個公園, 一直來都冇咁仔細望.都好多人, 有一家大小健康如我, 當然是點了沙律吧~他們自家婆婆種菜, 婆婆醃菜, 婆婆浸醋, 婆婆服務, 勁多婆婆!當晚很多婆婆走過身邊向我微笑, ...婆婆廚房, 明白. 雖然回應無咁快, 不過, 都好有禮貌, 見太多出面服務員的表情, 我覺得她們笑的真的真心. 俾個LIKE!點了有機橙醋特飲, 消

3個人黎食晚飯，叫左一個二人套餐同烤羊排！套餐就包左沙律吧，一般正常大路嘢啦！飲品要加錢先有，但係選擇較少，只有水，咖啡，洛神花茶同香茅茶！食物水準就好家常菜，叫了咕嚕肉同醬油雞，青菜，味道就正正常常啦，咕嚕肉略嫌過左火侯，有點太硬！出菜速度較慢，而且份量偏少！最後等左好耐的烤羊排終於出場，餐牌寫係烤羊排，就以為係蒙古果款落孜然粉烤的，點知來到是洋蔥汁煮的，感覺有點貨不對版！都唔緊要啦，照食可也，但原塊好肥好難咬，而且太大件裡面煮唔熟，其實既然唔係烤，我都唔介意切細件D！總括黎講都可以一試，員工颱度親切誠懇，可能只係初期開鋪有多嘢未完善姐，希望餐廳繼續進步，支持長者社企！

環境氣氛唔錯，茶餐廳價錢，二百蚊有三個餸，有沙拉有糖水，小朋友有得出面玩，大人可安心傾下計，食物ok係份量小d, 最值得讚佢請左好多老人家，d老人家個個都好好笑容好親切，值得支持

在油塘大本型新開的銀杏館在試業中，當然要支持一下社企去試試，我們兩人叫了兩個午餐包任食自助沙律吧、白飯和飲品，沙律新鮮，飲品選擇不多，但洛神花茶很不錯，我們每位另加$10，有保健湯一碗（忘記拍照），沒有味精👍🏻，另外跟餐也可以用優惠的價錢，追加小食，我們就點了酸薑皮蛋$18👍🏻，兩款主食也很不錯，可以看以下照片😁，服務員也很親切，環境雖然不是很大，有室內和室外，地方清潔，我們選擇了室外，這樣的天氣下坐得很舒服。整體來說，非常值得支持。

我承應我是追住銀杏館走, 這次終於開到來油塘了, 在網上一看到, 這次, 非常近我, 當然要去支持一下.畢竟為的都是他們出名健康, 一於上星期才去完他們太古店聽歌食48小時慢煮豬肋排, 今次就來大本型食一餐中餐. 這次一到店就看到"回憶中的味道..."老實說, 婆婆廚房指的是...?(後來我知道了, 因為他們的餐牌有寫, 大約是店內的菜色及店內的員工跟婆婆傳承懷舊有關)門口有個"超正!!!"的打卡位, 我都忍不住自拍上左FB, 曝露我5短的身材~黑黑的的正好唔露面~!正!很久沒試過他們的中餐了, 一入店的, 看到他們的沙律吧~當然, 早知他們自己有有機農莊. 自然+$食~, 哈哈- 超FRESH!叫不了太多, 所以都叫一些小食及一個主菜, 超級飽!自家酸薑拼流心皮蛋老四川蒜泥白肉猴頭菇茶樹菇煲甘荀湯有機薄荷麻芥杏鮑菇又有自助沙律吧, 又有自助飲品吧, 又有自助糖水吧~~~哈哈哈飽到飛天!現場長者很喜歡走來問你, 好像想協助你, 當然, 我已經叫左食物啦, 等緊, 服務太好都會~哈哈~這次坐在外面的露天茶座位, 秋天感覺超正! 望到少少海景, 走之前影左一下海景位, 覺得應該在那可看到日